百好素食 (已結業)

同朋友黎左呢到gathering!4個人安排坐係卡位, 環境gd, 又夠靜,坐幾耐都無人趕你走, 最岩係到傾計。個到星期1-6會有d特價小菜, 都幾多款。4個人叫左1) ,茄子靈芝菇煲 呢個好似魚香茄子煲咁, 但多左靈芝菇, 好味哦, 呢個送飯一流啊!2) 香芋焗四蔬, 呢個就似平時食既葡汁焗四蔬, 但就不用葡汁而用芋泥去焗, 岩岩焗起, 好香, 四蔬有西蘭花, 蕃薯, 枝竹卷, 磨菇,因為係芋泥關係, 比較"流"3) 蟹肉冬容羹, ok哦, 一煱可以分到5-6碗, 都係$5x最後仲叫多左個咩記得係咩開心果炒飯, 個飯淡左d, 但用茄子靈芝菇煲d 汁黎撈, 正啊~食完仲有綠豆沙送!埋單$288

我o地2人一坐落叫餸MENU只得一張咭~~~~餸名係過年名"XXXX"唔知係咩???後來員工介紹最後叫咗3樣o野, 炒飯ok, 西檸腐皮太甜太多汁浸到啲腐皮"淋"晒 , 什錦酸齋$60 少得可憐

媽媽話想清清地食齋, 就同埋兩個auntie 一行4人去左li到. 叫左 薑牙咕嚕肉-----個味都唔錯, 酸酸地,幾開胃 齋鹵味拼盆-----普普通通, 不過我地叫左個大拼盆, 份量都唔係好多 梅菜素牛肉飯-----味道都ok, 不過個飯好乾 蘿白糕----好鍾意佢有d 冬菇味, 椰汁馬豆糕---一般 整體黎講都唔錯, 服務, 環都不過不失啦.

同老人家食生日飯, 當然要精挑細選, 今回揀素食........預計晚上等齊人才食飯, 所以一早致電訂位及訂埋個齋鹵味, 訂位時有問駛唔駛要試素壽司, 反正未試過, 於是應承. 一行人九大人一個小朋友, 叫左個八人套餐, 再加兩款菜, 分別是荔苧炸物及喜雀藏珍寶, 兩款都是麻麻地, 炸物太乾身; 雀巢都還可以, 諗住d珍寶是素蝦及螺肉, 但全部欠奉, 只得腰果及素肉....有點驚喜便是素壽司, 扮相、味道和口感很似, 不妨一試. 其次套餐中最可喜的便是中式牛柳及銀花影月紅, 中式牛柳的牛柳真係似到你唔信;而銀花影月紅, 當中的臘腸賣相好特別, 味道很相似.魚肚鮑魚雞絲翅 - 料多過湯, 好豐富

一行十幾人去食夜晚首先餐牌並沒有印上食物大, 中 和例牌的價錢 老闆娘遊說我地叫中size 所以我們叫了中size 點知食物黎到碟碟都好大碟 並唔係中size碟碟都要打包 齋鹵味都要$48碟 味道一般西檸千層-$100碟 太甜 好似食緊西多士 $100食到幾多西多士...福建炒飯-$136碟 普通炒飯 唔明點解要$136碟其他食物都好普通 唔係咁好味 唔明點解咁貴價錢唔合理老闆娘遊說你叫中size 餐牌又唔例明係貴一倍 店門口前的雪櫃竟有甴曱係度行...唔建議大家去食

一行十五人在百好素食幫婆婆慶祝生日，值得一讚係咁多位員工都十分好工作態度，雖然係十分忙既晚市，但都十分好服務，絕不會出現上菜時因太忙而口黑臉黑或者木木獨獨，或者你叫人加水就扮睇你唔到快步走開。特別係老闆娘十分好口又識做生意，婆婆生日就額外送上一塊金牌仔祝壽頸鍊，雖然唔係咩值錢既東東，但因為伊份心意大家都覺得好開心，仲<乙水>得婆婆好高興！！食物方面，因為太大班人，小妹輩份細唔敢叫大家唔好起筷俾我影相，故相就沒有。但問過幾個舅父，都覺得味道不錯，不會太濃味或過份煎炸去補回素食在味道上可能不及葷食味道好味(請原諒我不太懂形容)特叫推介<祝生素鮑片海參生菜>(sorry，因為無睇過菜單，唔知正確名)素鮑片不會過林，個樣仲幾可亂真，表海參又夠味，不會味道只在外層，好好食！！不過有味用腐皮捲埋扮魚就真的有待改善，扮得唔似魚之餘，味道又唔甜又知點咁，希望老闆娘不要介意小妹直言，全晚唯一一道有食淨要收走既菜。裝修方面，真係好靚，不過可能因為是日十五(不太肯定)晚市，比較逼，平時應該幾清雅，又近地鐵站，十分方便！！十五人食8個菜加炒飯炒面各一，仲有壽包，大家也夠食，埋單

同以住一樣為了慶祝婆婆生日去了屋企附近的齋舖"百好素食",今年是食得最高興的一晚,因受到老闆娘熱切誠懇招待,最開心的還有一衆員工為婆婆高唱生日歌呢~我們叫了12人的套餐份量已超出我們的胃口而且更吃剩很多....當中令我最回味是酥炸蟹拑外觀口感像真度極高呀,我更吃了2隻呢~

今年大年初七,全家人拜完黃大仙就去食齋,間野ge裝修既清雅又舒服野食方面其實都keep住水準d野大碟抵食點心精美..素菜餃皮薄餡靚我想講下服務方面過年真係好繁忙,不過d員工都keep住幾親切笑笑口不過忙中必有錯,但我呢d食齋人都係保持著包容的心,我覺得呢d先係食齋最重要的一環

作為一個真正既食客，我相信任何一個人也必有彈有讚。中肯的批評，能使食店有進步空間。確實的讚賞，証明店舖持有相當水準。人們都有一個通病就是..就算別人做得好，做足100分，大家都覺得是應該和理所當然，但只要做錯半分，只會落得被投訢或惡意批評的下場。看見百好被彈得如此不堪，我心想，真的那麼差嗎..?相信也不是吧!百好素食能在黃大仙屹立了8個年頭，總有自有它吸引食客的優點。我今次本著客觀態度，為大家介紹幾道餸菜，希望大家下次光臨時懂得點合心水菜色，使大家都吃得開心，吃得盡興。 1.欖角密汁叉燒----仿真度極高，有口感，而且野味。2.紫菜香芒卷----香脆可口，用紫菜包著芋頭，中間更有香芒做芯，吃起來比芋頭 魚沒那麼濟，同樣用五柳醬汁。3.泰或明爐魚----酸辣湯底極開胃，嗜辣的朋友不妨一試。4.法海莆團----極好餸飯的一道菜，而且份量足!初次介紹，為免大家一下子消化不來，所以隨意的介紹幾道菜色，希望大家合心意吧 。^^註***容我在此說幾句心底話，有時真的懇請大家體諒一下為你們服務的服務員，想想大家就是為了不想辛勞才選擇外出用膳，但要知道每道菜

難得去黃大仙拜拜一定要食下齋,遇正佢搞派對好熱鬧好好氣氛,其實d員工都幾好態度啊,同d客人玩得好開心!d野食唔差,好有創意,尤其係d壽司好多款,$4件抵食見多人order,我都點左,好食其他野食賣相相當唔錯只可惜無帶相機,味道幾好,至愛ge甜品正,清淡甜而不膩,試曬d糕好有水準,極度推薦芒果糕

在黃大仙廟攪到滿頭滿身香灰之後, 找不到碗仔翅, 去了間爛鬼齋舖(百好素食), 要搭枱唔會通知你, 問元蹄係咩竟答都係果d野啦, 吓! 發財元蹄$78遲遲未到, 回答是要燉喎, 吓!!! 竟當是真的元蹄, 搞笑!!! 碟餸來到看似東坡肉, 夾起似燒肉, 唔會加水, 亂放亂收茶壺, 服務極差, 同枱有pair男女果然應了赤口日, 鬧鬼齋舖收加2但竟然係咁嘅服務.全場最有服務就係那笑容滿面滿場飛的齋壽司推廣大使, 反而外賣的紅棗圓肉糕, 桂花鳳梨糕, 杞子圓肉糕, 椰汁芒果糕@$4及$15牡丹酥反而不太差. 以為真是老闆娘及大廚去了將軍澳分店所以搞到總店咁鬼差, 睇完openrice食評原來將軍澳已關門大吉, 呢間都應該不遠己!!

絕對係一間簡直不知所謂的素食店 !比你搵過一次笨，唔使旨意我再幫襯呀 !真係齋你鹵味丫整間公司比人既感覺都齋口唔齋心，大家真係要小心比呢間野搵笨呀。1)齋老味~又細碟又很貴，而且味道賣相都只係一般貨色，都唔知佢地憑咩收咁貴。2)壽包~簡直不能入口，又硬又太甜，味道9唔搭8。食過呢2樣野，我已經無晒興趣試佢其他野喇，從未試過食過比百好更難食既素食。3)態度~~~~~~100分(負數)因為趕時間，埋單既時候我地自己走左出櫃台埋，但竟然遇到前所未有的不禮貌對待，仲以為係老板娘，細看一眼，頂丫，原來都只係文員收錢咋一間如此垃圾的素食台，我初頭都唔知佢靠咩生存，原來就係靠搵客笨，而且佢地擺明就係趕客走。作為一舍食客，幫襯一間食店，有時未必完全因為好食與否，但係服務態度就最緊要，我奉勸老闆唔該教一教員工啦 !我黎幫襯你，野食差都唔在講，仲要收我錢果時更差，唔想賺錢就出聲啦 !我實嗌d朋友唔好再幫襯你地

每年因為呢個fd都起碼有3次去齋店既機會~今次佢揀左呢間~佢話食物好~又座得舒服~又方便~好~對我黎講雖然遠d~當然會支持啦~金色既門面靚~有得外賣糕點同齋菜~揀左卡位座-$10茶芥..如座普通中間圓枱則$6/位,但卡位可以自成一角同埋冷氣冇咁凍..點解會茶錢唔同呢~..因為一開始茶錢仲係一樣既時候,人人都話要卡位~所以老闆就將卡位既茶錢提高d喇~由朋友點菜: 例湯(北菇雪耳煲椰子)-$38, 鐵板煎釀三寶-$58, 香樁吞拿魚煎蛋角-$55, 靈芝菇炒斑片-$605分鐘例湯就到~每人分到1碗半~幾抵飲…相信必定有加師傅~如果唔係~只係得北菇雪耳煲椰子點會咁夠味呢~飲落清甜唔過鹹…仲有一小碟湯料~(大量花生同超硬椰子, 兩隻冬菇, 一舊雪耳, 一件紅蘿蔔)飲到有雪耳既膠質~可能已煲溶d入去…香樁吞拿魚煎蛋角繼已送到~估唔到係會咁既色~應該係因為有香樁已導致黑黑的~一食就覺得幾好味喎…因為煎得好香~個邊仲有焦添~加左芥蘭片..更有口感同令顏色靚d.食到最尾就覺得過鹹添…..再黎既靈芝菇炒斑片一見到我就覺得太油喇~有幾條菜心伴碟, 除左靈芝菇同斑片, 仲有馬蹄片同紅蘿蔔片…斑片賣相似鯪魚片

其實百好開左都有好幾年, 不過D服務質素就真係越O黎越差. 可能老闆娘而家成日去將軍澳間新店, 攪到黃大仙D員工好似冇王管O甘. 如果黃大仙有第二間素食餐廳, 我諗好多客都會轉場唔再返轉頭. 講真呢度D服務生質素真係麻麻, 連自己餐廳有乜食品唔知都算, 完全九唔搭八. 有時明知你嗌佢, 佢都當睇你唔到完全唔理人. 大門口個收銀亞姐仲要睇佢心情, 心情唔好就黑口黑面. 我覺得唯一最好服務O既員工反而係送點心個帶眼鏡亞嬸. 雖然亞嬸年紀大, 不過就最好記性而且永遠唔會當D客透明, 次次麻煩佢拎野佢都會好快手又有禮貌兼且成日對住D客笑咪咪. 食物方面就真係冇乜大驚喜, 所有點心十年如一日, 開業到而家O既點心紙都冇變過. D食物亦都好睇個廚師當日心情, 時好時壞. 百好除左一個貴字之外, 各方面都確係麻麻.

同2老來食下午茶同佢講要卡位,坐低先知卡位茶錢10蚊價錢唔係問題,但個阿姐無講我地知叫鹵味併盤.我問佢有幾大碟,佢話你3個人就叫碟例牌佢一甘講就知佢想寫碟大既比我啦,即刻話要細得幾張檯,要等3個字先有鹵味併盤之後叫左羅漢X炒面,唔好食, 好多姑又無咩馬啼,雲耳個汁無味總之係我食過甘多素食餐廳最差之一最唔要得係唔老實