影片
营业时间
今日营业
07:00 - 20:00
星期一至六
07:00 - 20:00
星期日
11:00 - 20:00
公众假期
07:00 - 20:00
公众假期前夕
07:00 - 20:00
以上资料只供参考，请与餐厅确认详情
呢間車仔麵嘅位置雖然唔係好方便，今次咁啱經過見到有幾個人排隊就過咗嚟試吓，覺得唔錯😊😊雖然餐廳格局比較細嘅同埋迫少少，但係整體環境整潔😊😊今次試咗佢哋嘅胡椒湯配豬大腸雲吞米粉，湯底濃郁香濃，感覺上好似飲緊胡椒豬肚湯😋豬大腸雲吞米粉都幾好味，豬大腸煮得軟熟，雲吞彈牙多汁，米粉入味😊😊 佢嘅份量唔係特別大，食完之後大概7分飽，有需要嘅話可以揀加底另外佢仲有個招牌花膠車仔麵，朋友試咗話都OK，下次可以試吓
继续阅读
早餐兩餸麵$36已係唔平，就當你正常價，但加一餸佢寫加$8還是$12喎（呢一刻忘了），好貴喎，我知叫秋葵多數都得兩至三條，但我諗就算叫火腿可能都只會一片，但問題係碗通粉係超級細碗，倒左湯如圖得半碗都冇，平時其他通粉都大碗和食得飽，就算大快活碗細通粉都會有少少飽囉，佢呢碗女仔食完都完全冇飽過，仲要外賣盒加$2，又唔係特別好食，都係冇味湯水浸，冇下次。
继续阅读
觀塘平靚正車仔麵女朋友喺觀塘返工，我咁啱得閒出去陪佢食lunch。估唔到佢竟然帶我去食車仔麵。依間祥利車仔麵內部環境都乾乾淨淨，都算多附近打工仔去。佢價錢中等，車仔麵$50-$60不等。我叫咗碗辣嘅叉燒、糖心蛋、生菜粗麵。加杯熱日式炭燒咖啡。咖啡唔錯好港式。佢碗麵講真唔算大碗，我女朋友食就夠飽，我食完就仲想食小食先夠飽…… 佢勝在真係上菜夠快，價錢算平。食物質素方面就不話不失啦。推薦指數：💛💛💛
继续阅读
呢間祥利車仔面，鋪面細細，人多多，無論係中午定晚上時間去都係冇位，次次去到都食唔倒佢個招牌養顏面，今次再晚d成九點先去都係無，叫我明天請早..🥲😳😳不過其實佢其他餸都唔差嘅，猶其是個半熟糖心蛋、秘製豬手同秘製魷魚，因為我差唔多款款都試勻曬，除左個花膠，睇黎我同佢真係冇緣份😅講返今次我叫左d咩餸先，今次我叫左聲稱係人氣之選嘅日式义燒，配埋羅白同唐生菜🥬，算食得比較清，而且個豬骨湯底同油面都算夾，三十幾蚊可以幻想下自己食緊拉面🍜算係咁啦😀😀
继续阅读
午市堂食。入座前已落單。5分鐘後俾張印單我。印單後再等25分鐘先有麵到。唔計等位時間，食車仔麵落單後要等30分鐘，效率之高應該可以冠絶呢個界别。與飯腳分别叫咗豬骨同雞湯，加腩汁，油麵。豬皮，蘿蔔，大腸，魚蛋，雞翼，魚皮餃。兩款湯嘅共同之處都係冇乜味，亦唔襯車仔麵。油麵質地似日式拉麵多過似正常油麵。好同意樓上所言，d 大腸同雞翼都滷得好深色好靚，但係其實接近完全冇味。魚蛋質地ok, 但係都係冇乜味，除咗雪味。豬皮味正常，不過好淋同得好少。魚皮餃正常，蘿蔔嘅質同量都好。可讚嘅係店員好有禮貌，亦令呢間食肆更加唔似一間車仔麵檔。
继续阅读