皇庭薈

营业中

休息中

公司阿sir好心叫大家一起圣诞假期前聚餐饮茶，竟然吃完一輪片皮鴨才發現蒸籠底部四五張麵皮均有發霉！隔壁桌同事發現燒賣內有蟑螂屍體！當時大家均已吃落肚這些食物！經理過來解釋居然說下面的麵皮很難發現霉菌！？上面的是新鮮整的沒問題。請問你們有沒有好好管理廚房的清潔啊？！提供解決方案也只是給免費糖水飲？！？？我的同事都不敢再喝了。

放假想食中菜同阿媽兩個人食龍躉兩味 二百幾 脆皮雞半隻冇記錯特價菜先係$58Total $300左右(仲叫咗一碗飯$12)有魚有雞有菜 份量都幾多個人覺得幾抵食 味道方面 👍🏼非常推介脆皮雞 外脆內軟 好好食😶龍躉兩味就味道不過不失炒龍躉九成熟 有幾舊咬唔到炆龍躉食咗一嚿 佢炸完再拎去煮咬落仲係脆口 不過都幾多骨 味道不過不失 所以還好下次試吓蒸最尾都食唔晒 打包總結覺得幾好 其實呢個份量都夠三個人食價錢性價比中上 keep住水準就值得推介🫡

同屋企人去皇后山慶生日，因為屋企人都係住九龍區多，去皇后山都算長途跋涉，朋友推薦下且我們大部份人都有$2乘車優惠，便去試吓菜，試過果然抵食，小菜味道不錯，海鮮夠新鮮，三個字形容”平靚正”👍

今晚家人突然即興想入粉嶺同舅父食飯，大家放工就各自向皇后山進發。到達酒樓時都已經8點幾，好在舅父等人已經點咗食物，人齊就即刻可以開餐。我地有9個大人加1個細路，都點咗唔少的菜式。大部分的菜式都係普普通通，唔會覺得難食，但又絕對無任何驚喜。其中填鴨，燒鵝，豆腐火腩，福建炒飯等係感覺較為滿意。另外，食物整體有少少偏咸。雖然酒樓位於皇后山公共屋村內，但價錢方面略為較高。因為舅父都算定期幫襯，所以職員的招呼都算OK。不過10點夠鐘收工，就有啲趕住趕住的感覺。

星期六加上公眾假期加埋唯一一間皇后山既酒樓Lunch去食 爆滿😲都算大間，枱與枱之間有少少迫中間大屏幕播跑馬仔🙇🏼‍♂️🙇🏼‍♂️唔算有咩服務馬來星洲炒貴叼$65，份量正常，料唔算多，味道一般揚州窩麵$90，有d貴，但好在唔太差，係個湯鹹左少少，粗麵幾好食👍🏻足料，呢個係推薦既👍🏻薑蔥牛柏葉$32.8，都多既，味道一般，有d鹹潮州珍珠粉果$26.8，皮厚，冇乜特別陳皮鮮竹牛肉球$29.8，唔算大粒，味道一般皇庭蝦餃皇$32.8，普通蝦餃，細粒，正常野，同蝦餃皇呢個名唔夾古法馬拉糕$29.8，清清地都幾好食總結：屋邨酒樓黎講算貴，而且味道普通

死鹹食物早期新開張，地方寬敞、環境清潔、服務周周，特色卡位，非常舒適。開業一周年後，食物質素每況愈下，清潔環境俾前差，匙羹有 上客人之食物手，服務還可以。以下食物，接近同一鹹道，洗腎級別：-1）薑蔥牛柏葉2）鮮蝦腐皮卷3）醬皇蒸鳳爪希望老闆 / 管理層，見到此貼，有所改善。目的係希望佢恢復水準。

野食一般，尼個價錢可以再好一點，星期六日沒下午茶，但重點其實都係服務態度非常差，紅接待員同藍恤衫態度真係超級差，做得服務性行業都應該知道咩叫客人同禮貌，真係唔會有下次囉！

這間皇后山邨獨市茶樓，星期六/日沒有下午茶，還要每項點心額外加$3，味道和服務差之餘，還很不老實！當日我們點了3個點心和1 碗燒鵝瀬粉，點心送到後發現燒鵝瀨變了燒鴨瀬，於是我們找女部長查問是否落錯單，她態度十分悪劣，看也沒看便説是我們寫錯點心號碼引致落錯單，之後查明我們沒有寫錯點心號碼後，又再説茶樓是沒有燒鴨賣，所以一定不會比錯燒鴨給客人，之後女部長又發現原來他們是有燒鴨賣的，但仍然堅稱這碗是燒鵝瀬粉！第一次見識到騙完人還理直氣壯，見招拆招又無賴的服務態度！

成條邨得佢一間酒樓，星期日飲早茶都幾full下，早上十點幾，等咗一陣就有位，地方好迫下，走廊條路只夠剛剛好一部送點心嘅推車或執枱啲車經過，落order係無點心紙，係要自己寫點心號碼在張點心咭上，再俾職員落order，開茶果個人又好似有啲晦氣咁，送點心嘅其中一個職員係掟個點心上枱，二話不說就走🤷🏼‍♀️，食物好快就上晒枱，但味道一般，個招牌黑金流沙包完全無流沙，整體來講感覺麻麻，好一般，唔會再來食.

皇后山邨新開酒樓, 星期日門庭若市, 人山人海.座位有啲密集, 二人卡位都好多,冷氣比較凍, 大家記得帶多件衫.服務方面, 侍應好似唔太夠, 落單舉手舉咗兩三分鐘先有人行埋黎.見佢燒味檔放响門口, expect佢對燒味有d信心,於是叫咗燒鵝例牌（＄128）雖然上檯賣相麻麻, 不過食落係有驚喜鵝味十足, 入口調味充足，可能去貨速度快，佢亦都夠新鮮。雖然望落好肥, 但食落係啱啱好,可能因為最近食過d好fail既燒鵝, 相比之下, 覺得呢隻好好食出爐燒肉($45)果然佢燒味類係唔錯, 叫咗個燒肉皮脆肉嫩, 雖不至於驚艷, 但以45蚊呢個價而言, 超班.點心方面都尚算真材實料,是日叫咗好多叉燒類食物脆皮叉燒包, 其實即係雪山叉燒包? 好食, 唔係太"空氣", 皮的確夠脆,春風得意腸, 又係味道比賣相好,香脆可口.馬拉糕同張相相距甚遠,由顏色以至味道都爭d, 可以不試. 其他點心都係唔錯，新鮮好味！總結皇后山現時食肆屈指可數, 唔需要特登入黎食佢,對居民黎講, 呢間冇伏, 價錢亦唔貴可以放心黎食