皇玥

营业中

休息中

皇玥推出的產品都有好多，有蝴蝶酥、脆曲奇、蜂巢蛋卷、脆條、唐果子、囍餅、茶禮盒等，今次買咗兩款試下✨伯爵茶蝴蝶酥皇玥出品的蝴蝶酥，是由米芝蓮餅藝大師黎永冠師傅不斷鑽研和創意改良，創製出多款不同口味的蝴蝶酥，特別推介這款伯爵茶蝴蝶酥，選用英國伯爵茶葉，茶香清新不澀口，牛油味香濃質感綿滑，食落特別酥香鬆脆✨黃金脆條將鹹蛋黃先焗熱再碾碎，融入一層層充滿牛油香味的酥皮中，酥皮表面鋪滿白芝麻，味道鹹香酥脆，食落口感豐富充滿層次感

話說之前有朋友送咗盒茶味曲奇比我食，我覺得唔錯，所以今次買咗一向喜歡的蛋捲和蝴蝶酥試吓如何😄蝴蝶酥：一盒有4隻味，每款味各兩包。《原味、伯爵茶、榛子和椰絲》開咗榛子味試，一打開就聞到好香，榛子好似係特別炒或焗過的香氣，另外蝴蝶酥皮中間幾鬆脆，只是外層有少少硬，甜度適中，一包有4小塊，一人份量剛好不會太膩。蛋捲：一盒有4包，全部同一隻味，揀咗我最愛的伯爵茶。果然無令我失望，聞到和食到香濃的茶味，其實肉眼都見到有頗多茶葉在蛋捲内，有唔代表可以發揮出材料的原身味道，但佢做到👍🏻 有驚喜它是我想要的口感，脆而不易散開晒，之前食過其他品牌的蛋捲都好脆口，但一係太厚，一係就太薄，皇玥就拿捏得剛好😋 甜度跟曲奇和蝴蝶酥一樣，剛剛好。一包有3少條，可以控制每次一個人食的份量😬*️⃣ 兩者個人比較喜歡蛋捲，買個時見到有榴槤味，下次要試😜