磨飯

营业中

休息中

呢間外賣店幾正！款式多份量都足夠！大家可以去試 性價比都高😆 支持小店！希望做得住唔好執！以後買外賣都會keep住幫襯！今次食第二次 叫紫米飯糰，睇落有啲細 不過好彩食完都夠飽 因為有得免費加小食

磨飯位置喺元朗一鳳琴街體育館後面一個唔太起眼嘅巷仔入面，都係因為去隔離肥仔黎買雞經過而知道佢存在，唔好睇小佢一間小店，但中午時間都有好多人等外賣，更有好多客人一早經WHATSAPP或者電話落定單去自取！因為小店人手有限亦係即叫即做，所以等候時間都要10-15分鐘。呢間飯糰有別於出面一般飯糰，完全同日式華御結個D唔同，完全帶俾人驚喜嘅感覺，飯糰加入左紫米，冇添加任何味精，食完唔會口乾，好健康。選擇款式多，除左飯糰仲有沙律、便當選擇。🍙蜜糖芥末雞絲紫米飯糰(套餐) $48★★★★★飯糰套餐分左唔同區，收費會有小小唔同，今次叫左紫米套餐Ｃ- 蜜糖芥末雞絲紫米飯糰配免費的芋頭蕃薯波波，加左$5冷泡茶-日式玄米茶。飯糰加入左紫米望落更吸引，食落唔會太淋太濕潤；餡料有蜜糖芥末雞絲、肉鬆、薄脆、青瓜、西生菜、紫菜，口感豐富又足料，每一啖都有滿滿嘅餡料，唔會剩係咬到得米。食材新鮮，青瓜、西生菜、紫菜都好爽脆，最愛肉鬆同埋個薄脆，令到成個飯糰好香口，即使外賣拎到返公司食薄脆仲脆口！加埋蜜糖芥末醬同埋沙律醬真係冇得輸！一個飯糰配埋小食對女仔黎講好夠，但可能對於男仔就唔太夠飽。免費芋頭蕃薯波波有5粒，正常冇

好足料👍🏽👍🏽👍🏽口感豐富，容易食，唔洗餐具雞絲好好食，夾埋啲青瓜更加香紫米飯好吸引女仔食一個夠飽，男仔要食兩個先夠飽豆漿都幾好飲呢間會成日幫襯🙂😇

晏晝又唔係太肚餓，想食得light d，呢間都係選擇之一，平時都係嗌芥末雞絲紫米飯團，仲有好多味揀，入邊有青瓜絲、肉鬆、薄脆、沙律醬包埋一齊，食一件已經飽肚又好味😋

第一次去嗰陣太呆冇講清楚 就咁話要個招牌烤雞結果變咗係烤雞飯 而唔係低kcal烤雞餐同店員講返問有冇得改 但太遲了冇得改不過！店員勁好人咁話下次同佢講返呢件事 請返我食嘢到俾餐嗰陣都仲不斷講唔好意思喂啊咁客氣㗎明明係我講唔清嘅錯 搞到我反而仲唔好意思第二次去嗰陣講返起 結果真係送咗嘢食！送咗份好好味嘅黑糖夾心炸麻薯 嗚嗚嗚超好味*去咗幾次都係唔同嘢 咁我就單一就唔同菜式做評價啦！烤雞頗嫩幾好食 幾香 仲幾多汁下多春魚超級好味！！！！外脆內軟 尤其係魚尾好食到癱 激推好炸物者！！！！！唯一問題應該都得魚骨有機會攝到牙縫 箍牙人士點餐前記得三思滷蛋其實唔錯 不過好可惜嘅係滷得唔夠 得好表一層有味 內裏都係冇乜味肉燥本體唔錯 但U揀飲揀食 麻麻地冬菇味所以印象唔太好 但鍾意冬菇嘅友人食咗一啖好鍾情:/ 整體上都唔少肉燥 份量送飯正好低kcal餐嘅菜同番茄仔都好新鮮 幾次都係嗌芥末淋醬 好開胃 大推！！！入面嘅紫米飯唔知點解食落好似糯米飯 但因為咁所以U會對此加分！！黑芝麻濃豆漿（神秘豆漿）應該叫黑芝麻濃濃濃濃濃濃濃豆漿先啱( ･᷄ὢ･᷅ )無敵濃郁 無論味道定質感都濃到自家打嘅一樣 超級好飲

超多選擇配料飯糰，熱辣辣，可以選擇醬量多少和芝士，炸多春魚春魚超級好食，必點！食完好飽肚好滿足。Love the crispy capelin and the whole thing is super fulfilling!!

咁岩見到想嗌個外賣試試，係門口等左五分鐘左右先問我係咪外賣 叫我等一陣（呢度個語氣已經好差）😅等左成十幾分鐘都冇人理我，係兩個樓面都望到我一直係出面等緊，都扮見唔到。我明白午市時間好忙，但係唔係求其膚淺下叫我等等，而我就大熱天時係出面一直等，用半分鐘幫我落個單都得掛？最後我係走左嘅。希望負責人注意下樓面嘅態度😅😅

叫外賣，睇下有咩食，之前成日都睇過呢間，但就一直無試過，今次見佢有折就試下紫米飯糰好多選擇呀..我就試左鰻魚味有好多配料，青瓜，肉鬆，生菜，脆脆好好味呀…D紫米唔會太硬太淋最特別係D脆脆，送到黎都keep到脆鰻魚都算多，有D青瓜沙律...每一啖都可以食到餡，好味絕對有下次!!!!但下次可以叫少醬.本身驚唔夠飽所以叫多2個小食，但最後飽到上心口😆因為本身無諗住寫食評。所以食到最後先影相，有D核突🤣

夏日炎炎唔知食咩好🤤🤤想食啲輕食，就嚟買咗個涼浸浸冷面同埋個飯團～分開兩餐食，下晝食一個冷麵都夠好好食而且好消暑開胃👍🏻👍🏻🤤 仲要有好多海蜇青瓜雞絲價錢仲要十分便宜啲餸咁多一定要不停再幫襯㗎！！！而且個飯盒仲好得意我想洗咗佢繼續用添呀好日本呀😆😆🧡🧡🧡

係deliveroo見到呢間磨飯睇落好吸引就買咗嚟試感覺好似去咗旅行咁食物好有新鮮感口感好好 好有誠意包得好靚 見到心情好好呢個飯卷好好食😋飯卷好足料 入面有好多重口感好fresh叫咗 芥末雞絲紫米飯團吞拿魚芝士飯團兩個都加咗芝士一面食一面話好好味😋試埋佢個麻辣雞絲拼海蜇肉燥飯夾埋啲青瓜落去 好好食😋 雞絲辣辣地咁勁好食肉燥好香 唔求其仲叫左個麻辣青瓜唔錯幾好食但原來手卷同飯都有青瓜所以下次應該唔會再叫青瓜太多嘢有啲食唔晒豆漿好好飲黑芝麻豆漿好推薦真材實料 仲有啲渣覺得好正唔係得啲糖 而係真係有豆味

馳名中外嘅紫米飯團，終於有機會去買外賣！去到店外已經發現好多人排隊等緊，門外貼咗一張大餐牌，一目了然！由於款式都幾多，經過幾分鐘嘅思考猶豫，最終我點咗2份韓式魷魚紫米飯團、1份韓式火辣雞絲紫米飯團、1份絕代雙椒肉燥、1份玉子將軍芝士腸同埋1份照牌雞扒。2款紫米飯團餡料豐富😋每一啖都好滿足，韓式魷魚味濃，而火辣雞絲嘅雞絲料就相對魷魚少，整體都好驚喜！而絕代雙椒肉燥更系意料外嘅好食！少少辣🌶，下飯一流👍🏼👍🏼👍🏼呢款要點多飯先夠配🤤絕對會再encore！可能系前3款都比到驚喜我，所以對後面未食嘅抱好大期望，但系都變成失望😞玉子將軍味道好一般，同芝士腸系格格不入嘅味道，而雞扒就只系有啲甜味，肉質一般，果斷放棄😫

次次經過都見到好多人，終於今次嗌外賣番屋企試！麻辣手撕雞肉燥飯: 食頭兩啖係覺得好食嘅，但越食越油膩，手撕雞冇咩辣味，亦整得唔夠味，同啲飯撈埋之後更加冇味，食到最尾完全係靠啲肉燥撐住！雞扒肉燥飯: 真心失望，雞扒已經加咗好多調味去整，但都係冚唔到啲雪味，食第一啖已經唔想再食，最尾又係靠啲肉燥撐住！不得不講，啲肉燥係出色嘅，不過食得多就略嫌油膩！總括嚟講，嘢食唔係太ok，見好多人話飯團好食，下次經過會試埋！

由最初覺得野食好味，價錢合理，有心機，職員友善。現在野食味道真心麻麻😑😑😑. 煮果個又Hea做，翻叮野食，食客肯食知，連店內職員都hea. ..........小店做到比甘低質素. 下次都不敢介紹俾其他人食. 元朗甘多食店競爭，希望你地有心機d煮野俾人食...... 第一次OpenRice 寫食評. 正常好食吾食都吾寫人. 但係呢間食店，值得寫差評. ........😡😡 如果有人叫我推薦最差食店，一定係元朗磨飯

入咗元朗做嘢，經過小巷發現咗呢間小店。店舖外貼住好多飯團相，飯團組合。望一望店裡面未有客人(當時已經12點幾)，所以就查問一下店員有無做堂食?  店員話有，所以今餐就嚟試新嘢。呢度主打食台灣紫米飯團🍙，款式都相多之多...... 反轉餐牌見到有台灣肉燥飯同小食。最後今日點咗孜味魷魚肉燥便當+粒粒雞脾菇。呢度D嘢係即叫即整，所以上檯全部都係熱辣辣粒粒雞脾菇:  外層炸皮裹得薄，食落唔會好油膩 。孜味魷魚肉燥便當:  呢度嘅肉燥，有別於之前我食開嘅台灣肉燥 ; 加入咗木耳食落比較清爽無咁厚重。魷魚好脆一咬就可以咬斷，可惜嘅係味道比較咸，下次可能要求走埋個魷魚面醬汁 ; 應該會好D。飲品方面，除一般嘢之外店家仲有整幾款特飲。我就跟餐簡咗支冰菊普洱茶(無糖)，雖然只係+$5轉但SIZE都唔算細播。

平時食開佢地嘅肉燥便當，近來想食返啲輕食，就開始食佢地嘅紫米飯糰選擇都有唔少，有得叫set。我今次就揀左雞粒紫米飯糰。入面好足料，有雞粒之外，有啲脆脆，青瓜絲，沙律醬，有口感又健康我叫左少醬。小食就叫左流心黑糖麻薯，聽老闆娘講係台灣直送嘅，早排想叫都冇，因為台灣嗰邊缺貨。估唔到剛過新年就竟然有，即刻叫左個黎試下，好好食！外脆內軟！如果有埋黃豆粉就更perfect就好似平時食開嘅紅糖糍粑咁。飲品就叫左抹茶豆乳，真係加抹茶粉整出黎，有小小抹茶香，又唔會蓋過豆乳嘅味，好夾最怕啲假甜嘅野飲，加有味糖漿就話係嗰隻味