百味香串燒專門店 (已結業)

忽然想食百味香串烧，搭搭下轻铁落左车排队买黎食😂百味香主要串烧有3款，包括鸡，猪同猪颈肉，以前我最爱食鸡串，但大过后反而钟意食猪颈肉，我梗系买哂3款。就算不断烧好多，都唔够排队既人买，所以要啲时间等。加左1蚊价，而家通通都要11蚊串。鸡串肉丰厚汁多，而且都几嫩滑，同区既鸡串冇烧得咁靓咁好味，当然佢既沙嗲辣汁亦系卖点。猪串烧得over左少少，比平时食开干身少少，好彩仲保留住猪肉香味，唔系就会失望而回。猪颈肉保持一贯水准爽滑弹牙，香甜程度尤如食紧蜜汁叉烧，仲有成5块咁多添。