百份百餐廳 (愛東商場)

营业中

休息中

做嘢去開個頭，是先知道晏晝冇咩時間食嘢，所以雖然食咗早餐都再食多一份。個蛋幾好味，麵包嘅牛油味蒜蓉味超級重😅直到當日下晝我都仲感覺到蒜蓉味🙈魚柳幾大塊，炸得都幾脆，但係佢唔係我鍾意嘅嗰一種炸法（個人比較鐘意大快活/大家樂個種魚柳），依個有少少冰鮮嘅感覺。所以我最尾食唔晒😔

檸檬茶無檸檬。少甜變超甜。放刀叉個盆好污穢，每次都超甜。無酸味。有時重苦既。😑😑😑轉叫熱檸檬茶重癲。改左無真檸檬後。一係吾落糖，一落糖就無酸味🤨咩玩法。

又到百分百餐廳， 試過幾間分店， 突然好想吃鮮茄牛肉飯， 誰知入到餐廳裏沒有鮮茄牛肉飯😅， 退而求其次就點了迷你焗鮮茄豬扒飯$40、 香蔥豉油汁叉燒飯$50、 啡走、茶走。 迷你焗鮮茄豬扒飯味道一般， 一碟有兩大塊豬扒份量都唔算迷你， 但味道偏酸。 香蔥豉油汁叉燒飯的叉燒軟腍好味， 是半肥瘦叉燒。 飲品方面啡走和茶走就比較差，啡走係沒有落煉奶的😲，茶走有輕微煉奶。整體而言去過幾間百分百餐廳暫時覺得這間 選擇比較少， 味道亦屬於一般。😀百份百餐廳 (元州街)地址: 長沙灣元州街416-418號興華樓地舖

呢柸原味紅豆冰，正價$22， 外賣下午茶跟餐加$6蚊， 但睇下奶同紅豆嘅比例? 用teaspoon 食左3匙 紅豆之後已經唔係好 鬧到啲紅豆 ，紅豆太少了，唔抵。味道方面， 花奶都多嘅，不過因為紅豆太少，好似飲紅豆冰走豆咁。

平時都時不時幫襯這餐廳，D亞姐時常借左聾耳陳隻耳，愈叫愈走，有時堆埋一齊有講有笑，懶理你系度竭斯底理地叫，各人只為落個order叫個早餐，為忙碌一天出發前做到準備。唉！今天（8月2日），起床後，於10時一直致電這餐廳也未有人聽，到10時14分才有人接，但也要等2-3分鐘亞姐才跟我對話，只一直聽她與其他人對話，等了又等，終於到我，落單態度已不好，佢不斷重複又重複問，講了好幾次，她講的跟我落的不一樣，跟住又發脾氣及罵我，話要給另一同事再落單，將我的電話又hold住，我再等一會，終於決定放棄，若不是我仔喜歡吃它們的其中一早餐，我也不會攞氣來受，明知其服務其差，就算食物如何吸引，又補償不了！🤬🤬🤬🤬🤬🤬🤬🤬

雖然有很多間百分百餐廳的分店，但是這間分店的質素一般，我和太太叫了早餐，但麵不夠熱，而且飲品好像水一般，不像平時的一樣。所以應該不會再來這間分店吃早餐了！希望他的質素可以改善！

今日中午去百分百餐廳叫了碟$50嘅時菜豆腐魚柳飯，見到碟飯多汁就知對我胃口啦！魚柳食落都幾冧，而且都算多豆腐，食物質素及味道都正常。反而想講多少少防疫措施方面，除咗做足政府規定既量度體温，用酒精消毒客人既手，枱同枱間相距1.5米，4人一張枱...佢地再額外安排將餐具用膠袋包好，執枱後亦有用消毒藥水清潔枱面，閒到陣消毒藥水味真係好令人放心。繁忙時間都唔會搭枱，連免費嘅清水水杯都用滾水洗一次先裝水，真係讓客人食得安心，今時今日咁嘅情況，食物及環境衛生真係好重要。

筲箕灣分店的阿姐服務員，無論你舉手幾耐，佢哋都當睇唔到你。 落單時你未講完佢已經轉身想走咁嘅款，你要好似講急口令咁講要咩，落完單唔會覆一次order, 黑起塊面轉身就行開，無禮貌，態度欠奉。食物方面， 唔係勁油勁咸，就係勁油兼無味。趕客的服務員，趕客的食物

早上好，又是吃個豐富早餐的時間🍽來到百份百餐廳，餐廳座位甚多，看看餐牌，早餐選擇多多，總有一款啱心水。蒜香牛油多士有驚喜從侍應手中放在面前，那種陣陣蒜蓉的香氣令人精神為之一振🤤 早餐好像巳習慣要吃蛋，這份野菌鮮奶炒滑蛋，加上鮮奶，蛋味香滑，野菌健康兼有益👍輕量火腿絲通粉，湯底濃郁，通粉細粒，美中不足是通粉不夠腍。飲品也是離不開凍飲🥤叫了凍檸荼少甜，茶味適中，少甜份量剛剛好。

話說今日放假無所事事就想去屋企附近買個 Tea 食啦，行過見到呢間餐廳個餐廳個Tea 好似幾吸引，34 蚊有雞比薯條再加杯野飲 ，就立即落左單買翻屋企食啦。由我收到個餐到我翻到屋企都係8分鐘內既事黎既， 平時買麥當勞翻到屋企都仲係熱辣辣既，本身以為呢個茶餐翻到屋企食就算凍d 都係暖暖地熱熱地啊，但係成個餐係完全停留左係室溫既溫度，連暖暖地都無用叉吉下d 薯條， 條條薯條都好似石頭咁硬，味道都Normal 既，都未去到入唔到口既地步既。到成個餐既主角雞比啦， 炸得真係有小小濃，一口咬落去係脆既個口感， 炸雞比黎講隻雞比皮要脆好基本啦，但係我想講本身隻已經醃得鹹，加埋面d 調味粉真係令到隻雞比鹹到極點明明我都幾期待今日個茶餐，但係總括黎講好後悔比左34 蚊買左個咁fail 既茶餐。

這間餐廳可說是把懷舊冰室以現代的建築風格仿造而成，頂部天花板裝上古色古香的吊扇裝飾，故樓底高度較一般的為高。內部以白色磚牆為主調，牆壁上懸掛著懷舊飲品的畫作及以粉筆寫上一幅黑板上的餐牌。近商場走廊角落的牆壁更是以啡色的木條製成，上面印上了著名西式咖啡或奶茶的品牌名稱，把設計融入一間中西合壁的茶餐廳。其中一邊更裝上全幅玻璃窗，圖案更仿照舊時香港的唐樓窗框設計，坐在旁邊感覺回到居住幾十年前的舊建築內。其上方中間位置燈槽佈滿街道路牌，各列出部份推介的特色美食吸引食客。更高處擺放了兩輛單車及堆疊成三角柱狀的茶包鐵盒子。本人更推介肉絲兩面黃及炸雞腿薯條菜式，前者把麵條放進滾油中炸成一個粽子形狀，賣相吸引。炸過後麵條沒有斷開，仍能保持一絲絲整齊，油而不膩，一咬下去口感跟薯片更鬆脆; 後者的雞腿更是新鮮炸成，肉質分明及鮮嫩，薯條土豆味十足，加配一杯懷舊的香濃椰奶紅豆冰。兩者冰火混合一起，更能達到消暑作用。

經常都係叫果樣無果樣。Counter又唔識做，有人攞飛企曬響度，但係又會有人直接行入去攞位，亂咁黎。啲阿姐服務又差，會畀面色人睇，根本唔想做，見到舉曬手都扮睇唔到。反而啲男員工仲勤力啲有禮貌啲。同埋有時幾個人企曬響出菜位置唔知忙啲乜，個個背住啲客，根本無人接 order。其實唔係唔夠人手，而係根本無 training，無 manager監督住啲員工點做野，搞到啲客等到忟！剛剛尋日叫左 雜扒，皮蛋菜心，凍檸茶，我太太食完 嘔到七彩，我就無乜事，都唔知邊樣野污糟，總之少啲抵抗力都唔踮。

之前同朋友嚟過一次大約九點鐘到 我哋想叫牛扒但係冇牛扒 叫咗個鐵板海陸空 有豬扒雞扒同魚柳 其實都幾大分一個女仔未必食得曬 當然我哋都有食淨於是就外賣拎走咗 之後過咗幾個月我同同事再嚟呢度食 今次八點零鐘就到咗 諗住叫個牛扒試下 點知有冇牛扒 好啦咁我叫過第二樣 叫口水雞 又話冇口水雞 因為我同事已經叫咗個嘢食 所以到最後都係叫番個鐵板餐 但係我同同事嗰啲薯條都係凍 總之叫嗰樣冇嗰樣 一間餐廳唔係應該要有足夠嘅食材？ 如果嗰樣食物係冇嘅唔係應該要一早同客人講 或者有通知

自上投訴後(因為炸雞髀同1支牙籤長度,再見到都係冇分別)，都幫親過好幾次，但總括講都係冇改善服務差，經常行埋水吧位傾談多過做，整到D嘢食出廚後等佢送過嚟都凍晒。今次又一次要寫上Openrice話比多d人知d間餐廳幫襯前要再三考慮，我一家去食下午茶☕叫咗5多嘢，有2個餐要走沙津醬(有單)寫明都要落沙津醬。叫佢換番!佢哋整走d醬就算，吉列豬排仲差,整走咗再炸，件豬排炸到勁黑(有相)。真係…好唔掂，冇改善。

未裝修前嘅百分百，真係好唔掂，晚餐淨係鍾意飲佢哋嘅老火湯。裝修之後我最愛嘅老火湯都冇埋，要加15蚊換燉湯，呢個都唔係問題，但係出嚟嘅燉湯，暖暖哋，好似啲水加鹽咁。 跟住我就好少去食啦。尋日同阿媽去食下午茶， 因為一樓嗰間食到厭，又番嚟百份百試下。今次ok喎， 我哋點咗個炸吉列豬扒同埋公司三文治。 吉列豬扒熱辣辣脆卜卜好大塊， 公司三文治新鮮整， 以前啲公司三文治好恐怖㗎，麵包又凍又韌，出面啲麵包好似一早烘定好難食。佢下午茶有一個貴刁幾好食㗎，不過太晏去就冇曬lu。