知粥嘗樂 (已結業)

天氣漸漸寒冷，總是希望食得溫暖飽肚，與友人在知粥嚐樂品嘗幾碟特色菜品，人生樂事。砂鍋蝦蟹粥原隻花蟹同鮮蝦作為食材，直接喺砂鍋裏邊將米煲成粥，可以喺白粥感受到海鮮嘅精華。用砂煲原煲煮上，保熱一流，係冬天食落肚非常暖心。三杯石鍋雞五粒星推介！台式醬料配以韓式石頭鍋。雞肉處理手法上佳，配合醬汁所產生嘅化學作用非常大。蛋黃鹹肉糭足料嘅糭，配豉油同砂糖食都咁好味。香煎鯪魚餅口感非常彈牙，魚肉鮮味突出。飲品：凍豆漿

呢排食咁多大魚大肉，係時候食返啲清淡嘅嘢🤣咁啱今日約咗好耐冇見嘅朋友聚下舊❤️大家一致同意食粥就搵到呢間鋪～整體評分：6.8/10味道：6.8/10服務：6/10環境：6.2/10人均消費：$50-100地址：知粥嘗樂 (北角)北角炮台山英皇道175號地下 🦀🦐蝦蟹粥小鍋（$108）：粥滑夠火候！蝦好鮮甜，都夠大隻～蟹肉好味～而個粥吸收晒蝦蟹味變得好甜蠔仔肉碎粥小鍋（$78）：蠔仔份量好多，粒粒飽滿又新鮮，同肉碎粥一齊煮好鮮味，可以食幾碗牛筋腩腸粉煲（$46）：第一次見牛腩煲配腸粉，幾特別！牛筋腩夠淋又入味，腸粉吸收晒汁好正鮑汁鳳爪（$36）：鳳爪煮得好入味，又有咬口，做小食一流豆漿（$11）：用碗裝而唔係用杯裝，飲落別有一番風味，豆香十足

今日清清地，好想食粥，見到這間店個名好特別～知粥嘗樂，所以就入左去，店內非常多人，等了一會。這裡的沙鍋粥很出名，就点了小鍋~沙巴龍躉魚粥~$98，非常抵食，份量充足，而且非常多魚肉，每件魚肉新鮮彈口，厚厚的魚皮，粥底軟綿綿又鮮甜，好好味。蝦醬石鍋通菜，通菜放入燒熱的石鍋內，食到最尾都是熱辣辣，而且蝦醬味道很香但不咸，非常好味。香煎鯪魚餅，非常鬆軟，魚肉鮮甜，真材實料，一定要食。豆漿也是必定的選擇，無論凍或熱飲，豆味非常濃，好好味。第一次食黑豚生菜腸粉，豚肉很有肉味，不錯。

天氣凍，食碗粥就會暖笠笠。我哋一家三口，諗唔到有咩啱食，食粥就啱，小朋友又鍾意食腸粉。沙巴龍躉砂鍋粥 $98我哋叫咗細嘅砂鍋粥，但係嚟嘅時候其實份量都好大煲。夠晒我哋三個人食，入邊魚肉都好多。感覺係新鮮嘅魚，因為仲有彈性，有魚味，唔腥。我哋特登叫職員比多一兜蔥花，加咗大量蔥花，更香。佢另外有一兜豉油上面有蔥，係用嚟點魚肉。粥底好綿，小朋友都食咗兩碗。蔥花蝦米腸 加熱豆漿 $25蝦米好香，腸粉好滑，豉油鹹甜適中。 第一次飲熱嘅豆漿，佢係低糖嘅豆漿，好健康。豆味好重，感覺材料十足，用碗上又幾特別。鮑汁鳳爪$36平時喺酒樓都會叫，估唔到呢度都有得食。鳳爪好入味，最鍾意食埋入邊嘅花生。生炸大雞髀配薯餅 紅豆冰$39炸粉厚薄適中，炸嘅時間剛剛好，入邊仲係肉汁Juicy。薯餅脆卜卜，紅豆冰只不過係加$3，大大杯好抵飲。

同媽媽去附近行街買嘢， 行到咁上下要醫肚喇，媽媽話今日想食粥， 好彩附近有呢間粥舖入到去睇，餐牌有好多選擇， 難得一讚嘅係招呼幾好，餐廳裏面嘅環境都幾乾淨衛生，坐得舒服，同媽媽一齊嗌咗兩個粥share食，第一個係沙巴龍躉魚粥， 粥底好綿， 食得出冇落味精，估唔到啲魚嘅份量都幾多只係嗌咗小鍋，不過裏面都好多魚肉性價比高， 好抵食同埋啲魚肉好滑好彈牙， 一啲腥味都冇第二個就係鮑魚沙田雞粥，同魚粥一樣，勁正勁多雞， 仲要唔係雞骨， 好多嚿雞都係啖啖肉我同媽媽都覺得啲雞肉勁滑勁好食好惹味， 呢個雞粥勁香，呢個係好食到會再返嚟食嘅呢個鮑魚雞粥真係勁足料，附上鮑魚圖一張，而且啲鮑魚洗得好乾淨街外食肆好少可會清潔得咁乾淨而且鮑魚新鮮彈牙

最近北角炮台山果面開左個文青區，吸引埋我過去。。。玩完一輪，已經冇力再搵野食， 係街口見到間粥店 就入左去成日答車都經過，今次一於試試佢去到其實4點幾5點。。有d 尷尬，poster見到果d 野都未有得嗌(6點後先有)。。唯有嗌住d大路野先炸兩! 大大碟! 脆脆地，夠香口仲可以另外加芝麻一碟腸粉真係唔夠，再嗌多碟牛腸望落充滿油光，閃令令入面牛肉勁多，食到粒粒牛肉，又係正黎粥鋪，無理由唔食粥雞粥，蝦蟹粥，龍躉粥都睇落好正。。。最後都係揀左雞粥雞肉大大舊， 食落有雞味，又夠滑粥又夠味最重要係蔥可以另外放， 咁就唔驚有人要蔥有人走蔥 可以share食送粥小食，煎堆仔同炸魚餅。再加碟油菜夠哂均衡飲食個menu 三杯雞都好似正。。。可惜要6點後下次唯有食夜粥想食但坐底已經賣哂的咸煎餅另外嗌的凍檸茶

幫住北角同事搬電腦返屋企，佢客氣話請我食飯，落到樓下諗住揾餐廳，我見到有間粥店叫知粥嘗樂，突然好想食碗粥，於是朋友就請咗我入去食！蝦蟹粥，有海鮮粥食，當然唔好錯過，叫咗個小鍋都好足料，用上新鮮花蟹，所以特别鮮甜，蝦亦彈牙有鮮味，粥底綿滑，用煲仔上可保持溫度，冇咁快凍。豬紅艇仔粥轉煲仔粥，其他粥如改煲仔上加5蚊，豬紅滑溜，豬皮魷魚都爽口，魷魚係用高質土魷，不是一般水魷，口感特別爽脆。皮蛋魚片粥，魚片嫩滑，冇骨又冇腥味。加皮蛋更美味。糯米雞味道比較淡，糯米軟熟，餡料有雞翼、臘腸和肉碎等。炸兩，用腸粉包裹油條，然後切成小段上枱，顧客可因應自己喜好淋上豉油、麻醬、甜醬和辣醬。腸粉口感柔嫩有彈性，夾油條加埋調味醬汁好好味！蔥花蝦米腸粉，另外腸粉加入蝦米蔥花又是另一味道，又香又滑，真係食到停唔到口！豆漿有凍有熱，凍豆漿甜味適中，熱豆漿就係冇糖，不過可以自行添加糖量！

同屋企人11月10日夜晚嚟食飯，叫左個$140嘅鮑魚雞粥，同埋套餐粥。等左15分鐘未整好，唔緊要，我都明白砂窩粥要耐啲。但佢冷氣大，吹住個頭吹到有啲頭痛，我同個員工講 可否關細少少冷氣，吹到有啲頭痛。佢嘅答覆係：無得喎，一係熄左佢，我都流緊汗呀。洗唔洗轉枱吖？我老豆叫套餐，已經食到一半，一碟二碟我無謂佢行嚟行去。但呢種態度感覺好差，我來俾錢食飯，但連頭痛， 熄細少少冷氣呢種要求都不被接納，原因係你流汗？！我忍左啖氣，因為我份粥未嚟。嚟左仲勞氣，鮑魚雞粥 一舊鮑魚都無。 我等左咁耐，鬧都費時，直接同伙記講，完全無鮑魚，改返做雞粥。我都幫襯左呢個野有10年，希望啲員工做嘢認真少少。

從來未試過食完嬲到要打食評！食完嬲到要即刻開OpenRice account打食評！第一次食呢間野，夜晚8:40分入座，想叫三杯雞鍋同鐵板牛柳，點知無哂，唯有求其嗌。嗌左鮮蝦腸，糯米雞，中鍋蠔仔肉碎粥。蝦腸正常，蝦幾爽甜既，但豉油離奇地無乜味。糯米雞唔好食，feel到係蒸左半日左右，蒸到爛，味道亦唔好食。重點！！！個粥！！！附上圖片一張！！！見唔見到d米係一粒粒！完全唔係粥！你可以寫泡飯但唔可以寫粥！中鍋$108但加加埋埋得十隻蠔左右！個湯！無味到我加左半支豉油（所以你見到個色咁樣），勁多胡椒粉，都係無味！我本身好餓！食完一餐難食既野個心會好失落好空虛唔知你地明唔明😂反正我真係嬲到第一次出post張單同其他野食唔記得影，我埋完單要即刻去對面食返個麥記平衡下心理完！！

今時今日，周街都係茶餐廳、冰室，相反粥店就買少見少，部分老店衛生又一般今日出港島買嘢，同行朋友就介紹我黎炮台山呢間「知粥嘗樂」，店面乾淨衛生，光猛整潔炮台山都好多食肆，一定有番咁上下實力，先有咁多街坊幫襯粥品款式多之餘亦有西式食品，中西合璧炸兩非常好味，外面腸粉綿滑，內裡油炸鬼脆口，完全沒有油益味醬油則自己隨喜好落！豬潤腸鯪魚餅，呢個正，下午茶$24/3大塊，上枱時新鮮熱辣，煎得好靚好香鯪魚味，魚肉扎實彈牙今餐主角：鮑魚沙田雞粥即叫即煲，大約15分鐘呢個真係好正，小鍋份量已可分到四碗；鮑魚鮮味爽彈容易咬開；雞肉份量多，嫩滑結實；粥非常鮮甜綿滑，大讚奶茶又是一個驚喜，估唔到中式粥品店有如此水準，口感滑，茶味香濃，溫度夠熱

平日大魚大肉,吃得垃雜又油膩,間中也要清一清腸胃。位於炮台山地鐵站對面的知粥嘗樂,不單止地點方便就腳,原來食物款式也不少。除了最接近門口的即場現炸油器,還有新鮮生滾粥品。即叫即製,保證新鮮熱辣。下午茶時段客人不多,師父就細心準備晚飯時段的食物。因為這裏最有特色的火山石燒套餐,要晚上六時後才供應,而且我們也不算很餓,就簡單點了幾款職員推薦的食物。因為我們點了一個小砂鍋粥兩人分吃,店員就細心地預先安排了食具和器皿給我們。首先出場的是熱辣辣香噴噴的牛筋腩腸粉煲。平常我們到粥粉麵舖會點牛筋腩麵,也有可能選擇腸粉,但是沒有想到牛筋腩和腸粉竟然可以一起在砂鍋中存在,而且味道非常不錯。牛筋煮得非常軟淋,充滿膠原蛋白,而且牛腩味非常香濃。想不到腸粉不單止吸收了這些香味,而且因為放在砂鍋裏,竟然有煎腸粉的香脆效果。同一時間滿足了幾個願望。腸粉是我的喜好食物之一,不過卻從來沒有試過黑豚肉生菜腸粉。想不到結合出來的效果也不錯。爽脆的生菜,配上香濃的黑豚肉,為腸粉帶來了新鮮的衝擊。當小鍋雞粥還未出現的時候,我們也點了解渴的飲品。酸酸甜甜的凍檸賓和提神的凍即磨咖啡,可以提升味蕾細胞的敏感度。小鍋雞粥終於出場了。

返工嘅時候同同事講起想食粥，即興就約咗放工一齊去知粥嘗樂食晚餐！平時早餐間唔時都會嚟買粥番公司食，但原來除咗粥仲有好多嘢食嫁🤩沙巴龍躉粥：用砂鍋直接上枱熱辣辣，溫度仲可以保存得耐啲，我哋叫咗細鍋但係每人都分到兩三碗，龍躉肉分量都幾多，呢個價錢絕對抵食！魚肉味道較淡，食之前點少少附送嘅蔥同豉油味道就剛剛好😊鮮蝦腸粉：腸粉皮又滑又薄，每條入面仲有2隻大大隻彈牙又有鮮味嘅大蝦❤️黑豚肉生菜腸粉：腸粉皮同蝦腸嘅一樣咁滑，餡料係嫩滑有肉味嘅黑豚肉加上爽脆嘅生菜，口感層次更加豐富！香煎鯪魚餅：鯪魚餅彈牙無任何細骨，煎到好香口同惹味，配埋熱粥一齊食真係一流！鮑汁鳳爪：以小食份量嚟計分量都算幾多， 鮑汁微甜鳳爪煮到好入味又唔會太鹹，連配菜嘅花生都好好食，鳳爪感覺到有滿滿嘅骨膠原😆

好鍾意食粥💓，不過粥麵店愈來愈少🥲 ， 每次經過炮台山都見到呢間，係地鐵站對面，今次終於有機會試吓😋鮑魚蝦蟹粥 $138嚟到當然食人氣海鮮粥🤤，又鮑魚又蝦又蟹，材料滿滿又大隻，一啲都唔馬虎🥰 鮑魚爽口，蝦肉彈牙，蟹肉結實鮮味。 粥底吸收哂海鮮香，仲愈食愈鮮甜😍 小鍋已經係兩人份量都幾抵食叉燒腸粉 $21幼滑腸粉配咬咬肉又香口嘅叉燒蒸蘿蔔糕 $16蒸蘿蔔糕好軟綿，但仍然食到一絲絲蘿蔔，上面仲有蝦米🦐牛脷酥 $11牛脷酥外脆內軟，香甜美味蛋黃鹹肉糭 $23鹹肉糭口感軟糯，餡料豐富，蛋黃仲流油😋油菜 $27豆漿 $11

星期日，同另一半去炮台山海濱公園漫步，浪漫下🤭，行完出大街揾地方食下午茶，見呢間知粥嘗樂幾光猛，有粥食，又有中西式下午茶，價錢都幾抵，我哋好耐冇食過粥，就入去睇下有乜啱食😄砂碢鮑魚沙田雞粥我哋要咗細碢，原來細碢都幾大，有大約四碗🤭，鮑魚兩隻，鮮味彈牙，雞件大大件，雞肉嫩滑，粥底吸收咗雞同鮑魚精華，軟綿鮮味😋牛脷酥傳統粥店以前嘅必食油器，依家都唔係間間有得食 lu😅，牛脷酥甜甜哋，微暖，外脆內軟，食落唔油膩😋牛筋腩腸粉煲第一次食牛筋腩同腸粉crossover嘅煲仔，牛筋腩炆得幾腍，腸粉即製，吸收咗腩汁，惹味好食😋另外，我哋仲點咗煎鯪魚餅同蘿蔔糕，鯪魚餅煎得香口，鯪魚餅加💰6，就有飲品🤭.

近排氣溫驟降， 自不然想起煲仔飯，生滾粥這些傳統本土暖胃美食～檯面調味醬汁齊備👍想點這窩 「鮑魚蝦蟹粥」很久了，怕拆蟹剝蝦殼 好花時間但今日豁出去了～工具齊備， 很認真的海鮮生滾粥。 還另備一小碟香蔥和香蔥醬油。👍粥底好香好綿～ 見到店員準備中選用澳洲大牌子嘅絲苗米。鮑魚好彈牙唔會煮到過熟。🤩有原隻水蟹， 肉唔算多不過都夠鮮甜。 大蝦新鮮，肉質彈牙， 令整鍋粥底充滿海鮮甜味～鮑汁鳳爪竟然以鐵煲仔上，keep 住熱辣辣。 雞腳沒有炸過， 亦冇炆過腍， 所以肉質好結實好有彈性的。 墊底嘅花生好大粒，非常入味。 建議盡快食，因為凍咗的鮑汁會凝固。這裏的牛脷酥也十分美味。 外皮夠酥脆， 裏面鬆軟帶甜， 仲微微暖 ， 入口不油膩又唔黏牙， 就咁食唔放入粥都超正！凍豆漿推介佢嘅現磨豆漿， 有豆香又唔會太甜， 配牛脷酥出奇地夾！豬潤腸粉腸粉比較厚身，富米香。 豬潤是切碎的， 沾上甜醬油味道唔錯。雖然是傳統粥鋪，但食物選擇多， 還有各款咖哩飯餐，石燒牛扒， 石鍋小食～～ 傳統粥店買少見少。很羨慕這區有一間傳統粥鋪， 突然想食白粥油炸鬼都非常方便！