相聚印度餐廳

营业中

休息中

沙田好難搵到印度咖喱，有日想食就去叫左外賣返屋企食味道好有驚喜！叫咗三個咖喱，butter chicken，芝士菠菜，同白腰果汁咖喱雞最惹味係Butter Chicken，好濃牛油味，而且雞嘅份量都多芝士菠菜本身望落個樣冇乜特別，但食落去好濃芝士，入面都有一粒粒嘅大芝士，好足料👍🏻想平衡一下唔食咁多濃味嘅嘢，叫呢個岩哂！白腰果汁咖喱雞，味道相對冇Butter Chicken咁濃，不過都好惹味！另外叫咗兩個Naan - Garlic Naan同butter naan，2個都好好食，不過鍾意濃味嘅我就比較鐘意Garlic naan

已經係第二次到呢間印度菜館,兩次都係中午飯時間,佢地有午市套餐,價錢大約由$98起,如果以印度菜相比不算太高,味道與口感都相當正宗,印度薄餅亦相當做得不錯,不過供應的飯就比較失望,可能餐廳希望迎合香港人華人的口味,冇用到印度長米,略言白飯欠缺印度傳統米的爽口感覺。除白飯令我有少少失望之外,餸菜亦都做得頗為正宗。

這道馬沙拉咖哩雞，除了香料調味的雞肉，還加入蔬菜和奶油等，讓整道菜色呈現出深褐色調，散發著香氣四溢的味道。加入奶油或乳酪之後，更能讓咖哩醬汁變得更加濃郁和滑順。烤餅有很多味道選擇，我選了乾果甜甜的，幾新奇。

呢間印度菜真係食咗10年以上，質素一向都keep到，有時都會無端端諗起佢就衝去食😋😋我最鍾意食佢個Butter Chicken😋個汁真係非常好味，雞肉亦10分嫩滑，配上烤餅或飯真係舔舔脷😃其實要喺新界區食印度菜真係比較難搵啲，火炭工廠區呢度居然做咗咁耐，真係都幾難得。今次為咗避開中午食飯時間嘅人潮，我哋大約2:30先到，當時真係一個客人都沒有了，我哋幾個就係包場，好鬼舒服。大力推薦Butter Chicken☺️☺️

心血來潮想在公司附近食印度野，喺OpenRice尋找到一間印度咖喱，由於疫情嚴峻，便打電話叫外賣自取！當日叫了咖喱雞配飯，到店後店員收$120，我立即睇張單，原來收了單點，便和他說是點lunch set, 收了$72，這個套餐包左咖喱雞、飯和烤餅。等了8分鐘左右就做起，但看見廚師在廚房內沒有戴口罩，在這個嚴峻疫情環境連戴口罩的習慣去煮嘢食也沒有，十分討厭！外賣回到公司打開只看到很多咖喱汁，四至五件零碎雞件、白飯和印度烤餅，雞肉質素一般，以這個價錢在火炭區有很多選擇，不明白點解仲有人去幫襯！

Best service. I ordered from them multiple times on food panda and today my husband ordered a curry without any roti or naan bread and food panda would not let me cancel or add on items. I called the restuarant and the employee was so kind to add in a roti free of charge for me. I will be ordering from them alot more now! Thank you

從以前佢係三期開業，到而家搬到火炭都有食開，係我地都一家大細既回憶。由印度人開辦做正宗家庭式咖哩，經某外賣就叫左佢個燒雞，masala chicken, 菠菜羊芝（有好多芝士），印度黃飯（好香好香，每次一定食，食過黃飯唔想再食白飯）同飲杯mango lassi (mango 加yoghurt飲品 解辣一流）, 樣樣都好好味

非常正宗嘅印度咖喱，咖哩不太辣但好好味，配正宗嘅印度薄餅非常開胃，會令人再叫多一份薄餅🤣芒果奶昔非常特別，好像加了乳酪。而且環境不錯坐得好舒服👍🏻老闆係印度人服務態度不錯，鋪頭非常乾淨👍🏻👍🏻👍🏻

印度菜，對面海，九龍都好多，但新界就好似難搵啲。突然好想搵下正宗印度菜食。search basmati ,竟然搵到火炭有間咖哩屋。住係新界既朋友梗係試下啦。呢間係我香港食過既印度野都算係正既。好難搵到長長既basmati食，自己搵米加埋煮真係好多工序，咁不如出去食。前菜係正既。有胡椒味辣辣地。叫左butter chicken(好想知點整可以令到啲雞唔hai口，仲有好香既炭燒味) 芝士波菜就稍為遜色，因為較乾身。mango lassi同乳酸都不錯。

餐廳一直在沙田商業中心多年，由印度人打理，早幾天忽發想食久違了的印度餐，又碰巧經過附近，便想起了此餐廳並決定一試。為了避過工業區午饍時間的人潮，我地兩點多才到達餐廳，果然空無一人。我地二人叫了個咖哩雞餐($65)及芝士菠菜餐($82)share食，兩個餐都分別配以餐飲。咖哩雞餐配有兩塊烤餅及白飯，咖哩汁十分惹味而不辣，雞肉亦非常嫩滑，並且雞塊份量十足。烤餅在上菜時仍是暖暖的，烤得外脆內軟且口感煙韌。另外芝士菠菜內加入了大量芝士，香味濃郁，更難得的是其芝士菠菜不像出面一般的膩，值得一讚。餐廳雖小，但環境舒適，更重要是食物質素高，可嘗到正宗印度菜。另要留意餐廳店員均非華人，要用英語溝通啊。

邊個話生日一定要食西餐？ 最like印度菜, 朋友揸車 帶我來， 全部都係印度客一定好食老闆送既前菜，好夠脆Samosa係我食過甘多間最好食既，入面有好多薯蓉黃豆masala印度炒飯naan breadmango lassi， 如果多啲奶味你會更加好會同朋友下次再去

正宗，味道很好，價錢合理。會再去。點了芝士青豆，辣雜菜，薄餅，一個番茄湯。全部味道都好正宗，吃完不會口渴，番茄湯有點點香料，與平時西餐廳喝的不同。芝士青豆又香又辣，非常好味。The food quality of this restaurant is surprisingly better than i expected, we have ordered tomato soup, naan bread, cheese green bean, and spicy mixed vegetable, have a soda drink, the taste of food are all just right, I guess their soup cooked with herbs so it has good and special taste than generic tomato soup you can take at other restaurant. I do not feel thirsty after the meal, i pretty sure it does use

這是位於火炭的一間印度餐廳，座位有點少及逼，不過有很多外國人及印度人在這用餐。所以起了興趣嘗鮮。午餐是有配餐飲，有魚雞蔬菜等幾款選擇。我同事選了雞而我則選了雜菜，不知道為什麼雜菜竟比雞貴⋯雜菜是豆角薯仔等，咖哩不會很辣香料挺足而且咖哩汁不會稀，配薄餅及飯都很開胃。因為有飯有薄飯所以份量不少，薄餅是熱且烤得挺軟熟，不會很薄身加了咖哩汁也不會很易爛掉。另外是咖哩雞，雞很入味咖哩汁喝雜菜稍微有不同。同是有薄飯跟飯，因為咖哩汁很好配著吃都沒浪費，這間還不錯。價值是60-75左右。

今日公司好多野令我非常肚餓，好想食飯，所以去左沙田商業中心嘅相聚印度餐廳食lunch。我本身係一個“唔臭米氣”嘅人，可以一個月唔食飯！如果想我食米飯就一定要有汁XD呢到有一至六人set lunch可供選擇，我叫左一人set lunch : T1咖喱雞配烤餅及白飯、飲罐裝可樂（$62）呢到嘅咖喱汁調配成適合香港人嘅辣度，但又不失傳統印度咖啡嘅香。d雞肉煮得剛剛好，夠嫩滑！烤餅好脆卜卜，點咖喱汁食一流～唯一想餐廳改善嘅係沖泡飲品，因為上次黎食飯飲凍檸檬茶時，我同朋友都覺得個味道怪怪地。

Upon finishing my work today in the morning, I visited this Indian restaurant for lunch today. It was a rather busy Friday for this restaurant. Patrons were packed in the small dining area. Two customers were seated next to my table for two with me and my wife. The girl sitting at the next table was very noisy. She chatted all the time over her lunch with his male friend over miscellaneous matters. It is obvious that she had a crush on him. It seems that the girl has never left Shatin in her lif