碧翠咖啡閣 (已結業)

朋友聚舊，一行十一人因HSBC 信用咭優惠而揀了這間自助餐，再加上每人可以送一隻大閘蟹，所以決定一試。一試之後發覺日本魚生同海鮮都唔夠生鮮，比較好食既食物(如蝦) 又冇re-fill，熱盤冷盤及甜品選擇極少，因為我唔食蟹，所以唔知隻蟹質素如何，好果方面得雪糕比較好味，以及招呼唔錯(有一個好靚好有禮貌既女侍應) ，其他就真係麻麻。如果以原價($3XX) 食，小弟就覺得十分唔抵啊....

一個好耐食評, 遲遲都未寫出全因為唔記得間食店名, 所以費事寫錯, 終於師傅的起心肝去查下, 於是乎拿拿聲寫番個食評!話晒都係師母牛一, 所以一早就打電話去訂定位, 而訂位時個伙記問我地有冇人生日, 師傅話有, 咁個伙計就話當日會送個蛋糕比壽星仔! 當日準時去到, 發覺地方幾大, 環境都幾舒服, 不過就有少少三尖八角, 做自助餐就好似唔係咁適合! 不過點都好已經去到就拿拿聲出去睇下有咩好野食啦! 食物方面唔算太多選擇, 但都有壽司, 生蠔, 魚生, 長腳蟹, 凍蝦等等, 熱葷反而唔多選擇, 味道就不過不失啦, 不過要數最好味師傅首推炸魚塊, 炸魚塊好鬆好脆, 而且唔油, 魚塊冇雪種味, 得喎; 跟住就係師傅食得最多日式螺肉, 螺肉軟硬適中, 而且夠晒冰凍, 辣辣地真係好好味; 再數就一定係生蠔, 師傅對生食物一向都唔敢興趣, 不過當見到佢d生蠔又肥又大隻又新鮮時, 都忍唔住左兩隻試下, 發覺真係好肥, 但始終放入口種感覺都係受唔到, 食左兩隻已經叫交晒差喇! 至於甜品都有好多選擇, 有雪糕, 蛋糕等等, 不過就唔係咁出色, 最高興就係有棉花糖, 棉花糖好鬆軟而且好香, 好味! 餐茶就任

前幾日爹地生日~諗住同屋企人食餐好既~但點知呢間野真係令我好失望囉~我食野已經唔算係揀食既野~亦好少話d野唔得~不過個晚食完個餐自助餐我真係好後悔啊~無咩野食不在話下~d野又唔多好食~同樣既價錢~我去沙田食都仲好過佢~不過要讚既係服務~d waiter幾搞笑~

這兒的服務都不錯，打電話ｂｏｏｋ位時，ｗａｉｔｏｒ都問我們有冇人生日，有的話會送ｃａｋｅ。我們話：冇。　之後到左當日，ｗａｉｔｏｒ打來ｃｏｎｆｉｒｍ　ｂｏｏｋｉｎｇ，又問多一次我們有冇人生日，有的話他們要為我們準備ｃａｋｅ，我們又話：冇。其實好少酒店會咁提人，所以我對這酒店的第一個感覺良好。食物味道方面都ｏｋ。生蠔、三文魚生、”立”魚生、八爪魚生、長腳蟹、凍蝦、凍龍蝦都很新鮮而且又不停供應，魚生類更是任夾，不用排隊等師傅分，幾ｆｅｅｌ　喎。但菜類比較少，要多吃水果代替。ｃｏｆｆｅｅ、ｍｉｌｋ　ｔｅａ、ｃｈｉｎｅｓｅ　ｔｅａ都係任飲，自己喜歡沖什麼便沖什麼，沒有一人一杯的限制。甜品、雪糕、水果種類很多，朱古力噴泉今回是士多啤梨。總括而言，二百多元的一個buffet，算是不錯的了。價錢方面：３２８元一位，恆生咭有７５折，恆生白金卡有７折，埋單都係２７ｘ元一位，都ｏｋ。

昨夜去食完,覺得佢真係唔值二百五蚊(折實計),呢間嘢雖然有長腳蟹,生蠔,龍蝦仔等高價海鮮,但全部都出得好少,refill又慢,最cheap的是要配給--到到九點,我先見有長腳蟹出,(可能之前太快比人攞晒),我就去攞啦,點知見個工作人員望住我哋,每隔五秒望一望我哋,然後放低三隻,如是者在一段時間內擺好果一盤長腳蟹,真cheap(覺得自己),點知擺到返去,d蟹腳得個咸字,龍蝦仔又係,點解可以咁咸架?唯一好味新鮮嘅係生蠔,不過只吃了一轉,因為refill慢仲要配給,算吧!(其實這晚的食客算很斯文和有品的了,不會一次過拿很大碟回枱,否則,我睇又係一場食物爭奪戰了),還有,我是第一次在自助餐上想吃麵包,但佢竟然無晒,半個鐘都無refill到,甜品又焦芝士蛋糕,真係好失望.唯一值得一讚嘅係佢嘅service,我問waiter攞張濕紙巾(因d龍蝦仔咸到我d手指好痛),個waiter竟然幫我開閉,.所以我建議用呢個價錢加少少去灣仔果間好過,而要抵食又可以試吓尖咀果間粵海,雖然餐廳唔高紙,但好多嘢食,refill快,同成日換唔同嘢食,折實都好似係百五六蚊,值得一試

8月13日去食呢度dinner buffet. 見有食評唔錯,所以試下! 但小選擇不特止,仲要搶先有(如長腳蟹,翡翠螺), 最激氣係好快就話賣哂長腳蟹, 所以冇refill.鐵板燒: 係冇架, 唔明點`解食評話有魚生只有八爪魚，三文魚同立魚三款(冇師傅serve , 三碟魚擺响度, 好似漢陽苑)In whole, I will NEVER GO AGAIN.

星期四(2/8)同朋友去Patio，身份證有8字全枱有75折，生日又有蛋糕送咪去試下囉！嘩!d海鮮冷盤好‘正’，有翡翠螺、頼尿蝦、青口、長腳蟹、蝦，美國生蠔仲又大又肥美添！我見到好多人攞生蠔，d師傅亦不停咁re-fill，所以唔洗驚冇得食！我最鐘意食鐵板燒，出面街好鬼貴，但呢度buffet 包埋，雖然款色唔係好多，但抵食啦！d蝦味道有d酒香又幾彈牙，好味！另有三文魚、牛肉粒、墨魚仔，同其他菜蔬。熱盤方面，炒皇后蟹、高湯灼虎蝦味道都ok，我覺得蜜汁黑椒雞翼好惹味。至於甜品，有士多啤梨噴泉，好靚！不過我唔好甜，唯有勁食生果，生果有好多：火龍果、蜜瓜、哈蜜瓜、西瓜，夏天食就最啱啦！我d朋友好鐘意食甜品，就話個甜品counter好吸引，擺得好靚，芒果慕絲蛋糕、士多啤梨慕絲蛋糕、黑芝麻蛋糕……仲有一杯杯好精緻的甜品，賣相同味道都好！值得一試！有一個類似珍多冰既自助counter，可以自選配料，自製一杯小型珍多冰都幾得意！不過d冷氣真係好凍, 原來哩度有披肩借俾d客人用, 都算幾周到啦!

3/5/07一路食一路肚痛肚柯真係從未食過有咁渣既buffet.patio做日式主題加國際美食,but食物種類太少,冷冷清清, 所有食物都是平價貨,賣相差味道又差, 炒飯炒面cheap cheap又無料. 日式主題真的連tea buffet都不如. 好少少的只有dessert及鐵板牛仔骨及牛柳. 見無野好食唯有食salad, 點知食左幾round caesar salad後就肚痛要去toilet.冷盤除了食到我肚柯既salad外,仲有凍crab,凍crab leg, oyster,青口,幾款susi及3種魚生(三文,彰紅,八爪魚),但魚生無鮮味,crab唔新鮮d肉梅既.每位收$308 plus 10%, 白金card有7折.都要2百幾架. resturant的環境也很舊, 只有waiter/waitress既services是較好的.blacklisted !! no next time !!

我也是見有優惠才帶家人去，適逢妹妹生日，但我發覺只要有ｈｓｂｃ或恆生卡就有７５折，無需ｃｈｅｃｋ　ｉｄ！我吃過有一款極正串燒，不過ｏ吾係海膽，而是青口＋大蝦＋石斑魚塊，專人燒烤，十分惹味，我覺得這是全店最好的其中一款美食了。我都有同感：今次的主題ｂｕｆｆｅｔ不及以前，但也有一些好介紹：1.生蠔2.咖哩蟹(要準時入座去吃,呆久了,因熱力過猛以致蟹肉外裹的炸粉變軟,那時便不好吃了!)3.tiramisu杯(酒味極香,比另一tiramisu蛋糕更好吃)4.日式小梨子(在甜品部,一個個小兜仔盛著,很cutie,酸甜的味道,十分醒胃)5.釀螺(我未吃過,但見一上便冇,就知好味,只上一兩次,好矜貴,注意:是放在熱暈桌上)6.大蟹(聽我老爸說:好甜,跟著他便一直默默在吃...)水準是退步了, 我一向喜歡到這裡吃buffet,但經今次後也要細心考慮了...

響廣告見到有以下優惠, 尃登黎試下:-身份証有"３"字７５折-四位成人幫襯，其中有人係該月生日有一個一磅cake送地方：唔係好大，不過坐得舒服食物款式:好小選擇食物包括:魚生只有八爪魚，三文魚同立魚三款，所謂日本野得冷面同什錦壽司，海鮮有生豪，賴尿蝦仔，長腳蟹同蝦，焗螺，廣告中提及既海膽虎蝦串更係成晚都未見過，其他熱葷＆dessert 既variety都好少職員服務：very good筆者覺得食自助餐最大既享受唔係唔停咁食，而係見到眼前有各式各樣既野俾你揀，樣樣試食小小已經好滿足，唔理回唔回到本既問題，但呢度真係滿足唔到，若以正價($308/Weekday, $328/Fri-Sun or holiday)黎計真係唔值，真係二佰蚊都嫌俾多佢話說回來，呢度唯一抵讚既係生豪，算得上肥美，仲不停供應，其他真係不消提　

1. 場地：都算大，但是裝修較舊。2. 食物：冷盤、冷海鮮、刺身款式都ok，但熱盤就不夠多。有煎蝦、煎三文魚等，但沒有車仔檔。3. 甜品：雪糕幾好，但蛋糕就比較少款。沒有中式甜品如糖水。4. overall：最緊要係食得開心。

好耐冇試過係聖誕日食buffet。今年忽發奇想，好想好想响呢個普天同慶嘅大日子食餐勁嘅 (雖然明知又迫又多人又唔慌好食得去邊)....多謝女友完成我嘅心願^_^又唔想去會展或Intercontinental俾人掠水，唯有"平平地"去呢度...食物選擇對我嚟講算少，只有二十幾款，有D失望。水準亦係非常普通。叫做食得過可算係生蠔及燒牛仔骨...冇緊要la..最緊要Merry X'mas ma..^0^

星期日(15/10)與家人一起去食buffet, 我地今次咁選擇了九龍萬麗。刺身: 三文魚, 立魚, 八爪魚, 好像有甜蝦, 但我沒有看到, 只是家人說食了(都不錯的。)生蠔係美國生蠔, 好肥美喔!!!都幾新鮮真係唔錯, 同埋供應不斷呀。不過依期高危, 食左3隻冇食啦。凍海鮮: 瀨尿蝦, 青口, 螺, 蝦, 蟹(不是太新鮮, 我食青口, 食到一,兩個係臭的。而瀨尿蝦冇瀨尿蝦味, 唔新鮮。不過過下口癮的話, 食少少都冇所謂。)凍既小食: 有個係吞拿魚, 外面煎過, 但裡面係生, 幾得意。熱小食: 有印度咖哩蟹, 印度包, 印度燒雞, 不錯的。有芝士千層闊條面, 有香草螺, 炸蝦卷, 鮑魚仔(熱小食都不錯, 聽家人說。)鐵板燒: 有牛仔骨,燒蝦, 雞軟骨等(很多人排隊呀, 但都ok的。)每位送大閘蟹, 不過全是公黎的。雖然唔多羔, 但話曬都係送既, 唔會要求都多既, 都算有誠意啦。甜品: 有朱古力噴泉, 有一些蛋糕, 但失望既係冇Tiramisu囉, 個炸香蕉卷不錯, 其他蛋糕一般啦, 都有得選擇下既。最攪笑有個蒜蓉蛋糕, 食落好似食緊蒜蓉包咁, 但口感係芝士蛋糕, 哈哈!不得不提, 雪糕

星期日和朋友去食BUFFET,生蠔味道不錯,三文魚,八瓜魚,立魚刺身都很新鮮,也有凍蝦,藍青口,賴尿蝦,翡翠螺,燒牛仔骨夠"淋",燒大蝦,燒粟米味道不錯,還有蒸魚,麵,長通粉,點心,朱古力噴泉及多款甜品,身份証有1或0會有75折,恆生白金或金咭有7折,生日預訂仲送蛋糕(可以拎走), 另外, 每人奉送大閘蟹一隻,所以我覺得價格OK,值得一試~

因為睇到廣告﹐知道身份証有1或0字會有75折，所以星期四同老公去食，行完一round, 真係唔太多野食，冷盤海鮮有7款，生蠔、蟹腳、翡翠螺、青口、尿蝦、蝦及刺生三款(八爪魚、三文魚及立魚)，除了生蠔及蝦﹐其他全部無味，又雪到結晒冰。其他熟食都唔吸引，連我喜愛的牛仔肉都好"un"，可讚的是生蠔非常鮮甜，少少腥味都冇，而且不停加﹐但由於新聞剛報導吃生蠔中毒，因此在老公嚴禁下只吃了兩隻。不過，我想我都不會再去了。