秋香 (康景花園)

营业中

休息中

今日難得同朋友食飯，黎左秋香呢間中日fusion 菜！二人套餐二人套餐前菜都幾豐富，有刺身蟹肉、火炙三文魚、鮑魚、生蠔同埋甜蛋，款式雜錦可以試多幾樣嘢，唔錯唔錯。燒物燒到金黃色賣相非常吸引，燒完既菠蘿d汁流曬出黎，酸酸甜甜非常開胃。另外有少少炸物點綴下，同樣係熱辣辣脆卜卜。最後主角係白鱔流心蛋煲仔飯，白鱔d香味煲到出哂黎，非常誘人，肉質彈牙厚身，流心蛋撈埋香噴噴既醬油飯一齊食，超級滿足。兩個女仔黎食呢個二人套餐係超級滿足！ 值得推薦

拾貳月的第一天寒意濃濃，諗起食煲仔飯可以保暖，本身就諗住自己煮，不過見到材料同埋製作方法太過繁複，所以就選擇去店舖食🫶🏻-成日都聽到唔同嘅人介紹呢一間煲仔飯餐廳，今次我自己就揀咗一個煲仔飯，兩款款小食同埋一杯嘢飲，埋單差唔多$400，兩個人食都完全夠飽， 雖然價位屬於中上水平，不過食完之後就覺得物超所值🥰--鹽燒白鱔煲仔飯-呢個真係極力推薦！平時去街市買鱔價錢都比較貴，甚至自己都唔係好識處理，呢間嘅白鱔撲鼻而來，已經充滿着鮮香，食落去係都幾厚實，啖啖都係肉，冇乜魚骨，所以都唔使太擔心會哽親，再加上食落去都唔會太鹹，保留海鮮原有嘅鮮味，粒粒飯都充滿着海鮮嘅精華，仲有飯焦龍龍脆脆的，呢個幾有surprise～-牛舌-我自己就係牛舌嘅忠實粉絲🥩食落去唔會特別油膩，反而又薄爽口，口感超級正 有少少牛肉嘅鮮甜!! 黎明來到🌔橙汁梳打嘅感覺🤏🏻仲有塊新鮮嘅橙，Fresh~

呢間特色fusion居酒屋「秋香」有煲仔飯食、串燒、炸物同多款特色料理，剛好最近天氣涼兩地，食煲仔飯就啱晒！招牌鹽燒白鱔煲仔飯係必食推介，每日新鮮買白鱔返嚟自己燒，所以數量有限。白鱔底部燒到香脆，魚肉仲係好嫩滑，加咗燒汁同蛋，仲有飯焦添，味道真心唔錯😍另外，燒蠔都好大隻，上枱時會噴上威士忌，即時聞到酒香🤣小食一定要試脆米芝士波，其他地方都未見過，外面真係好脆，包住軟心芝士😍好好食！個蜆煲都好足料🥰串燒就不過不失啦🍢甜品不時都會轉款式，上次黎食過黑糖番薯，今次轉咗做Brownie🍫落咗啲果仁，都好有口感😋🔸威士忌燒蠔 兩隻$108🔸脆米芝士波$68🔸牛舌芯$58🔸松露墨魚棒$46🔸酒八方煮大蜆$168🔸鹽燒白鱔煲仔飯$238🔸秋香甜品$68📍#秋香 (#屯門美食)屯門青善街38號康景花園地下26-27號舖

見好多人介紹屯門呢間煲仔飯，好似好出名，就過嚟呢邊試吓！有兩間分店一間喺黃金海岸，一間係康景花園，我哋就去咗康景花園呢間分店，比較近市中心。餐廳嘅佈置好有特色，有啲書法嘅字句、燈都好有格調！呢個就係鹽燒白鱔煲仔飯，啲白鱔真係燒得幾好，煲仔飯落咗啲日式燒汁煲成，所以唔始終食煲仔飯咁要落豉油。加咗隻蛋更加有日式風味燒牛舌芯都好好食呢個係威士忌燒生蠔，威士忌係上枱之後店員再係我哋面前噴落去，所以都會聞到幾香嘅酒味。呢度都有酒吧位置，叫咗杯mocktail，酸酸甜甜，比較重橙味。脆米芝士波，好好食！！芝士味濃度適中，不會太濟。

聽到好多朋友都推介呢間隱世日式Fusion小店秋香，一於就去試一下😉 餐廳外面已經好有feel，復古風嘅裝修，店内牆上掛有周星馳電影〈唐伯虎點秋香〉嘅經典對白 「別人笑我太瘋癲我笑他人看不穿」字句，玩味十足，而且燈光都好relax，特別欣賞水吧上面啲酒瓶吊飾，好靚😍餐廳主要供應串燒、招牌煲仔飯，每日都有供應午市套餐，堂食套餐包括：前菜、味噌湯、soft drinks (可樂/薑啤/檸檬梳打/炭酸水/橙汁)，初頭見佢個價位都唔平，但睇落去你就知係物超所值👍🏻首先有綠色嘅海藻，酸甜開胃，再配有紫菜味噌湯🥣味道不錯，唔係求其開粉嘅味精湯，之後就到最期待嘅主菜。1️⃣ 鹽燒白鱔煲仔飯🍲 $238呢度嘅招牌菜之一！每日限定供應，所以最好就訂枱時都叫職員留定一個，即叫即燒，上枱個時仲熱辣辣🔥4大舊白鱔爽口彈牙，非常肥美肉嫩，皮燒得好香脆，每啖魚肉都充滿魚油脂香，另外，煲仔飯最重要梗係飯焦！圍住煲底都有，佢用左珍珠米，所以飯焦口感都特別煙靭，而且米飯吸滿白鱔啲魚油，配埋蔥花同少量櫻花蝦乾，無得頂💯2️⃣ 麻辣創意雞煲仔飯 $148煲仔飯的賣相就已經好吸晴，飯面舖上一層以辣椒及蔥花蓋著的雞肉🐤中間仲有個生雞蛋

🦪極上二人前💰$698😈早排慶祝下🐰小編轉新工作所以就訂左秋香💛諗住帶兩老食日本野😝因為我地得三個人而佢得二人同四人餐🫣所以我就叫左二人餐諗住再散叫其他食物😈呢到幾有日本居酒屋風味🏮仲掛有一幅揮春咁好有Feel💛大家想黎試都可以提前Book定就唔怕摸門釘😈雖然我地三個人叫個二人前但其實佢啲食物份量都多🫣加少少其他我地都覺得夠🍱終極主食 (鹽燒白鱔煲仔飯)💰加$40😈黎得秋香就緊係要食佢個鹽燒白鱔煲仔飯🍚佢個煲仔飯細細煲但係就好飽肚☺️佢都有成四件白鱔件件都有燒到個皮係脆身🤤個質感好似一塊烘硬左個脆片咁脆卜卜💛而佢啲肉質都係爽口彈牙😈亦都無骨所以味道都唔錯🤤而佢更加用上珍珠米食落好有米味👅🐰媽媽最欣賞既係佢個飯焦🤤因為一個好食既煲仔飯一定要有焦脆既飯焦😈佢食落唔會有種燶味而係飯既焦香味🥚面頭仲有隻生蛋撈埋啲飯食好好味🍡日式漬物😈而日式漬物就係海哲💛食落凍冰冰頭盤小食的確唔錯👅份量又唔會太多咁就可以再食其他🐟火炙之物😈而火炙之物就有幾種食材💛有蟹肉三文魚鯛魚🐟本身餐牌上係威士忌生蠔🦪不過今日無生蠔所以就轉磯燒鮑魚🐟我幾鍾佢個火炙鯛魚🐠燒得好香個表面😈個魚質地仲好鮮甜加上一個酸酸地既汁仲好開胃

大肚腩去搵秋香🤗聽聞呢間本地小店阿立喺屯門已經多年，首次到訪，我覺得食物質素高，仲大件夾抵食！每日都有供應午餐套餐！鹽燒白鱔煲仔飯 招牌菜之一！每日限定供應，賣完就冇㗎啦～即叫即燒椒鹽白鱔爽口彈牙，炒香過嘅飯底，仲有美味嘅飯焦，撈埋蛋黃一齊食，好好味！日式香蘋咖喱炸雞飯無論喺日本抑或香港都係第一次聽蘋果咖哩！即刻想試吓咖喱汁有幾多得！香而不辣，仲有啲果香，炸雞炸得金黃香脆，廚師非常細心，將炸雞另外上，咁就唔會比咖喱汁整到林晒😎經典滑蛋炸豬扒飯聽講日本人有個習慣朝頭早會食個親子丼，我就要食個滑蛋炸豬扒飯。炸豬扒沾上滑蛋汁香滑不得，炸豬扒炸得剛剛好，入口香脆又多汁！配埋滑蛋同飯一齊食，好味！堂食己包括：前菜+味噌湯+SOFT DRINKS#屯門美食 #抵食#屯門抵食 #屯門 #屯門好去處

［秋香 屯門］📍屯門青善街38號康景花園地下26-27號舖-住喺屯門咁耐，一直都知有間叫秋香嘅居洒屋好出名，可惜冇機會試🥹🥹今次終於有時間去試吓了！-蟹肉蟹膏煲仔飯 $198有好多蟹肉同蟹膏，味道鮮甜，仲有四條完整嘅蟹棒，超級足料🫶🏻🫶🏻-鹽燒白鱔煲仔飯 $238白鱔好肥美，啖啖肉又香口，全部都燒得好香，仲有櫻花蝦同蛋，撈飯一齊食真係一流🔥🔥-橙汁姜啤#hkfoodie #foodiehk #hkfood #香港美食 #香港美食地圖 #香港美食推介 #平食 #窮遊 #香港打卡 #情侶好去處#拍拖好去處 #週末好去處 #甜品推介 #必食甜品

好鍾意呢間屯門小店得閒放假就會想黎食lunch皆因佢嘅lunch set都抵食Menu上有平有貴 今日嗌左兩個餐牛舌煲仔飯價錢應該用晚市差唔多 但lunch就跟前菜，湯同野飲好鍾意呢間嘅煲仔飯好香有飯焦牛舌夠厚好咬口 Lunch同晚市單叫嘅份量一樣 雖然價錢唔算好平 但值得一試鯖魚定食呢款餐定價相宜都有半條鯖魚食得出魚夠新鮮 肉質厚實皮都燒得外脆 裡面又唔乾唔好魚嘅本人都覺得整得唔錯加左$15就可以叫佢嘅特飲好鍾意佢嘅花茶 成壺足料可以慢慢飲過一個悠閒下午🌼

☘️前幾日約咗個friend響屯門食晚飯，記得之前響黃金海岸食過一間居酒屋佢哋有另外一間老店響屯門，就特登去探店，因為上次試覺得啲嘢好食，特別係佢嘅煲仔飯😋😋😋☘️間居酒屋位置唔係響大路所以需要搵吓但係外觀好特別，感覺有啲東南亞feel! 里面嘅裝修風格都係一樣，燈光同setting 都好cozy同relax, 加埋天花把吊扇，真有點像在泰國越南嘅感覺😜個水吧上面啲酒瓶吊飾同黃金海岸嗰間係一樣，幾特別☘️我哋揀咗個二人前，叫咗兩杯特式飲品，就掛住傾偈，不過上餐好快，服務員態度很有禮貌😊#漬物 - 綠色嘅海藻，酸甜開胃#蜆肉miso soup - 味道很濃，仲有隻蜆響里面，隻蜆肉好嫩，唔似一般求其俾碗濃縮味精湯#威士忌燒𧐢 - 上枱後服務員即席再噴上威士忌，令隻蠔更加提鮮#炸物 - 隻吉列大蝦好大隻，外皮炸得好香脆，個脆米芝士波一啖咬落去啲cheese 漏哂出嚟，係比較稀身容易熔嗰種，但芝士味相對比較淡。至於個龍田揚炸雞就仍然係咁好食😋#串燒盛 - 串燒份量都唔少，里面包括有和牛，雞翼，雞脾菇，厚切日本黑豚，秋葵，菠蘿，整體都唔錯，不過個人覺得黃金海岸分店嘅串燒比呢度優勝少少😜 #終極主食 -

慕名嚟點秋香，日光日白食煲仔飯，因為呢度嘅煲仔飯真心ho sik。招牌 #鹽燒白鱔煲仔飯 係限量供應，難得食到梗係唔執輸理得佢係朝早定夜晚。坦白講，開初都以為呢度係食環境，心諗「鹽燒白鱔好多居酒屋都有得食啦！」不過，只要咬過一啖眼前呢個白鱔，就高下立見！鱔皮脆卜卜到唔止口腔有驚喜，咬落焦脆到好似食薯片咁簡直係ASMR一樣有埋「顱內高潮」誇but true，食過你就明我講緊咩。日式鹽燒白鱔 X 港式煲仔飯 呢個組合係幾有趣，大大件舖滿煲仔，至於飯底係日本米而非傳統港式煲仔飯嘅泰國米，所以比較有咬口，米飯本身調過味，偏甜似燒汁炒飯，加上索埋白鱔上嘅燒汁，口感偏濕潤，飯焦亦因此稔咗少少，個人都係鍾意尖長嘅泰國多啲，因為飯焦會更脆更香！另外，秋香嘅嘢食其實都幾「麻甩」，非文青，Gin、梅酒、燒酙、whisky、cocktail等等任君選擇，煲仔飯日式串燒再加杯酒，咁fusion，秋香真係識玩。或者換個角度，識玩記得嚟探秋香 LOL‑ ‒ – · 鹽燒白鱔煲仔飯 ² ³ ⁸· Umejito ⁷ ⁸· #Stronachie 10 years‑ ‒ –

以前好少會去屯門， 因為對於路痴如我好易迷路。但原來我有個住屯門的朋友， 想當然就叫佢帶我去探索一下周邊美食啦。今日約了去他家， 說起之前吃過一個日式煲仔飯， 好好味， 不過有點遠， 誰知朋友竟然跟我說附近就有一家，可以打去看有位沒。幸好我們早， 所以吃到了， 不過由於餐廳不算很大， 但客人不絕， 所以還是提前訂位比較好。我還是拿主意點了二人前套餐， 因為不想用腦， 也可留時間聊天。飲品我選了自家蜜餞檸檬西柚特飲， 朋友就試了秋香特飲， 是日是洛神花檸檬。先上前菜， 一份海藻沙律，蜆肉味噌湯， 同威士忌燒蠔。味噌湯很鮮甜， 可能是因為加了蜆肉吧， 而且選用的味噌不會太鹹。燒蠔很肥美，淡淡的海水味加上一點點酒香， 因為是半生， 建議一上桌就要吃了。炸物有芝士波、炸蝦及唐揚雞塊， 炸蝦及唐揚雞都很香口，芝士沒就稍為差點， 因為芝士太軟， 一炸就成了漿，差了口感。串燒盛有杏鮑菇、秋葵、燒菠蘿、和牛、厚切日本黑豚和雞肉串。雞肉串好味， 和牛很有質感。而我最鍾意是燒菠蘿， 燒過的菠蘿特別甜，很解膩。我其實很愛他們家的白鱔煲仔飯，但因為想試試不同口味， 於是就點了香辣的麻辣創意雞煲仔飯。煲仔飯的賣

.屯門🏘秋香❤️薄燒日本豚肉煲仔飯 💰158喱個煲仔飯味道一流，而且仲有飯焦添！本嚟我都驚豚肉乾，但點知又唔知，真係喜出望外！🤩日式香蘋咖喱炸雞飯 💰78炸雞唔會炸到勁乾，都保留到肉汁，唔錯！個咖喱都幾日式，佢一啲都唔辣，所以怕辣嘅人就唔洗驚！但可惜嘅係食唔到蘋果味…🤩黎明來到 +💰15老實講，杯飲品係唔錯嘅，但係飲唔出係咩味🤣…我真係好失敗！🤩香橙乳酸青檸梳打 +💰15勁鍾意勁濃嘅乳酸味，香橙亦配搭得好好，但青檸味就一啲都飲唔到！🙈整體都唔錯！五星⭐️為最高食物：⭐️⭐️⭐️⭐️抵食：⭐️⭐️⭐️環境：⭐️⭐️⭐️⭐️服務：⭐️⭐️⭐️#yummy_sumsin #玩味系列 #咖喱 #咖喱飯 #煲仔飯 #煲仔飯🍲

係一間我之前成日去既飯堂（之前仲特登比左$3xx做左一張秋香會員卡，用餐有折之餘送同樣位於置樂既荷美人按摩店試做按摩一次😍超舒服）非打手😂雖則會員卡為期一年 過左期好耐秋香係一間做日式Fusion餐廳🍸🍡主打日式煲仔飯同串燒等💡而佢最出名一定係鹽燒白鱔煲仔飯$238 ，每次都一定打去book枱都主動叫職員留一個，因為佢係限量供應 如果即場嗌可能已經提供唔到比你架喇😋鍾意食鱔既話，你一定會好鍾意！因為佢每舊肉都係淡淡肉，皮燒得好脆好香 （個人教路：可以夾起白鱔去碟仔令佢唔好咁快比飯既濕氣變淋）😛然後亦有幾款煲仔飯既😉例如秘制牛舌煲仔飯$168，蟹肉蟹膏煲仔飯$198等，呢兩款我同男朋友都有試過，煲仔飯既質素同樣做得出色😋只係我地特別私心白鱔

鹽燒白鱔煲仔飯 $238 🙆🏿‍♀️一上枱已經流晒口水又有櫻花蝦又有蛋重點係嗰4嚿白鱔燒得好香 而且超厚 咬落超彈牙好有口感 好正係有1-2小刺嘅 不過無傷大雅最後想講係煲仔飯唔少得嘅飯焦圍住煲底都有 好正😋秘製鰻魚炒飯 $118 💁🏿‍♀️以午餐嚟講 佢嘅份量好多仲要嚟嘅時候佢上面啲木魚仲郁吓郁吓賣相都幾吸引🤤入口味道較重 好多鰻魚汁重口味人士就啱晒喇而且佢嘅鰻魚量都唔少麵豉湯 💁🏿‍♀️正常發揮前菜 - 醃青瓜 🙆🏿‍♀️醃青瓜食完好開胃尤其當係食到有少少漏就可以配一片醃青瓜中和返🥒檸檬梳打 🙆🏿‍♀️Soda一飲就好解渴有氣水一飲就gur晒再加埋檸檬嘅清新🍋橙汁 🙆🏿‍♀️橙汁唔會太甜或太酸🍊再加上佢夠凍 飲落都幾爽加分欄⭕️ 有禮貌⭕️ 唔趕人✅ 加一服務費✅ Openrice訂座