福滿庭酒家 (已搬遷) 新店位置

越來越差，一入門口巳經比人兇： 目露凶光： 有位未呀！然後佢就轉身向另一枱講，喂你哋夠鐘啦喎⋯⋯想點呀⋯⋯未食巳經hard feeling, 我入嚟嗰陣係1900未到……價錢貴不特止，份量又小，班頭腩兩食夾埋得幾舊，蒸嗰碟求其放幾「條」金菇菜係底（我想笑出泥）就算不特止，魚尾嗰塊重要半件（直切），芝士蝦麵變水浸麵，貴妃雞，白切雞全部冇味重要鞋到似肉干，燒鴨全部係肥油，全部餸味道更加不知所謂……点解依家变成差到呢个地步架………服務差到一個點，上菜嗰啲人永遠企係度話無位無位，然後望住你等你林掂佢，問佢拿碟辣椒油： 無碟喎，我傳菜來架，苦苦哀求下然後成支比我叫我自己倒落個碗度，跟住又拿拿林搶返走⋯⋯ 想點呀！舉手叫人就隔幾張枱大大聲叫等陣啦，忙緊，之後等一大輪就行過嚟，大大聲要咪呀⋯⋯⋯之後派利是比個招呼比較好d夥计，點知一大班夥計全部走晒出嚟，就連剛才話忙緊嗰位都9 秒9 现身差到一个点⋯⋯

見到招牌寫住一食片皮鴨38蚊即刻吸引我同屋企人去食，我哋叫咗一食片皮鴨芝士龍蝦伊麵炸蠔餅蒜蓉粉絲蒸蟶子炒豆苗同埋咕嚕肉片皮鴨真係好抵食，仲比左2隻鴨髀👍🏻炸蠔餅同炒豆苗勁好食！芝士龍蝦伊麵就麻麻哋，芝士太重奶味，龍蝦冇乜肉，可以唔試！蒜蓉粉絲蒸蟶子同埋咕嚕肉不過不失！為咗個片皮鴨可以再食！

11月2日 晚上，已經個人好攰，收咗工又餓，從九龍返入嚟粉嶺，第一件事就係去買飯食。幫襯咗咁多年，算不上熟客但一直都覺得佢哋嘅燒味飯做得好好！先入去櫃枱買票落單，然後取票到店外燒味部窗口取飯，這些都是正常操作。慣性遞單入去嗰下我都會先叫聲：師傅，麻煩晒！今晚我又係咁啦！然後我發覺師傅唔應我，一直彎低腰處理其他事，然後我又叫了一聲：師傅唔好意思！佢就企返直個人開口鬧我：等陣啦！整緊嘢嘛！洗唔洗係咁催呀！催？我攰到咁嘅語氣，都算催？問題係你唔應我，我真係唔知你係聽唔到定點，我無出聲，佢好晦氣咁扔咗手上條枱布落枱面，然後斬燒味放落盒飯度。我連西面都無，我只係覺得佢可能受咗啲氣，見我個樣好恰啲呱，唔緊要啦！攞咗盒飯我就返上樓開餐！我打開個盒….其實我唔係想話盒飯啲乜嘢，係的確同我買開嘅好大分別！我知道佢個崗位算唔上要提供乜嘢服務，我想講依啲已經唔係服唔服務嘅問題，大家都搵食啫，洗唔洗呀⋯⋯

粉嶺呢一區真係越來越少酒樓，尤其是呢邊屋村多。呢間酒樓好似專做熟客咁，熟客就快啲有枱囉人手就長期都唔夠嫁啦，不過好彩嘢食都OK嘅。我鍾意食佢哋嘅綠茶芋頭餅，好少酒樓有得食嫁

食過幾次晚飯，飲過兩次茶，食物味道幾好，門口個帶位態度就差d，可能假日係會比較緊張d坐位，但d熟客又唔想搭枱...... 飲餐茶都見到佢地嘈，真係扣晒分！點心：蘿蔔酥，鬆軟，都幾多蘿蔔絲同蝦米，食3件都唔會漏（個個都唔食蘿蔔.....自己食晒）燒賣，正常味道蝦腸，皮唔算好薄，蝦大少中規中矩，合格鳳爪，幾好味，但我果碟個賣相雞紮，普普通通，雞件唔夠滑，魚肚唔算好軟好吸汁。馬拉糕，鬆軟好食。BB話好好食皮蛋瘦肉粥，大路野。點心款式唔多，但同附近幾間比較已經算好食（講緊已經係隔離邨）幾間我都試過，呢度就坐得迫d，個人選擇！可能加左價，2個大人 1個bb 都要$275埋單。（當然只計兩位茶錢）去連鎖店食西式早餐都係$60/位，當然冇咁豐富啦

8號風球，大家都費事煮，直接落樓下食，感覺唔錯，👍。出品完美，不過價單貴左D ，相比起其他酒樓大約貴左$10🦟蚊到！不過酒樓出品真心覺得幾好，值得推薦！如果懶的煮可以考慮下呢間酒樓！

跟家人及宴客飯，點了黃金蝦，陳皮鮑魚，金銀蛋莧菜，蒸扇貝，椒鹽瀬屎蝦，蒸小老虎班，樣樣都好美味，尤其是黃金蝦，超惹味，價錢合理，服務好好，樓面姐姐們好親切，地方乾淨方便。推介啊。

態度極差！熟客永遠優先，雖然增加左取票入坐及限時進膳，但態度十年不變連執枱都係，坐咗係到都唔理你，三個人去執兩張吉枱歡迎熟客，見到你叫開位都轉頭走，小費真有效力👍🏻

今日我哋叫咗🥡🥢外賣自取，叫咗個D餐，因為記得佢哋嘅金薯咕嚕肉😌好好味，結果……希望越大失望越大🥲，拎到返嚟打開嚟睇，望落乾真真🙂，生菜都冇🧐，記得以前可以包住生菜食🥬….打電話📞返落去，收銀話：😒師傅換咗人，同埋😳😳😳咕嚕肉而家冇生菜喎，☹️☹️☹️☹️☹️超級失望！其餘菜式都係一般般….😔😔😔😔😔😔😓😓😓😓😓😓😓😓😓😓😓😓😓😓😓😓😓😓

Beef balls are not pre-steamed and still pink and soft. Xiao long bao is wrapped with very thin dough with a lot of soup inside. Yummy. Overall food is pretty good, all served hot and fresh. Only thing we were not happy was that staff seemed to be impatient to serve as we arrived around 3pm (L.O. is 3:30pm).

朋友介紹必食😳，但食過先知點解會必食😳每份都好大碟😍而且好好味，超高質，蝦餃更做到皮薄得嚟夠煙韌，蝦味夠出！讚🤩腸粉都係必食，皮薄料又夠足👍🏾大大碟，試到枱面睇得又食得，岩曬打卡嘅人，而好多時候酒樓會係某幾樣特別好食，但呢間唔同，佢係每一樣都好有水準🥰

平時星期日就最鍾意一家人一齊飲茶✌🏻✌🏻✌🏻今日近近地揀咗屋企附近一間茶樓福滿庭-呢間茶樓其實都開咗一段時間佢星期日價錢雖然貴少少但係食物質素都幾好㗎我就今日叫咗XO醬炒腸粉-辣味幾好嘅 仲有少少配菜炒埋一齊辣得好過癮😋😋😋鳳爪排骨飯-份量就真係少咗少少同埋啲飯都比較乾身 我比較鍾意食濕少少春卷-入邊嘅餡了我都幾鍾意 好多時酒樓嘅春卷都會擺咗一段時間 但係呢一間佢次次嚟到都會喺熱辣辣😋😋😋黑糖馬拉糕-質感軟熟又唔會太甜✌🏻✌🏻✌🏻✌🏻炒米粉-呢個就溜咗單嘅 等咗成個鐘先至有不過佢出奇地啲米粉唔油囉😋😋😋呢度嘅環境你唔好預坐得好舒服 同埋佢會成日有啲雀仔飛來飛去😂😂我都唔知點解會有好多

疫情後真係超耐無試過一家四口出街食晚飯，近近地就去附近呢間酒樓吧🤲呢度晚市都要等位🙆‍♀️睇下餐牌都幾抵食👍難怪座無虛席！講返今晚我地叫左個套餐💁‍♀️入面有湯/4款餸菜/白飯🍚四碗1️⃣五柳松子鱸魚🐟嘩..都好大條魚喎！鱸魚炸到外脆魚肉又保持好滑😍而個五柳醬汁一啲都唔馬虎、配料都有4款☺️酸酸甜甜超級開胃👍2️⃣小炒皇韮菜、大蝦🍤、腰果、蝦干等材料咸咸香香☺️穫氣十足😋送啤酒一流🍻3️⃣翡翠炒雙蚌片 西芹爽口配埋鮮甜象拔蚌仔.呢碟感覺普通左啲😂4️⃣千島醬大蝦球 🥰 肉質彈牙炸到好香脆的大蝦🍤球搭上醬汁酸甜滋味可口😋5️⃣粟米魚肚羹🌽 用料豐富既羹用上清甜既粟米🌽魚肚爽脆😌配埋最愛既豆腐粒🥰一個人飲左兩大碗😂埋單仲有糖水🥰紫米露啱哂我口味.呢度煲到唔會太甜👍👍總結呢個套餐雖然星期六/日/假期要加50蚊但都相當抵食🤟有機會要再黎食佢既片皮鴨🦆

兩公婆放假一早去咗飲早茶，屋企附近啲茶樓已經去過曬，又想試新嘢，上網搵到呢間舖頭未試過，食評都唔錯，一於去試吓。八點幾去到，唔使等位，冇職員喺門口招呼，自己入去搵位，每張枱只可以坐四個人，我哋揀咗張要搭枱嘅枱坐低，但中間有塊透明膠板隔住，飲得安心啲。點心紙都好多選擇，價錢都算抵食，蝦餃燒賣一定唔少得，叫吓叫吓，兩個人叫咗八樣點心，一於試晒佢。樣樣點心上枱時賣相都好👍😋，尤其蝦餃一定要食，皮薄餡靚，其他點心都好好食，下次會試吓佢嘅晚餐。

放工唔想返去煮飯，找到外賣單，有好多選擇，二人套餐又食唔曬，叫着條清沙巴仔，一隻開邊蒸龍蝦仔，兩人食也差不多了。打電話落單，電話姐姐話30分鐘取，25分鐘落到去酒樓取時間啱啱好。條魚正包裝，見到個包裝盒好得意也是魚形狀，忍不住照了張相。清蒸魚 可能因個盒同魚差不多大，返到去打開睇，未漏汁，條魚的樣同包裝時差不多，食落去好滑好嫩，味道挺好，蒸的時間啱啱好。蒜茸粉絲開邊蒸龍蝦仔 食落去味道不錯，下面的粉絲也好有味，若是少放點油就更好了。