知粥樂

营业中

休息中

今日同孕婦友人搵野食，最後決定係馬鞍山食粥！除左粥之外，發現入面都幾多款式，有香港地道小食、糯米飯同腸粉等等。友人話超級餓，樣樣都想叫啲，真係放題咁食。🍠皮蛋艇仔粥 $28粥底唔算綿，但都幾足料，依個價錢我覺得都算抵食，但個碎牛唔夠濃味！🍠紅油抄手 $26一共有5粒抄手，但個皮唔夠薄身同埋醬汁唔夠紅油冇辣味🍠蛋黃咸肉粽 $26入面綠豆料正常份量，但都幾入味，如果裡面個綠豆可以再軟綿啲會更好。🍠脆皮鮮蝦紅米腸粉 $32依個比我想像中又幾出色！腸粉皮唔厚，入面餡料又幾足，個炸粉唔厚同埋真係脆！真係要趁熱辣辣食呀，同埋依個價錢幾抵食。對粥底唔太高要求既話，又想咩都有得食下，都係一個選擇。📍知粥樂馬鞍山鞍祿街新港城中心五期地下G29號鋪

原本唔係住個區，但係搵人經過就入左去試，唔試唔知，呢個就係屋企味個日食左個滑牛粥加個紅米腸，一食落口就係以前細個屋企人帶去食粥個個味，突然諗翻好多以前啲嘢。個老闆娘見我食得好滋味就走過嚟傾左陣，閑談之間覺得個老闆娘好好人，會盡量配合唔同客人嘅要求，感覺佢哋好似一家人咁好和諧其實宜家咁多連鎖店大集團，都已經冇咗細個時候個個人情味，仲見到呢啲小店真係要好好珍惜

呢間野，一年多前新開張試過一次，當時只做外賣，皮蛋瘦肉粥落漏左皮蛋，之後就無再幫襯。今晚忽然又想食粥，其實商場入面有連鎖嘅，不過我諗住可以的話就支持小店啦。牛肉球，10蚊有兩件，上到枱咁嘅樣，我唔洗評了吧。艇仔粥，熱辣辣嘅，廚房哥哥落花生前會問我要唔要花生，幾細心，之前有食評話佢綿，其實佢係稀。食左幾啖，我已經出晒汗，我問老闆，外賣兜幾錢？我要拎走食，呢度無冷氣真係食唔到，老闆即時黑面：「我呢度唔係無冷氣，係唔夠冷氣啫，30幾度唔開冷氣仲得了嘅！」我同老闆講：你可以當係客人意見，個冷氣真係要攪攪佢，出面30幾度你入面都有30度喎。老闆：唔係唔攪，係無得攪，呢度個冷氣就係咁嘅。我：咁嘅溫度真係無乜人願意堂食。老闆：我洗_你教我做生意呀，你係咪玩野呀？你唔幫襯你就唔好幫襯，「娘親問候語」。最後不歡而散。我亦攞住兜粥返屋企開冷氣食埋佢。「無人堂食」，所謂真野唔好攞黎講，我諗，老闆都好清楚自己間舖咩狀況了。住附近嘅經過留意下都唔難理解佢點解會有壓力。同埋，老闆你唔應該捽完鼻然後去將餐具放入餐具盒。

第一次幫襯，呢區粥品選擇是有的，但是水準如何呢各人味覺判斷有差別。於是就外賣回家慢慢嘆，叫齊我想試的，一個魚腩粥，這是最穩陣兼試到功夫的，一個蝦腸，一個白灼豬潤。魚腩粥放了二小時仍微暖，當然二話不說隔水翻熱，如果用微波爐翻熱就只能說句少年你太年輕了。。入口綿滑，雖然不是潮洲系的粒粒白粥，現時己很難要求。總之是粥就OK接受，魚是脘魚。有骨當然，味道也實在。蝦腸的米腸滑，米香尚欠一點，蝦就是預期的那種一般雪蝦養蝦你懂的，如果比新鮮海蝦你就要驚，大大隻算足料，合符價錢。白灼豬潤，份量很足，豬潤口感味道可以OK，薑蔥青瓜配倒是不錯嘗到有一些食材味道。調味方面沒有多餘或過量的，很本真味，吃得舒服。食材質素也跟價錢相符而且算抵食，相比樓上的靠得住很一般般的水準味道價錢偏高，我當然會選擇這家小店。

粥綿滑，食完唔口喝，粟米及皮蛋足料，牛肉腸足料，軟滑，不會‘鞋’口，番叮都不會差，又抵食，價錢合理，會再幫襯係馬鞍山好難搵到粥同腸粉都同樣好食，期望保持水準。。

那天在馬鞍山幫女兒辦好學校的事宜，一個人就當然想食少少野。早知道回家會有飯食而又為食的我，要食的話一定是輕食。然而，給我發現了一間新開既小小粥店，名叫《知粥樂》。那就簡單了，食碗粥暖暖胃。我點了一個皮蛋豬紅粥。用料算是十足的，好多皮蛋，好多豬紅，米香味也夠重。以味道來說，是一碗好粥。但這粥給我的感覺好水，好多水，食落又唔覺佢似潮州 style，也不覺得像生滾粥，是美中有不足。整體，以味道來計，是OK的，尚有進步的空間。

馬鞍山經去游泳池時，發現有間小店粥店，門面不算太突顯，店舖細細間，座位設4張枱，地方細細幾企理。艇仔粥走牛肉😋太多魷魚同豬皮，並沒有其他配料，成碗粥味道太清淡，粥底需要改善一下，其實可以加少少魚肉落去。柴魚花生粥沒有豬骨的粥，健康的選擇，柴魚比較硬有少少窄，食落口比較麻煩一點，哈哈！油炸鬼好香鬆脆😙質感不同其他粥舖的口感，好鬆又脆。炒米粉😊有數條紅蘿白，椰菜，米粉感覺不太油膩，比較乾身，不錯的選擇。

晚上7點幾走進店，坐下來才知道這家店營業至8：00。還想著，會阻人收工嗎？誰知吃著吃著，還有顧客陸續來堂食和外賣。第一次到這店光顧，沒有甚麼想食的，就看看推介。被店內的海報吸引，寫著勁爆推介，於是就點了一份推介小食：沙爹牛柏葉。來到桌面的牛柏葉如圖，牛柏葉上有些青瓜絲、蔥粒，牛柏葉沾滿沙爹汁，沙爹汁剛好，不太濃，不會太搶。我邊吃邊讚這道小食不錯。另外，還點了生滾粥，這道也不錯。點的是鮮肉片粥，粥底可以，值得讚的是肉片夠厚，份量都足夠，煮得剛熟好，有肉的鮮甜味。生滾肉片粥沙爹牛柏葉