百樂門宴會廳 (已結業)

平時都有去呢度飲開茶有次見到門口poster係星期六點心半價即刻搵個星期六同屋企人來試/星期六去到都唔使點等位基本上點心紙上嘅點心都有半價優惠樓底高嘅酒樓，空間感唔錯唔會太嘈，唔會太壓迫/—雪山叉燒包—每次都會必食外脆內軟，一試難忘/其他點心都係正常偏好食唔會太咸，上枱仲係熱辣辣👍🏻

難得嘅假期就同屋企人出咗去飲茶，好彩呢度嘅防疫措施都好似做得唔錯，感覺會安心啲因為佢嘅枱都瞓得幾開同埋側邊會有張細枱係擺消毒用品感覺會好啲嘅～☀️蝦餃蝦餃雖然得兩粒，但係又真係幾好味，佢嘅蝦餃好大舊入邊啲蝦肉好大份，味道都好Juicy，所以都真係幾好味。而且佢嘅蝦餃皮同平時見到嘅唔一樣佢有兩條有顏色嘅，雖然都唔係好食得出係咩味但係咁比起其他就會特別少少啦😂🌙蒸蘿蔔糕蒸蘿蔔糕係一個好普通嘅嘢，但係個人嚟講都好鍾意食蒸蘿蔔糕多個食煎嘅，而且都好鍾意佢嘅蘿蔔糕入邊係有一絲絲嘅蘿蔔咁樣會比較有咬口所以個人比較鍾意😜🌟咖喱牛腩根飯呢個味道都唔錯，但係呢個會有少少辣不過都係可以接受到嘅～因為咁樣先會比較滋味！啲牛腩嘅數量都正常，所以整體黎講都OK嘅～

因為疫情，搞到我哋原本夜晚食飯嘅計劃無奈要取消，後來經過朋友推薦，喺MegaBox 既百樂們有盆菜外賣，而且仲俾咗兩張宣傳單張我，雖然盆菜過往都食唔少，望完之後我發覺價錢都好吸引，而且款式種類亦都好多，最起碼解決咗我夜晚食飯嘅問題，而且佢個位置又近東九，所以就打電話去嘗試查詢，接聽電話嘅李生，亦都好有禮貌好詳盡向我推介解盆菜嘅款式，而且只要惠顧1200 ，只要我喺居住九龍東，仲可以免費送到屋企樓下，最後我訂咗一個1288，有兩隻龍蝦鮑魚花膠筒瑤柱等等嘅配料，而且仲有其他小菜提供，不過個盆菜都已經吸引，加上李生嘅服務態度，下次我一定會再繼續幫襯。

平靚正超級抵食，有鮑魚有龍蝦有蠔又有花膠乜都有，叫咗個12人份量龍蝦鮑魚盆菜，仲有兩隻龍蝦，仲有包埋送貨服務，送到屋企樓下落嚟攞就得，真係非常方便，$1288真心抵食，材料自己買都買唔到，啲料多到食極都食唔晒，第二日攞返出嚟食仲好食😋另外仲有其他海鮮小菜點心，嗰啲價錢真係抵到冇朋友，百零蚊有龍蝦伊麵，$138又可以食到薑蔥桶蠔，昨天行過街市一隻龍蝦$148，一罐美國桶蠔都要$130，呢啲價錢咁吸引真係飯都唔使煮😂😂👍

星期天到此分店下午茶, 要求樓面服務生提供醬油, 她表明可以自己去攞, 呢度個個都係咁, 如要她攞就等吓吧! 不過都係重複叫我自己行去攞。我想問到食肆消費是不可享受服務嗎? 跟住找經理了解, 當他到來時狀態好像一名睇場人員般(只穿便衣, 沒有穿制服) 問"咩事啊?"; 而不是"請問有咩幫到你呢?" 及後他的對白與服務生相同。點解現在酒樓的服務變得咁差呢? MegaBox好多酒樓假日都有折扣優惠, 這間返而假期要加費, 價錢絕對不便宜。

今日我同同事喺九龍灣megabox附近做嘢，趁有空閒時間，就同同事去咗megabox嘅百樂門飲茶。🍻🍺去到都好多人，因為中午食飯時間，不過都好好彩，我哋唔使等位，就好快有位喇。咁我哋簡單叫咗啲蝦餃，燒賣，牛肉，春捲，蜜汁叉燒包🤗🍜🍜🍲點心十分鐘左右就到，食物質素不過不失。同同事傾下計，好快就過咗兩個鐘，又要埋單繼續工作。💪💪💪✍️✍️✍️

今日weekday同朋友嚟咗呢度飲早茶，大約十點嚟到，咁大間酒樓都係得十零檯客🙈我地叫咗早晨孖寶叉燒腸配流沙奶皇包，拼盤蝦餃，紅棗糕，燒腩卷各一件同埋一個迷你鳳爪排骨飯～叉燒腸望落都幾剔透，皮唔算厚食落都算滑，係呢餐裡面算出色既野食了😅流沙奶皇包已經即刻食，但完全唔流沙囉！只係一個極普通兼冇蛋黃香嘅奶黃包👎👎 完全違反左商品說明條例😒🙄蝦餃嘅蝦肉都彈牙，蝦餃皮唔算厚，正常水準～紅棗糕賣相唔得，聞落ok，食落太多魚膠粉到口感偏硬，唔太掂👎燒腩卷都幾鬆軟，裡面既腩肉有層次，味道還好，夾埋一件薄薄既芋頭，懷舊既味道🆗鳳爪排骨飯既排骨太肥，無肉食，完全唔夠餸送飯，飯粒偏淋左啲，不過$9.8呢個價錢性價比還可以吧呢餐整體水準只屬於中下，另外要收茶芥，小食錢(花生/蕎頭無得唔要) 同加一，唔會再黎😐

星期日晚上原本打算與家人到九龍灣德福吃飯，怎料到德福停車場滿座，情急智生唯有轉戰MegaBox 。由於車多要使到15樓停車場才有泊車位，拍完車沿着電梯落經過14樓的百樂門宴會廳，被他的一張$88北京片皮鴨半隻的海報吸引了，旁邊另一張是不同海鮮菜式的餐單低至七折，看下去覺得價錢合理，選擇亦多，我們也到13樓的其他食肆看看比較之下還是選擇了百樂門。 當時時間大約係晚上7:30，飯店裏面都有不少食客，我們一行三人，侍應殷勤地安排了一張四人枱給我們。我們在後來馬上點菜，首先是片皮鴨半隻，然後是大扇貝六隻，荷葉蒸蟹絲苖飯，還有薑蔥一桶蠔。片皮鴨味道不錯，如果多幾塊就更加好😂😂。第二道菜是蒜蓉粉絲蒸扇貝，蒜蓉味香，粉絲同元貝味道也很好，非常合我心意。薑蔥一桶蠔，隻隻號都好大隻，而且入味，是一個非常好的選擇。荷葉蒸蟹絲苗飯，蒜蓉味濃郁，蟹尚算有鮮味，絲苗飯沾上了蒜蓉及豉油汁，美味可口，一吃就吃了兩碗。總括而言，星期日晚上七點多，四處也難以覓得車位，到MegaBox百樂門不用等位，價錢不貴，味道不錯，令人滿意，一定再來。

點心，粉麵，炒菜，第一次睇，有D眼花撩亂，仲有部份菜式有大細選擇，要D時間研究一下。上次食左細粉麵，碟頭一D都唔細，今次再黎，試新嘢食小菜。冰鎮菠蘿咕嚕肉，真係冰鎮過D肉果然係有少少脆身嫁，呢個好味。梅菜蒸菜心，D菜心蒸過左火，“林”左少少，比老人家食就差唔多。唔係好多酒樓有得食嘅菜式：類似錦鹵雲吞，都係以咕嚕汁，加炸左雲吞皮，好脆口啦，即係勁燥熱囉，呢個都可以推介一試嘅。3餸，200蚊落到樓，價格合理而味道不錯。部份仲幾抵食添，而且選擇夠多，仲有點心，夜晚可飲到夜茶，而且夠靜，因為人流真係唔多，安安靜靜食餐飯，不錯。

事發7月25日早上 9點半左右 早茶時段係megabox分店黑衫黑褲一名樓面經理/部長女士 態度極其惡劣對住我媽媽惡言相向 而其他同時間顧客亦表示這位女部長 長期態度惡劣⋯「係呢度每次飲茶都受氣」而這位女部長沒有態度緩和 反其之 大叫叫我地同老闆講「叫我老闆炒我囉」亦叫其他下屬「唔好執我地張枱」我地顧客係希望黎食野 唔係黎嗌交受氣沒有足夠員工處理日常顧客量應該請多啲員工而不是向顧客宣洩菜式質素是重要考慮 但員工質素也是重點唔會再次幫襯 亦唔會鼓勵其他人黎受氣幫襯

第一次幫襯, 1點幾入坐, 填好點心紙, 交俾服務員時問佢係唔係咁樣填, 服務員話"係", 同時收走張點心紙。好快炸魷魚鬚, 炸豆腐, 粥, 腸粉到咗, 然後一直等好耐, 一個蒸的點心都冇  !   成間酒樓好大, 但係只有三、四個服務員, 舉手冇人理, 惟有去收銀處問, 當時有位服務員喺旁邊經過, 幫我查電腦, 只有4款食物, 已經上咗枱, 並沒有點心 !!  個收銀員搵返張點心紙出來, 原來我哋圏咗的點心冇再喺左下角表格抄低 number, 所以根本冇落單(當時已經兩點幾!) 我哋未嚟過, 唔知規矩, 冇得食都抵死, 我當時拎住張點心紙, 同個收銀講:  "我哋圏咗呢幾樣點心",  收銀好悔氣咁答我:  我哋唔會睇 !  一句唔好意思都冇,  其實我哋已經唔夠時間再落單, 夠鐘返工了, 不過我覺得服務員應該跟一眼, 因為唔係個個客都識得填點心紙的規矩, 於是我要搵經理, 那一位帶位的套裝小姐話佢係經理, 於是我同佢講, 服務員應該提一提示俾客知 : 落單唔係圏住個點心, 係要抄 number 填表格, 套裝小姐答我  : 我哋係咁架, 你用圏, 我哋係唔睇架, 仍然係半句 sorr

假期出街好怕同人迫，所以今次選擇咗去MegaBox飲個早茶同埋去新開嗰間玩具反斗城買下玩具比姨甥仔。百樂門係MegaBox較大型嘅酒樓，所以入到去好有空間感，枱與枱之間有足夠空間，又有大電視睇，同埋吸引左我哋入去就係因為有早茶孖寶，價錢真係吸引喎，於是就去試吓。味道方面中規中矩，唔會話太突出，始終一分錢一分貨，我只可以講食物對得住個價錢。尤其只需要$9.8嘅皮蛋瘦肉粥，又真係幾棉嘅。因為優惠孖寶只需$24.8，所以我完全接受到蝦餃燒賣得兩隻，其實兩個人去，我寧願好似百樂門咁收費平啲，每碟分量少啲，我就可以食多啲唔同款式👍🏻

我不明白為什麼我女兒不到2歲就強收茶位，仲要再加花星錢。收費極之不合理。我兒童3歲再加四個成人茶錢連花生就近100元。工作人員極少。叫個飯盒15分鐘都沒人理。加水除左自己來到你走都不會幫你加一次。除左我旁邊有一家對嬰兒收茶錢表示極度不滿

經過 Mega Box 見到百樂門十月份茶巿點心做半價優惠，於是和同事入去試下係咪真係咁抵食柴魚花生粥，粥夠熱，味道不錯奶皇千層糕，味道正常鳳爪棉花雞，下面墊了花生燒賣，一籠得兩粒，好彩下單時見到，唔係唔夠分上面蒲了很多櫻花蝦咖喱魷魚，很少酒樓有得食，味道唔錯粉果皮唔會好厚，唔錯叉燒包都 ok蝦餃也是一籠得兩粒，皮厚薄適中，唔錯點了兩隻乳鴿，如果乳鴿開四邊會好d，方便食用咸水角整到似蘿蔔，很有心思食物質素其實唔錯，每樣點心都係新鮮剛出籠的點心，全部都係熱辣辣的，但服務方面真係差d，可能人手唔夠，坐低等茶最少等了十分鐘，檯上面吃完的點心疊得好高也沒人收拾，最過份係叫加水加了幾次也無人理會，我地要自己出去加水的，其他食客也一樣

在MegaBox  買完傢俱, 搵下野食, 嚟到「百樂門宴會廳」, 剛剛 8:05p.m. 見接待員推銷有夜茶飲, 有點心吃, 8:00p.m.後開始, 點心類都是半價,  由於在香港好少有宴會廳做夜茶, 所以便試下,  一坐下來, 發現除了夜茶點心外, 都有好多選擇, 見周圍好多人食龍蝦,  我卻想食片皮鴨, 可惜售罄, 又見有蒜蒸元貝4 隻只是hk$68,  咁平 ? 應該好細, 於是再叫個卡邦尼汁焗蝦球伊麵(細),  細的可能只得兩住麵, 於是再叫四個點心, 六樣野先, 結果蒜蒸元貝4 隻超大隻, 粉絲又多到好似成碟咁多,  而焗蝦球伊麵跟本是例牌size 啦 ! 仲有5 粒大蝦球, 好爽口, 卡邦尼汁又不會大濃密, 唔錯, 點心半價, 期望唔高, 魷魚是我老公 order, 參湯小籠包浸在有參片的湯中, 幾有參味, 清清地, 女士都喜歡, 而紅豆雙皮奶是凍上的, 淡淡地, 都ok, 最後一個柴魚花生粥沒來, 服務員話晚上沒粥供應, 好彩, 食不下了。環境方面,  真是好似去了飲宴一樣,  好大空間感, 仲要開了超大電視播張學友及李克勤演唱會,  而聲浪卻調低到剛好隱隱聽到的音量