百匯軒

营业中

休息中

一家三口到達藍田德田邨德田商場酒樓「百滙軒」晚飯。搬離這區已久，亦偶爾亦會返回德田與啓田商場購物及晚飯，上一次至今已有半年多了，這酒樓亦曾光顧。到達酒樓入座約晚上七時許，目測內裡只有數枱食客，我們隨便選擇位置坐下。觀看餐牌，提供了一些晚飯套餐，特別介紹及特價小菜供客選擇。揀選後分別點選了1)特別推介之虎蚊瀨尿蝦三隻，2)套餐龍蝦伊麵拼燒鵝，及3)特價供點餐後之優惠推介之沙斑魚一條。隔了一段時間， 餸菜相繼送上，開始進食，便發覺各種餸菜居然是「極差」質數，深感噩然！！1)碟上三隻瀨屎蝦，只有中央隻顏色較正常，在旁兩隻顯現較深色，非平常所見顏色！2)燒鵝可算是較正常水平品質，並非特別質數。3)龍蝦伊麵，目測只是較平價之波士頓(螯蝦)龍蝦品種，送上時已見顏色較深色！極不美感！4)特價魚，是一般之質數，明顯並非新鮮活魚！食後總評：燒鵝與魚兩款，是平常一般，勉强可接受！但是，其他兩款食物，瀨尿蝦及龍蝦伊麵則是不能接受，結論就是「垃圾」級數食物！「瀨尿蝦」，正是先前上菜時所想一樣，只有中央一隻為正常水平，亦非新鮮質數，旁邊兩隻質數極差，肉質深色近啡色，口感爛軟無味，只是未變壞之死去瀨尿蝦！「龍蝦」

今日送完小朋友返學，就同婆婆去咗德田商場3樓百匯軒飲茶，早市比較好，唔需要點等位就可以入早市會有孖寶套餐，如果嘢食啱食，呢個套餐都幾抵，係會平啲我哋今日叫咗兩個飯，佢哋啲蒸飯都幾高質素，飯粒粒分明，好食我去到邊度飲茶，點會少得灌湯餃，呢間嘅灌湯餃份量都OK，但係個皮有啲厚，味道調校就幾好，平時食多數都會偏鹹，呢間就唔會！仲想推介吓佢哋嘅燕麥糕，幾乎每次去我哋都會叫，又唔會太甜又好食，小朋友最愛。酒樓環境唔錯，而且職員非常Nice

17/12同奶奶一家12人食冬至飯,喺佢屋企樓下酒樓食 ,食到一肚氣😡我們預約了7：00pm亦準時到，叫咗$3999套餐(侍應推銷套餐)，當晚上完第一，二度菜就上甜品🙄， 仲想強迫性叫我哋照食甜品， 我問佢做乜咁快上甜品我哋都未上哂菜？？？點知個主任話我哋係有咩上咩唔需要順次序去上菜嘅😳what 😨！我堅持不上甜品住😩 之後上多4個餸,再一次上甜品壽包(又是不跟套餐又冇講聲就改了，套餐甜品是千層糕😫壽包是甜品嗎？)，算了吧！ 跟住上咗碟炒飯 ，其實套餐係糯米飯😡 再一次強迫性畀咗個炒飯， 我哋當然唔接受啦 ！因為系冇諮詢過我哋就要我哋接受, 更何況食一餐飯食咗兩個鐘超耐都未上完未食完😩已經食到冇引，仲有嗰炒飯超求其加隻蛋炒十分流料😪 個經理猛叫我哋去接受個炒飯，我頂😠我已火都嚟不想食了，叫經理扣錢不食了！當然他萬般不想下減了個糯米飯$168，其實酒樓真的太差我才企硬，食個套餐上菜超慢，一小時上2個餸，仲未食完就上甜品，更差冇糯米飯又不出聲，真的是一肚氣，又食唔飽，激死！除了我哋隔離2台客一樣，一台食完第一道餸就上甜品😂，另一台仲堅😎一度菜都未食就上甜品🤣喺咪玩嘢呀！當我哋處理完張單後行

地址－藍田碧雲道223號德田邨德田廣場3樓305號舖 ——百匯軒環境／設施－街坊酒樓，但係質素偏高特色－晚飯地方比較闊落，因為街坊酒樓關係，唔需要特別等位人均價格－200評分－8/10今年外婆88歲生日大壽，走咗老人家唔方便所以選擇喺樓下酒樓食飯，我哋每一次家庭聚會都係呢間百匯軒，每次都唔會令我哋失望，佢哋嘅款式都比較多，尤其是扁皮鴨特別好食價錢大概60至$70左右，不過佢啲小菜都屬於偏貴，喺街坊酒樓來講佢一個小菜平均80至100左右，不過佢哋煮海鮮真係一流，我哋嗌咗隻清蒸長腳蟹，非常入味非常鮮甜，啲蟹汁不斷咁流出來，同埋佢哋嗰啲餐前小食都係一流，例如爆汁鳳爪，燒腩仔，口水雞！

本身食過幾次頌安百匯軒，味道唔錯，今日約左朋友係鑽石山，又想食中菜，就去左藍田既百匯軒。天真的我，以為好近藍田站，但原來距離地鐵站好遠，又落住大雨，問左好多路人，先行到個商場。朋友想食冬瓜盅，叫左一個，$128大大份，都幾多料，飲完無口渴，應該唔重味精跟住叫左個蒸魚套餐，一條斑仔加石榴骨，條魚蒸得啱啱好，嫩滑有魚味，蒸魚豉油整得唔錯，好快3個人就食完一條魚。石榴骨炸得比較多粉漿，只有酸酸甜甜味，條骨唔入味，肥肉多，得7條。食完3樣餸都唔多夠喉，就叫左隻松葉蟹，可以去出面既魚缸揀，2斤半，$560，蟹肉鮮甜，蟹膏都算多，食落甘香，好食！最後埋單大約$1000，每人$300多，食得超飽超滿足最唔開心係發現原來藍田站一出，有間百匯酒家，原來同百匯軒同一集團，餐牌都一樣，早知唔駛行得咁辛苦啦