皇室冰廳

营业中

休息中

今日收工之後屋企人話唔煮飯，所以我自己就出咗去搵一間餐廳食飯！自己食飯本身都係好簡簡單單，於是就去咗呢一間係屋企附近嘅皇室冰廳✌🏻點知有好大嘅意外驚喜！我自己就叫咗一個我好鍾意食嘅菜式，就係菠蘿咕嚕肉啦🤩鍾意呢一個菜式係因為酸酸甜甜，非常開胃，而且除咗咕嚕肉之外，其他嘅配料亦都好好食！呢一度嘅咕嚕肉亦都做得好出色，炸得啱啱好，食到外皮脆卜卜，但係依然入面可以保持軟林林嘅肉質！豬肉嘅味道亦都好好👍🏻再加埋呢一個咕嚕肉嘅醬汁，真係好好味🤤整體來講，呢間餐廳雖然地方唔算好大，不過絕對食得出係有香港風味嘅特色，非常推介！

要去到自己最唔想面對嘅星期一啦，返工之前，比自己打足氣，提醒精神嘅，可以話係一份豐盛嘅早餐，於是今日就約咗同事去公司附近嘅呢一間皇室冰廳食個早餐先再返工😍呢一間皇室冰廳都有好多唔同嘅人推介，今日嚟到嘅時候都有好多人排隊！好彩等咗一陣就已經可以入座！我叫咗一份火腿蛋三文治！呢一個火腿蛋三文治真係好好食，入面係好香好滑嘅炒蛋，而且加埋啲塊火腿，夾住呢個麵包一齊食，超級香！熱辣辣嘅炒蛋加咗少少調味，再加埋麵包嘅香味！好滿足！另外都試咗少少朋友嘅雞扒公仔麵！呢個雞扒真係好大塊，好吸引！所以我都忍唔住試咗少少！雞扒煎得啱啱好，外皮好香口，而且呢個雞扒亦都好滑好多肉汁！

今日係新一年嘅新開始，一個好好嘅假期，就係要瞓到夠先至出街🤣今日就真係瞓到超級充足，然後落去嘅時候就已經係食下午茶時間啦😎✌🏻於是就落咗樓下附近食呢一間皇室冰廳，以前都有經過過呢一度，不過就真係第一次入去食嘢！感覺都真係充滿着香港懷舊風味！叫咗一份特厚朱古力醬巨型西多士！呢一個西多士真係非常之邪惡，一上枱嘅時候就已經望到有滿滿嘅朱古力醬！而且呢個朱古力醬真係好好食，係我好鍾意朱古力嘅甜味！另外呢一個巨型多士除咗有朱古力醬之外，入面亦都有滿滿嘅花生醬！令到入口嘅時候味道層次更加豐富，而且粒粒嘅花生醬令到口感更加好！加埋一杯凍咖啡，就係一份非常滿足好豐盛嘅下午茶餐啦！

食早餐真係每一日唔少得嘅環節之一，我自己平時就算夜晚食少啲都好，都一定會食早餐！講到食早餐，香港風味嘅茶餐廳就真係最好不過😊所以今次就嚟咗呢一間係長沙灣嘅皇室冰廳！試吓呢一度嘅招牌早餐先得😎一定要叫嘅就梗係呢一個真。蕃茄濃湯特餐，呢一個蕃茄濃湯真係好好食，顧名思義真係用真蕃茄去做！所以成個蕃茄湯底亦都非常濃郁，連埋啲通心粉一齊食，非常滿足嘅蕃茄湯味道！如果鍾意食蕃茄製品嘅，一定要試吓！另外既雞扒公仔麵亦都好好食，呢度嘅雞扒好香，煎得啱啱好！而且呢度嘅雞扒都好多汁好Juicy

平時成日周圍食唔同嘅菜式，其實自己最常食嘅就係茶餐廳！香港特色嘅茶餐廳其實好多，而且而家都真係越開越多啦，我自己有一間係好鍾意嘅，就係呢一間皇室冰廳❤️呢間餐廳喺長沙灣，地點都算非常方便！地鐵站行幾分鐘就到我自己就叫咗呢一個招牌咖喱雞扒焗飯！呢一個焗飯真係好好食，首先上面嘅咖喱汁真係好香，加埋少少芝士嘅味道，令到成個咖喱汁都非常香濃嘅味道！另外，呢度嘅雞扒亦都係好大塊，而且非常厚肉！食落去依然食到好嫩滑嘅雞肉！真係非常美味！而且呢一個焗飯都係用咗炒飯底去做，所以整體來講粒粒分明！炒得好香，然後再加埋焗飯，熱辣辣咁樣食，真係好味道😋

每一日都一定要食早餐嘅我，今次就試咗呢一間皇室冰廳嘅全日早餐！價錢來講就真係相當貼地，一份即叫即炸深海吉列魚柳早晨全餐，都只係$39 ，非常抵食！而且呢個早晨全餐亦都係好分量充足！我自己好鍾意食呢一個吉列魚柳，吉列嘅炸粉啱啱好，可以食到外脆內軟，入面仲要係好香熱辣辣嘅魚柳！非常滑嫩！另外就係早餐一定要食嘅薯餅，薯餅亦都係炸得金黃鬆脆，薯仔好香！而且炸得非常乾身，一啲油膩嘅感覺都冇另外仲有滑蛋，火腿，腸仔，多士！真係一個非常豐富嘅早晨全餐，基本上入面嘅配料全部都係我自己鍾意食嘅食物！所以整體來講都非常滿意😌可以成為一間食早餐嘅飯堂啦🤣🤣

今日唔想煮飯，所以就同男朋友一齊落咗附近食飯就諗住簡簡單單食就可以，於是就入咗去呢一間皇室冰廳，估唔到呢間皇室冰廳入面嘅中菜係咁出色，真係非常有驚喜！😍😍我哋叫咗兩個餸，一個係椒鹽豬扒，令一個係魚香茄子煲！基本上呢兩個餸亦都係非常好送飯嘅菜式🤣不得不提嘅就係呢一個椒鹽豬扒，呢個椒鹽豬扒非常香，好香嘅椒鹽味道，加咗少少微辣，非常香口！而且再加埋呢塊豬扒本身亦都煮得好林，所以食落口嘅時候口感好好！另外嗰個魚香茄子亦都好好食，份量好多！而且魚香茄子非常入味，醬汁亦都好香！整體來講，呢間皇室冰廳嘅性價比好高，無論價錢定係食物質素亦都係絕對有保證！

今日做嘢做到唔知時間，太忙嘅關係都唔算特別肚餓，所以就搵咗一間茶餐廳食下午茶！呢間皇室冰廳嘅價錢好吸引，而且款式好多，係一間非常正宗嘅港式茶餐廳！食下午茶最鍾意食嘅就梗係炸雞髀薯條啦🤣🤣雖然好邪惡，不過真係好正！呢度嘅炸雞髀真係好好味😋望到呢一隻大大隻嘅雞髀就已經好興奮，急不及待咁拎住黎食！而且呢一隻炸雞皮真係炸得啱啱好，一啲都唔會太油！而且重點嘅係金黃色嘅外皮，加埋入面真係有好多汁嘅雞髀！令到成隻雞髀都非常好味高質❤️❤️整體來講，呢一張皇室冰廳嘅下午茶真係幾正，而且價錢好貼地，非常值得推介俾大家！😎我自己下次都要再過嚟試吓呢度嘅焗飯先得，聽講都好出名！

Restaurant had good reviews on openrice, so I decided to try since I do not live in this area. However, food was disappointing as I ordered the lunch set at 3pm. I ordered the Japanese style pork chop cutlet but cutlet was dry and rice was flavourless. There was hardly any sauce to accompany the 3 small pieces of vegetable. No soup included, only a drink. Do not see the value in this meal and probably was a wasted trip to this restaurant. Service was average at best as they had a big takeaway or

招牌番茄湯烏冬+炒滑蛋吉列豬排全日餐$56+$3凍奶茶12:20到達，安排坐起差不多食完野嘅人全民，姐係搭檯，大家除曬口罩，有d危險😑😑評價：番茄烏冬不過不失，滑蛋唔滑，‼️吉列豬排一上檯就油浸住，濕曬，唔脆，顏色唔吸引，味道就🐷味咯，總結一d都唔吉列豬排，唔應該繼續做招牌菜啦，被相呃曬，見到有差評我都係去試左伏，估唔到真係咁伏但係中午時間都超多人外賣，唔知其他會唔會無咁伏，但係我真係重來未試過咁難食嘅吉列豬排，難食過大o樂，大o活

蛋太生，蛋水太多 (炒滑蛋唔可以太生或太熟)豬扒有陣縮味... (最生氣係明明叫外賣雞， 比左豬扒， 都無心機又行去換， 點知一食就怪味...) 蕃茄湯都幾好, 有鮮蕃蓉， 多士無特別奶茶都正常..............................

我很少去比差評論， 但今次真係覺得生氣炒滑蛋太生 (食過好多茶記， 真係咁多蛋水既， 都係第一次) 叫煎雞排就比左豬扒， 而豬扒真係有陣"縮"味怪味..............................

近年以蕃茄濃湯為賣點嘅小店愈開愈多，我都試過唔少，質素當然有優劣高下之分。皇室冰廳嘅蕃茄濃湯每日以新鮮蕃茄製作，我叫咗個全日餐，包括鮮味蕃茄粒粒餐肉通粉，黑松露炒蛋同多士。主角蕃茄湯通粉用咗坑紋通粉，呢度有分加；蕃茄切細粒，份量好多，相對午餐肉粒就比較少；至於個湯底感覺較清新，雖然加咗肉桂葉，有誠意，但係蕃茄味比想像中薄弱。反而個炒蛋同多士有驚喜，炒蛋嫩滑有蛋汁有蛋味，黑松露醬都算多，配炒蛋食，好正🤤；至於塊多士係我最鍾意嘅厚多士，烘得微脆，充滿牛油香，唔錯。

係附近做野開返個list睇下有咩良心店好食😋，見好耐無食過茶記就去食下，點知有少少伏味。入店後，店員多次提醒掃安心，我填完表後都仲有講。然後，午餐選擇唔多🤨，好多焗飯同咖哩🍛系列都係午餐時段唔提供，咁我唯有揀個常餐。真•蕃茄濃湯特餐 $56特餐包括左炸吉列豬扒🐷、牛乳炒滑蛋🍳同一碗蕃茄湯烏冬🍲。炸豬扒雖然唔算好厚，但足足有成個手掌咁大，可惜嘅係表面睇落去已經充滿咗油份，油光滿面咁，食落去都相當油膩💦。炒蛋就正常發揮，都夠嫩滑，不過都係油左啲。蕃茄烏冬就認真失望，個湯完全就係金X湯既羅宋湯🥫咁，好彩有好多蕃茄肉🍅搭救。不過個烏冬再一次震撼我，因為佢係上海粗麵個種質地既烏冬，唔係日式彈牙個種，配上去就不過不失咁。個湯底飲左幾啖，仲有啲口渴🤫。可能因為佢講到鎮店王牌👑，而且價錢都唔平，所以同預期中有出入。不過如果以咁嘅價錢喺同區黎講，我覺得水準有待改善💪🏻。

平時諗唔到晏晝食咩😆😆，一定會嚟食呢一間皇室冰室嘅蕃茄濃湯特餐🍅🍅，真係食極都唔厭😍😍😍記得第一次食到呢個濃湯嘅時候，真係俾佢驚艷到，因為佢真係用咗好多好多蕃茄去整呢個濃湯出嚟，對於我呢個蕃茄愛好者，簡直係👍🏼👍🏼👍🏼👍🏼👍🏼當然今日都係嗌咗一個真.蕃茄濃湯特餐，配呢個牛奶炒蛋加即炸吉列豬扒😋😋😋佢個炒蛋真係好香牛油同埋牛奶味🥛，同平時普通茶餐廳真係唔一樣，滑好多😍🥚🍳炸豬扒都係新鮮即炸嘅，雖然等咗10分鐘左右但係好值得，因為職責嘅嘢永遠係最好食嘅😆😆😆😆最後加錢嗌左一杯忌廉焦糖朱古力🍫🥛，朱古力好香好好飲，上面嘅cream一啲都唔會好膩，反而同朱古力味好夾，唔怕肥嘅朋友仔一定要嗌黎試吓😂😂😂😂😂