皇悅小廚

营业中

休息中

呢間所謂酒店自助餐，以為唔會差得去邊，但令人非常失望，有很多食物都是「碇」死狗，不是人吃的。價錢是標準酒店的，食物就連普通餐廳仔一百元樓下的自助餐也差一大節，但時時在「飲食男女」賣廣告，聰明的飲食朋友，千萬唔好上當，你會絕對後悔。

有個老友話呢間野有大閘蟹送, 我一生人就最LIKE 食蟹, 見到佢送就梗係炸炸林訂枱去食啦, 一去到, 見到小貓三四隻都心諗不妙, 但既然到左就焗住試下, 一埋位就即時行個ROUND先啦, 雖然有魚生,生蠔,龍蝦仔,SALAD, 但全都唔新鮮, 數量同款式都好少, 食完一碟就唔想再拎, 跟住行去熱盤區, 數埋都唔夠十款, 炸薯餅,牛仔骨,燒鱔(唔香兼唔新鮮), 海鮮火鍋區仲慘, 得魚片,細蝦仔幾款, 連肥牛都無, 總之食到一肚火, 想整蠱朋友O既就即管介紹佢地去啦, 佢地實會同你反面

唉...我好明白呢位客人既心情, 因我同佢有同一慘痛經歷!!一心有位朋友想食大閘蟹,又見到廣告呢間酒店既自助餐, 心諗又有coupon, 又有大閘蟹送, 諗住折左加埋一都係二百位到,dinner bufftet都差唔多啦. 點知..簡直覺得自己入左間黑店,想死! 去食冷盤同salad先,都己經冇乜野食...魚生,壽司...款小都算勒,最敝就係唔新鮮....超級市場都好佢百倍. 而大閘蟹,完住係加連威佬道$10貨色. 好勒..到我去諗住睇下d熱葷會唔會有意外驚喜啦..慘劇可憐!!我宜頭夾唔落手....已經小架啦,數埋得十盤到. 連意粉同飯都冇. 菜就淨係得一種..仲要好似未洗過咁...因我拎到有一條仲有蟲,簡直想死..我係酒店食緊野架...>_< 個d牛仔骨,都唔知好似放左幾耐,成盤用d唔知乜汁浸住..... 仲有個d減豬手,甚麼減火腿..呢個最驚...真係好似放左幾日咁,乾柴皮咁. ....唉..甜品...都唔想講勒...除左梳乎厘外其他無樣掂, 又係唔新鮮. 我地食完埋單走人全場都只係得姆幾枱客, 可想而知d野新鮮極有限. 呢間野真係要好好檢討一下.

今晚同幾位朋友到呢間酒店品賞大閘蟹自助餐, 心諗又有折頭, 又有大閘蟹送, 都諗住無咁大隻蛤"拿"隨街跳o架喇, 咁我地咪本主出沖心態去搏一搏囉, 每人用了二百元就食左d有如一般快餐店食物, 大閘蟹size 細唔在講(加連威佬道$10貨色), 又話有翅食, 原來係人造翅, 魚生唔新鮮,沙律細碟兼無特式, 燒牛肉燒到柴皮咁, 芝士焗帆立貝又係有雪藏味及未經煮熟, 甜品除左梳乎厘外其他無樣掂,唔新鮮之餘仲衰過自己整, 熱葷得個幾味, 見到都嚇死鬼,釀雞翼似擺左幾日咁, 東星班過熟兼有雪藏味, 豬手變味, 西蘭花求其係面頭滴幾下蠔油(孩烚烚), 蜜汁燒風鱔有酸味(代表未煮熟就比客人食), 總之賣相唔得連味道都極差, 就算下次做半价都唔會再去, 到我地食完埋單走人全場都只係得四枱客人, 可想而知d野一定唔會新鮮, 相比起附近酒店同等价錢o既自助餐, 呢間野真係要好好改進一下

完全同意食評snoopy 講法, 呢間野真係完全唔掂, 要係用二百蚊去食雪藏野不如去食韓式bbq好過, 起碼味道好好多

睇過呢到食評都話佢麻麻架勒,但諗住都去試一試,早知.... 都係信下人講野啦....簡直覺得蝕哂....真係完全唔掂. 我有七五折coupon都要二百蚊一個人. 但佢地既食物我覺得只係值百多元.基本上佢都唔可以叫得做自助餐,又小野食,又唔好食,又唔新鮮個下最慘! 係連熱盤都覺佢唔新鮮.我真係覺得用二百蚊出去食會食到好多好美味既野.係我有史以來食最差既一次buffet. 總之一句,唔駛去,用二百蚊去第二間食仲好,如果冇coupon咪仲蝕?!?!?

上星期六一家六人開開心心打算去試食,預早一日前致電訂位,當時一位男性服務員接聽,我詢問是否有大閘蟹及有什麼美食供應,當時那位服務員答有,我就向他訂位及留了手機作為聯絡作實.當晚6:30pm我準時到達,那兩位態度奇差的女接待經查了一輪,說我並沒有訂位,當時我很奇怪!事實上我確實訂了位,之後和她爭論後,那位"差"女人就很悔氣帶了我們去另一已訂座位置,其實當晚根本不滿座!!!...(早知之後那麼差就一走了之!!)如是者入座後應該每人有一份大閘蟹奉上(廣告及當時訂位的男服務員都指明有!!)竟然侍應說從沒有大閘蟹包括在自助餐內,當時我因為訂位已經滿肚子氣再加上又一次再受騙就更加火滾!!!好!!!算!!!入左賊船都後悔太遲,而且有一位老人家不是行動太便,想走都冇辦法,忍住照食!!!成個自助餐食物冇乜轉款,質素奇差好似快餐食物,魚生不新鮮,生毫更莫講..甜品隨左梭夫里之下,沒有什麼款式..仲有侍應服務簡直低能,竟然眼都沒看客人,就拎起空碟把汁液倒在我姐姐身上又懵而不知!!!!我只可以用不知所謂來形容這間酒店自助餐及員工服務,我一世都唔會再幫襯佢!!!!!!!!!!

可能因為平所以都幾多人食，咁價錢平d質素更係將貨就價，唔好諗住有貴野食，都叫做有魚生、有即制soufle。唔抱咁大期望去會好d，以百幾蚊o黎講都算係咁啦。