神石燒牛扒水產專門店 (如心廣場二期) (已結業)

呢間餐廳係荃灣海之戀，快餐店形式，坐位唔算好多，不過都叫坐得幾舒服。今次用既係明火石燒，熱力更易傳達，佢地仲有湯呀，沙律呢啲，黑豚牛舌洋蔥湯就相當唔錯，鮮肉濃湯黎，沙律又新鮮！週年限定半額📣📣📣一人火山燒肉盛·北海道千歲豚肉盛合 原價$118 特價$59北海道千歲豚肉肉質鬆軟，口感清甜，不含異味豬騷味，白色既脂肪油花具有粘性，表面濕潤，食感更柔軟，豚肉天堂！西班牙豚五花既肥膏油花更多，肉質相對無北海道豚肉咁柔嫩，但係味道都好濃，豬香十足，都係軟腍既！西班牙極豚肉就厚少少，肉質富有彈性又飽滿，脂肪比例較少，極豚肉肉質有嚼勁啲，豬肉味更濃，出色！半額追加：$12/串📣📣📣呢家真係做緊好多優惠呀，牛舌串我平時最中意食，呢度一定要試下，牛舌幾厚，質感幾好，牛味激濃，又唔會好鞋口，叫多幾串都得呀！

定食可以揀鐵板石燒或者壽喜燒鍋，午市同晚市定食都配有味噌湯、珍珠飯、沙律放題同飲品。週末同假期都有lunch set, 抵食。沙律放題有4款沙律，醬料有胡麻醬、千島醬、柚子醋同黑醋。湯有兩款：味噌湯同黑豚牛舌洋蔥湯。湯同飯都係任食，飯可以加紫菜飯素，正。另外有燒肉汁同豚肉生薑汁。。假日A餐- 美國牛膈肌盛合 $98有一舊牛隔肌，雞件同豚肉，牛肉唔錯。。午市壽喜燒C.豚の御宴 $88有三款豚肉，娃娃菜、金菇、冬菇、蘿蔔、烏冬同雞蛋。豚肉淥熟咗都唔會太乾，配埋壽喜燒汁甜甜地，好味。

在不想煮飯的日子, 我多數都會找找回家路上有什麼可以讓我又偷懶唔煮飯的食店😏門外的裝修十分和風氣息。店員安排好位置給我後，誠意地向我推介呢個週年限定半額，原價係$118然後再出個特價$59! 日本風味的優質日本豬肉一直都無令我失望，叫左個一人火山燒肉盛 - 北海道千歲豚肉盛合。就甘睇落，一個人係食唔晒嘅 😆😆▶️▶️▶️北海道千歲豚肉➕西班牙豚五花➕西班牙極豚肉 🟰整體質素不錯, 既不會太肥, 肉質也算嫩滑的。擺盤靚靚，材料滿滿的, 不錯。日式泡菜湯鮮味和酸味完美平衡，將湯再配一碗海苔飯，真係滋味上心頭。想起來我每次去日本都會吃一次，簡單又好吃的東西😛食食下覺得仲有D 胃口就貪心地追加多串雞胸軟骨! 爽😊仲要對住落地玻璃，睇到出面空間感一流，每一枱都唔會癡得太近，所以食得好自在。

突然好想食燒肉，就同同事食lunch 去食神石燒牛扒水產專門店我點咗份💥夏日限定：檸檬塩糀牛舌及牛五花盛合200g $109 ，牛舌同牛五花用咗塩糀的方式去醃製，代替食鹽，配合埋檸檬，食落去酸甜嘅感覺，真係好適合夏天去食！之後，日式泡菜湯唔錯幾好飲☺️再來碗紫菜飯👍🏻我追加日本北海道十勝A5和牛 (100g) 😚A5和牛入口即溶，油脂分泌平均🤤🤤另外，自助吧有沙律🥗仼食，有我最愛嘅小蕃茄😍😍最後，餐廳仲有好多唔同嘅套餐，我今餐真係好滿足😋

近期食咗兩次神石燒都喺荃灣嗰度食嘅😉 一次係食放題一次係就咁單叫牛肉食🤪首先，講咗放題先😎係一個75分鐘放題有10款牛肉可以任意選擇🤓同朋友胃容量十分有限只係叫咗四款肉已經係超級飽😫我地叫咗美國CAB 黑安格斯牛肩胛扒🥩西班牙極豚肉🐽壽喜燒汁豚五花同壽喜燒汁牛舌🦴四款食都好好食而且煎完後都超級香配飯食係十分夾的😚我地一致認為美國CAB 黑安格斯牛肩胛扒最好食☺️肉質最好嫩💓此外，第二次單叫食極上原條厚切牛舌芯❤️‍🔥牛舌比起上次食放題嘅牛舌都有啲對比🆚單叫牛舌係牛味重好多唔洗燒太熟就可以食😆而放題嘅相對薄好多但勝在淋啲😜要睇各人的起好啦💫

神石燒為慶祝荃灣分店週年慶，推出咗半額燒肉盛午市套餐，只係半價就食到美國、西班牙同北海道嘅肉肉，依個價錢真係無人能敵‼️⚠️週年限定半額：神石特級五花盛合⚠️💥💥原價$108 特價$54💥💥包括美國特級牛五花、西班牙豚五花、美國無激素走地雞。牛五花油脂分布平均，豚五花好爽口，走地雞超嫩滑，每種肉份量都好多❤️⚠️一人火山燒肉盛：北海道千歲豚肉盛合⚠️💥💥原價$118 特價$59💥💥包括北海道千歲豚肉、西班牙豚五花、西班牙極豚肉。北海道千歲豚肉豬味濃郁，肉質細緻，北海道豚肉果然係唔同啲❤️記得去自助區夾返啲沙律食，有蕃茄仔、粟米、青瓜、椰菜絲❤️有肉又有菜，千祈唔好錯過神石燒嘅半額燒肉盛‼️

^檸檬塩糀牛舌及牛五花盛合200g $109見到夏日限定四個字已經忍唔住即刻叫咗，而家天氣咁熱真係冇咩胃口(>^ω^<)一啲酸酸地食物就開胃好多！肉都係用檸檬鹽醃過，上面有啲蒜蓉同薑蓉=(^.^)=而牛舌同牛五花燒完牛味都仲係度，牛舌就相對淋啲！牛五花肥肉都唔會好多，正！加上檸檬色係更加提味(◐‿◑)以下係自己任添食嘅食物~^黑豚牛舌洋蔥湯有兩款湯可以飲，第二款好似係泡菜湯(o^^o)感覺呢款湯好似好飲啲所以就飲咗碗！冇太大嘅特別但係食完燒肉飲一碗湯就係舒服(*≧ω≦)^粟米沙律食咗咁多肉就會想食返少少菜，所以就整咗一個粟米沙律食o(^_^)o平衡下~^紫菜飯唔單止只有白飯旁邊仲有紫菜可以配飯食o(^_^)o

最享受自己一個想食乜就食乜嘅自由😛時下流行嘅一人燒肉就開正我個範，所以當我放工唔想煮飯嗰陣，就會去燒肉食，好梳乎呢🤭今日去神石燒位於荃灣嘅分店，神石燒喺各區都有分店，肉嘅質素有保證，每次食都唔會失望👍🏻今次食嘅套餐係「明火石燒：澳洲M7黑毛和牛一人盛」澳洲M7黑毛和牛大概有4-5片，燒嘅時候油分泌出嚟好吸引😍咬口軟腍，仲好重牛味添👍🏻同餐仲有豬五花，油分唔會比和牛少，兩款肉都咁正🤪神石燒另一個重點係可以仼飲湯同仼食沙律&白飯，白飯仲可以加啲紫菜喺上面，好抵食🤩

成家人落嚟如心廣場食燒烤晚餐，餐廳係食燒肉放題，食75分鐘，有10種肉可以揀，仲有新鮮沙律菜，湯等等，任食唔嬲，好扺食，先嚟一份開胃新鮮沙律，呢個洋蔥蜆肉湯非常鮮甜，非常清香，蜆肉非常多。牛魔王的細佬完全唔會放過任何一款牛，🩵澳洲M7黑毛和牛，大大塊，雪花均勺佈滿係整塊牛扒，牛肉入口即溶，又香又柔軟。🩵澳洲M7 和牛，肉脂肪比較少🩵美國CAB 黑安格斯牛肩胛扒，牛肉味非常濃郁，肉質結實，又有咬口。🩵澳洲穀飼100日牛扒🥩係同樣好好味嘅牛扒，肉非常非常嫩。🩵壽喜燒汁牛五花，細細塊滋味無窮。🩵追加日本北海道十勝A5和牛，呢塊和牛真係入口溶化，成口都係牛脂香味。💜美國黑豚舌芯，超彈口嘅豚舌芯，💜西班牙極豚肉，純粹豚肉，簿簿一片燒到焦香，豬肉味鮮甜又香💜壽喜燒汁豚五花，壽喜燒汁零五花肉嘅味道更豐富，豬油包住整塊肉，擺落口充滿油香味。💛美國天然無激素雞扒，天然又冇激素嘅雞肉絕對食得安心又稱心。

🤑🤑半額追加：$12/串牛舌串係一般串燒店食都一定唔止呢個價，呢度真係好抵，牛舌仲要係厚身既，靚既，質地好既，好新鮮，牛舌燒完都唔會好鞋，反而好軟身，燒完仲可以點啲燒汁或者加啲海鹽，兩種味道🀄️🤑🤑🤑週年限定半額一人火山燒肉盛～神石特級五花盛合✍🏻$541.美國特級牛五花牛五花肥瘦齊備，牛肉既肥膏燒完出黎非常脆口，肉質鮮嫩，牛味極濃🀄️2.西班牙豚五花豚五花比起牛五花更加肥厚，油脂好多，肉質更加軟嫩柔軟，豬肉味濃，有啲薑蓉就更鮮味🀄️3.美國無激素走地雞走地雞都係肥肥地既，雞油燒脆佐仲香，雞肉燒完都好腍身，薑蔥燒雞仲香，自己燒都無難度呀🀄️呢度仲可以飲湯食飯，湯係黑豚牛舌洋蔥湯，用豚肉同牛舌煲湯就最鮮味，啲肉既鮮甜味令到啲湯唔駛做任何調味已經好香，用埋洋蔥去煲湯就更加帶到啲肉既鮮味出黎，成個湯都係足料濃湯，好有益；飯亦唔係一般白飯，可以加紫菜去食，更加香更加好味！

作為食肉獸嘅我食燒肉一定要食得開心先夠喉。今次lunch嚟到如心廣場依間神石燒牛扒水產專門店，食過返尋味😽，即刻推薦比身邊嘅朋友仔。佢有唔同餐牌俾自己選擇，想食豪啲，就嗌貴啲嗰個😹而家仲有限定半額優惠添😼要食就梗係食咗佢嘅燒肉先啦！我嗌既係週年限定半額：一人火山燒肉盛，神石特級五花盛合。入面有美國特級牛五花，西班牙豚五花，美國無激素走地雞。原價$108依家特價$54！牛五花食落口仲做到入口即溶嘅效果😻完全唔洗咀嚼，一咬落口就感受到佢獨特啲甜味，油花夠哂豐富😻我朋友就叫了週年限定半額：一人火山燒肉盛，北海道千歲豚肉盛合。有北海道千歲豚肉，西班牙豚五花，西班牙極豚肉。朋友勁鍾意食豚肉，叫呢個餐啱晒佢啊😛估下幾$$？原價$118，Now$59！真係超級無敵爆抵食😍😍除咗燒肉之外，佢而家仲可以半額追加雞胸軟骨，雞肉串，雞皮，全部都係$12一串咋😬小菜分別有沙律🥗蕃茄仔，青瓜。食到舔舔脷😺😺😺

難得放假一個人享受自己既metime～自己去咗荃灣行一轉🤭夜晚行到咁上下咁啱見到呢間位於荃灣如心廣場嘅神石燒牛扒水產專門店🥰決定一試先🤩晚餐我揀咗明火石燒：澳洲M7黑毛和牛一人盛。有紫菜日式飯，沙律🥗同湯。湯係蜆湯，好鮮甜。個飯上面仲有得落紫菜😍必試！嚟食燒肉就緊係要食牛啦！牛嚟講推介澳洲M7黑毛和牛，油脂分布平均，和牛果然唔同啲🤩仲要快快都好大塊同唔會好薄。燒到咁上下入口即溶！醬汁有原味，燒汁同特色辣醬都可以任揀。呢個和牛份量適中，加埋啲小菜食啱啱好👍最後夾番啲沙律菜解一解濟🤣🤣一個人嚟食，啱晒啲份量😚👍神石燒牛扒水產專門店 (如心廣場)地址: 荃灣大河道98號如心廣場二期2樓206號舖

今日嘅午餐想食豐富啲，很近地喺如心廣場呢一間食牛肉嘅專門店食燒肉，餐廳主打牛肉嘅，當然一定要食啦，另外仲嗌咗雞肉串燒，好豐富嘅午餐。套餐有個日式泡菜湯🥣，酸酸辣辣好開胃好惹味。呢一款夏日限定，檸檬塩糀牛舌及牛五花盛合味道又香又清淡，好適合夏天食。牛舌肉質彈牙鮮嫩，比普通牛肉更有咬口，擺落去鐵板燒，由鮮嫩嘅粉紅色變成深啡色，成個過程非常吸引，放落口牛肉嘅鮮味即刻散發出來。五花牛油脂肪比例比較多，一邊燒油脂就係鐵板倒流落嚟，見到已經覺得非常正，牛肉入口即化，甘香味濃，在擠上檸檬汁，味道更豐富更滋味。再半額追加雞串燒每款$12/串，當中有雞肉串，雞胸軟骨和雞皮串。雞肉質鮮嫩，滿滿肉汁。軟骨又爽又彈牙好好味，雞皮脆卜卜加上調味粉好似食薯片咁，而且比薯片更加香。仲有一碗紫菜飯，上面鋪滿紫菜，好味又飽肚。

星期六lunch hour食，假日套餐有幾款只係$98，加多一份肉/串燒都只係加十幾蚊..上菜超大份，牛扒喺熱石上慢慢燒，唔會overdone, 牛舌、豬、雞都好味，加埋海鹽可以引出鮮味…日本米飯任食，仲可以加紫菜，湯同沙律都係任食…百幾蚊一個人絕對超值！

神石燒好耐之前都有食過但係嗰陣係按照自己喜好揀一款肉食，原來依家係有放題食㗎💫諗唔到食咩嘅時候揀呢一個套餐簡直就係優點！我同男朋友叫咗75分鐘209放題：澳洲M7黑毛和牛🐄呢個套餐係可以任叫10款牛肉，講真就算兩個人都食唔到咁多款牛肉。只可以大概set到五至六款已經係極限了😶我哋就食咗澳洲M7和牛，壽喜燒汁豚五花，壽喜燒汁牛舌 ，黑安格斯漢堡排，美國黑豚舌芯同澳洲穀飼100日牛扒。整體嘅質素都係唔錯🤭個人最鍾意食係和牛，牛味相對比較重，油脂分布都係比較多但係就會相對滯少少！男朋友就鍾意食漢堡扒，佢話送飯好正🤣另外一提，凡係可以自己任加的仲有紫菜上面！