碼頭燒烤

营业中

休息中

同母親大人慶祝生日，一行6人，有老有嫩，想搵個好食又坐得耐既地方食生日飯！咁啱係facebxxk睇到佢有廣告，睇到係串燒燒烤喎！未試過就試下啦😋咁佢都幾隔涉既，要係元朗紅棉圍坐小巴，落咗車都仲有一段路先到，揸車去會方便啲，停車場都唔算貴！入到去就要飛，如果係老人記得帶長者咭先做到老人優惠架！買好飛就坐低，拎好串燒就可以開始燒架喇！豬牛雞羊都有，有扒有串燒，雞翼有全翼半翼，有腸有丸有魷魚！有菜有菇有蒜茸包有粟米！真係多到梗有幾樣啱食！調味方面唔太鹹，除咗蜜糖仲有孜然粉，辣椒粉辣椒油比你加！配合到所有人！憑入場券包一飲品，仲有有款特別食材，有蠔，雞泡魚干同秋刀魚，蠔就最抵食👍🏻總括然而，佢地方舒服，夠寬敞，細路仔夠活動空間，野又好食！值得再去！

同母親大人慶祝生日，一行六人有老有嫩，所以要搵個坐得舒服又寬敞既地方嚟燒嘢食！之前去過西貢，八鄉都覺得有啲迫，咁啱係facebxxk見到呢度賣廣告，環境有特色仲要串好晒嚟燒，咁就試吓新嘢啦👍🏻👍🏻一去到都係買飛先入得去既，星期六晚去，可能太新，人唔係太多野食款式都算多，一串串吉好晒！有肉有丸有腸有菜有菇有蒜茸包！種類繁多！實有幾樣啱食！肉類醃得啱啱好！唔會太鹹！仲要有菜有菇比你揀！唔怕食肉食得太膩！佢仲有辣椒油，孜然粉比你一路燒一路灑啲粉落去！啱晒重口味人仕😆野飲就憑券換一樣野飲，飲完要買都唔算貴，盒裝罐裝$10，枝裝$20，都算可以接受仲有張券可以換個特別食材嚟燒，有蠔，秋刀魚同雞泡魚干，蠔有手板咁大隻，換蠔嚟燒最抵！總括嚟講假日大人$238都算抵食！

年年聖誕都一大班fd慶祝玩抽奬，今年試左呢個燒烤場 一個字：無得輸重點係啲豆釘可以通街跑，跑完反黎好似餵麻雀咁餵，食完一轉又跑走哂🦅場內無車地方又大，香港係非常罕見可以拍車 有party房 直接用網燒其實最想介紹既係佢個環境係我去過所有燒烤場佢係No.1 枱櫈，party房📌廁所📌都好新淨，舒服企理氛圍燈，音響可以話高級享受，我係真實用家，朋友多到誇啦啦😂可以話係去勻港九新界既party打卡點，呢個會列入我Top3首選名單。另外作為做生意既我，都想係到講一聲：支持香港經濟，大家一齊加油利申：我呢遍食評想做到反傳統，等你地睇完感覺到我係真實去過既絲打，而唔係機械式咁悶既介紹菜式，come on let's go party

大棠最近新開左一間燒烤場見就到聖誕就同一班朋友上去試下，吾上去吾知 原來佢地系同一般既燒烤場吾一樣，佢地系以中國風串燒模式，員工介紹仲話佢地系特登搵大廚番黎親自醃制食物，吾怪得啲野食同出面既燒烤場甘大分別佢地仲加左好多吾原素，又幻彩燈光，又園林美景。好值得再去😍😍😍最值得一提系佢地寵物友善，最岩哂我呢啲愛動物人仕🤣