神石燒牛扒專門店 (碧街) (已結業)

其實間鋪係唔係冇開排氣或抽氣？間鋪超密封，然後油煙大到不得了。全程都係流住眼淚，流晒鼻水，眼都打唔開咁食緊啲唔知乜野。索價200幾蚊既一人前，細份都乜咁…… 舊石仲要唔知做乜事，三件雞燒咗30分鐘都唔熟。成個傻仔咁，坐係到喊住，真係喊住，睇住件雞燒極都仲係生既。最後都唔知擺唔擺入口好，真係驚食物中毒。啲枱同埋設備仲要油淋淋，好唔乾淨咁。貼錢買難受，仲要食唔飽。重點黎啦。個侍應上菜既時候原來啲汁陣到我件白T個袖全部都係汁。點解會覺得係個侍應搞到咁呢，係因為啲漬喺件T既旁邊同後面！家下凌晨4點都仲洗緊衫，啲漬完全洗唔到。當時我唔發覺，因為個時流眼淚已經流得好痛苦！然後個侍應都無發現，係食完同行既人提我先發覺！但當時已經錯過清洗既黃金時間。我件T仲要係限量發行！！！！總之，今次既食飯體驗真係有史以黎最差。點會諗到食飯要食到以淚洗臉，仲要食之無味。整污糟件靚衫之外，仲要比咗250蚊連服務費？！！？今次真係貼錢買難受。我覺得用呢個價錢食到咁既質素既牛扒真係可以去第二度。至少體驗會更好。所以希望所有想食哩間餐廳而睇到哩篇文既人真係要三思。🙏🏻🙏🏻

和一位台灣朋友在香港尋找好吃的餐廳，我預訂了這間餐廳。進去的時候，一位大約20到尾或30出頭的男士招呼我們。一開始態度不錯的，而當我和朋友說普通話後態度變得十分差。尤其是在最後結帳時，不僅沒有說謝謝，還在一臉不耐煩地說「仲未得啊，呢張收據唔係你嫁」。味道是真的不錯，但是態度很惡劣，就連我台灣的朋友也這麼說。其實不管是從哪裡來的顧客，或是說甚麼語言，你也應該以禮待人。建議老闆能夠訓練員工的態度，學懂尊重顧客。

睇左廣告專登走過黎食牛舌...我想問依舊咩黎..睇落已經好核突..咬又咬唔開..味難食又冇味..我問侍應呢啲咩黎？佢答牛舌 , 仲要唔換畀我,嬲到我成份冇食到 , 好心你整得咁難食就咪賣廣告呃我嚟食啦

一心諗住去食佢個牛舌，點知個蔥花牛舌，係冇蔥花，仲要好硬，好鞋，之後走去問侍應，個侍應話可能真係冇蔥花，我心諗咁點解你要叫蔥花牛舌？之後完全冇理過我，嬲到成份冇食到，係根本硬到食唔到個牛舌一遞上嚟就係咁，呢啲嘢點放得入口？個侍應仲要唔好態度

見喺OpenRice book檯有優惠就揀咗佢，點咗300g 牛舌片、250g Hanging Tender 、追加咗兩隻虎蝦同$78牛舌芯，諗住應該ok，點知一上檯，同行嘅已經聞到好大陣焦味，原來啲蒜頭燶晒，已經食唔到食材嘅味道，上枱仲差一碟韓牛片，問店員，就話你都切曬，雖然最後都補返，但成間鋪嗰啲油煙焗到你可以搞到中一氧化碳毒，同淘大商場同埋荃灣西分店爭好遠，兩個店員仲要好唔耐煩嘅語氣，最後快快手食咗就走，成口都係一大陣燶味。

美國牛無牛味，連自稱M7澳洲和牛都無牛味。都知道雖然話就話係prime, 不過呢啲部位都係好一般，不過去到咁難食嘅程度，真係浪費進食嘅quota. 呢啲算唔算一份錢一份貨就見人見智。其實為飽肚都有好多好食好多嘅選擇。最大穫係現場勁大煙，眼淚水都出埋(唔係修辭手法, 係真係標眼淚)。我好懷疑現場究竟有冇任何抽風設施。真係未試過食飯可以食到流眼淚。流住眼涙食擦紙膠般的東西。一次都嫌多。絕對唔會再食呢間，一折都唔會食。

😋過完聖誕節睇左幾個演唱會 又臨近月尾銀包都冇乜錢淨 但咁涷好想食燒肉暖下身🥲諗起呢間神石燒有得叫一人高溫熱石燒肉～佢哋係全香港第一間岩鹽熱石燒牛扒專門店所有食材都有國際認證 所以我都好放心🥰今次就遇上佢地既石燒極上牛舌祭 一於試吓佢-落單後可以出去自助吧拎沙律、湯、白飯等等沙律同湯各有兩款選擇 沙律醬汁都有四款呢個價位又唔錯呀👍🏻 沙律菜都乾淨新鮮黑豚洋蔥牛舌湯 有啲日式家常feel仲有煮到軟爛既洋蔥粒同埋牛舌粒食下 -仙台名物極上原條厚切牛舌芯 份量果然足一嚟就忍唔住切開 即刻係石板燒下佢😋😋牛舌芯係成條牛舌最柔嫩既地方 入口油香四溢厚切得黎又唔會韌既口感好正👍🏻-另外叫左澳洲M7和牛排拼黑豚舌芯M7和牛排肉味香濃 肥瘦均勻黑豚舌芯外皮燒至微微焦黃 口感爽脆配埋白飯一流～整體來講性價比非常高 鍾意食肉嘅可以gogogo👏🏻好味評分😋：4/5🌟🌟抵食指數🤑：5/5 🌟🌟餐廳環境 🤪：4/5🌟🌟價錢💰：～$120@1地址：神石燒牛扒專門店 油麻地碧街35號地舖

天氣越黎越凍呀！突然好想食燒肉肉😋啖啖都係肉肉，補充一下能量😚 收工之後，就去到全港首家岩鹽熱石燒牛扒專門店 - 神石燒牛扒專門店，依一間店都食過好多次，每一次想食肉肉嘅時候，都會去神石燒到食😋🥩神石燒專注發掘優質牛扒，利用高溫熱石燒烹調，大家可以按自己嘅要求去煮幾成熟😌 而且佢地所有食材都有國際認證架，為大家提供高質嘅食物😋食得安心👍🏻最近神石燒就推出石燒極上牛舌祭，首推仙台名物的「極上原條厚切牛舌芯」，鐘意食牛舌嘅朋友千萬唔好錯過呀！「牛舌芯」係牛舌中最柔嫩的位置😋今次，我就叫左一set澳洲M7和牛扒系列，可選擇配黑豚舌芯或牛舌芯😎平時都見牛舌芯見得多，今次就試一試黑豚舌芯🐷🐖⭐️澳洲M7和牛扒配黑豚舌芯係澳洲M7和牛扒，一片片嘅M7和牛扒，輕輕喺石上面燒燒就可以食啦！肉味濃郁，大理石紋理均勻分佈，所以食落去都唔會太乾身👍🏻豚舌芯送上來嘅時候已經熟咗㗎喇，可以安心咁食，唔怕食生豬肉，再切粒後係石上燒至香脆，口感爽脆味濃😋👍🏻餐廳亦都免費提供咗飯同沙律，所以唔使驚食唔飽😋😋

呢間餐廳供應各種等級肉類，包括美國產神石牛、安格斯、日本及澳洲和牛等🐮預先用上喜馬拉雅山粉紅岩鹽板烹調至一成熟，再放係400度高溫火山岩石板呈上，食客可以按喜愛調節生熟程度🥩💗任食沙律吧+飯湯 店內設有任食沙律吧，分別有椰菜沙律、粟米沙律，有助消除燒肉油膩感🥗；另有任添日本珍珠飯，自行加紫菜飯素🍚；每日提供2款日式湯，不定時更換款式，是日有羅宋湯、洋蔥牛肉清湯🍲💗極上原條厚切牛舌芯 ($128)厚切牛舌芯柔嫩爽彈，油脂香四溢👅💗澳洲M7和牛扒配豚舌芯 ($128)澳洲M7和牛片有少量油脂分佈，肉質細嫩，牛味濃郁🇦🇺；豚舌芯相對爽脆有嚼勁🐷

神石燒係全港首家🔥岩鹽熱石燒牛扒專門店，不得不提，佢係 Rubberband 成員有份創立 ，所以特意嚟支持一下! 小小一間餐廳，提供嘅所有食材均獲國際認證，除咗唔同產地同級數嘅🥩牛肉，亦有其他🥓🐓肉類提供。角落有一個自助區，沙律、熱湯、白飯等等自助任取，見店員密密 refill，常🈵🔅神石五花一人火鍋盛 $138配料包括美國牛五花、薄切頂級牛舌、頂級豚五花、西班牙極豚肉、青口同日式丸物。自選鹿兒島元氣雞白濃湯鍋湯底，火鍋入面已有雞肉、烏冬同娃娃菜等等。牛舌肉爽，估唔到連豚肉都好入味😋🔅300G 澳洲穀飼 100 日西冷牛扒 $88300G 西冷牛扒放係火山岩石板上面，份量十足，啱晒食肉獸嘅朋友😎。上枱時大約有一成熟，之後就由自己調節，決定 rare, medium 定係 well done。我地就自製 medium rare，點上黑椒汁，肉質柔軟，味道唔錯🤩🔅原條日本赤魚 $58赤魚肉質紮實，帶有油脂，加上蒜粒石燒，再點上少許檸檬汁，更加鮮甜美味🫶🔅半價水產追加大割引 韓國統營石蠔 $24日式磯燒鮑魚 $24日式魷魚串 $19頂級虎蝦 $19蒜蓉帆立貝 $24/2 隻呢個優惠每份主食

呢間係位於油麻地碧街嘅日式🇯🇵 神石燒餐廳，提供不同產地同級數嘅牛肉，亦提供其他肉類，所有食材均獲國際認證。神石燒餐廳係全港有八間分店，Menu仲有肉食者福音及平民午餐：300G大盛石燒扒（價錢包埋沙律吧、日式湯品及日本米飯放題)。.《火鍋A. 神石五花一人火鍋盛》🥘 $138我哋揀咗信州味噌清酒🍶蜆芥鍋，另火鍋材料：「美國牛五花、西班牙豚肉、薄切頂級牛舌（各三至四片)、日式丸物盛、青口(兩隻)」呢個火鍋湯底有幾粒蜆肉，味道偏淡，算係咩都有啲。有肉🥩、丸、蔬菜🥬、海鮮。《水產拼盤》🍲 $110雖然拼盤嘅水產 (生) 係預先醃定，但餐廳職員話係加入火鍋入面煮熟食唔係燒嘅。水產拼盤包括：「韓國統營石蠔、日式磯燒鮑魚、日式魷魚串、頂級虎蝦、蒜蓉帆立貝」。韓國蠔幾新鮮。鮑魚同帆立貝係預先用蒜蓉同蔥醃過，但放入火鍋之後散開，冇咗調味偏淡，正常水產味道。《澳洲穀飼西冷300g》$88大大塊西冷肉，好厚身！🤤 份量都幾多，兩個人 share 就啱啱好。牛肉 Juicy，肉質粉嫩。配特別燒汁《原條日本赤魚》 $58有驚喜！🫶🏼 大大條日本赤魚🐟，肉質嫩滑，都幾厚身，可以加檸檬汁同燒汁。赤魚骨肉分離，好

神石美國Prime牛扒🇺🇸 $119 (200g)好味指數：8.5/10200克牛扒🥩都算大塊，呢一隻上面有啲筋嘅紋路，但係食起上嚟一啲都唔會韌👍🏽，而且肉質好彈牙，口感偏結實。就算石燒🔥燒咗咁耐，都非常夠熱，咬落去都算有🐮牛味，而且都幾厚切，個人喜好鍾意落啲岩鹽同埋黑椒食，唔需要點燒肉汁已經好足夠。美國黑安格斯牛膈肌🇺🇸 $129 (200g)好味指數：9/10而呢一款亦都非常🥩厚身，反而呢一隻就算燒咗咁耐裏面都係紅紅哋，所以我好喜歡佢嘅😍生熟度，而且呢一款比啱啱嗰款牛味🆙濃厚，咬落去肉質比啱啱嗰隻淋啲，所以我鍾意呢款多啲。出邊有一個自助吧，有無限嘅🍚白飯，飯素任加，淨係呢個已經好加分。另外湯🥣就有傳統嘅麵豉湯，同埋泡菜🐮牛肉湯，麵豉湯味道發揮正常，反而泡菜牛肉湯有驚喜🤩，飲落去好似羅宋湯嘅味道，但係🌶️辣辣地好開胃，入邊仲有大量🧅洋蔥🥔薯仔粒泡菜同牛肉粒，淨係食配菜都飽。而沙律🥗就有兩款俾你選擇，椰菜絲沙律，🌽粟米🍍菠蘿粒沙律，醬汁可以選擇千島醬，芝麻醬，醋等等，自己鍾意落咩就落乜，非常方便。温馨提示：Openrice 網上Book 枱有89折

【二訪神石燒💛 仍保持高水準！連任食自助吧 大滿足💯✨】#真香港美食圖冊推薦程度：●●●●◐抵食程度：●●●●◐———相信大家對呢間全港首家嘅岩鹽熱石燒牛扒專門店嘅名字 —— 神石焼，一啲都唔陌生💛 雖然第一次嚟食嘅時候已經好耐之前，但好欣賞佢哋仲保持到質素✨ 神石焼提供唔同產地同級數嘅牛肉，亦提供其他肉類，口味/豐儉由人✨ 如果你都係肉食獸，跟我叫呢款$88就嘆到澳洲西冷🇦🇺 平靚正，又飽肚～ 仲可以追加水產，大割引50%OFF‼️ 有蠔/鮑魚/魷魚/虎蝦/帆立貝，每份主食可使用優惠一次，勁抵食🔥〈套餐〉🐮 300G澳洲穀飼100日西冷牛扒｜$88牛扒好厚身，邊燒邊食都唔會咁易overcooked👍🏻 邊位帶筋之外中間都冇筋骨，啖啖肉的好滿足💛✨ 牛味同肉汁都唔錯，唔羶、唔乾身！CP值高，飽足感💯 友人嗰份較薄身少少，筋位亦較少，肉質較腍身少少，整體2份差距唔大，但同樣中上質素🙌🏻✨〈任食〉沙律、餐湯、白飯+紫菜飯素、冰水自助吧非常豐富💛 餐湯分別有泡菜牛肉湯 / 海帶麵豉湯：泡菜湯少少嗆口，辣辣地好過癮！有大量嘅菜煲到好淋身好易入口，好似韓版嘅羅宋湯咁！麵豉湯不過不失，最怕咸到癲嗰啲

Jinseki Steak is the first rock salt stone grill restaurant chain in Hong Kong. Their shops are distributed in Yau Ma Tei, Tsuen Wan, Yuen Long, Tseung Kwan I and Tai Po.They offer a wide range of menu including steaks from different countries, various grades and cuts. Non-beef options include pork, chicken and seafood. Sukiyaki and fried snacks are available too.100 days grain-fed Australian sirloin - 300g only costed $88! Pleasing texture, not too chewy. Thick cut. Good meat quality. Even the

叫咗一個一人盛套餐同壽喜燒set,兩樣野食都不過不失；仲另加咗廣島蠔同帆立貝。個蠔燒完一放落口酸到臭 ，因為太細粒嘔唔返出嚟，返到屋企肚痛到想叫白車。所有野都冇特別好食難食，但咁樣埋單都$450，仲要另加屙足幾個鐘，真係冇下次。