百樂餐廳

营业中

休息中

LUNCH 同個同事食見呢度都幾平又包埋湯同野飲就入去喇 佢d set lunch 係有6款既 ( $30)2款中式咁1點10分去到想叫"文" xx薯仔飯 佢話已經賣晒咁叫第2款啦黑椒雞扒飯 佢話賣晒 轉豬扒得唔得…1點10分咋喎 咁快咁多野都賣晒 叫左個咖哩牛腩飯算個羅宋湯又幾好啊 好多料 即係多菜 係唔夠熱姐個飯d咖哩汁 當然唔會夠辣啦… 味道都過得去得2舊牛腩 , 2-3舊牛筋咁同事個炒烏冬 無味 都估到 因為一d都無色 仲係白雪雪飲品叫少冰係無少到既1點20分左右 仲聽到伙計話 中湯都無晒喇呢度真係好好生意喇……………不過以 $30 黎計都算抵架喇

週六下午逛到灣仔，隨意選了百樂餐廳喝下午茶。一份下午茶餐＋多二＋元，不算貴。品嚐了一份蛋牛治、一客炸雞翼薯條及一杯凍奶茶。蛋牛治算足料，不似那些大集團般不老實。不過就質素而言，用料一般，尤其是牛肉，只是下價貨式。至於炸雞翼薯條，評分普通。因雞中翼應是自家從雞全翼切下來，近雞鎚附近有部份尖銳的骨頭伸了出來，吃起來時有欠方便。最後是凍奶茶，茶味比奶味明顯強悍多了，以致有點苦澀味，加上冰粒頗多，濃郁質感欠奉，no good！

下午茶時段，本來想找一家茶餐廳消磨見客前的時間，就是因為路過耳仔軟，被企在門口的阿姐說這兒的東西很好吃而進去了。價錢的確是平既，以一個炒粉麵飯$22-23來說。我叫了福建炒飯+熱咖啡。熱咖啡好酸好怪，如果唔係下價即沖粉就是因為放了太久，雖然上檯仍然是熱的，但已經不能說是一杯咖啡，只喝了1/3就放棄了。福建炒飯是預算了的"茶餐廳配料版"。甚麼都有一點的炒飯，不過因為我喜歡福建炒飯個汁，所以決意要吃。奈何味道確實太差了。炒飯底本身已經炒得不好，像求其兩嘢就算。個茨汁也不像福建炒飯的味道，煮得不均勻。配料算是比較像樣一點。環境很嘈，而且成日開門關口。衛生情況也不太理想，比很多茶餐廳要低一點。灣仔附近實在有太多嘢食了，完全沒有要再幫襯的理由。

今日經開呢區就是但揀左呢間黎試, 咁岩果日係星期日跑馬日, 電視播緊賽馬直擊, 無論係食客或廚師或待應都係講起跑馬既, 我地叫左雞扒餐肉麵, 豬扒腸仔麵, 凍檸茶同凍檸水雞扒餐肉麵 - 呢到啲雞扒都好味, 但呢到既普通麵就煮得太淋啦, 唔係咁好食, 湯底偏咸豬扒腸仔麵 - 呢到啲豬扒好淋好味, 但呢到既普通麵就煮得太淋啦, 唔係咁好食, 湯底偏咸 凍檸茶, 凍檸水 - 味道同普通茶餐廳一樣, 冇特別另外一提, 呢間舖既特色, 果日咁岩賽馬日, 我一路食野一路發現, 每到一開場跑馬, 所有人包括店內員工都係一齊望住部電視, 其實店內既食客大部份都係熟客仔, 一到賽馬日就會黎呢到!

到了灣仔辦事, 自然的便會留在該區食飯. 是日時間較多, 看看pub lunch, 看看一些不用排隊的茶記. 再看看自己荷包, 近幾月開支大了, 60幾元一個lunch, 不是afford不起, 但沒有特別occasion, 都沒有意識去食返餐靚既. 一個人, 決定入去茶記, 其中一間門口有姐仔, 成隻招財貓咁, 看過是日ABC餐不錯. 就被招了入去.點了ABC餐中的梅菜肉餅飯. 而且非常之經濟, 30大元, 有湯有茶有飯, 係中西灣仔區, 絕對是少有.捨棄了中湯, 要了茶記式的羅宋湯. 湯味香濃, 料多茄味重. 雖有味精, 但也不失為一碗足料靚湯. 湯底甜甜地, 食飯前喝了半碗, 通常食完飯大多都會放棄碗湯, 但美味, 令我食完飯, 要飲埋佢先飲奶茶.梅菜肉餅飯, 帶有光澤的肉餅, 一看就知道呢間餐廳用油極多, 而且一條菜都沒有. 而飯就只是靠那少少豉油. 不過肉餅味道鮮, 鮮味除了肉味之外, 就是味精的味道. 好在夠腍, 入口好, 送飯好. 可是太油. 感覺上不健康. 經濟抵食既, 不過, 味道....只是一般.

Luckily I didnt dine in, from the moment I was looking at their daily menu, the boystrous woman kept persuading me to sit inside, I said my friends were coming, and she kept saying it didnt matter, and that she could give carriage seat.Anyway, my friends got here, so I ordered some lunches to takeout, Indonesian fried rice, and mexican beef with fried egg.The boystrous woman asked why I wouldnt dine it, I said it was a bit noisy, and it was already doing my head waiting for the lunches with her

今日朋友過黎灣仔搵我食lunch,因為佢係搭船過黎,所以都就番佢果邊食Lunch time menu都有好多個飯麵揀,價錢分別係$30, $32, 同$34Order左個福建炒飯餐,太耐冇食啦黎左之後,嘩!足料wor有鮮蝦,魷魚,魚腩粒,同菜粒等,個魚腩粒我覺得好好食!!之後黎左個湯,蘿蔔合掌瓜煲豬骨,好鮮甜 = )最後都係因為好大碟所以食唔晒,我諗呢個份量,share都得!