碧儷苑·精點粵菜 (擺花街)

营业中

休息中

中環呢一間餐廳，都係我一間好鍾意嘅餐廳，每一次嚟都可以自訂餐單，經理同服務員嘅態度非常之好，而且好有禮貌，性價比高，價錢合理，永遠都唔會失望，尤其是佢嘅燉湯，我係非常之欣賞㗎。仲有一個蒸馬友，非常鮮味，魚皮仲會即刻新鮮拎去炸，第一次食呢一個食法。我最鍾意呢就係佢呢個動物嘅蒸包點，簡直就係慶祝生日必食之選，每一次都好有驚喜，裏面有豆沙餡或者係芙蓉餡，好有心思，非常欣賞呢個動物包包所以我推薦俾大家，而且佢仲有獨立嘅房間，啱晒大家聚會用。交通方便，環境衛生乾淨，而且寬敞闊落。係一間好有特色嘅粵式餐廳。

中環的食市一般都不便宜，所以要在中環吃飯，更要找家有特色兼好吃的。這家中式酒樓，座位不多，地方不大，但提供不少懷舊且特色的菜式，冰鎮咕嚕肉、椒鹽鮮魷、鹹魚蝦肉煎肉餅、吊燒雞，看來很普通，但吃肉餅時可感受到新鮮的蝦肉配搭豬肉鹹魚，蝦肉彈牙和鹹香味足令你滿意。坦白說，提供舊菜式的確也花了心思和功夫。而酒樓的服務和招呼做得非常好，不但有点心送，負責高級還會來一枱一枱打招呼，十分有親切感。這樣的接待，還可以有甚麼投訴呢！只能是很滿意吧！

隔了一段時間，再訪碧儷苑。上兩次都是食點心，今次試吓佢哋嘅小菜。企鵝配乾冰我理解，但我唔明白點解蝦多士會有啲乾冰配搭來上菜，不過個效果又真係幾震撼！我嫌蝦多士嘅多士太厚太大，食完會好快飽咗，咁就會食唔落其他嘢。佢哋嘅灌湯餃係懷舊灌湯餃，但我就嫌啲湯唔夠，淨係好足料，可能蒸耐咗，啲料索晒啲湯。其他餸菜都好食，尤其係炸子雞同埋炒飯。甜品方面，吉士餡嘅紅袍荔枝唔知點解要加一種有啲假嘅菠蘿味，我覺得唔加菠蘿味會好啲。貓頭鷹包裏面係奶餡，我覺得係煉奶，個味道一般啦，個樣做得唔及企鵝靚。期待佢哋會再做返海豹包，咁就可以同企鵝一齊喺冰極天地喇！

食物同環境都真係普通到一個點，嗰個荔枝紅袍要$22一粒，冇特色兼夾唔好食，其他點心都非常一般，所以呢個價錢嘅話就性價比唔係咁高啦。如果只係去打卡嘅話其實仲有好多其他更好嘅選擇。

🏠碧儷苑喺擺花街食過幾間中菜，我覺得呢間係最好食豉油王煎阿拉斯加蟹伴腸粉 $1280所有嘅蟹已經幫我地剪到容易嘅食嘅size，蟹肉都幾多，6個人食，1人都食到2-3 舊蟹肉，呢個腸粉勁入味， 又滑身，一食就停唔到☺️杏汁白肺湯 $348呢個白肺湯做得好好，好濃郁！飲得出杏仁磨碎左沙沙地嘅感覺， 啲湯渣佢係另上嘅，豬肺好腍好滑身，無怪味，好正好正， 冬天飲完成個人都暖晒👍🏻 三百幾蚊來講，我覺得好抵食！脆皮炸子雞 （半份）$220普普通通，如果想食雞肉嘅可以嗌，雞肉都幾滑。椒鹽日本白蝦紅燒豆腐 $198呢個係另一個令我覺得好有驚喜嘅菜， 係佢外表好似好普通，表面嘅炸白蝦炸到好脆， 豆腐炸得外脆內軟，而且好有豆味， 成個feel好夾！紅袍荔枝 2件 $44呢個即係奶黃煎堆， 表皮炸得有啲硬脆， 包住嘅奶黃餡有啲留心，食落都幾滿足。冰凝小企鵝 2隻 $50呢個完全只係for影相，但係淨係攞嚟影相都抵🤣🤣好cute cute📍中環擺花街1號一號廣場1樓

睇左影片分享網站介紹，本身一心去叫甜品企鵝和熊仔打卡，伙記話兩樣都冇，解釋話出品唔會多，已經營業時間一開門就去，坐低一陣已叫都話冇，太失望，鹵水乳鴿等左一個鐘才有，話製作需時都唔使咁耐，点知嚟到有兩舊未熟，好彩佢都肯換番比我地。

另外一餐生日飯去咗依家喺中環星記樓下嘅中菜朋友識人定位，留咗房房間好寬敞，服務超好自帶酒水免開瓶費幫我哋寫咗個9位菜單$5600我覺得好抵食最緊要係味道好好！雖然菜單只係6味菜但係份量好大最後飽到上心口😆杏汁白肺湯豉油皇煎虎蝦伴腸粉✨雞油花彫蒸加拿大肉蟹✨蜂雲腿伴油泡南非鮮鮑魚蝦湯脆米鮮班球✨白灼本地鮮牛頸脊✨龍哥招牌炒飯✨冰疑小企鵝紅袍荔枝✨9位 $5600打✨係我覺得個人喜愛其實個個都好食特別欣賞腸粉同埋牛頸脊，同埋雞油花雕蟹，雞油花雕汁好好食，要叫咗個白飯撈嚟食😆龍哥招牌炒飯好好食，不過真係好大要打包，龍哥同專登出嚟同大家打招呼，見識到龍哥炒飯嘅龍哥本人, 好nice😆 同埋個甜品好可愛，肥嘟嘟企鵝入邊係豆沙，呢個味道就冇乜特別，但係真係好得意。甜品最好食嗰個係紅袍荔枝，整到荔枝咁嘅樣，其實係一個煎堆仔，入邊仲有少少荔枝肉，好有心思，應該都好考功夫。Overall, 好滿意嘅一間中菜，食物質素環境同埋服務都好好，仲要有房佢哋荔枝角都有分店近我屋企，下次可以試吓呢間分店😆Around $600pp ~ $700ppRating : 9/10

很開心在這裡慶祝母親節，酒樓職員很有禮物和親切。點心很好吃，最喜愛是潮式蠔仔泡飯，味道一流。特別要介紹動物點心，那種震撼，一放上枱，全枱大叫。小朋友開心到要衝出來望。這餐飯真的很值得食。也得值得再去。

午餐的食物份量、价格都合理，上菜速度也很快； 容易订到位置， 服务员的态度也很好； 经典的粤菜+ 茶餐厅style，选择更丰富， 符合客户的人口味！ 会经常帮衬这个店铺！ 赞哈

🔸懷舊虎蝦多士 ($68/pcs) 😋4/5薄又脆的表面，虎蝦大隻而肉結實，配甜酸將醬十分開胃惹味。🔸龍哥招牌炒飯 ($188) 😋3/5有蝦有叉燒，汁少少甜，松子加添口感。不過不失，不算特別。🔸冰凝小企鵝 ($25/pcs) 😋4/5見到這麼可愛的造型怎可不叫，陳皮紅豆感覺養生，作為甜品少些罪惡感。🔸蹦蹦跳小虎 ($26/pcs) 😋3/5可能因為有乾冰在下，出菜時是冷的，覺得奶皇餡還是熱食較好。🔸紅袍荔枝 ($22/pcs) 😋5/5都是奶皇餡有猶豫點不點，最後衝著造型還是點了。熱的，有荔枝肉，有驚喜。 ✴️總結：在中上環地段有點小貴，但衝著可愛造型點心值得一試，宜多人一起試更多道菜。

星期六下午中環飲茶,環境舒服,點心即叫即蒸,熱辣辣, 紅袍荔枝有驚喜,點心好味,黑白蝦餃,帶子餃都好好味, 之前夜晚有同朋友食過私房菜,無論飲茶或晚飯,都不會令人失望

一大班人食中菜之選！夠一圍枱都可以訂房～師傅手勢好好 推薦！❇️ 窩貼金蠔金蠔好新鮮，窩貼好酥脆，好口感一流！❇️ 櫻花蝦蜜餞柚皮櫻花蝦炸得好香口，柚皮好清新，甜中帶酸 好食！❇️ 杏汁白肺湯湯好清澈，白肺爽脆，杏汁好香甜！❇️古法羊腩煲羊腩煮得好入味，肉質好鮮嫩，冬天食岩晒❇️ 豉油王煎阿拉斯加蟹好貼心已經扑裂左外殼 好輕易就食到啖啖蟹肉！而且啲豉油仲滲晒入去 超入味鮮甜！❇️ 鮮炒蘇鼠斑球夠新鮮 肉質好鮮嫩，冇太多魚嘅調味料影響條魚本身❇️ 脆皮炸子雞外皮金黃酥脆，內裡肉嫩多汁，口感好豐富，好美味！❇️臘味糯米飯糯米飯好Q彈有嚼勁，臘味超香！❇️蹦蹦跳小虎 伯爵茶奶凍造型超可愛！！

食物算不錯，服務失色，樓底矮，變成空間不足的感覺。宴會菜單大蝦腸粉，腸粉反而好吃，大蝦太硬，可能過熟。服務如何失色，不敢再期望。碟上2塊肥肉，伙計換碗不換碟，不只，還直接把碗放到有肥肉的碟上。可能伙計唔夠，沒有加茶，見壺在4，5步附近的檯上，唯有自己去取。換來伙計不喜歡的聲音，基本禮貌都不懂。

經OpenRice訂咗位唔使等候直接入座，基本上亦全場滿座，由食物質素、環境舒適度、服務質素及價錢都整體令人滿意！雖然只要了幾款小菜，但每樣各有特色，特別是粟米鮮斑塊，非常香口肉汁嫩滑，粟米醬汁分開上令斑塊不會變淋，值得一試。但羅漢齋等咗好耐，而且比較鹹。見有好多客人叫杏汁白肺湯，經過時我都聞到好香，下次可以一試。不知是否年近歲晚，很多人食團年飯，看見有部長帶領廚師代表向訂房賓客及大堂其他席上敬酒，比較特別！

環境舒適，麻雀雖小五臟俱全。午飯時段，很多人。室內環境有點嘈，但係可以接受程度。但這是粵式飲茶文化特色之一。😊企鵝🐧和老虎🐯包點帶點可愛，上菜那一刻，乾冰煙霧效果襯托，小朋友看見也心心眼😍，即時歡喜雀躍，興奮不已。大人看見也忘卻煩憂，流露童真一面，確是一家會聚好地方。短短一小時內，可以無間段享受美食，不用擔心午餐時間不夠。上菜速度快，廣東點心好味😋。服務員態度和藹友善。紅油抄手、XO煎腸粉、九肚魚、燒賣、蝦餃