祥和食堂

营业中

休息中

九龍灣工廠大廈選擇唔多，去九展又貴，行去Megabox又遠🥲🥲✨✨夏熱天時唔係落雨就鬼死咁熱，有得懶我就當然唔會行🙈🙈食完又可以瞓番一陣覺💤💤✨✨不過成日叫foodpanda， Uber Eats果d又貴，我就幾鍾意叫祥和，外賣又唔使加錢。又有人送到門口，每日午餐有七款選擇，總有一款啱食😂😂✨✨另外午市又有例湯送，冷熱飲又同價😎😎😎✨✨不過反而常餐就選擇少，如果可以百搭d揀下配料就好啦🙈🙈因為我鍾意食午餐肉多個腸仔😂😅不過都明白，午市就好似打仗一樣，真係好難做到😅😅

呢間餐廳好多嘢食，而且全部都好底，，我特別推介呢個葡汁雞飯(午餐)（╹◡╹）♡佢啲汁好正((*´꒳`*)，而且都幾大，$45算好啦，再加上佢嘅員工態度都唔錯，見到老闆好俾心機，做到最好，，所以會返嚟幫襯，大家可以試吓，(^з^)-☆呢度可以開party，老闆仲會專心篩選有乜嘢嘅菜式啱嚟開party(例如：炸雞比、芝士火腿三文治、炸雞翼⋯⋯)好爽呀！啲員工整嘢食整得好快，有效率👍🏻👍🏻Add oil

轉手後，看到的不斷的整理改善店舖的環境，確實有一種渙然一新的感覺，其實只是小小食堂，看到老闆的盡心盡力去為這地方逐步進行翻新和換裝，店舖已沒有以前的油益味，牆身完全翻新重油，令食店更光猛舒適，最後也把椅子換了一批，坐下比以前更舒服。最最最重要係食物價錢比起其他係物超所值，性價比還要高多了！仍然最出名係炸雞脾飯餐或下午茶，必食推介！會繼續來食。看到老闆無論在價錢上的調整，環境和食物作出改善上，看到他的細心為食客去準備，讚呀！

好耐無上9樓食飯，平時都是點外賣比較多，原來轉左人做喎，地方乾淨左好多，今日試咗口水雞飯，好香好刺激，雞都算幾滑，而且凍飲不用加$2，，有驚喜，好抵食而且份量都不輕，美中不足是可能很多客人的關係、出餐比較慢，下次再試其他👍🏻加油

先講早餐啦火腿通粉，腸仔煎蛋牛油方包， $23蚊，我最喜歡嘅係5號餐，雙拼三文治， 加凍飲，$20蚊， 午餐方面 ，咖哩海鮮焗飯， 香茅豬扒飯， 乾炒牛河， 仲有炸雞髀飯，鹵水雞翼飯， 送埋例湯 ，$40蚊。等等。。。 我喺十二點三之前結帳就平五蚊 至於下午茶就有五個餐， 我嘅推介係雞中翼煎蛋麵， 同埋吉列豬扒薯條， 盛惠25蚊 早，午，下午茶三餐加埋都唔使一百蚊， 真係忍唔住要畀個like佢 。， 環境方面， 新老細有心做接咗手， 個場都 企理 衛生。

食物質素好咗 & 環境都比之前乾淨整齊好多，最重要係食完嗰身無油味，宜家早餐 n lunch 都食呢間，不論外賣堂食11:30前埋單仲平5蚊，咁嘅價錢邊度搵。真心值得推介，

九龍灣祥和食堂食物高質又平又抵食，凍飲又唔洗加錢而且遠高於一般餐廳水準出餐快好好食我鍾意之前高高大大的靚仔老板新果個老板招呼我同客人埋位，大大聲聲，呼渴又粗魯，成個粗人咁仲有走去鬧個年老伙記，好影響食客咁樣鬧伙記，好心ＵＰ，幾好食都唔會去食

今日早餐食左個吉列豬扒炒蛋豬扒大大塊，又唔會好粉另外，炒蛋有蛋汁，唔會好實連埋凍檸茶外賣都只係$32性價比極高，早餐必食唯一差在電話落完單要等成半個鐘先送到，希望下次可以改善

係附近返工，平時早餐都係去快餐店搞掂。今日見有同事介紹，就一齊去試下呢間工廈飯堂。入到去第一印象就係都幾擠逼下之後同事推介早餐必食吉列豬扒，所以就叫左份吉列豬扒炒蛋。份早餐上台果陣，即刻嘩左聲塊豬扒大過我手掌，炒蛋又唔會太熟，重有d蛋汁。一入口，塊豬扒又唔會成口粉，兼且keep到dd肉汁，冇得彈

喺隔離楝樓返工，日日早餐都係叫祥和，最經常叫係五香肉丁腸旦出前一丁配熱啡走，肉丁足料，隻旦亦煎得好食，如果嫌太大份 多士或熱狗都係輕食選擇。除早餐外，午餐湯飯亦係賣點，算係一間比較可靠嘅工廈飯堂

響附近做training,人生路不熟，見附近office既人lunch去邊就跟住睇下有邊到有野食。估唔到工業大厦其實都幾多野食，行到呢間門口已經有人問食d咩，幾位,介紹d餐。態度好好d餐都唔貴，好多都around$30-40.叫左個粟米班腩飯，紅湯加奶茶外賣，total$35職員又好有禮貌咁叫我坐住等，一個叫完到另一個，令我幾唔好意思咁坐底左等。環境唔錯，幾乾淨，ok光猛。都有頗多人去食。坐左冇幾耐個餐就ok,拎到上office個pantry仲熱。粟米班腩幾厚肉同幾多，我平時同男生食量差不多既人，食完都覺得好飽。個紅湯幾好飲，又多料。但杯奶茶就麻麻，茶同奶都淡左d，唔岩我口味。由於pantry太多人出出入入同趕食飯，冇影到相，冇得分享，可惜...下次再上training會再去一試