秋意 (多寶樓)

营业中

休息中

愛店觀塘豉油雞開到黎鰂魚涌，專做外賣，呢晚放工當然要加餸試試！買夠$300下次仲會送半隻雞畀你，個到都$100豉油雞半隻 $100一入門就見到「食雞唔食皮，不如唔好食」嘅招牌😂 Ok平時我真係唔食但呢間真係忍唔住！雞肉真係好滑，連最易伏雞胸位都表現不錯，仲要去好晒骨真係超吸引，秘製豉油滲透晒落雞皮入面，雞皮好薄好彈滑肥膏唔多，如果你食雞係食埋皮嘅話就夠味架喇，如果浸到雞肉都有豉油味就會過鹹，啲人話雞肉唔夠味但我覺得佢嘅做法係咁，所以先有咁濃郁嘅豉油畀你點，仲有豉油雞便當$66連飯，不過半隻先夠屋企食😂原件花膠肉碎擔擔麵 $66擔擔麵偏辣，花生醬味唔重，有好多花生碎，可以揀上海粗麵/淮山幼麵，上海粗麵似烏冬，幾稔身但唔係彈牙個種，花膠幾大塊入味蟲草花烏雞燉花膠湯 $78花膠炆得好淋，雞湯好香濃，補而不燥，不過就少貴啦，間唔中孝敬下媽咪都okShake Shake 芥蘭 $38芥蘭好翠線爽脆，配秘製辣醬過癮

今日放工黎買外賣聽到呢間豉油雞質素唔錯就試下🥹不過今日豉油雞賣晒試吓其他餸質素都唔錯值得一試👍🏻⭐️ 招牌去骨口水雞 🐔雞肉無骨啖啖肉好嫩滑🍗勝在唔會太肥質素好好😄 口水汁嘅調味充滿花生香同埋麻香🥜辣度有層次值得一讚送飯一流🌶️⭐️ Shake Shake 芥蘭 🥬放工想食個菜芥蘭爽脆又鮮甜💚 辣醬配上蝦乾充滿鹹鮮嘅南洋風味🦐⭐️ 玫瑰山楂飲 🌹入口清爽又開胃甜度唔算高🍇整體黎講好解渴呢🩷

呢日咁啱經過鰂魚涌，終於試咗呢間外賣自取。晏晝大概12點到，未有好多人住，唔使等就可以直接落單等咗大概5分鐘，好快就拎得~⭐️秋意去骨豉油雞成隻豉油雞，好送飯。皮同埋肉嘅份量係二八，佢嘅肉嫩滑，吸晒豉油味🤤🤤 佢嘅豉油雞汁比起出邊食嘅冇咁甜，偏向鹹多少少。⭐️瑤柱去骨貴妃雞 配雞湯幼麵加咗$10轉雞髀位置。預先去咗骨，食落去啖啖肉，好滿足！皮嘅位置唔肥膩，連皮食好好味。錦上添花係瑤柱連埋貴妃一齊食，好夾，值得一試。套餐配雞湯油麵。外賣，麵同湯分開，做得幾好，唔會拎到返去已經浸淋晒。佢嘅雞湯係淡淡地、清清地嘅雞湯味，一啲都唔油。仲有少少腐竹、枝竹喺入邊。⭐️原件花膠肉碎擔擔同上海嘅擔擔麵唔同，比起花生香，佢呢款擔擔麵係肉碎味，同埋花膠，比較養生同埋light 啲🥸 我哋嗌咗幼麵，佢入邊仲有啲木耳、腐竹，成個組合幾夾。⭐️蔥油涼拌雙耳雙耳係黑、白木耳。份量幾大份，調味啱啱好，唔重味。食落去爽爽聲，好開胃⭐️撈汁皮蛋差唔多有一隻皮蛋，少少甜甜酸酸，做得幾好。夾落去嘅時候，皮蛋冇散晒出嚟，仍然有咬口，幾好味

天氣越嚟越熱，唔想煮飯，一於買外賣番屋企食😍「食雞唔食皮 不如唔好食」🌟秋意去骨豉油雞冇骨真係好方便，啖啖肉！雞肉好嫩滑唔會嚡熠熠，而且雞皮又好嫩滑，好入味，唔止雞皮有味，雞肉都有，但亦都唔會過鹹！佢仲有就咁嘅豉油雞賣，當斬料買返屋企都好方便😍🌟蒜辣牛魔王(牛腱牛舌)呢個我就冇跟飯，轉咗濃雞湯淮山幼麵！湯底好濃郁，牛腱同牛舌滷得好入味，而且每一嚿都好厚好大嚿！🌟 蟲草花烏雞燉花膠湯有得用$50優惠追加燉湯，好值得😍入面真係有一舊花膠，而且唔係細細塊，雞件都有幾舊！好足料！而且一打開蓋就已經聞到好香，滋補又美味😍🌟撈汁皮蛋有好多蒜蓉喺中間，皮蛋味都好重，撈埋一齊食好正👍🏻🌟Shakeshake芥蘭份量好多，而家醬辣辣地，有蝦米，好惹味！

今日嚟到鰂魚涌呢間人氣外賣店「秋意」，試吓佢哋嘅招牌去骨雞。「秋意」主打各款去骨雞，喺海堤街多寶樓地下，超級方便附近返工嘅人。舖頭細細，主要做外賣生意，冇堂食。聽講佢哋喺觀塘嗰間都幾多人幫襯，依家開到嚟鰂魚涌，相信都有一定水準。招牌去骨口水雞飯（$66）：嘩！呢個真係不得了！份量十足，雞肉滑嘟嘟，一啲都唔鞋口。個汁用花生醬同辣醬調成，似擔擔麵嘅香味，但唔算好辣，好惹味😋！重點係仲有粒溏心蛋，蛋黃好濃郁，同雞肉簡直係絕配！瑤柱去骨貴紀雞（$68）：呢個係穩陣之選！雞肉醃得好入味，皮脆肉滑，有陣陣瑤柱的鮮味，啲飯索晒雞汁，好香！份量都OK，啱晒想食得簡單啲嘅人。滷水溏心蛋（$10）：溏心程度啱啱好，一切開蛋黃就流出嚟，滷水味香濃，送飯一流！網上好多人都讚呢個溏心蛋，話係必叫item！

本身諗住用佢個QR code落單，唔知點解整咗兩次都處理唔到，打落去問，聽電話嗰個阿姐，已經一輪嘴喺度講，根本就冇聽過人哋講嘢，問佢可唔可以電話落單，跟住仲cut線，落到去買嘅時候，仲話我大力cut佢線，我用手提電話都唔知點樣可以大力做呢件事🤔️然後說好的5分鐘根本都仲係要等…..下次唔會再選擇呢間了，返工咁攰，仲要無啦啦有人比氣你受

最近因為時間關係，決定叫外賣來滿足對川菜的渴望。今次選擇了這間主打四川菜的餐廳，真係冇失望！### 1. 秋意去骨豉油雞配湯麵 - 上海麵 (粗)這道豉油雞真係好味！雞肉去骨後，肉質鮮嫩，醬汁滲透得相當入味。搭配粗上海麵，嚼落去有彈性，吸收咗湯底的精華，整體口感非常好。湯底清淡卻不失風味，讓我一口接一口，根本停唔落嚟！### 2. 招牌去骨口水雞湯麵 - 上海麵 (粗)另一道招牌口水雞，雞肉滑而不膩，醬汁的香辣味道令人回味無窮。湯麵的粗麵條跟湯底的結合也非常完美，辣味適中，唔會太過刺激，正好提升了整體的味道層次，令我更加享受。餐燉湯 - 羊肚菌烏雞燉花膠湯另外，羊肚菌烏雞燉花膠湯也讓我驚喜。湯底濃郁，羊肚菌的香氣與烏雞的鮮味結合得恰到好處，花膠的口感更是為湯增添了不少豐富度，讓整頓飯變得更有層次感。

本人最愛的觀塘世一豉油雞店【秋意】居然係鰂魚涌開咗另一間外賣店啦，本身鍾意食雞既我真係好開心，因為近住屋企，以後屋企附近又希附一間高汁餐廳可以選擇！【秋意】本身主打各式特式川菜同埋有唔同口味嘅雞，當中最受歡迎莫過於招牌口水雞&去骨豉油雞，每道菜都係精心烹調，令我一試難忘。食極都唔會覺得厭👍因為人氣太高，觀塘店成日都大排長龍！依家【秋意】登陸左鰂魚涌，希望唔洗排隊😂不過應有都未必得。買左兩個外賣返屋企食，覺得質素一樣，無下降，真係好抵讚🫰🏻

話說每日返工經過秋意都聞到好濃烈嘅豉油味🥰 一search之下原來佢係觀塘都有啲名氣，最好就係佢無骨🥰 好輕鬆就食到今日特登買返去加餸🙆🏻‍♀️🙆🏻‍♀️「食雞唔食皮，不如唔好食」係佢哋嘅金句，會食雞胸回我明白店主嘅汁著，因為加皮食係會令件事昇華咗，食落口感更加嫩🥰 今次嗌咗秋意去骨豉油雞同招牌去骨口水雞各半隻😛兩者比較，嗰豉油雞令我好難忘🤗 可能因為無骨，口感好好，真係好嫩好入味，連埋雞皮食真係好正🥰 難怪日日經過都咁香🤗 佢嗰口水雞同平時食開唔同，花生味會濃啲，如果食唔到辣嘅要諗諗😂另外，如果係午市時間，可以考慮QR CODE落定單，佢為咗鰂魚涌打工仔嘅需要，特登買咗啲架放外賣🥡 真係好貼心🥰

食雞唔食皮 不如唔好食🤪超霸氣｜鰂魚涌外賣之選個人超推去骨口水雞食落比較惹味，醬汁以花生醬同辣醬做基底食落唔算好辣，有啲似擔擔麵嘅醬口水雞份量都算多，特別鐘意佢嘅溏心蛋豉油雞飯雞件醃得好入味，一定要食埋雞皮口感好嫩滑，最欣賞係已經去曬骨雞髀同雞胸位都各有少少！📍 秋意 (多寶樓)地址: 鰂魚涌海堤街2號多寶樓地下E5號舖電話: 35654825📍 秋意 (成業工業大廈)地址: 觀塘成業街19-21號成業工業大廈6樓29室電話: 56021645#香港美食 #口水雞#鰂魚涌美食 #滷水店 #性價比高 #打卡 #台式料理 #抵食 #觀塘美食 #鰂魚涌外賣 #外賣 #去骨雞

🍽 今日叫咗「秋意」嘅外賣，揀咗個豉油雞配上海麵，想試吓佢哋嘅燒味同麵食配搭，結果真係唔錯！😋🍗 豉油雞配上海麵豉油雞真係有驚喜！雞肉嫩滑得嚟又不失彈性，雞皮吸滿咗豉油嘅香氣，色澤靚靚，食落去鹹香適中，完全唔會太鹹或者過油膩，個味道啱啱好～豉油汁滲透到雞肉入面，每啖都充滿香氣，雞控必試👍。🍜 配埋嘅上海麵都唔錯，麵條粗粗地，煮得夠彈牙，唔會過腍～豉油汁同麵條撈埋一齊食，真係一流！而且麵量唔少，啱啱好可以飽足一餐～呢個配搭好簡單，但係每一啖都係濃濃嘅滋味，好滿足😌。📦 外賣包裝方面，豉油雞同麵分開擺，非常貼心，返到屋企雞肉仲保持嫩滑，唔會因為包裝而變腍，呢間餐廳嘅外賣真係值得推介！👌

今日發現咗一間位於鰂魚涌嘅外賣小店，舖頭裝修簡潔企理，主打食雞🐓，而且仲有幾句口號🔊🔊幾得意，食雞唔食皮不如唔好食😆，我都好認同呢句說話，雞皮先係隻雞嘅精華。🐓秋意去骨豉油雞 $100 本身好鍾意食豉油雞嘅我，一見到有骨豉油雞！即點❗️半隻份量都幾多，而且雞肉好嫩滑又夠晒入味😋，再點埋薑蓉就更惹味。🥣半隻羊肚菌鳥雞燉花膠湯$80呢個湯真係好足料，除咗又好大嚿花膠之外，入面仲有羊肚菌🍄‍🟫同烏雞，第一次食羊肚菌🍄‍🟫嘅我又覺得幾好食，成個湯好濃郁，$80 絕對物超所值。🍹九製陳皮洛神花$24叫套餐就加$8，單就$24，酸酸甜甜幾好飲，飲到清香嘅陳皮味同濃郁嘅洛神花味🌸。店員話佢哋嘅飲品係少甜的👍。🥚酒釀溏心蛋濃郁嘅酒香，鍾意食溏心蛋嘅不妨一試。

呢間喺鰂魚涌新開既外賣店都幾好。鋪頭裝修都幾靚,好中式嘅感覺，至緊要係好乾淨衛生！仲有個書法“食雞唔食皮不如唔好食”,好霸氣！超級agree喎!!🤣呢度淨做外賣，無堂食，有個層架，放滿外賣，黎到落單又得，deliveroo落定單又得。由放已經買過幾次，都試過佢唔同既雞。最鐘意佢既豉油雞！外賣仲有小貼士：半隻微波爐加熱40秒，一隻微波爐加熱60秒。真係要食埋個皮！！無論皮定係雞肉都好入味，雞肉超嫩滑，去曬骨又易食，唔同一般燒味店既豉油雞，佢既咸甜啱啱好！非常推介！大人小朋友都好啱好like!另外佢仲有去骨口水雞，佢既口水雞又係唔同一般口水雞，d醬唔太油，係類似擔擔麵醬嘅醬汁，有蔥有花生醬有辣醬，辣度算係微辣，雞肉依然好嫰滑。其實佢仲有酸菜魚/飯/面/湯，所以如果唔想煮，附近既朋友都可以試試呢度外賣。

✨ 「食雞唔食皮 不如唔好食」今日經過鰂魚涌「秋意」被這標語吸引到，即管買返屋企加餸。***** ***** ***** ***** ***** 🐔🐓秋意去骨豉油雞$100/半隻雞肉肉質鮮嫩無比而且好多肉汁，充斥着玫瑰露酒嘅香氣，而且這是無骨的，啖啖肉，淡淡滋味。🫕羊肚菌烏雞燉花膠湯$88足料靚湯，羊肚菌、烏雞、花膠、瘦肉、圓肉、咁多材料燉出嚟嘅靚湯，非常清甜好味。酒釀糖心蛋🍳糖心蛋蛋汁切開漏出嚟，味道好香濃，下次一定叫多幾隻。

賣相唔錯 但食落好普通 唔可以話唔好食 但食完覺得唔係網絡上講到咁出色先講d雞先 都唔鞋口既 正常發揮但只有塊雞皮係有味 皮下面既雞肉就無咩特別 而且雞皮比想像中肥 原本以為似海南雞果種薄皮 但呢種係有一大舊肥膏痴住 有啲影響食慾😅😅 而於個飯 無咩汁 略為遜色 飯既口感亦偏爛 個人不太欣賞食到最底 發現飯盒底部都幾多油 變左油飯咁…結論是 試一次就夠 無咩想回頭既衝動可以話普通燒味飯既水準 但呢個價錢會期望有更高既質素 希望會有改善啦