盈翠軒 (裝修中)

當天和朋友共四人來吃飯，但其中一人還未到，也沒有問我們可否上菜，居然已上龍蝦和鮑魚，幾經爭論才肯取回㕑房。而雜誌上所寫的任食點心，經理居然回答印刷錯誤，只是有點心車推出，而點心車一出，成群人蜂擁而上，根本無可能可取到，以後一定唔會再幫襯 ! 極差! 極差! 極差!

食左點心放提，服務態度差，食材烹調求其，漏單，整體點心質素差。炸雞軟骨，炸豆腐，炸魷魚全部冰冷，唔脆，不新鮮。收拍青瓜調味欠層次，破壞青瓜的清新感。叫好多次拿醋來都無人理會。等了好久才上菜，然後沒有提醒我們時間快到，結果最後一輪以及甜品無法下單。還有，筷子碗碟好油，不乾淨。Overall bad experience. The plates and chopsticks were greasy with rice stuck on it, we had to change the set of utensils. The quality of dim sums were much below average, service was poor and inattentive with many mistakes in taking orders and delivering the right food to the correct tables. Staff frequently miscommunicate with each other, just a mismanaged pl

Covid2019肆虐香港，迫使我們蝸居避疫，親朋戚友幾個月不相來往，更遑論出外聚會吃喝。近日疫情放緩，我們一班好友立即邀約結伴出外覓食。前些時看了報章飲食介紹尖沙咀盈翠軒「放血價」任食點心90分鐘，$126包茶芥加一，雖然酒樓地點稍隔涉，我們也毫不猶疑立即訂位。今早我們十一時去到，不見擠擁，但去到十二時左右已幾乎滿座，可見捧場客甚多，薄利多銷的確有吸引力。我們坐下，仔細洗淨食具，如此時世，安全至上。侍應遞上點心紙，有近五十款傳統南北美點供選擇。除較矜貴的蝦餃及燒賣王每人限一隻外，其餘可無限量添加。我們第一輪點了十多款，後來又再添七、八款，吃完已飽了。值得讚一讚是起菜速度很快，絕不拖拉欺客，份量足夠，味道有水準。其中燒腩仔、椒鹽鴨舌、黃金椒鹽豆腐及煎堆仔尤其出色，金黃香脆，令人吃個不停。百多元真是絕對超值。

價錢126免加一看起來好划算，但原來不包冷氣。想一邊焗桑拿一邊吃點心這裡是最佳選擇。位置不太闊落，畀人感覺擁擠不舒暢。說到食物方面，下單兩輪。第一輪普遍都有水準。炸雞翼酥炸可口，炸粉不會太厚，可吃。蝦餃皮反而太厚，蝦肉不錯有原隻蝦蝦。燒賣肉質嫩，上桌保持熱度，好吃。不是春捲原來是捲蝦滑來炸，不過不失。叉燒腸一般，叉燒少略顯小家。第二輪就可以用垃圾來形容，不知道是不是因為第二輪是放得太耐。雞是凍的，沒雞味，吃了一口沒吃。蘿蔔糕有油溢味，反胃🤢唯一可取是甘露雞腳，辣辣涼涼的開胃。總體來說，不會有下次。

上集講完$268有以上款式已經合格，點解要加任食點心呃人呢？😥男部長話6:30pm出點心車，沒錯係6:30出車，得一架車只有頂多20籠點心，當時全場已經有10幾枱客，客人要自己起身行去車到自己攞，剛巧推到我後面，我幸運地‘攞’到3籠分別係馬拉糕好大個，甜度適中外型特別蝦肉菜餃其實幾好味但餃皮太黏手，夾起時會黏爛隻餃桂花糕味淡都係咁黏，兩件變一件咁食！第二、三輪分別等到7:00、7:30先出一架同樣得20籠點心，但我一籠都‘搶’唔到。當中有幾枱客人煩躁要投訴分發點心失當，根本唔夠派。約7:45派套餐最後甜品‘棷汁桂花糕’，本打算等埋8:00個轉點心就走人，8:00有侍應黎收錢要人埋單咁順便問幾時再出點心？佢竟然話點心已經賣晒，出多半隻燒鵝比你！嘩🤬真心嬲左，唔要燒鵝啦！食咗都背脊骨落呀😡，就埋單走人！咁樣算唔算叫欺騙我唔知！食落一肚氣，仲要個冷氣好雞邊食邊流汗，好嬲好嬲！

睇完廣告黎試試招牌菜龍蝦超好食，勁多肉。隻鉗超大隻，肉汁爽甜，鮮味十足。呢碟鮑魚勁大碟，每人兩隻，糖心鮑。有咬口之餘唔韌。加上濃濃的鮑汁，更突顯鮑魚既鮮味。一定要既係呢度既燒鵝放題。係任食！燒鵝卜卜脆，皮薄，肉厚，熱辣辣新鮮上枱，上菜先火熗燒過，必晒d油香。入口更香脆。真係要早啲黎。食到8點幾已經無晒貨。勁搶手呢個好飲，蟹肉夠多。牛肋骨，醬汁唔錯，爽口彈牙籠仔蒸雞飯，飯香撲鼻，要上枱已聞到濃濃飯香，雞肉既肉汁冬菇既香氣已完全滲入飯中，一定趁熱食，香氣起口中回盪。食到個肚滿晒之際，桂花糕上枱。超級清新！非常解膩。有兩層，奶凍果part 同糕點完美結合！ 超正，哈哈。如果係桂花糕放題我都ok . 哈哈😄

睇到廣告有個‘龍蝦鮑魚燕窩套餐仲任食燒鵝+點心’立即打電話訂位星期日6:00pm,準時到達當時大約兩三枱客，對清楚食龍蝦套裝亦問左係咪有點心？位男部長稱點心6:30先開始，等左冇耐首先黎個‘頂級鮮蟹肉燕窩羹’，蟹肉多燕窩少但幾好味之後就係英國龍蝦🦞，大隻肉量適中有彈性牛筋骨好重牛味亦有𡁻口但份量很少得4塊鮑魚有驚喜每人兩隻好淋易入口🎉花膠浸白菜仔好普通花膠冇咩味！重頭戲‘脆皮燒鵝皇‘皮好脆，肉多有彈性，整整有半隻好好味，但肥左d再黎個蟲草滑雞蒸飯，這個好香，飯有雞味及蟲草味，唔錯唔錯！最後個椰汁糕涼涼地清清喉嚨其實$268有以上款式已經叫合格！上集講完，下集黎料啦😒

貨不對辨，有話八道菜+任食燒鵝+點心放題，假嘅，冇點心食，又唔係收$198，埋單每人係$241.2八道菜入邊得燕窩羹可以食得落口，其他嗰啲好難食，服務差，三個人要招呼十幾張枱，出餐好慢好慢

專登去盈翠苑試$118點心放題，每人連服務費同茶位實收$126，聲稱有約50種食物提供，可以食90分鐘。點心紙的確有唔少種類既食物供選擇，除蝦餃同燒餃外，其他聲稱無限，但點心紙寫明需要廿分鐘準備食物，茶樓可能驚蝕本，食物等偏耐，食物質素正常既，呢個價3-4籠就回晒本，唔會要求太多。但建議餐廳加到150-160，食物出快d好過

上網見到$198有得食龍蝦加8道菜，馬上book位試下。四個字：值回票價！佢係依次序上的1. 每人半隻美國龍蝦嘩，外面的龍蝦汁好正，龍蝦入邊的肉鮮甜多肉！比滿分2. 燕窩羹每人一碗足料，夠多蟹肉3.牛肋骨，不錯，趁熱食4. 鮑魚，每人兩隻，大大件。不錯。5. 燒鵝，好香皮脆肉肥仲要任食，真係抵。不過我食唔到咁多哈哈6. 花膠浸菜，份量好多7.滑雞蒸飯好味8.桂花糕，嘩真係正到呢。又清甜又解肥膩。呢個套餐加埋茶界都係268抵到傻。一定返頭再食

由於疫情，果晚我地幾個黎到酒樓門口簡直唔敢相信，每人$268 免加一有8道菜，龍蝦、鮑魚、花膠、燕窩通通有，燒鵝仲要任食，天呀，平到呢個境界真係唔識講，味道不過不失，坦白講唔算特別出色，但肯定唔算難食，當晚全間得3台客，雖然全場得一個部長係度，但一直保持笑容，上菜加水又快，值得支持

Is my fav Crab seasonyummy每年到蟹季都一定要食大閘蟹同今年去左盈翠軒到食佢出左一個menu係任食大閘蟹 + 6道菜(每人)佢d大閘蟹好肥美 同埋好新鮮好多蟹膏佢6道菜都唔輸蝕 有鮑魚有小龍包岩哂一大班朋友去食盈翠軒Location: TSTPrice (5 is max): 2.5/5Yummy (5 is max): 3.5/5

朋友今晚介紹去試呢一間酒樓， 因為可以泊 得好近酒樓，方便行動冇咁方便嘅爸爸， 我哋叫咗個四人套餐， 不過五個人食，都仲有嘢可以拎走， 佢套餐有晒爸爸最愛吃嘅， 有沙汁蝦球、 乳鴿、 淮山黨參湯、蒸龍躉片、 海鮮雜菜煲， 甜品有個好特別嘅木瓜奶凍， 同埋桂花糕仲有馬拉糕， 佢個木瓜奶凍係 一件過， 今次係第一次去呢間酒樓， 跟住畀我發現咗，佢星期六日，有90分鐘點心放題， 126蚊一位 但其實佢星期一至五啲點心價錢，都唔係太貴，以尖沙咀區嚟講

今年試既第二間大閘蟹放題，係一間中式酒樓盈翠軒。$348包6個餸同任食大閘蟹D餸一上嚟有種食團餐既感覺。小籠包係嗰d有錫紙盤包底既急凍貨色，個湯就直頭豆粉水一樣😥😥😥。其他野真係影都費事入正題食蟹，嚟到比想像中細隻，比起之前食瀛豐食既重要細。 而且白膏比黃膏蟹多。應該無下次😅😅😅

唔寫呢個食評真係對唔住自己，$298一位大閘蟹放題，包6道菜，大閘蟹就任食。一直有留意呢度嘅放題食評，見倒相都算多蟹膏，覺得抵食嚟試吓，滿心歡喜打算響大閘蟹季節尾聲食返個放題盡情咁食。接電話嘅阿姐態度極差，嚟到坐低幾個樓面又唔係好想理你咁，坐咗15分鐘先記得幫我入單俾廚房知我食大閘蟹放題，等耐咗都算，結果你嚟啲咁嘅嘢俾我食？ 我本來開第一隻係黑色，同阿姐講佢即刻嗱嗱聲收走佢話換過隻比我，跟住再開第二隻，一樣係少少黃色膏然後全部黑色，再問阿姐佢就答我係正常嘅，咁我唯有試吓。放入口咬有陣怪味，無蟹味，啲肉梅嘅，啜啲又黃又黑嘅蟹膏... 得一陣腥味完全唔會有膏味，真係正常咩？ 我今年食咗4次大閘蟹，真係會唔知正常大閘蟹會係咩味？ 睇返人地嘅相一星期前仲係橙黃色膏，睇返飲食雜誌介紹呢間餐廳嘅大閘蟹嘅相都係黃色膏，今次咁嘅質素你話係正常？ 大閘蟹如果啲蟹有問題就停咗個promo佢啦！其他嘢都唔係好味，不過起碼正常。極度唔開心，3百幾蚊食垃圾！