神戶屋日韓放題

营业中

休息中

旺角兆萬中心神戶屋💃🏻放題價錢都幾親民，仲可以坐好耐😌 飲品都已經有好多款比人揀！🥰 有韓國品牌飲品，有本地品牌都有罐裝同紙包裝🧃亦都有啤酒添🍻先黎頭盤刺身，賣相100分！😻😻三文魚係厚切，仲有大大隻生蠔，鮑魚，生蝦等等都好新鮮！🦐呢個季節仲有大閘蟹食添🦀我再揀左呢個海鮮蒸鍋，上層蒸海鮮，下層可以係出面自助吧夾丸打邊爐🍲蒜蓉粉絲扇貝真係好惹味👍 扇貝肉質鮮嫩，粉絲夠哂滑，兩者結合有唔同口感層次，蒜蓉夠多夠香！炸物方面我最喜歡雞軟骨🙌🏼 新鮮即叫即炸🫶🏻整體黎講飲品同食物總類有好多野揀，好多款✌🏻最後仲有韓國雪條食添！

餐廳卡位充足，與朋友悠閒地品嚐美食、聊天，實在係一件快樂嘅事。而家正值大閘蟹季節，每人都會送一隻清蒸大閘蟹，即叫即蒸，上到枱仲係熱騰騰，目測大約有三兩半至四兩重，仲係蟹公添，配備齊全工具和蟹醋，黃色蟹膏和白膏都很飽滿，入口甘香，實在令人滿足。大大盤刺身拼盤每一片都很厚切，現點現做，冰冷口感很新鮮，個人最愛拖羅，油脂分怖平均，入口油脂即刻化開，很驚艷！牡丹蝦都唔錯，又滑又爽口，仲有凍鮑魚、鯛魚片等，都係我哋主攻目標😄來一場海鮮盛宴，我哋早到，可以選擇了蒸海鮮組合，蒜蓉焗生蠔、蒜蓉粉絲蒸扇貝、開邊海蝦、青口、東風螺、清蒸嘅方式完美可以保留了海鮮鮮味，款款都滑潤可口，份量也相當驚人！

希望大家可以用少少時間睇一下🙇🏻‍♀️ 因為太嬲所以寫咗好多😂亦都希望對你哋有幫助難得快聖誕+屋企人生日咁就約咗出嚟慶祝啦呢間嘢打廣告又打得咁勁睇落去又真係好多人食咁樣咁咪諗住試下囉🫠點知試下試下嚇你一驚❗️💢直接畀我列入黑名單🚫1)價錢💰咁我哋就兩個人去食飯，5:30入坐一個人$300多少少仲有加一服務費(冇計額外加嘅嘢食)一餐飯咁就$626其實呢個價錢都真係還好，但係我唔覺得佢呢個價錢對得起我食嗰啲嘢😮‍💨廣告就話二百幾樣嘢可以任食啦，實質上佢有啲嘢都係要額外加錢先可以任食/加錢叫一份(例如: 生蠔、大閘蟹、海膽...)咁就唔好講到全部嘢都任食啦😅你第一次落嘢食佢會畀張紙你叫你寫喺張紙上面先(一張係刺身另外一張係壽喜燒/蒸氣火鍋...)食完之後先再用手機落單。點解要咁樣分開落？就係因為佢將紙上面嘅刺身款式係比手機落嘅款式多🙃又話任食，我發現嘅時候真係笑死2小時任食，甚至乎都未到時間我哋就走咗💢(因為真係太過份完全冇心情食，詳情可以睇第2段)咁嘅價錢就唔該畀返少少質素😅2)上菜時間+數量⏱️第一次用紙手寫落嗰張會好快就上畀你，但係注意❗️之後嗰啲差唔多都要等15-20分鐘(炸物串燒 佢有寫明

整體嚟講唔係太好嘅體驗之前都食過但係 今次相比起好幾年前落差實在太大先埋位嘅時候 上一個嘅垃圾其實都冇清理好不過呢個都冇出聲 過咗幾分鐘之後有兩碟前菜嘅嘢然後嗰個螺肉 質感同香口膠差唔多刺身-上面類似玉子嘅飾物 食落去有浸臭味清酒煮蜆-有浸酸餿味 乾噌噌 試咗兩三隻都係咁 同咗店員反映話佢了解一下之後就不了了之雖然三百幾蚊食放題 都唔係話真係太大要求但係起碼希望食嘅嘢係新鮮或者唔係臭先希望店鋪可以多加注意有所改善。

呢度全部都係卡位，同朋友休閒地食吓嘢傾偈都真係幾好坐。餐廳位於旺角兆萬，交通方便，容易搵。刺身拼盤款款都很厚切，即叫即整，入口凍冰冰，無雪味，我哋專攻嘅就係呢個set配備嘅生蠔，連殼嘅生蠔賣相通常誘人，帶有自然光澤，size不算大，係屬於爽口嗰類，帶有淡淡咸味，很有海水味。我哋揀咗 蒸海鮮蒜蓉粉絲蒸扇貝、蒜蓉焗生蠔、海蝦、青口、東風螺，清蒸能完好保留海鮮味，不需要過多調味，已很鮮甜。仲有至愛嘅海膽軍艦，新鮮嘅海膽入口很滑潤，份量大大份添！而家大閘蟹季節仲會一人附送一隻大閘蟹，目測大約四兩重，工具蟹醋一應俱全，蟹膏很澎湃，入口甘香，很不錯呢！

埋單食咗HKD1499 ， 3個人， d 嘢食唔新鮮， 特別係生豪同魚生，d 豪係腥嘅，長腳蟹好乾又鞋， 壽司係爭鮮都好過佢，魚生都係唔新鮮，超級超級垃圾真心唔好嚟食， 中咗伏一次都嫌多， 生日飯如果特登嚟食真係不了，垃圾食物唔怪得d 人唔留香消費， 無一樣嘢食值得推介，好嬲呀！ 1499蚊我可以俾多少少去第二間食好D, 花錢請打手唱好不如認真做好啲食物， d打手寫到天上地下無咁， 第一次留差評！！！500夠我去酒店食自助餐啦！

「神戶屋」這間任食放題餐廳，食物款式選擇多樣，食物質素上乘，最近更可品嚐大閘蟹，讓人垂涎欲滴，十分超值！刺身方面非常新鮮，口感鮮嫩，保留原汁原味。其他海鮮如扇貝、青口和大蝦等，經過簡單的蒸煮，保留了最原始的鮮味，風味出色。而大閘蟹更有很多蟹羔，令人回味！放題食物選擇很多，除了刺身海鮮，亦有鐵板串燒美食！肉串肉質鮮嫩，調味入味，肉類和海鮮拼盤在鐵板上快速烹調後，保持原汁原味。而炸物甜品更是不可錯過！炸日式炸蝦外脆內嫩，搭配的醬汁增添了風味；而韓式炸雞則是外酥內嫩，醬汁香甜可口。餐廳的雪糕雪條種類繁多，清新滑順，令人回味無窮。水果拼盤更讓豐盛的晚餐完美收尾。

用朋友黎神戶屋食日式放題，咁啱仲做緊大閘蟹放題，簡直雙重享受!放題食物種類真係有多好，海鮮、壽司、刺身、串燒、燒物，仲加埋火鍋，加上啤酒氣水都係放題任飲，最啱一大班朋友黎聚會。刺身拼盤 / 壽司刺身有帶子、墨魚、三文魚腩、甜蝦、北寄貝、油甘魚、磯煮鮑魚，仲有生蠔、醬油蝦同埋好大隻既蟹腳，海膽軍艦都非常鮮甜。雞煲雞煲味道好入味，唔會太辣，而且有好多配料，丸類、餃類、響鈴，同各款蔬菜。燒物燒物就試咗羊架、雞泡魚干、鰻魚、燒蠔等，同埋榴槤炸彈、炸芋丸、燒菠蘿。大閘蟹大閘蟹品覱唔錯，蟹膏都算多。飲品 / 甜品啤酒氣水雪糕全部都係自助任飲任食。

最近我造訪了位於兆萬中心的「神戶屋」，這家餐廳的任食放題選擇豐富多樣，尤其在大閘蟹季節，提供的美味大閘蟹更是讓我印象深刻。在刺身方面，鮮度令人驚喜，肉質鮮甜，搭配特製醬汁，增添了風味。除了常見的鮭魚，還有奴扇貝、青口和大蝦等海鮮，經過蒸焗處理，不僅保留了原汁原味，淋上蒜蓉醬後，更加美味可口。接下來是燒烤類，這部分的表現也頗具亮點。餐廳的豬肉、牛肉和雞肉串，肉質鮮嫩，燒烤火候掌握得宜，外焦內嫩。特製燒烤醬為肉串增添了香氣和風味，每一串都散發著誘人的香味，讓人忍不住多點幾串，享受那種炭火烤制的獨特魅力。在鐵板燒的選擇上，餐廳提供了和牛粒、羊架、三文魚腩骨和菠蘿等新鮮食材。這些食材保持了原味，搭配橄欖油和海鹽簡單調味，口感鮮脆，讓人十分滿意。炸物方面，日式年糕非常軟糯，口感獨特，而韓式炸雞的外皮則酥脆，內裡多汁，搭配的醬汁更是為其增加了豐富的層次感。最後是甜品，這部分同樣不可忽視。冰淇淋的口味多樣，特別是抹茶和芒果味，滑順可口，令人回味無窮。水果拼盤則色彩繽紛，提供了清新的口感，為這頓豐盛的大餐畫上完美的句號。總體來說，「神戶屋」的食物選擇豐富，質量上乘，特別是在海鮮和燒烤方面表現突出。這是

朋友生日就緊係要搵間好野同佢慶祝下‼️知道神戶屋有得食放題之餘仲有大閘蟹送立即訂定枱約壽星一齊出嚟食好西位置好方便, 位於旺角兆萬，場內地方唔大，但係座位都好企理食物方面選擇好多呀，有日韓泰都有，魚生/ 鍋物/ 炸物都好多選擇今個月仲另配每人一隻大閘蟹，好正! 刺身拼盤一上枱，好吸睛，配埋乾冰上枱真係不得了整盤刺身有帶子墨魚三文魚腩甜蝦北寄貝鮑魚生蠔等，極其豐富最驚喜係跟埋幾隻好大隻的蟹腳，超正除咗生食，竟然連雞煲都有得食，超惹味辣度剛好，令人想一食再食雞肉嫩滑入味，推介! 另外必須一提佢地的燒菠蘿，好甜好好味，而榴槤炸彈都係係必點之作至於送的大閘蟹，雖然唔係好大隻，但係又估佢唔到好多膏，送嚟講真係都算高質喎放題啦喎～啤酒飲品任飲是必須的，亦有多款雪糕任食，真心滿足的一晚!

秋風起又係食大閘蟹季節，同同事講起每年都會搵唔同餐廳品嘗大閘蟹時，他話發現了旺角有一家絕對不容錯過的日式放題餐廳——**神戶屋放題**！這裡的美食選擇豐富多樣，而最吸引人的消息是：現在每位客人還可獲贈一隻大閘蟹，讓你在享受放題的同時，體驗海鮮的奢華！於是我哋就放工即興去刷返餐！新鮮刺身與經典壽司一坐底，店員隨即奉上一盤新鮮的的刺身，特別推薦三文魚、帶子和甜蝦！壽司的選擇多樣，除了經典的加州卷外，還有許多創意壽司如“花之戀”。外酥內嫩的炸物誘惑這𥚃的炸物同樣出色，天婦羅外酥內嫩，沾上特製醬汁，絕對讓你停不下來。而炸鮮奶和炸榴槤則是香氣四溢，外皮金黃酥脆，內裡卻是濃郁的美味。壽喜燒的暖心之選當然，不能錯過壽喜燒！薄片牛肉在鍋中慢慢熟成，吸收了醬汁的精華，與新鮮的蔬菜、粟米和金菇完美融合，讓整體味道更加豐富，令人心滿意足。甜品與飲品的完美搭配美食結束後，怎能不來一球雪糕？清新的口感剛好平衡了整個餐點的甜膩。而任飲的汽水，無論是可樂還是檸檬水，都是解渴的絕佳選擇。超值優惠最棒的是，這一切僅需每位$300，還附送一隻美味的大閘蟹，價位親民，性價比超高！

旺角登打士街附近搵餐廳食飯，都已經9點，經過兆萬見到有一啲任食介紹，見到唔係好貴（見到200-300元）就揀咗一間。最後揀咗呢間，睇返原來都要大約$400，既然已經入咗嚟，到試吓啦。一開始Default 有一盤刺身，有生蠔、有長腳蟹、鮑魚、其他魚生。睇樣還可以，不過蠔同埋長腳蟹都冇乜味、麻麻哋，所以冇再點。不過呢round 都等咗好耐，10幾分鐘先嚟。食緊嘅時候已經再點，用手機點，佢就限咗每次只可以掂6樣，仲要每15分鐘點一次。限制比較多，都算數。最大問題係點咗之後，等咗超過三四個字，都冇嚟，再問返侍應，佢話搵唔到張單，要再手動幫我再入單，真係激死😡。加點嘅刺身都還可以。三文魚手卷，都係即整，不過都Hea咗啲。再點咗鮑魚牛油果軟殼蟹壽司，一般般。蒸蛋同麵豉湯，正常水準，不過蒸蛋老咗少少。食完基本嘢，嗌咗個海鮮鍋。不過睇返個爐邊，就見到之前未清潔好嘅餸漬。火鍋嘅配料就一般，不過都有洞庭烏冬。啤酒汽水任飲除咗啤酒，仲有日本清酒、梅酒整體嚟講，食物質素一般。長腳蟹冇味、火鍋料麻麻、order咗又會漏單、衛生真係麻麻。呢個價錢呢個食物質素，性價比不高。

今日係旺角做野， 勁肚餓想食放題哈， 旺角日本放題有好多野野食，可以食唔同日本野，有串燒選擇多串燒貨式如和牛、牛肉、豬肉、羊肉及雞肉等，仲有時燒埋茶都好好多，如翠玉瓜等。仲有刺身，有三文魚啦，象拔蚌刺身、二色燒活白鰻、天婦羅及日式漬物等，都算驚喜！最正係有大閘蟹，好新鮮，蒸咗15分鐘漏曬油 蟹黃蟹膏好香甜，蟹腳都唔少肉! 真係好鐘意食大閘蟹! 大閘蟹蟹膏香甜﹐而且口感較細膩和綿密! 清酒煮蜆呢，蜆肉充滿濃濃的酒香，而湯汁則因蜆肉而變得清甜鮮美!

🔙回頭率：0/10🌈性價比：0/10🐻‍❄️ 男朋友生日，想放題或者酒店自助餐慶祝，最後決定揀放題，諗住性價比會高啲~當日係消費中午嘅放題，openRice訂座有九折，最後埋單$649兩個人，樓面店員態度是可以的，雖然上菜慢，但理解中午上班廚師只有一兩名，唯獨嘢食真係比較差..無論係魚生定係熟食，應該除咗燒酒煮蜆之外，其他都真係吾會翻兜再叫因為老實講呢個價錢食酒店自助餐都話有個景望吓，坐得又會舒服啲。奈何呢間放題首先環境唔好，例如窗邊座位好多塵，成間店舖設施望落都好殘舊…食物嚟講牛舌係幾好食，燒酒煮蜆都唔錯，佢哋會送一個海鮮鍋或者雞煲或者壽喜燒。我哋揀咗壽喜燒。，味道正常發揮。總括而言，要俾$600食午市放題，不如去酒店食午市自助餐或者半自助餐會更開心。我哋當日食嘅魚生，感覺唔係好新鮮，蝦好腥，放咗落口都忍唔住吐返出嚟至於佢哋嘅燒物，雞皮串，望落真係好大串，打卡的確一流，但味道令人難以放入口裡完全只係燒咗表面，入面完全係嘔心嘅感覺…建議換返啲細串嘅燒會比較好，好睇唔好食真係冇咩用

旺角有很多放題餐廳，和朋友去了這間日韓放題，價錢不貴，成餐飯每人不用$300 就可以食到放題，而且食物的選擇很多非常抵食。首先，刺身的品質讓我驚喜，切得相當厚實，每一口都帶來濃郁的海味，搭配一些檸檬汁和醬油，更是提升了味道的層次感。接下來是壽司這裡的壽司選擇相當多樣，每款都很美味新鮮。炸物方面，天婦羅非常出色，特別是炸南瓜和炸蝦，外皮金黃酥脆，裡面卻保持著食材的鮮嫩。還有炸蠔，炸鮮奶，炸榴槤等，外酥內滑，簡直是無法抗拒的美味。壽喜燒部分也是一大亮點，牛肉在湯汁中慢慢煮熟，與蔬菜的搭配讓整道菜色彩繽紛，味道更是醇厚。甜品方面，我嘗試了雪糕，見到雪櫃有雪條和雪糕任君選擇，任飲的汽水選擇也很豐富，不管是可樂還是紙包飲品，都能隨意搭配，讓用餐過程更加愉悅。總的來說，這次的日韓放題之旅讓我品嚐到了多種美味，無論是在食材的新鮮度還是整體的用餐體驗上，都給予我極大的滿足感。#神戶屋 #神戶屋日韓放題 #旺角放題 #兆萬美食 #香港放題