影片
以上资料只供参考，请与餐厅确认详情
本来打算颓食街坊茶餐厅，无对食物有咩期待，所以食前无影相亦唔打算对哩间餐厅评头品足，但佢咁嘅待客方式我觉得值得一提。一行三人，叫足三个小菜，加钱叫埋饮品，我觉得唔可以话豪客但一定唔可以话系所谓「乞儿客」。利申啲煲仔小菜热辣辣，除咗较油腻同个龙趸煲大部分都系骨（未知是否知个别事件）就无咩投诉。个问题系出喺食完之后。一摆低筷，侍应以极短时间收碗碟，收埋张垫枱纸，当时我杯嘢都未饮完。佢收嘢嘅「同时」向在靠门位置嘅侍应大声询问「出面有无人等紧？」因为真系无人等紧所以出面个侍应就答佢无。当时间餐厅的确系full哂，但系咪需要咁样喺个客面前讲呢？同埋以人均超过$85嘅消费嚟讲，就算个客食哂之后俾多10分钟佢饮埋啲嘢/饮多杯水都唔过份啦。仲未完㗎。一嚟出面无人，一嚟条气唔顺，我咪慢慢饮埋我杯加咗钱嘅涷饮啰。过咗一阵真系有人嚟了，侍应喺门口大叫「卡位就嚟有佢地就走」。我望一望前方𠮶一列卡位，我希望佢系暗指紧我啦，前面有啲未食完俾佢咁叫仲阴公猪。我当时坐嘅位系餐厅嘅中后段，听得咁清楚一定系我听力出色啦。我最后决定饮埋杯水就走啦，杯水好热我估应该唔系我错挂，我扔咗涷饮啲冰落热水度想加速件事，但俾个侍应收埋我杯冻饮残骸，咁冰都无了。我尊重水巴/东江水，咪慢慢饮埋杯热水。出面等紧位位街坊唔好意思了，要怪⋯就怪杯水啦不可抗力嚟。
继续阅读
上个礼拜去食个下午茶，觉得味道唔错价钱亦都合理，今日经过又入去食下午茶，叫咗迷你福建炒饭，冻柠茶，福建炒饭卖相唔错，有一只大虾，好过落一啲好细只嘅雪藏虾，佢有落青豆，但同其他茶餐厅嘅豆唔同，食落都几好味，我唔钟意食青豆嘅人都觉得可以接受，其他材料都几多，个炒饭底都算系合格，唔算特别好食，但系比其他好多茶餐厅都好少少，碟饭份量都够，有一般嘅午餐8成差唔多，都算好食，冻柠茶都够大杯，但系就冇乜柠檬味，不过不失普普通通，埋单49文，呢个价钱呢个质素系呢个区都算几好，服务普普通通，不过出餐好快我上次食同今次食都系落单唔够五分钟就有得食，环境都算舒服，卫生亦都几好，可能系新开嘅关系，应该会再有下次
继续阅读
楼下新开的百益冰室，晚黑放工经过几次，见餐厅夜晚食客几满坐，看看门口餐牌，原来晚上被祇有小菜套餐供应，还有清蒸新鲜鱼套餐。价钱也相宜，每个小菜跟一碗饭，一碗是日例汤，还有罗宋汤选择。所以决定叫家人一起去食晚饭试试他家的小菜。当晚叫了店家的厨师推介鼓汁蒸白鳝，牛肋条煲。豉汁蒸白鳝非常好味👍鳝非常新鲜，。牛肋条煲也很出色，最紧要系个煲仔送上台时超热辣辣个煲仔发出扎扎声，。👍见到餐厅都系街坊食客，个个都赞啲小菜好味。从此一个不煮饭的师奶又多了一个饭堂🫣🫣
继续阅读
第一次去帮衬这店，速度很快，但感觉令你食完好快啲闪人，味道很一般，没有令人宾自如归的感觉，比起同区来讲，咁嘅质素略为偏贵，奶茶少奶比较苦涩。 服务非常麻麻，店员黑口黑面，非常赶客，搞到想快啲嗱嗱声食完就要走。我是坐最后的卡位，有只乌蝇仔同我一齐抢嘢食。
继续阅读
今晚第一次去光顾。见餐牌只有小菜，于是问店员有没有其他碟头饭餐牌选择，他们回答说夜晚只有小菜供应，碟头饭只在午饭时段才有。食完离开之后发现原来店员所讲并非事实，炒粉面饭供应时段是11:00-21:30。
继续阅读
您可能会有兴趣的...