福彩海鮮酒家

营业中

休息中

今日中午與父母往品茶,被安排往D3枱,即房內,與知客說要大廰,一句冷淡回應:"要搭枱",入房坐下後好快有人開茶,但飲過一壺茶後要揾人加水就難過登天,其間排骨煲仔飯及牛什到,咁就叫個阿姐攞辣椒油,等咗15分鐘唔見,咁惟有自己走出去門口,咁啱見到個高高的短髮女人,一套黑衫褲,應該稍高級,叫佢加水,其間順便問佢攞辣椒油,可能佢唔慣比人使,用眼瞄一瞄,答吓你都費事就出番去,諗住佢遲D會攞嚟,結果又等咗10多分鐘,又要走出去第三次揾人,才可成功取得呢碟珍貴既辣椒油,等咗好耐,終於嚟埋咸水角,竽角及潮州粉菓,好啦埋單啦,又發現其中一碟特點變咗貴一級既頂點,茶錢原來又貴過大廰。講真食物質素唔算突出,但由入門口一刻已開始面對不同階層員工的差劣服務態度,就確實突出啦,講真呢間酒樓環境確唔錯,無奈空有外殼,就連一個較高級員工都如廝不濟,若繼續如此運作下去,恐怕難以營運,除非老板冇諗住賺錢啦!!!

今晚晚餐黎左呢度叫餸食飯 燒味拼盤切到勁細件....夾都難夾.....份量勁少!蒜芯炒牛仔骨OK, 味道適中, 牛仔骨幾SPICY清蒸東星斑 驚得岩岩好, 唔鞋, d肉都幾滑 炒雜菌幾野味, 但份量少得很 乳鴿煲我唔食乳鴿, 但份量亦很少 整體上我覺得質素差左好多, 但份量真係少得可憐!!!茶芥每位計, 要計都唔係問題, 但問題係d茶葉好劣質飲落去好苦,唔知點咁....仲有去茶樓食飯無預過d碗好乾淨, 但都唔知dirty成咁....叫佢換過個, 拎到埋黎又係dirty的!!!

中午o黎飲茶, 一行6人1點來到,姐姐編了我們入去"江蘇p"房, 嘩都要行到好入呢.房仔都只係夠大放5張枱, 仲有個大電視, 地方ok 喇.不過預左冇乜職員會成日在房內, 想找人都不會易了....menu真係包羅萬有, 小弟真係大鄉里!叫了碗泰式湯河, 幾款點心, 腸粉, 大家share.泰式湯河算不錯了, 加上仲有碟泰左辣汁, 都似模似樣.點心又都係蝦餃燒賣腸粉, 冇咩特別; 义腸其實不錯.蒸蘿蔔糕太淋.仲有個外形似义燒包的奶王包, 俾佢呃左...唔太貴, 但入了房仔, 找人當然唔易, 但哥哥仔已算好服務了. 飲茶當係ok 吧.

週日到沙田福彩飲茶，預先訂了枱子，怎料準時到達後，帶位阿姐好似遊魂咁遲遲未能安排入座。過了一陣子，阿姐話有位喇，叫我哋跟佢入去，怎料她竟帶着一大叠單沿途幫其他茶客結賬！我哋跟佢行嚟行去，好不容易到達「目的地」，眼前的四人方枱怎坐六個人呢？明顯店方無預留枱子，現在隨便找一張枱了事。酒樓午市無得訂枱無所謂，但既然有訂枱服務，就務必get the job done！我哋表明枱子太小，要求安排另一枱子，換來只是一句簡短的答覆：「無喎！得呢張！」我哋一再表示不滿，最終她同意安排另一枱子。等了又等，終於有位喇，但新安排嗰張枱同原本的四人方枱大小根本無分別！！就係咁擾擾攘攘，攪咗好耐先有得食。雖然此店的點心小炒也不太差，但以這服務水平，得個「喊」的評分也不無道理！

被它放在門口的海報吸引，有片皮鴨食，所以入內光顧。可能假期的關係吧，坐了一會也没有幫忙開茶。由於是被片皮鴨吸引入來吃飯，當然點了這個菜，見到餐單上寫明每隻$78，“二食加$30”，所以我們要了“二食”。待應說二食有：1.苦瓜炆鴨；2.七彩炒鴨絲；3.生菜鴨崧。我們便選了：生菜鴨崧。還揀選了清蒸海青班仔。食物質素一般，片皮鴨並不是在人客面前即片的。鴨比較肥了一點。吃飽後，不斷有待應經過面前,但仍没人收拾。故截停一待應，幫我們拿飯後的生果及埋單。吃完水果，我再去洗手間，回來後仍没人埋單，當下我們發現該待應根本没有拿走我們的單，他跟本没有埋單。我們自己到收銀處結帳，但發現帳單內有一個項目收費不恰當。他們的菜單明明寫了“二食”加$30，但我發現他在單上加$35，我跟埋單的女子說，她說：生菜鴨崧，是加$35。我說你們餐單上寫加$30。她就叫經理過來，我跟該經理說：第一，你們餐單上寫加$30，第二，你們落單的時候並没有講明。該經理居然說：他說‘苦瓜炆鴨’就加$30, ‘七彩炒鴨絲’和‘生菜鴨崧’就加$35。我重覆說你們落單的時候並没有講明。該經理說：你們落單時有没有問？你們應該要問。我真的呆在當場

由於第一城冇地方適合一班人食飯, 所以唯有選擇呢間, 喺食之前已經上嚟睇過d食評, 都已經知道招呼嘛嘛, 但都係幾個月前的事, 諗住而家應該好d, 但其實係一樣..........夜晚六點幾七點左右去攞位, 門口個支客比咗張飛, 寫咗個枱號比我地, 叫我地跟條路直入, 咁我地拎住張飛一直行入去, 見到大堂d枱號全部都係9xx, 但我地係15號, 咁見前面有條類似冷行的物體, 旁邊一路擺滿2人枱, 終於過咗條冷行, 見到左邊有2張4人枱, 右邊係間咗版, 人地設宴的地方, 而我地原本坐的枱就係條冷行盡頭的第一張枱, 果張枱一來細, 坐5個人會好迫, 二來對正人地間房個門口, 三來冷行位, 所以我地又山長水遠地行番出去大門, 叫個支客比過第張我地, 不過出去之前, 我地先行入少少, 見果度有d闊少少的枱, 感覺上又舒服d, 就叫個支客比果d枱我地.............不過坐低之後, 一路都冇人理, 忽然有個待應分杯, 我地就同佢講5位, 佢"哦"完之後, 仍然放底4個透明果隻玻璃杯, 點解呢?? 我諗係因為枱上面放咗4份餐具, 所以佢放4個杯掛?? 真奇怪.....之後叫咗不同待應開茶

雖然知道中秋節酒樓好忙，但係都唔係咁離譜！今日無訂枱，去食福彩食飯。係門口都等咗十幾分鐘，但係三個知客都係處理緊一個訂枱客，駛唔駛呀？工作效率實在其低！經我多番叫喚之後，終於有人應我喇！坐低諗住睇menu……竟然……無！咪叫侍應囉嚟，點知攞個menu都擺咗廿幾分鐘……都係無！！竟直係唔係做我哋d細客仔生意！！終於，我就話仲無menu就走，終於……有menu喇！諗到食乜諗住叫……點知叫極都無人應！成班侍應去咗櫃枱都唔知做乜，好似訓話咁！有腦嘅都知訓話你d嘢緊係係開巿前做嘅啦！！真係……乜嘢人事管理呀！真係忍無可無……由坐低到叫菜前後加埋用咗成45分鐘，真係把幾火！雖然我哋開咗茶，都唔理……即刻起身走人……發誓……以後都唔會去……唔好以為做節大晒……服務態度欠佳同節日係無關架！

因為方便今晚的家庭聚會，我們選擇了這家金玉其外的酒家。各項菜式其實味道不差，亦價錢相宜的，但服務態度及生意手法確實極差！我們一行16人，當中有三老三少，但侍應卻極力遊說我們要叫兩個冬瓜盅，說一個一定不夠分，但事實係一個冬瓜盅分到每人有一碗滿之餘仲有得添食囉~我們跟那個侍應講“其實一個都夠分有餘啦！”點知佢跟住話“咁每人可以食兩碗嘛~”(但咁都叫一個唔夠分！！？？)第一個因為仲有剩，放咗喺枱面，而第二個呢？就放咗喺路口茶几等......(蓋都冇個)餸菜追極唔齊，仲想老屈，我們叫了一揸酸梅湯、一揸竹蔗水、兩杯菠蘿冰，得揸酸梅湯到咗，其餘的催了兩次後，侍應夠膽拎住我們已經喝掉一半的酸梅湯話“咪到咗囉！(到咗？邊度？)喱揸咪係竹蔗水囉~(喱揸係酸梅湯嚟噃....)唔係~喱揸係竹蔗水嚟嘎...(姐姐呀~我俾喱半揸你即場試下味睇下係咪竹蔗水！)哈哈~揸竹蔗水仲未嚟咩？(仲有兩杯菠蘿冰呀.........=.=)隔咗一排.....我們又再催...=.=“未到咩？都冇落單！宜家落番啦~”(畫咗單嘎喇喎~)“係咩？呀！係喎~...但竹蔗水冇過畫喎~”(唔係嘛......=.=)最終食晒飽晒之後都仲係有一

收銀肥嬸嬸服務態度真係好差，依家邊個係客先？我走上黎埋單，又無催你，你洗唔洗咁惡鬧人呀？你就口口聲聲叫人地番埋位等埋單，等得黎都蚊訓啦！依家又無催你，又唔該晒你，你仲想點呀？比著我係巴士亞叔，我一定會搵你個經理出黎同你嘈到底！本身都唔想上黎鬧咖喇，點知佢找錢個時將Ｄ散紙掉上黎！ Not PUT on the table!!!嘩～真係把鬼火！有咩事得罪左你呀？依家發生咩事先？我真係唔想再受你氣囉，我決定以後，無錯，係以後都唔會再黎食野！而且，我會寫信去福彩個集團投訴你！

提起係沙田間福彩飲茶就嬲埋嘽時差點俾個收銀肥婆呃囉不過好彩我早計定52蚊點知個肥婆細細聲講58蚊我一聽叫佢拎張嘽過黎睇佢又拿拿林改口話52蚊我一早聽聞個肥婆呃人茶錢估吾到今次就發生係我身上好心佢拉哼真係豈有些理都吾知點樣管理咖

公眾假期飲茶,落單後等25分鐘才出現第一個點心,之後要再等10分鐘才出現其他點心.搵侍應問一問,他的答案是:由於公眾假期,太多客,廚房應應付唔到.又唔係突然or第一次遇到公眾假期，點解噤大間酒樓都唔管理好安排好人手去應付公眾假芋角:　凍的，似隔夜其他７個點心都ＯＫ，不過服務真係差

寫這篇食評之前，例牌去看看其他食客對它的評價，噢．．．毀多於譽！或許是批評太多，對我這個新丁來說居然有些驚喜！舊同學飯聚，想了很多方案，選一個大家都走差不多路程的食肆，由於同學們遍佈九龍新界，最後選了第一城的福彩！第一次來到，感到場面相當大，像廣告術語，可以筵開百席哩！當晚聽說還有內廳多間貴賓房還未開放，可想而知它真的面積不小！說回食評吧，第一個要讚的便是它在周末日的黃金檔期，都沒刻意抽起一些特價菜或將小菜價錢抬高，我知道好些酒樓食肆會在假日時間抬高價錢，甚或剔去特價菜式，這裡仍然維持平日的價錢，一讚！原價八百八十元的東星斑，只要夠八人或以上，只需一百六十八元，超值喇，再讚！小菜的份量亦不小，夠吃；蜜桃芝麻骨是以蜜桃伴碟，再加上炸排骨，廚師再花心思，把芝麻加上炸排骨，增加了香口程度；脆皮燒雞真的脆得很，本來雞皮不宜多吃，也忍不住吃了兩口；另外，該清淡的清淡，如西芹腰果花枝片蝦仁，涼瓜煎蛋角；該濃味的濃味，如糖醋鎮江骨，炸蝦餅等；整體而言，給予很好的感覺，下次必定專程再來吃晚飯的啊！

老一輩個個都中意飲茶今日陪爺爺麻麻黎飲下午茶淨腸粉ok,呢個正常蛋球$8.8 3舊 個樣已經唔得煎堆$7.8 3舊 油到呀媽都唔信雞粥粥ok,但好少雞叉鵝瀨$15.8 3,4舊叉3,4舊鵝 瀨有4碗(酒樓細碗) 一般蝦餃冇食 但見到個皮好厚-_-蓮蓉包冇食 呀媽話d包超"un"環境超嘈 侍應叫極唔睬你 冇個有笑容加水彈親你sorry都冇聲送左點心黎叫我拎飛{喂!拎出飛比我!} 咩態度?6個人埋單大約$170每人$28廿八蚊得到如此對待...點解咁多老人家都中意飲茶/_\我自己就超憎-.-

今朝去飲早茶 7個人 叫左:鳳爪排骨煲仔飯叉瀨淨腸粉蝦腸雞粥生菜馬拉糕雞絲粉卷叫完等左ok耐個煲仔飯先黎不過算啦 優惠7.8 多人叫遲d黎都算但係當我地食完既碟野既時候其他野都仲未到呢個時候第二煲煲仔飯竟然黎左!!!天呀!!而家$7.8仲有買一送一優惠嗎其他既去晒邊??一碟淨腸粉都要等咁耐??等左陣好多野都黎左不過叉瀨同雞絲粉卷都仍然唔見影...因為我唔好中菜 所以只係食左菜-3-...但係淨係呢一碟菜我都有不滿點解佢可以咁多油?!?!我食左一條就滿咀油光 好似搽左唇彩咁{立立令}跟住頂唔住,要幫d菜過冷河過左幾條之後果碗水面好明顯有一層油囉!!!佢過唔過分左d 係咪錯手倒晒成支落去?到所有到左既食物都食晒之後就去吹果d"西裝友"(高級果d)佢超冇禮貌咁話雞絲粉卷賣晒大佬呀 你賣晒都講聲呀 最少都開咪講啦大佬你唔黎又唔交代我點知你係漏單定點佢話就話即刻幫我追個叉瀨返黎之後我坐多十五分鐘就落左去行果時碗野都仲未到佢咩服務態度?之前黎都仲好d,起碼佢聽到你漏單會即刻入廚房睇下咩事而家?幫隔黎台舖台布.唔係d長輩中意飲茶我真係一定唔會黎呢間度囉

先講service:十分同意前面d人所講,豪無服務可言!!特別係d知客同收銀!! 成日掛住吹水做錯晒d野!!最離譜係鬧客!!部長都好賤!!唔願做野!!侍應都係一dd好人咋!!有d都扮睇唔到你叫佢乘機唔做野!!再講食物:簡直垃圾!!一d都唔新鮮!! 仲覺得佢好dirty tim呀!!都唔似即叫即蒸!!下午茶時段仲難食!!師奶都煮得好過佢呀!!又唔係整得好食都唔跳點解會整咁耐!!我試過閒日去飲等左成40mins先有野食到呀!!餓都每死!!飲茶最緊要係壺茶ma!!佢d茶一d都唔熱!!茶几上面個壺都唔保暖ge!!侍應斟d茶都唔熱!!叫人點飲呀!!再加上勁大冷氣!!吹到d食物同tea凍晒!!仲吹病人tim呀!!大家唔好去呢間酒樓飲茶呀!!實激死你!!