百匯軒

营业中

休息中

Shopping shop到攰就黎到呢間酒店，服務可以，叫左個套餐，有龍蝦伊麵同炸雞。夠曬新鮮熱辣，上湯焗好好味😋炸雞見脆卜卜。2個人份量岩岩好，價錢幾平，同埋佢片皮鴨$78真係幾抵，可惜2個人食唔曬，唯有下次多啲人食再叫。

今日心血來潮想食海鮮🦞，叫咗屋企人喺屋村酒樓百匯軒度食，有時酒樓有海鮮孖寶套餐都幾抵食就一行四人去享用晚餐。BB乳鴿： 新鮮熱辣辣，皮脆肉嫩，不得了，骨🦴同骨之間保持肉汁，一扯開嚟食，肉汁係咁滴，調味非常之好唔會死咸。孖寶（HKD 248):薑蔥炒大肉蟹:老實講一斤嘅蟹唔多，但係肉質係實，唔係死蟹，食食一定食蔥，吸曬精華，而且蟹有經過走油，半煎炸狀態，不錯。金銀蛋浸莧菜:正常貨，無咩好挑剔，皮蛋湯有助降火。孖寶（HKD 258):酥炸美國🇺🇸桶蠔 🦪：肥嘟嘟桶蠔， 好肥美，炸粉吾厚，而且炸得好脆吾太油，蠔🦪味濃。蒜蓉粉絲蒸蟶子：毫不吝嗇的蒜蓉，每一隻都多到爆，但略嫌聖子真的過火，有點韌。鮮鳳梨脆皮咕嚕肉（HKD 78):雖然係罐頭菠蘿但十分香甜，咕嚕肉唔係炸肥膏，唔係揸流攤，咕嚕肉外脆內軟，仲要招牌份量多。總結：街坊酒樓來講食物質素唔錯多數黎會食海鮮🦞

前兩日（20/5/2021）行吓東涌，周圍搵食，大多食店都好多人，接近兩點，來到這酒樓，已有下午茶，見唔係好多人，就試吓。侍應不足，等咗一陣先有人嚟執枱，其他枱，未有食客，都無人執。下午茶餐牌選擇唔多，價錢亦唔平。點了美極雞柳干炒河，份量小，味道就OK，好味百好鮮蝦餃，蝦爽口鮮竹牛肉球，牛肉鬆軟蜜汁叉燒包，好食，夠多汁，肉都多桂林牛肉腸，麻麻地點心坐下一陣就來，上枱時全部熱辣辣，埋單$199，都合理。

星期日到東涌郊遊，最岩飲個早茶補充體力先～意想不到，適逢母親節但酒樓都冇點加價，仲有優惠tim! 有孖寶優惠！ 30.8自選兩項點心！相當抵食！ 「叉燒腸」$15叉燒好甜，同都好足料不過略嫌個腸粉皮有點過厚⋯「潮州粉果」$15皮夠薄，料又足！ 而且仲好juicy 😊呢個價錢好滿意呀！「流沙奶皇包」$19.8最喜出望外係流沙奶皇包！ 外表平平無奇！ 但估唔到一咬落去，真係流心的！ 仲要d奶皇係有起沙！ 口感一流！ 超推介！ 真係想一次過食哂三個🤣「金珠咸水角」$17.8三粒咸水角都炸成金黃色的！ 而且好香好脆！ 內裡既函同外面既皮都分量剛剛好！ 推介！ 👍🏻👍🏻👍🏻

今日我哋四個人想去飲茶，去到酒樓大概要等三張枱，趕得切喺十點十五分之前落order。我哋即刻叫咗鳳爪排骨飯，七彩炒米粉，蜜汁叉燒腸，上海菜肉包，五香鹹水角，蘿蔔絲煎魚餅 ， 四寶滑雞扎和山竹牛肉。個鳳爪排骨飯好滿，真材實料。碟叉燒腸又唔多肥肉，鹹水角炸得好香脆，魚餅好香口超好味。個包好juicy。炒米粉就差少少，炒得唔夠香，如果加啲芝麻仲更加好。 山竹牛肉有三粒，有蔥粒添肉味。雞扎好夠分量，芋頭好粉， 好好味，我最鍾意嘅腐竹皮夠淋入曬味。 整體嚟講呢一餐早餐超值

朋友突然造訪，殺個措手不及。梅窩乃鄉下地方，老友唔多啱「中國熊」，唯有驅車出東涌，諗住「六小館」會啱佢。點知去到門口先知佢哋仲未復業。「八月花」又啱啱去過無耐，於是行過屋邨嗰邊，試試比較街坊嘅「百匯軒」。匍坐下即見到有抵食嘅優惠套餐：每人半隻金蒜開邊波士頓龍蝦、半打果皮蒸大連鮑魚，再加個晚飯三寶：金牌燒鵝皇、古法碎蒸頭腩、彩雲生煎斑球。四個人食，有魚有肉有龍蝦、鮑魚，七百零蚊落樓，味道仲過得去，夫復何求？

服務差到爆，食物麻麻。叫了碟牛河好耐都唔嚟，其他點心都食完好耐追了幾次。有位服務員服務態度好差。試過一次夠了，咁既質素，同等價錢不如去東薈城仲多好野食，環境又舒服。

這家酒樓比起東薈城聯邦便宜，又較近富東商場，因此人流也見不少。椒鹽多春魚好像太油膩了，雖然多春魚都算大大條，看來不少，但是炸粉也挺多，因此每每都好像很大件。炸豆腐就更加誇張，因為炸粉亦是極多，因此看來好像另一碟多春魚一樣。但其實，它只是細細件百福豆腐，然後沾了很多與多春魚一樣的炸粉，因此看來就非常之大件，比較多油。所謂的炒雜菜，就像餸頭餸尾，剩下的青豆、西芹、翠玉瓜、冬菇，都放埋一碟，成為雜錦，沒有特別炒過的感覺，沒有特別味道。豆豉炒涼瓜亦都是非常之「海鮮」的一碟蔬菜，有時候分量堆積如山，有時候卻好像吃剩的一般。菜苗餃的味道也不錯，內裏餡料不少，感覺清新。又有次，吃了一個餐，有半隻玫瑰豉油雞，其實都已經很久沒有吃豉油雞，想不到，過了這麼久，才發現是有豉油雞更加好，因為平時白切雞，很多時冷冷的，還是保持室溫，就是為了保留那層啫喱，但是豉油雞偏向熱，因此雞肉嘅溫度就更加熱。半隻豉油雞，份量的確夠多，雞腿、雞翼、雞背、雞胸，全部都有。麻辣口水雞，往往調味料很多，可以見到雞肉的份量不算特別澎湃，但是面頭的芝麻以及花生，配料往往比較多，味道溫和，不算非常刺激的麻辣。胡椒豬肚的味道就一試一試，因為

巳經是第四次食間酒樓的蒸邊爐。但次次也沒有影相，只掛住努力蒸，計時，同食。但這兩款2~4 人($698)或4 ~6人($998)的套餐， 醬料每位15蚊，另外再加一服務費， 無論價錢，抵食度、海鮮新鮮度， 贏盡港九大肉蟹新鮮游水海蝦，上枱仍是生的。鮑魚鮮甜花甲~非常新鮮，入口仍有海水鹹味這款不是鮮蝦丸，應該是鲜蝦球，大過 乒乓波,而且非常彈牙，超正新鮮唐生菜美國桶蠔,蒸前蒸後也是同一size,蠔味超濃。花甲蒸後，隻隻開口粟米，排骨，淮山粥底再另外加新鲜豬肉燒賣，即叫自己親自蒸，估唔到又幾好食

菜色上台大大碟，賣相不錯。而味道也很好，不是以味精取勝，回家也沒有口喝的感覺。抵讚特價组合小菜，價錢也很實惠。而星期一至五，侍應會自動送上免費甜品，一人一碗香滑紅豆沙，窩心不過略甜。特惠孖寶:1)蝦醬通菜炒豚肉2)班腩炒雜菜特價小菜: 芽菜粉絲乾撈帶子$68

去完大澳回來東涌已經大約晚上七點多，因為假日非常多人，所以急著搵地方食飯就入了這間酒樓。點了八個餸，燒䳘無影相但好多肥羔，暖暖上碟，全部都不是好熱除了個炒通菜同蝦球。

樓面員工服務態度非常非常差，比錢幫襯仲要睇面色！一入到去已經等執枱等好耐都算，D員工幾個企埋吹水冇人做野。坐好比點心紙入單又當睇吾到，叫佢過嚟仲話員工要食飯吾夠人做嘢，等下得吾得。 吾知佢地遲出糧又得吾得呢？

這間酒樓去過幾次，中午時間也幾多人的，好快有枱，叫左一個套餐，一個龍躉腩蒸飯，三款點心，有叉燒腸，牛肉同燒賣，另外，叫了一籠叉燒包。叉燒腸好飽滿，好多叉燒的樣子，腸粉夠滑，入面叉燒也是好食，唔會好肥，幾好味！！牛肉，鯪魚球，燒賣也是，牛肉夠淋身，唔粉，有d葱粒同腐皮好味，燒賣唔太肥的，足料的。有蟹子係面，入面有蝦有豬肉，好味。鯪魚球唔腥，好食，也不會好實的！！另外叫了叉燒包，也是夠軟身的，入面叉燒也好味，甜甜地的，唔會好肥！！好大籠的龍躉腩蒸飯，好多件魚腩，有飯，葱，個籠唔算深，飯有d乾同散身，靠好多骨膠原，也是有啖啖肉的，唔腥的，幾滑，好味。

服務員的服務態度差差差，全場搭台，台布污糟，地毯污糟，叫服務員叫了半分鐘沒反應，每個都扮看不見，最後找到經理才成功下落了第一張點心單，點心質素也不怎樣的，不會再來了。

同朋友去完塘福玩出返黎大家一班人打算到富東食個lunch,咁又咁大班大好難搵位所以決定去飲茶。一坐低已經見到有好多碗筷係好污糟仲有飯粒，檯布又有......真係已經大打折扣。口水雞：唔知點解雞皮好白，唔入味，可能係醃得唔夠耐。燒賣：好少蝦肉..豬肉多...蝦餃：不過不失。黑椒豬肚：豬肚完全冇味，得個爽字，蒸完成碟油，黑椒味又唔夠。乾燒伊面：唔太油，但冇味....薑蔥牛栢葉：唔夠味都係，牛栢葉一樣冇味。叉燒包：好多汁但少肉鮑魚雞粒炒飯：鮑魚粒完全唔覺有，雞粒好雪味，味道又一般蝦角：炸得夠脆，算係咁多樣野最好。唔會再黎食了....