百味香串燒專門店 (已結業)

聽講已經係元朗開左好多年,陪伴唔少街坊長大,每逢經過總會見到幾個人等串燒,必食佢地嘅 ($14) 表頭淋上香濃嘅沙嗲汁🤤 拎上手已經飄來陣香,令人就算係啱啱食完野都忍唔住要整返串! 雞肉烤至微燶,入口充滿肉汁唔會燒至好乾,雖則一定唔會係好似yakitori咁用上啲咩三黃雞呀靚雞, 但以街邊串燒質素嚟講超哂班💯重點係在於其秘製沙嗲汁!非常惹味, 搞到人食完仲要啜埋手指先夠喉!(因為枝竹籤點都會high到啲汁🤣)然後啜完手指又心思思想食多串🥺除左雞肉串,另外亦係非常受歡迎👍🏻強烈推薦大家如果入嚟元朗經過一定要試返串👍🏻

百味香比較多人推介雞肉/ 豬頸肉串燒，決定叫一串看看岩吾岩口味，老闆娘即刻問辣定吾辣，原來已經預先燒定一大堆放爐上微微保溫。街邊食串燒一定期望即叫即燒，呢家比起買急凍自己叮熱根本無分別。*雞肉串燒 (辣) $14始終串燒放爐上保溫，表面的確熱，但內裹其實係凍，所以吾好期望會香口。肉質口感比較鞋、無肉汁，自家製沙嗲汁還好不係太稀，辣味偏甜，亦只有好淡的沙嗲味。論秘制沙嗲汁定串燒肉質，筲箕灣印尼沙爹屋真係香濃好味啦!

呢間係我細細個食到而家,都係咁好味, 特別係佢個秘製醬汁自家製醬汁: 有辣有唔辣多數係放學時間/假期, 都會排晒長龍我自己食開係 豬頸肉串燒,一叫就食2-3串, 豬頸肉夠爽,而且燒得好香,加埋佢地嘅醬,真係一流, 每次食完都好想繼續排隊再買多幾串食不過 佢地個 雞肉串燒 都係好多人叫既,嫩而多汁, 對我黎講只係無豬頸肉咁出色。另外,有魚蛋燒賣雞脾同其他炸既小食賣

位於元朗廣場及健康院中間的小食街，有一間小店經常都好多人排隊，個間就係百味香喇😏😏小店堅持認真燒好每一串串燒，並不會因為人多而求其燒/燒定一大堆，往往因爲燒唔切供不應求而出現人龍，密密邊燒邊補蜜糖鎖住肉汁，到你手上既串燒一定係熱辣辣帶微焦又juicy，而佢地自家製沙嗲汁係另一殺著，有辣有唔辣，食得辣一定要叫辣，個種獨特既惹味第二度食唔到😋😋另外呢度都有燒賣及其他炸物小食，如果唔係買串燒係唔洗排隊既，但我都係推介燒雞肉/豬肉/豬頸肉～食左呢間小店都超過廿年，由細食到大，由$5/串食到$13/串，依然都係咁美味，在香港能夠堅持自己風格、保持水準的小店，已經買少見少了。

以前讀中學嘅時候，放學嘅時候都好鐘意去元朗廣場隔離條小食街掃街。🤣呢間百味香串燒專門店喺涼茶舖隔離，一向幾出名，串燒果然係唔錯！豬頸肉肉質夠爽，而且燒得好香，加埋店家秘制嘅醬，食落甜甜辣辣咁😋每次食完一串都好想即刻再買多串！😂雞肉串燒($13)都係好多人叫的，食落都唔錯，但我覺得佢地豬頸肉做得更出色呢。但朋友叫過炸物類，就麻麻哋。.夜晚7點後嚟通常要排隊🤣之前收工五點幾嘅時候就唔洗點排😛

Whenever I'm in Yuen Long, boyfriend and I must go to 百味香串燒專門店.  It may look like your normal stall that sells grilled meat items for take away. But it literally is the best skewer I've ever had!The first time I came here six years ago, it was run by a couple of senior citizens. They grilled the meat slowly, snipping off the burnt parts with care. But this time we came, the elderly man could not be seen. Instead there was still the elderly lady but a much younger man was grilling away. They also

每次黎到元朗，我都一定會黎呢間食串燒。因為真係好好食，一直都保持到水準，一樣咁好味，要辣既佢隻沙嗲汁都唔太辣，但次次黎親都好多人排緊隊，今日都唔例外...我次次黎都會豬頸肉，每次黎見到佢有長蟹棒，就試左一串。豬頸肉好Juice，爽口彈牙，唔硬，好正雖然今日呢串燶左少少，整走左燶野都仲食得，因為真係好好食👍🏻👍🏻👍🏻長蟹棒黎黎去去都係咁樣既味，但加埋佢既沙嗲汁真係仲好食左，索曬沙嗲汁，都好正👍🏻👍🏻👍🏻黎元朗真係必食👍🏻👍🏻👍🏻👍🏻👍🏻

九龍人既我甚少入元朗但每次去得一定有目標因元朗實在太多好嘢食·好記得呢間係朋友介紹係中學時候已經開始食地理位置方便回程必經同埋一食即刻愛上左🤤·<雞肉串> $11雞肉醃得好入味肉質嫩滑又彈牙還有些少脆雞皮最愛呢款/大推🙌🏻·<豬肉串> $11牛肉夠䭃又唔韌配上沙爹汁一流👍🏻·<豬頸肉串> $11最愛豬頸肉不肥燒得香爽口彈牙😍·<總結>記得要加沙爹醬呀！絕 配 黎 架！😋另外提醒店舖無座位所以買完要企係度食感覺特別食得夠滋味😆

作為元朗人😂呢間一定要介紹！係我食過最正既雞肉串🤤·十次經過十次都係排緊長龍🙈咁岩今次好夠運～我係佢剛開檔無耐就經過到😎當然要嘆返兩串先啦·串燒雞肉💰HKD12/串🐥雖然$12真係唔平，不過食過都會覺得值得😋估計係用雞脾肉黎整，肉質好嫩滑，而且燒得好好、唔會乾爭爭，啖啖肉又juicy～加上有少少焦香～好正！·中意食辣一定要加佢個秘製醬汁，味道係甜辣果種，唔係刺激果啲激辣，所以好惹味！我次次食都要食兩串先覺得夠喉😆一串根本滿足唔到我！Well~食完兩串又唔想試其他串燒，所以我係無食過佢雞串以外既野🤣🤣有無人可以話我知佢其他野食有無咩推介下😹

每次坐輕鐵到元朗廣場，經過健康院隔離一定會聞到香噴噴燒烤味湧出來而每次都會忍不住口買兩串食下，而每日放學時間或假期呢度都會排長龍等買呢度除咗串燒都有其他小食，但今次要講下佢啲串燒先個人喜歡食豬頸肉同雞肉，今次都唔例外叫咗呢兩款其他仲有丸類同腸，仲有腎同牛等等呢串雞肉夠嫩滑又唔會嚡燒得剛剛好豬頸肉夠彈牙，醃得好入味難怪每次嚟親都要等，老闆不停燒，貨如輪轉食物一定新鮮，10元8塊有交易，咁嘅質素其實物超所值

講元朗串燒，成日都提又新街個兩間，我就覺得以前薪意係最好，而家薪意無做，剩番既喱間百味香就係皇者位於元朗廣場隔離條小食徑，民合徑街頭，時時行過都會見到好多人排隊，而大部份人都係買佢既雞或者豬頸肉串燒我本人就最鐘意佢既雞串燒，醃料同其他唔同，有少少甜味，配埋佢既醬真係一流每次食都要買兩串（影相只係影左一串）

同朋友嘅元朗之旅最後一站嚟咗呢度食串燒💁🏻‍♀佢話好耐之前已經有嚟呢到食，以前就平啲😛今次人龍都唔算多，等咗陣就有得食😙等緊嘅時候聞到好大陣燒烤味，即刻好想BBQ😆由於太飽關係所以只係嗌咗一串串燒，仲要兩個人分😂見到啲人最主要都係買雞肉、豬肉同埋豬頸肉串😎 另外仲有啲腸、炸物同丸類等等嘅小食😋#雞肉串 ($12)😋好味指數：(7/10)夜晚太黑，感激朋友幫我打燈🤣😎朋友唔食得辣，所以就嗌咗唔辣😭食落去外層微脆，好香嘅蜜糖味🍯雞肉一共有三舊，都幾大舊，一咬肉質都幾厚實，但又唔韌同乾😋Btw我下次要試下辣🌶😈.⭐溫馨小提示📌多人的話有機會要等一段時間呀🤔

《百味香串燒專門店》地址：元朗青山道260號地下（元朗廣場隔離小食街）🔹雞肉串燒 $12 我稱它為全香港最好味嘅雞串🤘🏻好耐無食 依然好好味❤️❤️❤️❤️❤️❤️每次食都要排20分鐘左右 但真係值回票排咁耐隊每次都要買兩串先夠🤭秘製醬汁無得輸 串燒好香💯💯 一定要辣！-byT：9.8/10 （instagram: 90sfoodieshare )#食在元朗#串燒hkig#相機食先#手機食先#hkfoodie#hkfoodblogger#먹방#食貨#吃貨#홍콩#discoverhongkong#一路食一路post#foodpic#igfood#instafood#foodblogger#hkfood#852#food#90s#ufood#hkgirls#eat#好西

忽然想食百味香串燒，搭搭下輕鐵落左車排隊買黎食😂百味香主要串燒有3款，包括雞，豬同豬頸肉，以前我最愛食雞串，但大過後反而鐘意食豬頸肉，我梗係買哂3款。就算不斷燒好多，都唔夠排隊既人買，所以要啲時間等。加左1蚊價，而家通通都要11蚊串。雞串肉豐厚汁多，而且都幾嫩滑，同區既雞串冇燒得咁靚咁好味，當然佢既沙嗲辣汁亦係賣點。豬串燒得over左少少，比平時食開乾身少少，好彩仲保留住豬肉香味，唔係就會失望而回。豬頸肉保持一貫水準爽滑彈牙，香甜程度尤如食緊蜜汁叉燒，仲有成5塊咁多添。

食完晚飯經過見到唔係好多人排隊即刻排埋一份平時起碼排5分鐘以上 今次因為落緊雨 而且老闆咁啱燒好一批 先可以3分鐘攞到不知不覺 已經加左價 依家要$11一串但係食開既朋友都係照買無誤影得有d暗 成日都想叫老闆燒耐d俾我 不過一直都唔敢要求 今次咁啱呢串豬肉燒焦既位置較多又脆又香因為晚餐已經食辣野所以串燒叫左唔辣 但係揀辣既醬汁會更惹味豬肉醃得入味甜甜地 燒到有d似叉燒尤其是燒焦既位置 正啊因為揀唔辣既汁 所以沙嗲味較淡P.S. 如果只係想買蒸燒賣 而非串燒係唔洗排隊架 直接同老闆講就得