百記粥品

营业中

休息中

夜晚6點幾黎到，堂食都唔算多人，坐底左叫個阿姐寫野佢又叫我地出去counter落order,我地都覺得奇怪，但算啦，去counter同另一個阿姐落單，講到明已經係堂食，但佢又冇問我地坐邊張枱，之後發現張單每款野收多1蚊外賣盒錢，總共收多4蚊😵之後同左另一個阿姐講，個阿姐又唔知拎住我地張單去邊，又唔退返4蚊黎，以為佢之後會俾返，最後都係唔知去邊🥲見到陸陸續續都有人入黎堂食，但啲人叫親啲阿姐落單都叫人出去counter落，好多人都鬧佢地最後冇落就走左,係呢幾個字入面起碼有4枱人走左🙃樓面兩個阿姐不停話自己好忙唔得閒，就係咁叫人堂食外賣都出去搵counter個阿姐落單🥲仲要其中一個係咁鬧落單阿姐落得慢😑😑又樣樣都點個阿姐黎做😑佢自己就扮忙等左都成3-4個字，發現佢拎住兩袋外賣都知佢肯定冇幫我轉返堂食，再同鬧人阿姐講我地求先已經講左好多次係堂食，退返4蚊黎，佢呢一刻仲好意思叫我地再出去counter退❗️呢一刻即刻火到黎❗️叫佢出去counter退返黎啦❗️仲叫個客人出去退❗️❗️成間鋪安排亂到7彩❗️做唔切就唔好接堂食啦❗️坐我地隔離個小姐又係等到發火🔥等外賣見到啲人買隻糉都等左差不多半個鐘❗️再係咁間鋪真

第一次食個陣，將我嘅送俾左隔離枱，我等勁耐，佢又話送左。因為錢已經俾左，我無得直接取消走人。如果一次半次，我都會算。但係第二次，佢將我個堂食單寫做外賣單，收貴我1蚊之餘，份量仲少左一截。而且，我叫碎牛粥，d粥本身唔夠熱，d肉滾極都係生嘅。

百記粥品 大圍今日天氣好凍，起身好想食熱騰騰嘅粥，就諗起大圍間粥店，有時經過，但從未食過，估唔到整體來講食物質素都不錯，價錢也不貴☺️窩蛋鮮牛粥 $38粥底好軟綿綿同滑，很好吃，而牛肉煮得剛剛好仲係好嫩不會過熟，最後食埋隻窩蛋好滿足😊北菇仿鮑片滑雞粥 $42鮑片好食！同粥底好夾🤤而雞肉真係好嫩滑！不過係覺得雞肉比較多骨，如果小骨就比較好些🤫當然要，叫埋炸兩$18腸粉皮整得好薄，油炸鬼亦都好脆卜卜，整體嚟講叫食🫶🏻大圍大圍道1-35號金山樓地下10號舖

粥底好食 自從佢開左我都冇食大xx 佢個粥底好有懷舊嘅味道 最重要 佢個粥係冇咩味精 食粥都係想清腸胃健康啲 水準幾好 希望可以保持到 腸粉，感覺都唔差 見佢好多人幫襯油炸鬼 可能因為流量大好食啲掛

叫左粥做晚餐，碎牛粥粥身夠綿，碎牛都好夠，暖笠笠，夠飽肚。咸肉粽正常水準，雖然唔算多料，勝在價錢便宜。牛脷酥外邊脆內裡鬆軟，仲係熱既。炸兩都係正常水準，平價大份。

剝完智慧齒🦷，牙肉酸酸痛痛，冇乜胃口，又吃唔到D咩嘢🥲，所以粥就係最好的選擇啦！係呢個咁寒冷又潮濕落雨既天氣❄️☔️，食物當然要熱辣辣🔥，暖下嗰胃架嘛～好彩外賣拎到翻屋企都仲好熱🙈作為粥品店，皮蛋瘦肉粥係基本必備既菜式，通常都唔會伏既😌瘦肉肉質尚算瘦而不柴，份量都剛剛好，唔係肉碎㴝既；皮蛋亦冇任何異味。呢間店以$25一碗粥㴝講，價錢恰當，味道都正正常常，整體冇乜太大驚喜或失望🤣*外賣需另收$1

叫左幾次侍應比碗仔、水，幾次最後都無左件事，仲要次次去都話無曬水，所以廚房有水煮粥無水比人飲？咁無誠意 有無用啊，仲打開門做生意。 少少激氣不過啲粥同埋腸粉叫做還可以

我叫左生滾肉片粥加粟米同一條油炸鬼。油炸鬼係好食，新鮮炸，外脆內軟，值得一讚！但個肉片粟米粥就強差人意囉.......個粥底係OK，夠綿，但我就從未食過咁難食嘅肉片！第一口咬落塊肉片度，我諗緊我係咪食緊魚片.......出面其他粥品鋪都會用鬆肉粉，但哩間有點過份拿到淋晒，完全冇口感，比肥糕更滑更冇質感。淋到用匙羹輕輕篤一篤都可以𠝹開.....真係連所嘅肉片都比哩家好食！ 哩家都可以幫襯，但真係唔好叫肉片。