皇雀會

营业中

休息中

往時都係食小菜多，咁啱今日放假4點幾先做完正經野，去搵食醫下肚仔。行下行下嚟到皇雀會，諗番有段日子因為WFH又加上政府限令，真係少左好多出去搵野食。面懞懞咁走入去問下有冇野食…親切的收銀姐姐話有，隨左好親切咁帶我地坐枱，仲幫我地拎埋熱水焯下D餐具等我地食安心D。仲見我好緊張咁要消毒酒精搓手，好親切咁話我知洗手間位置，同埋消毒酒精放邊個位。佢仲拎支私人細細支嘅酒精，驚我唔方便要行太遠。果份心意，我諗酒店服務都未必有咁貼心。後來嚟埋食物，今次唔係小菜，只係蒸肉餅和焗海鮮飯，味度都無疑問拍得住小菜的高品質。食緊嘅時候，睇倒新聞話由於疫情措施收緊，麻雀會所都要停業一輪。忽然間，知道咁好嘅食店，咁好嘅員工面對住這個疫情的衝擊和挑戰，有點無助。希望香港精神，keep住努力加油！齊齊打勝仗！

這里除有桌球打外，麻雀房有電動和非電動2种選擇 ，而且空間頗大頗舒適，定時還會有人來添茶倒水這里的菜式選擇多，而且味道真的也不錯，推荐菜式有煎封倉魚、煎封黃花魚、家鄉啫啫雞，和咸魚蒸肉餅。這里真的很適合三五知己良明一起來聚聚互相切磋一下。

又到食飯時間，有時同事要外出工作，所以很難得可以約齊同事一齊食午餐，同事經常約朋友打雀局，介紹皇雀會，可以訂枱叫定小菜好方便，一去到就可以開餐又唔浪費時間等位真好，款式多，好味😋，包白飯、例湯及飲品，價錢平免加一，真係平靚正👍🏼

黎到雀會，第一當然係食糊，食飯係其次。我地叫左個4人小菜餐，有三十幾款小菜任你揀。跟餐仲有老火湯，冇乜味精，幾有住家feel。講到食物方面，確實麻麻，重味，好咸，好菜叫左個魚湯時菜，清清地。服務方面算唔錯，如果講雀館黎講，環境算係清潔，煙味都有，不過可以接受。

上週英超開鑼, 又遇颱風，四人想睇波又想玩，盲摸摸貢上去試下也。以為三教九流之地，但事實係服務好, 茶水足, 野食o岩o岩好，係電視只得一個台兼14 吋，孖房者霸唔到電視位便形同虛設。可能之前未試過此玩意，所以感覺良好。不過食炒粉麵要百四蚊落樓，看官自己諗下幫唔幫襯矣。