砂煲兄弟 (悅來坊) (已結業)

港式煲仔飯食得多Fusion煲仔飯 又食過未？首先個環境呢就係茶餐廳格局位置都唔會好窄嘅叫咗黃鱔煲仔飯同個慢煮牛鵝肝煲仔飯😁😁首先講吓個慢煮牛鵝肝煲仔飯原先配個醬汁幾好味加上鵝肝嘅油份落咗煲仔飯到再加埋豉油就真係幾正另外個川味黃鱔飯 小小辣嘅香味 本身個飯底都有味吾落鼓油都夠味 如果加咗豉油嘅話就調香左成個煲仔飯嘅味道 另外個黃鱔都唔會淋另外煲仔飯最重要嘅就係飯底 個飯仔都可以啦但係一粒粒嘅個飯焦唔會太厚整體來講不過不失啦 味道到上冇太大嘅突破

係悅來坊附近行街晚餐行左陣 無咩頭緒食咩好係商場見到間餐廳「砂煲兄弟」名幾吸引門口侍應又派左張$10現金券 嘗試下新野叫左兩款煲仔飯加左個燉湯需要加$28（原價$48）蟲草花燉赤肉 我覺得似普通茶餐廳例湯平是燉湯都會覺得有肉味 但呢碗湯純粹得個咸字溫泉蛋牛肉煲仔飯 不過不失 係飯好‘林’其他都無咩特別要讚既係佢個煲唔痴底 飯焦好易夾起鮑魚雞煲仔飯 一樣飯粒比較濕 鮑魚同雞都不錯但價錢黎講唔太值整體黎講不過不失 但我諗試左一次未必再試

見間店舖開咗一段時間，咪諗住去試吓，我叫咗個鰻魚煲仔飯，同埋個蟲草花燉湯，等咗15分鐘後，好失望地只見2吋左右嘅鰻魚係個飯上面，那時我以為真係咁少，所以冇影相同埋冇出聲，但後來返到屋企諗住睇吓openrice啲相係咪個個都係咁，唔睇由是可，一睇把鬼火，size 竟然長過我食嗰條嘅一倍，唔知係個廚師冇標準，又或者係縮咗水，不過總言之唔會有下次。

今日同閨蜜去行街，行到攰見到呢間個名咁得意嘅，有得食煲仔飯，於是就入咗去，嗰時七點幾，食飯時間，啲環境好舒服，地方好乾淨，未食之前喺門口見到有黑松露海膽煲仔飯，已經非常吸引。叫左個首先係黑松露海膽，鵝肝牛嗰個配搭真係好好食。鰻魚飯係佢哋嘅推介，鰻魚飯係必食，個味道好濃，但係又唔會鹹嗰隻所以非常好食。西班牙臘腸排骨煲仔飯呢，款煲仔飯本身已好夠味，唔使再添加醬油，值得一讚係飯焦煮得啱啱好，唔會太燶，只係薄薄一層嘅飯焦。下次繼續來。

以煲仔飯做賣點，嚟到梗係試下煲仔飯上檯好熱，有飯焦，飯味唔錯泡菜同牛肉都好食，不過用嚟整煲仔飯好似怪怪地咁另外豉油偏咸冇乜甜品，唔似煲仔飯豉油午餐嚟講60蚊有飯有野飲，不過不失啦

今日同同事放工去埋日式超市買野,買完都夜就食埋晚飯先走啦去左悅來坊砂煲兄弟食飯環境都幾舒服今晚叫左胡麻棒棒雞,三重芝士蝦煲仔飯,松露雜菌雞粒煲仔飯,竹笙杞子時蔬,涼拌西紅柿涼拌西紅柿-蕃茄好新鮮,再配合埋好FRESH既蔬菜,有D辣辣地好醒胃竹笙杞子時蔬-雞湯做湯底,菜夠新鮮,竹笙都好口感胡麻棒棒雞-味道好好,雞都好滑好夠味道松露雜菌雞粒煲仔飯-松露味非常香,雞都好滑.飯蕉夠香又唔會太燶三重芝士蝦煲仔飯-店員教路芝士要即時撈就會出現芝士絲.好香芝士味道,蝦都幾鮮味

今日又同男朋友仔去試新野，我地叫咗個鰻魚煲仔飯，雖然曼魚嘅份量不多，但係都幾肥美。配埋啲牛蒡，口感都唔錯叫咗個煲仔蜆，份量都好多，而且幾入味。比起清酒煮蜆，佢用牛油去整，又多咗一種海水鮮味，而且唔會好鹹。抵食仲要左一個煲仔海南雞飯，係黃油飯底，之後再放上海南雞，所以個雞唔係話熟到老哂。但就冇乜煲仔飯嘅感覺！我地兩個都有啲咳咳地，所以最後我地一人叫左杯咸柑桔🍊，味道唔係好傳統個啲，但都唔錯嘅😝😝

咁啱約咗朋友食飯，又唔想去太遠，反正有人住荃灣就去荃灣搵食，雖然個個都知唔係去食街就去大商場食，但食咁多次都悶啦。荃灣友就話去酒店個邊啦，有煲仔飯食，心諗大熱天時食煲仔飯😅，不過未食就去試下啦。現場環境唔錯，坐得舒服，都見好多人幫襯緊。一睇menu ，有鵝肝、又有海膽係咩玩法，唔係煲仔飯咩，仲有湯飲？又有小食？ 雖人少少，我認我係為食，所以唔理，叫咗一個鵝肝牛柳煲仔飯、一個黑松露肉蟹海膽煲仔飯、一個一字骨雞翼、一個燉湯、一個浸菜。確係叫咗好多野，原本諗住唔會大份得去邊，點一嚟二個飯，個下呆咗，好大煲wor ，好彩都係share食。煲仔飯好香，有飯蕉，鵝肝好正，可以再煎香，有少少脆口就仲正，牛柳上枱時見到好紅，有少少擔心，但因為個煲飯勁熱，搞均嚟食d牛肉就啱，食到一半先明呢個原因。黑松露蟹肉海膽，唔洗講，正，夠香，夠甜。如果有機會我會獨吞海膽🤪。小食雞翼唔錯，單骨勁方便，份量都唔細，又多薯條跟。個湯，唔錯，不過食咗太多野，好飽，每人分咗幾啖就算。整體嚟講，食物唔錯，下次可以再試下其他款，因為見到隔離枱有一碟好大的雞，下次就要去食🤣

小編今日同媽媽係荃灣行街，行到甘上下到晚飯時間，就係悦來坊到解決晚餐。因為媽媽係無飯不歡，所以就揀左間有飯食既餐廳。砂煲兄弟，一聽就知道係食煲仔飯啦。連啲餐具都係好似砂煲甘。🦀黑松露蟹肉海膽煲仔飯 - $168一打開煲蓋果陣，啲松露香味已經撲鼻而來。飯上仲有好多既蟹肉，拆成一絲絲，撈埋松露飯一齊食好正。海膽鮮甜，吾腥。🥬竹笙杞子時蔬 - $78有白菜仔，冬菇絲，竹笙，杞子。個湯都可以飲埋，比較清，無咩油，而且飲到好甜既白菜仔味。🥢涼拌小雲耳 - $28雲耳爽口，酸酸辣辣的。作為飯前小食也不錯。🥤紅豆冰 - $13叫煲仔飯有半價。

今日約咗人去荃灣食飯，離地鐵站遠少少嘅悅來商場，係我第一次黎。原來裏面咁多嘢食，仲有吉之島行。我哋揀咗呢間食煲仔飯同小菜嘅餐廳，但令我最驚喜既唔係煲仔飯，竟然係呢碟紅油抄手🤩🤩🤩辣椒又帶點麻辣，係 超 惹 味！🤭🤭🤭本身都唔鍾意食麻辣，食完個口唔係太舒服。但呢碟真係好好味，平時食紅油抄手好容易覺得好油膩，因為成碟都係油。但呢碟完全冇呢個感覺，食完一粒又一粒😋😋煲仔飯我就覺得冇辦法同大排檔嗰啲比較，當係普通一碟飯食都唔錯。要食有風味嘅煲仔飯都係去返廟街啦！另外加咗個雞腳湯好清甜👍🏻👍🏻👍🏻

今日去咗砂煲兄弟去煲仔飯，入到去環境都算清幽、寬敞，但服務態度欠佳。叫咗個梅菜肉餅煲仔飯（$62）諗住正正常常，點知塊梅菜肉餅乾爭爭、「鞋颯颯」。其他小食一般般。CP值低。

一向都好鍾意食煲仔飯‼️有日去開悅來坊買嘢，經過見到呢間😚聽朋友講佢個黑松露海膽飯超好食，開正我個飯，趁有機會放假，即刻去試😋😋😋首先係黑松露海膽🤓鵝肝牛嗰個配搭真係好好食🧡🧡🧡鰻魚飯係佢哋嘅推介，鰻魚飯係必食🤗🤗佢個味道好濃，但係又唔會鹹嗰隻，所以非常好食。再提一提個雜菜煲，下次一定會再叫，好鍾意雜菜煲嘅湯底，淋係啲飯到撈埋一齊食，好正，好食到爭啲想叫多一個🤤兒家諗返起都流口水

😊今日同老公加爸爸媽媽，去咗荃灣悅來坊行街， 行到攰見到呢間個名咁得意嘅，有得食煲仔飯，於是就入咗去，嗰時七點幾，食飯時間，我哋閒日，好彩唔駛等位我哋一入到去，啲環境好舒服，地方好乾淨👍🏻👍🏻👍🏻未食之前喺門口見到有黑松露海膽煲仔飯，已經非常吸引，於是我哋就叫左呢個💓💓同埋仲有鰻魚煲仔飯，見到餐牌有個讚好公仔🤩🤩食落果然名不虛傳另外仲叫咗個鵝肝牛煲仔飯，跟住仲有個雜菜煲，仲有個蒜蓉蜆，份量啱啱好，爸爸同媽咪都大贊非常好食，唔同平時嘅傳統煲仔飯，呢個比較新式，估唔到又好好食到食到最尾，已經坐滿晒人，好彩我哋早入嚟。下次會再嚟食，食完仲可以去aeon超市shopping

今日走去試咗個蝦醬豬肉煲仔飯， 盛圍62蚊，一啲都唔算平， 可能呢個唔算係佢啲招牌菜啦， 質素真係好一般， 係好一般到普通嘅茶仔水準， 飯焦又冇乜， 蝦醬又唔算特別香， 咁我叫蝦醬煲仔飯就冇機會試過煲仔飯豉油係點啦，所以對於個煲仔飯豉油都冇 comment， 豬肉就唔會有咩特別啦，我諗都唔係雪藏豬肉你嘅 。總括嚟講呢， 我真係覺得大快活嘅煲仔飯都比佢好， 以咁嘅質素仲要加一， 佢一個煲仔飯都起碼五六十蚊，加一就起碼加起碼五六蚊 ， 我唔可以話佢差嘅，但係就會有更加多選擇囉。

好耐冇去過悅來坊呢邊啦，都開左幾多食店，我地隨機入左呢間試試。我覺得佢既裝修風格（個招牌）有啲似大陸木屋燒烤😂，去到收銀附近既枱就有香港特色！坐位都夠寬！小食叫左胡麻棒棒雞，佢係切件雞加啲青瓜係底，胡麻味加少少辣，幾好味好開胃～仲叫左西班牙臘腸排骨煲仔飯，臘腸唔同平時果隻，係偏實心～排骨量多～佢既飯量夠2個人食！魚香茄子煲都幾好，我鐘意佢切得唔會太大件，可以一口食曬～野飲就叫左紅豆冰、咸檸七、都幾大杯～😛