真．奶 (已結業)

睇有咩飲都可以俾個入面既員工定係老細鬧既，我都唔明佢係未想做生意既，佢又整塊板同易拉架出嚟又唔俾人望，都未見過咁狂燥既人，好心就唔好開門做生意，講真我睇到啲野飲好似好正，但因為今次令我唔想幫襯佢😡😡

一日一黃店-元朗良心健康手調飲品 呢排開始探索下元朗區良心店 今日呢間店面有少少文宣 夜晚去唔多人 簡單記錄下.⭐️小粉紅$42（大）呢杯其實係士多啤梨乳酪飲品👍🏻飲得出 落咗大量士多啤梨👌🏻每一啖都飲到 士多啤梨籽 👍🏻偏向低糖設計 幾健康如果唔鍾意飲糖漿 應該會幾鍾意呢間.⭐️奶泡抹茶奶$38（大）😋抹茶味幾香 抹茶味重 唔苦.整體算貴 但勝在好飲 真水果.#hkfunfoodrecord窮遊香港#hkfunfoodrecord_元朗#hkfunfoodrecord黃店.#真奶 (元朗)地址：元朗裕榮徑3-5號金禧樓地下5號舖.⭐️評分：味道：3.8/5環境：-/5 外賣服務：-/5抵食：3/5 算貴 但好飲 真水果

香蕉乳酪-fit爆絲打-$42（4/5）Order完唔算等左好耐就有得拎，雖然大大杯，不過因為好好味勁快飲哂😂好香香蕉味，同奶味超夾。兩隻味比例岩岩好，又唔會太甜，下次經過再買。😋😋😋

嚟到元朗附近，點可以唔掃街，平時見大家分享咗唔少元朗必食小店，於是我就去驗證一下，呢間黃店主打健康手調飲品，採用乳酪奶，而且佢哋改嘅飲品名好有創意🤣小粉紅 士多啤梨乳酪奶🍓飲落去唔會話好甜，啖啖都食到士多啤梨果肉，好重乳酪味，幾開胃，果然係大家公認嘅Top 1之選😆薑桃🍑呢杯玩食字嘅飲品嘅配搭好特別，係有桃蓉嘅梳打，薑味唔會話特別重，味道都幾清新如果想飲得健康啲嘅朋友，可以轉代糖，另加$5就得😆

話說成日經過依間我都冇咩勇氣去挑戰，因為本身麻麻哋飲奶，見到佢個名以為佢淨係賣生果奶，今日終於拎起勇氣嚟試吓由於好驚喺街度肚痛嘅關係所以都叫咗個細細杯嚟試吓，我就叫咗排名第一嘅小粉紅，個名好搞笑原來即係士多啤梨乳酪奶後尾先見到原來依間小店呢可以做希臘乳酪底，話說生桐同低醣人士應該對希臘乳酪依個名都唔會陌生，由於希臘乳酪含有豐富嘅蛋白質，基本上行緊低醣既人即係我，有時都會買來食下，只不過就咁買其實都好貴😂估唔到依間小店竟然咁重本用希臘乳酪平時喺街度減緊肥乜都冇得飲，珍珠奶茶就唔使諗啦但係如果依間可以喺減肥期間可以做到通便得來又增加蛋白質，絕對值得推薦！依杯係士多啤梨乳酪奶，飲落去一啲都唔甜，我係冇轉到希臘乳酪嘅因為我嗌完先見到😂入面超多果肉，一飲落去就知道真材實料！雖然價錢一啲都唔平但係買開生果嘅人都知道士多啤梨本身個價格都唔平加上乳酪成本都非常之高，所以其實佢買呢個價錢係好正常嘅講返味道先，飲落去就好似細個去阿波羅食乳酪雪糕嘅味道，以前細個食阿波羅雪糕佢係用冷凍生果加一杯乳酪整出嚟嘅，呢個完全就係嗰個味道😏絕對值得飲大杯啲重點係平時有少少便秘既我，飲完果一陣間有料到！依杯又高蛋白質之餘

💛#黃店元朗裕榮徑算係美食街成條街都係餐廳，不過依間就唔見太多人幫襯比較靜😳主打乳酪奶，各款水果乳酪奶，有得飲手搖但又唔使咁肥！款式仲有梳打系列、其他奶類特飲、抹茶同朱古力系列。Aello已經結業所以可以轉去依間幫襯🙌🏻👓小粉紅 M$38士多啤梨乳酪奶，係小店Top1。本身飲品已經少甜底，我哋想健康啲再微甜而老闆又同我哋講可能會好酸，不過最後又覺得可以喎唔算太酸反而係乳酪味仲突出。飲到真係用真嘅士多啤梨打落去，有果籽，唔係嗰啲假士多啤梨醬有藥水味。整體係好飲，不過唔太平，同埋唔知佢用咩乳酪所以有啲難評價cp值。評分：7/10

建議：Keep 真奶既單去德狗食 🌭有聯乘優惠元朗Fd子 力推渠邊既茶飲店 － 真奶。一開始以為佢講珍奶 🤣 點知真係Real Milk。舖頭唔係好難搵係正A仔隔離，飲完仲可以轉番出去教育路食德狗🌭😌落單後大概等左5-8分鐘就拎得，店主仲提番要盡快飲👍🏻 另外如果唔飲得奶既朋友仔，唔洗擔心😜 舖頭有得揀植物奶，仲有得揀羅漢果糖 今次試左：▫️小粉紅－士多啤梨乳酪奶 (M HK$38)去到舖頭見到 Fd子大推既乳酪奶系列，原來係TOP 8 入面。諗都無諗就叫左小粉紅🍓 餐牌上面仲幾款水果x乳酪，啲配搭都係啲大路 (香蕉，火龍果，芒果 等等)乳酪系列仲有3種唔同 Size (S,M,L)，今次飲M Size 其實都幾飽肚😌 飲落質感好似奶昔，淡淡既🍓味，唔似有特別加假味，而且飲落仲有啲果肉👍🏻 ▪️芝士奶蓋抹茶 (M HK$35)奶蓋主要偏奶味，質感較稀。飲個時記得要搞一搞個底，避免抹茶沉底，淡淡地既抹茶算係唔錯。對比之下🤭 乳酪系列比較好飲🥤

口渴？有新選擇！真·奶💛「小粉紅💕」- 士多啤梨乳酪奶 M Size ($38)入元朗又咁岩見到呢間主打健康少甜嘅手調飲品 主打乳酪奶 就叫咗一杯no.1嘅士多啤梨乳酪奶(奶底為脫脂奶) 嚟飲啦🤤🤤🤤乳酪奶已經預設咗少甜🍼飲落唔係死甜嘅好啱我胃口啖啖都食到士多啤梨籽🍓超足料🥳乳酪同奶嘅比例配搭得好好唔會太稀唔會太稠 酸酸哋好開胃🥰補充真•奶仲俾咗好多自由度我哋好似 關注血糖人士仲可以+$5轉代糖同想口感再為濃稠啲嘅可以+$10轉希臘乳酪咁就可以組合返一杯適合自己飲嘅飲品🤩

呢間飲品店首先吸引到我係店名😂😂因為諗起万刀甲嘅名句（有聲有畫面）😂😂😂 呢到標榜真材實料製造唔同飲品🥰 主打乳酪飲品 客人一杯飲品就能吸收到唔同營養☺️📌小粉紅（小）$35其實每款飲品名都好搞笑 而呢杯即係士多啤梨乳酪奶😋 飲品本身唔係好甜 每啖都飲得出真嘅士多啤梨🍓🍓味 配埋乳酪酸酸地好開胃👍🏻🥳真係對得住舖名 四個字「真材實料」！！雖然價錢唔算平 但當你飲一杯奶蓋茶都差唔多價錢時 而家多一個健康啲嘅選擇😌😌

“小粉紅(大)”($42)嚟到元朗國點可以唔飲返杯真奶🤣叫咗杯小粉紅💕其實即係士多啤梨乳酪奶🍓士多啤梨味清甜☺️而店家預設飲品甜度為少甜飲落都輕盈啲健康啲☺️除咗乳酪奶飲品都仲有啲自選水果茶同台式茶飲下次會想試吓寒天鮮奶茶🤣

元朗國又進駐一間新飲品小店啦身為元朗國民當然要去試試元朗既黃飲品通常都係元廣/又新街一帶(一頭一尾🥵不過而家連中間都有了位置係大坑渠環保涼粉嗰邊bye兇嬸牛肉飯😉真奶主打水果乳酪飲品 新鮮感🆙🆙我睇一睇啲飲品名諗都唔洗諗 緊係要「大隻巴打」啦😏其實佢係芒果乳酪奶嚟嘅味道同個名一樣咁令人lamlam脷😋🤤😋🤤水果同乳酪好balance 飲落唔會好heavy飲品即叫即打 預設少甜 感覺又健康了一點望落細細杯 但以乳酪飲品黎講好足夠了😙

上次諗住飲小粉紅，但係冇晒士多啤梨，所以就要左火龍果。今次就終於試到個小粉紅啦，即係士多啤梨乳酪奶，我要左走冰微甜，同埋轉脫脂奶。$42 大杯裝好味又健康，飲完都唔會覺得罪過。

元朗又一高質黃店主推健康飲品·今次試左小粉紅.即是士多啤梨乳酪奶🥛平時飲親野都係正常甜這店預設左少甜所以對我黎講吾夠甜🤭下次要叫番正常甜😂乳酪味好重仲食到一粒粒的士多啤梨籽感覺真係好健康🙈但其實價錢真係貴左少少

一心你諗住試吓佢啲水果乳酪奶，本身想試小粉紅，即係士多啤梨乳酪奶。但係今日冇晒士多啤梨。所以之後揀咗火龍果奶。要咗微甜走冰同埋轉脫脂奶，諗住可以健康啲，如果可以完全走甜就更加好。因為天口太熱嘅關係所以我直接加大杯，大杯真係好大杯，但係都好快比我飲晒，因為都係好好味嘅。

試左小粉紅（士多啤梨乳酪奶）同埋keep住團火（火龍果乳酪奶）小粉紅好香天然士多啤梨味，加埋乳酪唔會好甜，好好飲！另外無諗過火龍果溝乳酪奶個味會咁夾架，淡淡火龍果味加上乳酪奶，岩哂啲唔鐘意咁重味同咁甜既朋友。佢地主打天然健康既飲品例如乳酪奶系列同茶系列，好多款茶可以揀，重點無糖，健康啲同瘦啲🤤除左飲品，佢地仲有甜品，生果乳酪桃膠同埋奇亞籽燕麥杯，比出面一般接觸到既甜品好唔同，好天然同健康，食多左都唔會有罪惡感😚😚另外好欣賞啲飲品名，個個都好有創意又代表杯野飲。推介！