影片
以上资料只供参考，请与餐厅确认详情
有关奖赏计划
我同几位朋友都系港岛区返工放工一齐去左呢间间位于湾仔既中菜馆dinner小菜选择非常多真系睇到花多眼乱咩都想食呀😛金牌炸子鸡 HK$168最中意食炸子鸡层皮，烧到薄又脆！肉质嫩滑入味，冇油腻感，沾埋个甜豉油更加好味。金沙虾球 HK$228咸蛋控完全抗拒唔到，咸蛋煮到起哂沙，口感绵密厚实，蛋香扑鼻，虾球咸香弹牙。金薯牛柳粒 $168薯仔好软腍，牛柳粒肉质弹牙，有少少黑椒味，送饭一流！椒盐鲜鱿 $188鲜鱿炸到金黄酥脆，保持鲜嫩口感，椒盐带淡淡咸香味，好邪恶呀。
继续阅读
盛记酒家椒盐百福豆腐椒盐百福豆腐口感外脆内嫩，炸豆腐表面嘅椒盐香气，令人食到停唔到。内里非常滑溜嘅豆腐，带出对比同层次。金牌炸子鸡金牌炸子鸡色泽金黄，皮脆肉嫩，鸡肉鲜美柔嫩多汁。炸子鸡充满光泽嘅表面，成为今晚最抢手嘅𩠌菜之一。红酒烩牛尾煲红酒烩牛尾煲酱汁浓郁，牛尾肉质软滑，入口即化。配菜有蕃茄同洋葱，红酒烩牛尾煲香料浓郁，令人胃口大开。榄角冰梅骨榄角冰梅骨嘅酸甜味道令人回味无穷，肉质鲜嫩，啖啖肉，肉汁丰富。榄角嘅独特风味带出冰梅骨嘅滋味。虾干鱼肚浸时蔬虾干鱼肚浸时蔬色泽鲜亮，时蔬新鲜，当中配搭虾干同鱼肚，带嚟唔同嘅口感，令人感受到海鲜嘅鲜味。非常适合喜爱健康饮食的人士。最后送上材料丰富嘅渣渣糖水，作为完美嘅结尾。
继续阅读
盛记酒家为乳猪专门店，有招牌即烧乳猪、各款新鲜生猛海鲜和各式小菜选择，环境算新净阔落，用餐环境舒适。干隆醉鸡醉鸡份量都唔少，食落有鸡肉既鲜味，肉质算嫩滑，调味刚刚好，相当入味，有淡淡既酒香味和甜味蒜香爆龙趸球龙趸鱼块肉质鲜嫩，表面有经煎至金黄，啖啖肉，食落十分满足。香葱和韭菜在底下吸收到鱼肉既肉汁和香气，特别惹味。盛记即烧乳猪乳猪皮烧得香脆可口，附有层饼配搭食用，味道似刈包，香甜软糯，一脆一软，再加上甜酱，味道丰富同时层次感十足。浓味海皇杂菜煲配料十分丰富，除左有白菜、菜心、西兰花、粉丝外，还有虾只、鱿鱼、龙趸鱼块等海鲜，汤底鲜味十足。最后仲有糖水送。
继续阅读
是日到湾仔盛记酒家，点了以下食品：是日老火汤，百花窝贴小棠菜，盛记小炒皇，新鲜菠萝咕噜肉食住花生，饮住靓茶等待。是日老火汤：非常足料，煲得够火喉。清甜猪骨味道又唔会饮完口干。份量都算几多，4个人每人至少两碗。百花窝贴小棠菜：将虾胶混入小棠菜中再炸。外皮脆皮香口，中间香口口感丰富。再加上酱汁更加好味道。盛记小炒皇：XO酱爆炒，特显出菜式之镬气。虾干，虾仁，银鱼仔，鱿鱼，韭菜花，腰果，三色椒令到口感多元化，味道更加多层次。惹味可口，少少辣更为出色。新鲜菠萝咕噜肉：菠萝咕噜肉甜酸味可以话令我好开胃，食这道菜式必须要叫白饭因为系绝配。鲜甜新鲜菠萝，三色椒同洋葱令𩠌菜更加好味道。咕噜肉不会过肥成口油，肥瘦得宜粉酱唔会过厚。炸出来脆口有肉味。最后仲有绿豆沙送，有臭草同陈皮令到甜品更加好味道。绿豆煲得够淋又唔会太甜。
继续阅读
今日同朋友去咗湾仔盛记酒家食晚饭，味道唔错，可以一试，尤其推介炸子鸡！ 首先系干捞海皇粉丝煲，一上枱就闻到好香，粉丝干身得来又唔会太油，仲有唔少虾粒、同鱿鱼，食落几惹味！ 金牌炸子鸡，叫左半只，新鲜整起，皮脆肉嫩，鸡肉仲保持到肉汁，点少少淮盐已经好够味，呢个高质必点，系我食过数一数二好味嘅炸子鸡！ 榄角冰梅骨酸酸甜甜好开胃，榄角嘅香味夹埋冰梅酱都几特别，第一次食，岩哂送饭！ 最后叫咗个菜 - 虾干鱼肚浸时蔬，鱼肚吸晒汤汁好入味，虾干提鲜，白菜仔又够嫩，清清地平衡返之前嘅浓味。 免费甜品有绿豆沙，煲得好绵，陈皮味香，甜度适中，为呢餐画上完美句号。 盛记嘅环境就似典型旧式酒楼格局，但服务几好，上菜快，价钱都算合理，想食传统粤菜可以试吓！
继续阅读
您可能会有兴趣的...