石牆道韓國餐廳

营业中

休息中

今日來試下呢間 石牆道 就前菜已經有10小碟 同埋仲可以免費 refill 真係正 我最欣賞就係個炒魷魚伴素麵 原本我怕辣 但試左又可以接受 魷魚夠惹味 撈埋一齊食夠晒入味 我覺得幾好食。海鮮蔥餅餡夠多 食得出多魷魚多蔥 味道淡淡夠濃郁 加埋魚露口感會更加好 加上仲有最鍾意既蟹膏拌飯 蟹膏食得出夠新鮮 拌飯一流 醬油蟹更加冇得頂 下次會再試其他！！

朋友生日飯揀左呢間餐廳，之前食醃蟹怕腥，今次點左呢間既醬油蟹，又完全吾腥喎，啲蟹好鮮，又多肉，下次黎一定再食，餐單都幾多野食，仲叫咗個石鍋生蠔拌飯，濃度味道啱曬我，朋友都話正，食韓國嘢餐廳嚟講非常出色，有好多嘢未試仲想再試下。

下星期终於可以飛去韓國，今次可以瘋狂購物，所以出發前先吃餐韓菜，為韓國之旅揭起序幕今次我地去左石牆道韓國餐廳勁多燒肉，牛五花；牛肩脊；牛肋骨；份量多，肉香四射有我最爱鱿鱼，勁大塊；仲有蝦，全部新鮮，豐富海鲜餐跟住仲食埋人参雞，參味濃，原隻雞，下飯一流下星期到韓國首爾再食過

噚日係IG見到篇韓國料理介紹，好似幾吸引，所以尋日就去左試下，確實唔錯叫左個韓式炒年糕，煙煙韌韌；另外D蝦幾新鲜，份量足醬油蟹，超鲜味，啖啖蟹膏，確鮮甜鲜牛肉，味道唔腥，加埋梨絲，味道中和，感覺良好整體出品唔錯，IG無誇張，大家正得一试

約左朋友食韓燒傾下計, 見呢間食評幾高又好似幾正宗就book定台試下...結果一坐低, 經理擺低menu就猛咁吹你落單, 又猛咁sell我地食2人餐, 約$1000... fined食物極速就送到, 經理仲好落力咁將d牛肉一次過掉晒落去個鐵板度幫你燒熟晒去, 驚死你會慢慢燒慢慢食咁... 我地根本追唔上佢既速度, d燒肉凍晒之餘又完全傾唔到計食物質素相當普通....而成個用餐過程d店員都好似好忙咁, 叫人fill下水同泡菜都冇人理最慘係食食下無lala拎張單過黎叫你即刻埋單先, 同我地講有用餐時限!!! 但我地訂座同入座時完全冇人同我地講過有時限!!總結就係: 價錢唔平, 但服務同質素都一定冇下次!!

2023.1.17 星期二 7:20pm放工時間都算熱鬧，很多枱都安排到樓上室外位。周圍幾張枱都是燒烤，但戶外就沒有太大油煙味。店主/店員是韓國人，廣東話不是說得太清楚，要想想才聽得明。而且太hard sell，坐下不久就催落單。如果客人在考慮中，只點了一兩個菜，她又會說"夠啦？要唔要XXX呀？”，會令人不好意思。••••••••••••••••••••小菜很多，還有特定擺盤。味道可以，很開胃。| 炆牛肋骨 | $200🐂🥕正常分量，牛肋骨的肉味濃，炆得軟腍，白蘿蔔、紅蘿蔔和冬菇都很腍很入味，醬汁量一般，少少甜，濃淡剛剛好。| 海鮮蔥餅 | $150🦑🍕表面不是脆的，口感比較粉，但都算夠餡，吃得出不少不魷魚和蔥，味道淡一點，不過點魚露就更好吃。| 烤銀鱈魚 | $220🐟價錢比較貴，分量算正常。魚皮煎得很脆，銀鱈魚都煎至金黃色，魚肉很滑，油脂味很香。最尾有細碗甜米露，是凍的帶薑味的米釀糖水，不過真的凍到有冰塊🧊服務費 10%••••••••••••••••••••整體味道和質素還好，不過略貴。如果多人的去的話比較好，因為會燒烤或多點一些菜，店員招呼會好一點吧。催落單和硬銷的服務態度，有

星期六去左呢間餐廳食個快lunch ，影相唔多，請見諒😝俾自己食個快lunch,就點左個泡菜餅食住先因為係尖沙咀附近做野，行過黎都唔難搵既，加上自己又鐘意食泡菜野個人點左個泡菜餅，點+出菜都好快，預10分鐘內，快lunch 食唔到太多😆不過味道係唔錯既，我個人都鐘意酸酸辣辣個種味，自己加啲韓式小菜，加上啲上菜速度，侍應禮貌都可以，整體都好好招待，我會再番黎再食格😍😍😍

會再光顧，黎到韓國餐廳，呢間唔錯食左幾樣菜，評論下先生豪新鮮，加埋啲醬料撈埋，特別食到鮮味，或者加埋檸檬食都好，味道鮮+正薄薄地既牛肉，撈埋配菜，又真係幾好喎，我自己就鐘意撈埋啲飯食喇唔使多講喇，醬油蟹絕對係我既至愛喇，一定要一點再點，一食再食呀😍😍😍😍羊方面呢，啖啖肉，鐘意食肉既朋友可以點呀前幾日去完，之後隔多段時間會再去😗

一入到去呢間餐廳其實都幾靚，又有棵桃花，夾哂新年既氣氛環境企理，我都俾like la 去到我鐘意既部分就係蟹膏拌飯，蟹膏鮮味拌飯一流，勁想再食。就咁只食醬油蟹都正喇，我食左勁多隻😝😝😝😝醬油蟹，超正，會番食

好多年無同D親戚食飯，今年终於可以熱鬧D尋日先黎個韓式小聚餐，我地去左石牆道韓國餐廳，佢地地方好大，仲有盆大桃花，充滿農曆新年氣氛一行十多人，前菜都十幾點，夠晒熱鬧咁大點醬油蟹，夠鮮味濃，咁先食到蟹嘅鮮甜味，配埋紫桑飯堪稱一绝我最鍾意呢碟梨絲拌鮮牛肉，鲜得黎夾雜住梨絲嘅清新燒肉就不可缺少，份量多，夠口感，燒完香氣撲鼻

離譜！一坐低就不停sell燒烤，最離譜係由我地坐低到開餐，全程未夠30分鐘，即刻放張單係枱面，個經理仲要企係度要我埋單話出面好多人等，咩事呀，我無俾錢㗎白食㗎？我食物都未食完就俾人趕走！我唔係坐3個鐘無叫嘢！我由坐低到食緊嘢俾人趕走係得30分鐘咋！

一入黎由喐針卡confirm 係咪book左位，咁開始都感覺良好，之後叫我同個fd 上去 開曬咪咁講兩位上緊黎。上到去我同個fd 好似行catwalk咁 走到尾都冇人出嚟帶位 到有人啦 又叫我地行翻落去坐。麻煩安排好先啦，感覺十分差。到坐低，又過嚟confirm 有冇booking。真係燥燥地係咁係到sell燒肉set個啲同埋醬油蟹，好煩…我同個fd 本身諗住食個海鮮鍋再加多個面。落左個海鮮鍋即刻比佢話「我地依到唔可以剩係叫一個鍋兩份食架喎」心諗我地都未講完..同埋一個海鮮鍋都五百蚊 又唔係食好平嘅野想點..同埋我同個fd 本身都諗住再燒埋肉 但驚食唔曬先話唔燒 即刻黑我地面野食好老實講兩個字—普通。 小菜又比少碟蓮藕。全個過程根本我地食鍋嘅 都唔洗你過黎serve 唔知係咪顯示自己「我係有服務過你架」係都要過嚟搞我哋個鍋都滾晒 我地都食左陣 個「阿豬媽」係都要過嚟撩兩撩個鍋 大佬我哋食緊架啦 仲要聲都唔聲過嚟撩兩撩 真係多謝你 但係你撩兩撩係完全幫唔到個鍋好味啲 仲影響到我地食嘢嘅觀感個時都覺得係咪趕緊客 之後就係擺到明同你講要趕客 話平時我地係冇限時 但係今日係例外 係咁揼兩杯甜米

平安夜一個月前訂枱，之前食過一次幾好食，諗住再book, 平安夜下午先打來迫人改時間，其實已經安排好哂行程，依家先改人時間，請問訂枱來做咩？仲要職員表達不清，其實都唔知佢講咩，不停迫人立即改時間，5分鐘一連打兩次來，即係同朋友商量嘅時間都無？做生意唔係咁架嗎？

韓國菜 係我其中一樣鍾意食既野之前有朋友帶過我去呢間一次之後發現呢度啲小菜同韓國一樣多，而且都幾特別，唔係出面間間都係既而佢既食物都可以講幾正宗唔會話就香港人口味而影響本身應有既味仲有一樣野 就係佢有個好熱情既老闆娘 個人好nice 又搞笑 而再去既呢次 因為得兩個人淨係叫左豬手同螺肉拌麵豬手份量都唔細肉質啱啱好 有啲咬口 又唔太硬 有骨膠原既感覺不過會有少少漏，所以陪kimchi 生菜 同一啖飯食就非常好可惜係生菜無得Refill 食到後尾 唔夠送🥲至於個海螺拌麵 不嬲係我fav 分量好大 而海螺好新鮮 好彈牙 配菜都好多Mix埋一齊好配合不過留意番 佢真係韓國口味 真係有啲辣架唯一可以改善就係 佢可以飛一飛水雖然入面啲野會出水但係正常速度底下佢都開始有啲水水的 影響佢個味間唔中掛住韓國既話都會黎食下既不過佢又少咗折扣 同埋又貴左 希望唔好再加啦🥺

早兩日石牆道韓國餐廳舉行了一場小型試食會，我獲邀參加心情好興奮，畢竟係第一次呀嗎先試下D燒肉，五花肉唔錯，肥瘦比例50/50，燒完用鉸剪剪開一塊塊，夠香口牛肉亦唔錯，份量足，七成熟，牛味十足，同埋厚切牛肋骨份量好似少左D，但味道都ok醬油蟹就要讚下，非常入味，膏又多，醃得幾好部隊鍋料多，湯底就濃左D，淡番D會好食D今次試食都幾好，给了老板娘一些意見，還有很多進步空間，加油