祥發

营业中

休息中

上星期行完大東山，就啲同事落嚟大成街街市食飯，今個星期行完獅子山，買唔到餸，索性再嚟大成街市試埋呢一間小炒。一行三個人唔係嗌得太多嘢。先上咗個椒鹽九肚魚，外脆內軟，同埋一啲都唔厚粉，熱辣辣食唔停後。另外再上中式牛柳，呢個味真係好似細個喺大排檔食嘅味道，個汁唔會太酸，同埋佢係用新鮮菠蘿。有舊同學因為平時少食臘味，所以叫咗個香芋臘味煲。嚟到嘅時候估佢唔到好似啲椰漿咁，真係都好耐冇食過呢款餸，都唔記得咗係點樣樣，但食落去係腐乳嘅味道，包住啲芋頭真係一流。叫咗碗白飯，可惜碗飯太硬，嘥左d汁。同埋啲臘味都幾足，有臘肉、臘腸同埋潤腸。都諗過買一個外賣盒裝啲返屋企煮白飯第二日帶飯，不過太邪惡都係放棄左。個胡椒豬肚湯都夠味，不過可以再多少少胡椒再辣啲嘅話就更加出色。如果有機會多啲人想試吓多啲款式，因為見到隔籬嗰豆豉鯪魚炒飯都好吸引。

上星期日晚第一次來到黃大仙大成街的祥發小廚。一般街市的樓上大牌檔食的都是鑊氣和熱辣辣的小炒，這一間絕對不會讓你失望。鑊氣十足之餘，調味亦相當得宜。不會像其他大排檔太重口味和死鹹死甜。當晚叫了豉椒炒蜆，薑蔥炒蟹，醬汁非常惹味。椒鹽豆腐和椒鹽鮮魷都相當爽脆。蒜蓉粉絲蒸扇貝蒸得恰到好處。另外，啫啫雞煲有驚喜，居然有豬潤。乾炒牛河炒得很有水準。所有菜式都非常適合送飯和配啤酒。絕對值得一試和回頭再食。😆😆😆

昨晚來左呢間食飯，第一次幫襯，俾我感覺幾好。我點左酋韮菜花炒鹹肉，仲有肥牛煲，兩支啤酒，共$160，好抵食，因為餸菜好足料，而且好有獲氣！我兩都好滿足，韮菜花真係炒得好食，爽口，肥牛煲好夠味，咁的價錢咁的服務，我十分推介

2008-10-11(星期六)祥發大排檔，我眼見下午茶$19(包括干炒牛河及熱飲)，十分抵食到難以至信。現在，牛肉加價升幅高，下午茶很多茶餐廳干炒牛河已轉用干炒肉片河。今天，晚飯我十分十分滿意啊！除咗椒鹽骨及沙爹粉絲牛肉煲十分好味，價錢又抵食。一碗飯才$3大大碗，值得推介，值得一試。