百悅軒

营业中

休息中

近排朋友說他屋企附近開咗一間粵菜菜館，今日來吃飯聚舊下。內裡裝修光猛坐位之間闊落。沙姜豬手🐽沙姜豬手是一道經典的粵式冷盤，以沙姜獨特的香氣和豬手的膠質口感為特色，整體風味層次豐富，咸香中帶著微辛和回甘。豬手燉煮至軟而不爛，外皮Q彈膠原蛋白豐富入口黏唇。醬汁咸鮮加入芫荽香蔥味道一流。炸子雞半隻🐔雞皮經過燙皮、風乾和高溫油炸，形成薄如玻璃紙的脆殼，咬下去有“咔嚓”聲非常之香脆，而雞肉嫩滑香甜不會柴口。瑤柱花膠海參翅🥣瑤柱味道鮮甜濃郁，帶有海洋的咸鮮味，類似濃縮的貝類精華。主要吸收湯汁的鮮味，但帶有獨特的膠質香氣。花膠口感軟糯黏滑膠質豐富，入口即化或略帶彈性。海參口感外皮Q彈內裡煙煙韌韌膠質厚實，類似燉軟的蹄筋但更細膩。最後再加上魚翅令這碗瑤柱花膠海參翅🥣更加豐富美味。炸乳鴿🐦肉質特點鮮嫩多汁幼嫩細膩，肉質比成年鴿更嫩滑纖維細膩。外皮香脆仍鎖住肉汁，乳鴿香氣更突出很美味。白飯魚煎蛋🍳白飯魚本身帶有淡淡的海鮮甜味，雞蛋煎至金黃邊緣微焦，帶來濃郁的蛋香和油香，蛋液包裹白飯魚，形成外酥內嫩的口感，是一款廣東粵菜招牌菜之一。咸菜胡椒豬肚煲🍲白胡椒是這道菜的靈魂，經過燉煮後釋放出辛辣暖胃的香氣，豬肚燉

今日去沙田探朋友食飯，跟佢介紹去左鄰近車公廟站的中菜餐廳食飯，環境簡潔寬敞，座位寬落，屬於街坊酒樓風格，餐廳主打家鄉風味，菜式多樣！招牌燒鵝 ➡️以皮脆肉鮮著稱，燒鵝外皮處理得非常脆，即使稍涼後仍保持脆感❤️西蘭花帶子 ➡️口感爽脆帶子鮮甜，份量足夠，帶子好大粒🫶🏻焦糖鮮菠蘿拔絲咕嚕肉➡️肉多骨少為特色，炸得外層酥脆，掛著晶瑩的拔絲，入口先脆後彈牙，帶有焦糖香甜味。菠蘿鮮甜多汁，酸甜味道平衡得宜，不會過於膩口❣️脆皮炸大腸➡️ 豬大腸炸得香脆可口，外皮脆薄，內裏帶少許脂肪，十分甘香。配搭酸甜的菠蘿，可以中和大腸的油膩感，味道平衡又開胃😍瑤柱蛋白炒飯➡️ 炒得非常鮮香、粒粒分明且油潤不膩🙌🏻

今日黎到呢間食中菜既鋪頭，鋪頭好乾淨舒適，所有餐具都有鋪頭名 - 百悅軒，好有誠意。入面仲有貴賓廳，可以下次帶埋親朋好友黎打返幾圈😆1. 炸子雞：店舖做緊28蚊半隻炸子雞，價錢勁吸引，即叫返半隻。味道十分好，脆皮雞油味香，脆卜卜！雞肉嫩滑，唔會好似出面乾爭爭咁，係教科書級既炸子雞。2. ⁠七味豆腐粒：外脆內軟，豆腐勁滑，配埋d調味料，小小咸小小辣，豆腐味好出，我本身麻麻地豆腐但覺得超級好食。3. ⁠椒鹽魷魚：魷魚好大條，勁脆口，又唔油膩，同埋唔會好似街邊個d 魷魚鬚咁炸到燶晒，好好味！48蚊真係抵食。4. ⁠豉油皇龍鬚炒麵：好有鑊氣，味道十足，好惹味，仲有d 魷魚鬚，好有咬口。5. ⁠滑蛋炒帶子：帶子巨級size，仲要有好多粒，帶子有鮮味，滑蛋配上韭黃好有咬口好香。最後仲有陳皮綠豆沙送，好足料。總結而言，係性價比超高，今晚所有食物味道到位，足料抵食，好岩同屋企一家人一齊黎食晚飯

每條屋邨總有一間酒樓喺左近🍴。作為沙田友，我不時會喺沙田四處搵嘢食😋。今日去咗爺爺嫲嫲住嗰條邨嘅酒樓食飯，估唔到咁好食😍！而且好多街坊幫襯，座無虛席🥳！椒鹽鮑魚 🦪
椒鹽香氣撲鼻，鮑魚鮮嫩彈牙，微辣帶甜，超美味！😍紅燒BB鴿 🐦
大大隻有肉地，鴿皮脆肉嫩，軟腍入味，家常溫暖！😋黑醋甘薯豚肉 🐖
豚肉juicy，黑醋酸甜開胃，甘薯軟綿，口感豐富！🍠椒鹽雞軟骨 🍗
炸得金黃香脆，軟骨爽口，椒鹽味香！🥢

亂打亂撞即管試下是否有驚喜，果然老人家一致讚好，仲話哪裡有咁樣的水準。雖然坐得比較冇咁舒服，裝修是同餸一樣懷舊風味，食物水準頂呱呱，仲有三少碟小吃包括椒鹽鮮魷、五味豆腐、炸大腸，真是又脆又好味，义燒又淋又美味，古嚕肉脆身，蛋白炒飯夠乾身，上湯蝦伊麵是十分正，蝦新鮮，面全部吃完，一條都冇剩，魚炒球2吃又蒸又炒，炸子雞皮脆嬾滑真是好好吃，红棗糕一般般，綠豆沙都十分出色，真心推介，值得一試。仲有其他懷舊菜未試，下次家人話再來試

藏身於屋邨商場的百悅軒，沒有豪華裝潢，還原老派酒樓的味道。驚喜是晚市連甜品綠豆沙也免費贈送。我們點了口水雞以麻香為主調，秘製醬汁混入花椒油、蒜蓉、花生碎，麻而不嗆喉，例牌有雞脾肉。椒鹽雞軟骨炸至金黃酥脆，雞軟骨上鋪滿炸蒜與辣，鑊氣直十唷！咬下時「咔嚓」聲加軟骨油脂香。雖然附上喼汁，但其實單吃已夠味，邪惡指數爆錶。冰梅一字骨的冰梅其實是將青梅去核，混入薄荷葉與冰糖熬成冰梅醬，裹上炸至微焦的一字骨，入口先酸後甜，尾韻帶梅子回甘。排骨外脆內嫩，肉汁與醬汁交融。最後還點了一個櫻花蝦椰菜炒粉絲煲，上桌時 砂鍋滋滋聲，櫻花蝦多到淹沒粉絲，搭配蝦乾、魷魚、椰菜絲。粉絲吸盡海鮮精華，加埋名稱沒有提及的魷魚實在畫龍點睛。每桌仲有古法綠豆沙，豆粒煲至起沙，加入陳皮與臭草熬製，清香下火。

女兒朋友提起自己屋企商場酒樓有雞煲翅做優惠，好味又抵食，今日就叫我陪佢過嚟試吓。百悅軒裝修簡約，地方乾淨企理又夠大，做街坊生意為主，所以價錢都係街坊價，提供懷舊小菜、明爐燒味等，食物質素都唔錯，深受大眾歡迎。鄰近屯馬綫，又有停車場，外來客入嚟食都好方便。招牌濃湯雞煲翅做推廣優惠，價錢平咗一大半，寫明足4兩翅，上枱見到都份量十足，用火熱住唔怕咁快凍左，金黃色的雞湯非常濃郁，味道鮮甜，內有半隻雞，肉質鮮嫩，上面有一大排翅，口感彈牙。西蘭花炒蝦球帶子：炒得夠鑊氣，西蘭花爽脆清甜，蝦球帶子鮮甜爽口。脆皮炸大腸：豬大腸炸得香脆可口，清新嘅菠蘿中和返豬大腸嘅油膩感, 兩者配合十分完美。椒鹽魷魚鬚外皮金黃酥脆，內裏嫩滑腍身，加埋椒鹽，十分惹味。酒樓向每位客人送上飯後甜品，非常貼心，綠豆沙煲得夠火候，甜度啱啱好。

同事住喺沙田秦石邨，佢話商場有間酒樓叫百悅軒，環境簡潔，地方夠大，座位濶落，主打鑊氣小炒和燒味，酒樓更有不同優惠，深受街坊食客歡迎，今日專程過嚟試吓！脆皮炸子雞做緊優惠，當然不會錯過，炸子雞雞味濃厚，口感皮夠脆，肉質嫩滑細緻、彈牙！豉汁蒸白鱔：白鱔切得比較薄，魚肉有質感，豉汁味非常香濃，十分惹味！脆皮炸大腸：炸大腸外皮炸得脆薄， 內裏有少許脂肪十分甘香，配上菠蘿酸酸甜甜可解腻。太極鴛鴦炒飯：飯底用蛋炒過，炒飯內的茄汁及白汁原是各有不同的口感和各具特色，茄汁配雞絲和洋蔥，味道酸甜好開胃，白汁配大蝦仁，爽口美味。飯後有甜品送，綠豆湯水味道清香，口感清爽。

跟朋友去車公廟拜神後，在附近的秦石商場發現有一間酒樓「百悅軒」，看到門面的菜單幾吸引又經濟，就決定入去開餐，平日也有不少街坊幫襯，差不多坐滿。除了一般菜式，連懷舊菜也有。內裡環境舒適寬敞，有電視播放。白灼海蝦 $128海蝦大隻，肉質實淨彈牙。脆皮炸子雞半隻 $28必點晚飯優惠，還有另一款焦糖鮮菠蘿拔絲咕嚕肉也是$28。半隻份量夠多，炸得金黃色好吸引，外皮脆卜卜，肉質入口嫩滑。翡翠炒龍躉球 $168龍躉球有好幾塊，每塊大塊又肉厚，啖啖肉夠彈牙。

呢間餐廳位於車公廟站對面嘅秦石邨，一出站就會見到餐廳就係對面，好方便！餐廳晚市時間主要叫餸食飯，而且有多款唔同嘅優惠，好抵食！焦糖鮮菠蘿拔絲咕嚕肉，晚市優惠價$28就可以食到，除左有咕嚕肉仲有炸子雞都仲優惠，二揀一之下我地揀左咕嚕肉！咕嚕肉唔會好肥好多骨，主要肉為主，醬汁酸酸甜甜夠哂開胃，而且仲有鮮菠蘿，鮮甜美味！啫啫鮑魚雞煲，雞嘅份量都好多，雞肉嫩滑，鮑魚共有4隻，鮮甜彈牙，醬汁非常惹味，送飯一流！金沙涼瓜條，我終於遇到一碟金沙涼瓜條可以食到咁多！咸蛋黃製成嘅金沙醬咸香味道剛剛好，涼瓜條爽口，拌入醬料咸香得黎又有涼瓜嘅回甘，加上炒得乾身，唔會好油，食完都唔會好漏！上湯蒜子浸寬菜，湯底清甜，寬菜鮮甜爽口，唔會好老，食落仲有蒜子嘅香味，唔錯！海參瑤柱花膠翅，花膠翅口感似羹，非常多料，基本上花膠、瑤柱、海參、翅都有齊，味道清甜冇味精！

大圍車公廟屋村茶樓搵食 竟然搵到超邪惡蜜汁叉燒😈🔥啱啱好燒到燶邊 仲要半肥瘦 肉嫩👍🏻😋包住大量蜜汁 超好食夜晚叫一份番屋企加餸都唔錯.佢地仲有好多懷舊小菜 價錢可以參考下面⭐️香煎墨魚餅$98⭐️蜆芥鯪魚球$88⭐️脆皮炸大腸$78⭐️客家煎釀豆腐$88⭐️懷舊蝦多士$48⭐️八寶鴨$468⭐️濃湯雞煲翅$168⭐️蜜汁叉燒（例）$128.‼️整體都好高分 你地又有冇試過呢？.#百悅軒 (沙田) @joyful_restaurant_taiwai 地址：沙田盛田街1號秦石商場地下17A號舖.

今晚同朋友去左沙田秦石邨覓食，意外發現呢間隱藏係屋邨既街坊酒樓，一入去就就聞到撲鼻的鑊氣，就好似返返去舊式大牌檔既黃金年代！金銀蒜粉絲蒸元貝一上枱就聞到濃郁蒜香撲鼻，元貝size驚人地厚身，蒸得剛好保持溏心質感，咬落鮮甜爆汁。最正係佢哋嘅「金銀蒜」炸蒜脆口帶焦香，生蒜辛辣提鮮！粉絲鋪底吸盡元貝精華，仲要唔會蒸到過腍，依然保持彈性，索晒啲海鮮汁同蒜油，每一啖都係罪惡又滿足嘅滋味。特別欣賞師傅蒸製時間掌握精準，元貝完全唔老，仲保留住海水嘅鮮味。連平時唔太好蒜味嘅朋友都忍唔住連粉絲清碟啫啫鮑魚雞煲鮑魚厚肉彈牙，咬落鮮甜冇腥味，仲要每粒都掛滿濃稠醬汁。雞件外皮焦脆帶蜜糖色，肉質嫩滑，醬油底混咗啲薑蔥同秘製醬，鹹甜中帶酒香！椒鹽鱔球外層炸得金黃酥脆，咬開卻是肥美鱔肉的嫩滑，椒鹽鹹香中帶微辣，佐酒一流。

炸子雞半隻雞皮脆到「咔嚓」聲，肉質嫩滑仲帶微微酒香，半隻份量堆到滿碟，兩個人食啱啱好，性價比直接封神！ 焦糖鮮菠蘿拔絲咕嚕肉視覺味覺雙重暴擊！咕嚕肉外層掛滿晶瑩拔絲，咬落先脆後彈牙，焦糖菠蘿爆汁超香甜，酸甜平衡唔會膩，拉絲打卡一流！ 金沙青衣斑柳鹹蛋黃控必嗌！青衣魚柳厚切啖啖肉，裹滿金沙炒到起沙，鹹香惹味到舔筷子，連炸蒜片都脆到上癮脆皮炸大腸驚豔之作！大腸炸到外皮酥脆如紙，內層軟糯帶煙韌，完全冇異味，蘸埋酸甜醬食簡直停唔到口！

老公昨晚帶我去了奏石邨的百悅軒酒家食晚飯，但是估唔到食物質素也好好，尤其是乳豬也是脆的，燒鵝也好好味，又燒也好食。燒肉的皮也好脆十分之正。還有廚房的出品炒小菜鮮鱿魚炒四季豆和燒雞也好好味連蝦片也是脆不似其它洒家是淋的。證明師傅對食品也很用心去制作。還有蒜蓉炒芥蘭也好味。還有值得大家去試下，原來這個酒家換咗廚房和燒味部師傅。樓面的服務態度也十分之好。如果帶家人或同朋友也是不錯食飯的好地方。😃👍👍🍹🍹

平時甚少去車公廟，今日因為放假同探朋友嚟到車公廟站，朋友介紹我去呢間屋村樓下嘅酒樓。燒賣:外皮薄韌，內餡鮮美。每一口都能感受到肉汁的滋味~酥皮叉燒包: 酥皮係類似菠蘿包嘅質地，入面有熱辣辣嘅叉燒餡料，不錯的薑蔥牛柏葉：牛柏葉質地鮮嫩，但份量實在太少，牛柏葉大約只有三小舊 其他全部都是蘿蔔。叉燒腸粉： 係我人生食過最厚皮嘅腸粉，極不推薦