皇后飯店 (已結業)

公司每逢聖誕新年特別多飯食，今日同dept head 一行三人去左呢間食lunch，多謝我個好同事推介加book位。😍先來一個餐湯，呢個忌廉湯飲得出係用舊一代手法去煮，因為食得出有蜆肉、紅籮白粒同綠色粒粒，而且唔係杰撻撻一pat嘢。好好飲呀😋個餐包好鬆軟，唔係叮完再叮嘅隔夜麵包。好好味😋飲完個湯同食完個包感覺好暖粒粒。主菜黎啦！黑松露汁比目魚配薯菜舊魚好大舊，夠晒飽！魚皮煎到脆卜卜我好鐘意食魚，呢碟魚我評分好高。set lunch都只係$115，仲有餐飲老闆要求食甜品，我不嗜甜的，捨命陪君子。呢個雪糕泡芙都唔錯再來一個心太軟，呢個要讚佢外皮脆脆但仲係流心，又唔太甜，好味👍😋總結一下：set lunch百幾一個餐，又有甘嘅質素，係可以再來嘅！👍👍 當然甜品係另外叫啦！咪玩！

環境幾舒適，座位空間闊落，坐得好舒適。無奈被安排坐係較近門口的位置，樓底比較低（餐廳較入面樓底更高），身邊又比較多三五人既組合食客，嘈呀。到d人走咁d就好好多喇是日餐湯係周打蜆湯，味道偏鹹，配埋餐包食就剛剛好俄國串燒黑椒牛柳，睇圖片以為得一串串燒，原來有兩串，份量足夠，牛柳偏淋，岩哂我，但洋蔥就生左dd，薯條香脆，不用點茄汁都夠味，整體而言，十分正叫左凍奶茶，奶味較重，感覺都唔錯$125加一，西餐午餐黎講價錢合理，間唔中可以黎悠閒地食個晏

今日午餐時間因為有個好重要嘅會議所以搞到好耐先食到晏晝🥺🥺🥺🥺🥺估唔到下午茶時間灣仔都幾難搵嘢食事緣自己對餐廳有部份嘅特別要求🤫🤫🤫好餐廳已經排晒長龍😫😫😫由於冇食到下晝所以決定去一間唔使排隊嘅餐廳當然價錢就會貴少少入到去已經有好好嘅主動招呼所有侍應都非常有禮貌同主動嘅服務環境非常寧靜，同寬敞講返食物，今日食咗一個叫港式下午茶嘅套餐豬豚肉通粉加牛角包加雞肉腸加黑松露炒蛋通粉味道淡淡淡，但絕對唔係味精湯牛角包新鮮熱辣辣雞肉腸多汁黑松露炒蛋好滑總結：環境一流舒適，服務態度優質食物分量足夠，但味道一般

今日lunch 同同事食慶祝生日，黎到皇后飯店，間野以前係地鋪，依加搬左上一樓，唔係突登黎食都唔知，仲以為佢汁左😂環境比之前闊落左，雖然多人，但唔會太嘈先黎餐牌價錢大約$100 左右，午餐算偏費，但如果想食好d，係一個唔錯的選擇舊扒幾好食，煎得岩岩好，唔會太鞋太硬黑椒汁又好好食，有誠意，好濃值得留意係薯菜薯條係比較少，炸得太勁，比較失望但總括黎講，算高質，想食好少少的lunch ，佢係你的選擇❗️❗️

今日喺灣仔見完客搵個地方食lunch, 無意中路過就去試下啦！餐廳喺展覽館嘅2樓。大家都知灣仔區lunch hour堅多人，食完要即走，呢度就坐得舒服，可以慢慢歎，同朋友傾下計。講返野食先，我order左個lunch set ，包餐湯，餐飲同主菜。我揀左黑椒牛柳set，可以揀飯，意粉，薯菜。因為我唔鍾意黑椒汁，就問問侍應可唔可以轉其他汁，最後我轉左燒汁。牛柳好厚好大份好淋，唔錯唔錯，一個女仔係食唔哂。薯條之外，仲有配菜，粟米西蘭花🥦，餐廳好有heart!餐湯揀左忌廉湯，夠杰唔似出門d餐廳稀到爆，有heart!埋單，百幾蚊，平就稱唔上，但灣仔區又坐得舒服都算係咁。讚！

搵到間上樓西餐，有懷舊氣氛，又帶點優雅，仲播好悠閒的音樂。感覺好relax!午市上去都唔少人，環境唔錯，價錢又唔算貴，去開灣仔午餐可揀。$100左右有餐湯或沙律、主菜及飲品。麵包幾香,即整又夠熱！羅宋湯幾濃味，好多菜又酸酸地，幾開胃。叫左魚，都幾大塊，夠林，面上有汁。仲有菜同薯條！都幾脆幾香。朋友食牛舌飯，牛舌多同厚切。味道不錯。配飯超級飽！下次可以再試多些其他款。同埋一班人想坐得好就岩哂！！！！

在星期日，不用上班，不用遊行，終於可以睡到自然醒，在床上懶洋洋地躺躺，滑滑手機，訓個回籠覺，不知不覺就到了下午茶時間。放假的時間就係咁唔見洗，話咁快就過左半日。真係肚餓啦，搵埋同是灣仔街坊的老朋友一齊去食個下午茶餐。動漫基地呢個地方，總是無乜人入來咁，樓上好多地方都空的，要到做展覽先有多啲人氣。而去皇后餐廳就一係喺茂蘿街呢邊行條木樓梯，或者入去動漫天基地搭lift 上一樓。裡面環境好舒適，枱都放得好開，仲有柔和的燈光，保証大家都坐得舒服，能夠延續星期日懶洋洋的心情。本來想同朋友嗌個２人茶餐，但侍應話1-3號餐都無 ，因為整餅師傅退左休，但仲有芝士蛋糕茶餐($60)，包一杯凍或熱飲。咁我就食呢個啦！芝士蛋糕做得夠實淨，感覺很足料，味道很清新，好似有淡淡椰子味咁（唔知我有無食錯呀），唔算甜，岩哂我呢種中意食甜野但又怕太甜的人（呵呵好似好矛盾咁）。個餅底唔知用咩餅整，食到有粒粒砂糖喺裡面，有少少奇怪，但可以接受。總的來說，都是一件令人滿意的芝士蛋糕。此外，侍應服務都唔錯，飲完水都會添，落單上菜都有效率。最重要係，可以搵個地方坐好耐，傾好耐計，3-7PM仲有happy hour！不過今日有少少

星期一中午來到食午餐，兩個人沒有訂位，等左10分鐘有位。一路食，門口都繼續有人等位。午餐價錢介乎$108-120，有餐湯，餐包和湯飲。 白湯如茶記忌廉湯一樣比目魚扒配莧菜汁欣賞比目魚煎得香脆但莧菜汁唔夠好似食白飯咁伴菜西蘭花好生，好硬，食唔到！皇后雜扒估唔到同茶記雜扒相似跌眼鏡煎蛋，煙肉，雞牛豬扒拼薯菜好一般的雜扒總括來講，除左門面和裝修靚少少外，食物同茶記分別不大，但價錢絕非茶記價錢，應該無下次。

好失望，慕名而來，也想支持本土餐廳，價錢不是問題，但真要給品質好一點的食材吧。到灣仔區其他的西餐廳，300元的晚餐真的不致如此。對食物一直都沒什麼要求，對著盤子吃不完，吃不飽但真的沒胃口吃下去了。3舊水一位的晚餐，油膩，過度醃製、沒有鮮味，米飯是超級平價米煮的原來香港的茶餐廳跟快餐店也有可愛之處。除了裝修，情懷，窄舊的樓梯，沒有可取。旁邊還有speed dating進行中、哈哈，唯一的highlight。員工是可以的，基本算helpful。沒有下次

所謂人有悲觀離合，月有陰晴圓缺，有聚就有散，職場上也是如此。道理是明白，但知而行難，離別來到之時還是充滿著不捨之情。大家畢竟目標，身處環境不同，雖然相處了只有短短日子，卻有相見恨晚之感，但也只能到此為止了。就以這餐飯來為你送行吧~離愁別緒下，餐牌的菜單是甚麼其實不太重要，但還是要作出選擇，正如人生也是一樣，種種的選擇，有些是想作的，有些是不想作的，更有許多，是「根本無得揀」西冷牛扒配蒜茸汁 $115Sirloin Streak with Garlic Sauce牛扒不太大，但肉質還是不錯，幾軟滑可口，有牛味所謂人生得一知己死而無憾，也許是言重了，但也頗能表達那種無奈。在人際關係複雜的職場，能有坦誠相吐的投契、忘年之交，實在不容易。

呢間餐廳已經食過4、5次了。佢每個套餐定價都超過100蚊同要收加一，係午飯黎講算比較貴。•午市套餐有餐包跟牛油，餐湯可揀忌廉或羅宋（我要左羅宋湯，都幾足料好飲）同餐飲（點左凍檸茶，可自己加糖漿自由控制甜度）。•T字骨（$120）主角牛肉的確好巨型，大過我塊面，同幾厚，可惜太腍身冇左食牛肉應有既結實口感，冇咩牛味同香味，食落好廉價。加左黑椒汁，但食落冇咩黑椒既辣味。配既薯條都幾粗身，幾脆唔錯。•總括來講，只能說佢食物唔值呢個價...味道非常一般，可能叫做坐得都舒服掛。皇后飯店| 大件但不抵食

中午十二時到，之前book 左位，食客都幾多。我已經食過幾次，因為覺得性價比算高，餐廳環境舒適，可以選擇坐室內或近窗邊。中午set lunch 有幾款，我食牛扒配薯條，羅宋湯，凍檸茶。加一後太約$130。以午餐來說，對我們一般打工仔來講不算便宜，但久不久食下非常滿足。食物份量合適，牛扒同汁好味，薯條超好食，夠熱而且似自家製，配菜都整得禁好，認真夠誠意。麵包也夠熱，凍檸茶配糖漿也夠清香。侍應制服整齊，也很有禮貌很專業。環境坐得好舒服，適合約朋友聚會或者同同事慶祝食lunch 的好地方！👍🏻👍🏻👍🏻🥳🥳🥳

灣仔百年歷史建築物「綠屋」，前名為「動漫基地」於月前易名為「茂蘿街7號」，轉型為藝術展覽場地。這組戰前樓宇已列為二級歷史建築,於1910 年落成,5年前保育活化後,保留了露台、法式窗户、欄杆和木樓梯等混合中西風格的建築特色。10月初約了在灣仔區工作的朋友共晋午餐, 發現位於二樓皇后飯店,就選擇來這裏午膳。首間皇后飯店於1952年開業,是歷史悠久的老牌餐館,據説是本港第一間俄羅斯菜餐館。靠窗座位舒適開揚,從大窗看出去是中央庭園。 陳設了多件古董擺設, 包括 :唱機、收音機、收銀機、打字機、相機、及其他裝飾物,難得還保留了1962 年的音響公司的單據,最搶眼的當然是貓王的海報和黑膠碟唱片!加上播放著 "All I have to do is dream" 的音樂,充满五、六十年代的氣氛!吞拿魚蝦球焗海鮮意粉~ 午餐主菜 $103咖喱雞扒飯~ 午餐主菜 $103足料的羅宋湯、焗至金黄色又可以拉絲的芝士、啖啖肉的大蝦球、脆而不膩的雞扒配香濃咖喱汁、正宗港式絲襪奶茶。食物雖算不上特色或驚喜,水準卻穩定可靠,感覺是童叟無欺!深入再看,餐廳原來還有其他部份,偌大的空間,配合歐陸古典風格。在灣仔區鬧市

悠閒週日上午，無意間經過「荗蘿街7號」見其建築物外貎頗有特色，便入內逛逛，也無意間發現 呢間頗具特色的餐廳 「Queen’s cafe 」😊.湊巧地待應剛剛準備營業，時間這麼啱啱好，我們便順道坐得食過午餐，晤駛四處揾食 .... bonus 😆環境甚具歐洲餐廳感覺，柔和淡黃的燈光下，寬闊的木餐枱，座位疏疏落落，空間感十足，令人感到非常悠閒舒適 😌氣氛浪漫，情侶撐枱腳的好選擇 😍擺設也相當懷舊 😍我們點了 set lunch - 燒汁西冷，有餐飽伴羅宋湯 😊味道和賣相，也不錯 😋😋😋 價錢合理 👍我們坐近窗邊的二人枱，在溫暖陽光照耀下，觸碰到帶點清涼的麻石圓枱面，感覺特別；還有，望出窗外路人，沒有像平日般急忙路過，週日悠悠閒閒之輕鬆感覺，頓時覺得更濃 😌再加上，侍應們的整齊服飾，甚有扒房般格調，個個都面帶微笑去款待客人，令到我們食得開心，值得一讚 👍 .這麼不錯，我們當然會考慮下，再來試試 「浪漫晚餐」😄

灣仔茂蘿街保育了一列的戰前唐樓，我除了因為玩那個捉精靈的遊戲之外，我一直都未有踏入過。當日入一入他們的中庭花園，發現有好多香港的動漫明星在場助陣。當時，才細心看到，這一個地方，保育及活化了，成為一個叫《動漫基地》的地方，推廣香港的動漫文化，當然，也包括本土味的藝術啦。作為一個免費開放的小型展覽館，當中的配套可以說是比想像中更完善。因為沒想過，在小小的展館內會有一層用作做餐廳，當我以為樓下其中一舖《皇后飯店》是獨立的商店時，原來我推門而入，《皇后飯店》原來是位於展館內的。 《皇后飯店》，很久之前已經聽過此品牌，也在銅鑼灣食過。當年的感覺，就是一間做高檔次的豉油扒西餐廳。當年，工資不高，走去用百幾蚊食一個餐當然是貴。但今時今日，求其食個茶餐廳都6、70，攞多30、40幾蚊出黎食好一點，感覺已經不介意。開餐了，首先係西餐最重要的開場白，一人一個熱熱的麵包仔。在國外，或是更正宗的西餐廳，會食硬硬的歐式麵包，點醋食。而在香港，來一個軟綿綿的豬仔包，中間塞一舊牛油入去，更妙。 羅宋湯，是港式西餐廳既靈魂之一。一個好既羅宋湯會為午餐或晚餐帶來一個好的開始。 朋友點了牛扒，雖然是薄切，但肉質非常之好。