稻八日式火鍋炸物放題 (已結業)

又約埋友好一齊出去食一餐，又想一邊食嘢一邊吹水最佳選擇一定係打邊爐時間都比較長啲，今就去咗呢間稻八日式火鍋咁當然係放題啦任飲任食一定食得滿足，有多款放題套餐供應，家陣做緊優惠逢星期一至四，8位同行消費免費2位價錢，4人同行都免費1人價錢點計都相當超值，我哋點了呢款200日澳洲殼飼牛放題，除了有殼飼牛美國特級牛頸脊肉、白豚肉、羊肉、日本北海道雞片等多款肉類一定食慾大增，餐飲除了汽水同紙包飲品，家陣惠顧任何放題仲可以任飲啤酒、生啤以及清酒同梅酒係咁熱天氣飲杯特別爽透心點個沙嗲湯底用來品嚐各款肉類最適合不過，先食件殼飼牛啖啖肉之餘，又食到滿口香濃肉汁夠晒滋味，當然繼續Encore啦而出面有自助火鍋區任取各款火鍋配料、前菜同醬汁，另外有一個位置係炸物區即係串炸都係自助形式攞番幾串心水炸物沾上粉漿即炸，再落啲調味粉入口香脆又惹味除了品嚐到美味嘅肉類，仲有即叫即整日本小食放題有十多款日式風味我哋都點了牛肉薯餅口感十足，吉列蠔夠晒鮮味、一口芝士、一口年糕又煙煙韌韌，一邊食住飲番杯生啤特別正仲有各種丸類同時令限定蝦滑、豬肉餃等，真係食到肚仔飽滿，輪到甜品有多款雪糕雪條任食，同埋每人限定一杯名牌雪糕繼續

好耐都冇打過邊爐，對上一次已經係半年前喇，咁岩半年前就係去呢間餐廳度打邊爐同埋呢度啲職員同我講，因為開業六周年，而家做緊優惠任何時間黎打邊爐，都係包任飲啤酒、清酒及梅酒；另外加$30 ，就可以試任食刺身😋😋仲有嘅係星期一至四 8位消費(免2位價錢)、4位消費(免1位價錢)，越多人食，越多優惠😍😍呢度啲裝修同環境都冇大分別嘅改變，最受歡迎都係嗰個自動炸物區，見到啲家長都帶住啲小朋友，喺嗰個區域度教啲小朋友炸天婦羅。但係疫情嘅關係，都有一個職員，睇住啲家長炸天婦羅，避免交叉感染。除咗自己炸嘅天婦羅，仲可以試吓呢度啲日本小食，都係任叫任食；呢度啲墨魚咀、吉列帆立貝同埋南瓜薯餅，真係值得一試。食完大量嘅牛肉，最後梗係度甜品嘅環節；糯米糍我哋都食咗10幾粒😂另外喺埋單之後，仲有一杯雪糕Dreyer’s、Häagen-Dazs、mõvenpick 嘅雪糕任你揀，我就揀咗mõvenpick嘅咖啡雪糕，啲咖啡味真係好濃😍

Happy Friday 玩夜啲，成班friend 約定左食 大埔 稻八日式火鍋炸物放題，稻八任食打邊爐，仲有炸天婦羅同埋超級多款小食，任飲啤酒、清酒及梅酒，CP值好高！最近做緊推廣優惠 💰 💰星期一至日惠顧任何放題包任飲啤酒、清酒及梅酒💰星期一至四 8位消費(免2位價錢)、4位消費(免1位價錢)任食火鍋，食物高質素，多款唔同價錢嘅套餐以供選擇，豐儉由人。店員服務殷勤，餐廳環境裝修充滿日式風格，座位距離相當安心，食得舒服。200日澳洲穀飼牛肉放題 $298A.U. supreme Imported Beef 🥩 朋友話想試吓 200日澳洲穀飼牛係乜嘢味道啊！放題款式選擇特別多，每樣食少少🤏試到多款食物，滿足晒食牛肉的慾望。炸物DIY 天婦羅，好玩又好食，天婦羅炸蝦，好味道又彈牙，炸得酥脆可口。炸秋葵，口感特別，真係好得意😎日本🇯🇵小食放題特別推介！充滿日式風情的炸物小食，牛肉薯餅 回味旅行的味道🧳 日本一口芝士🧀吉列蠔🦪日式餃子🥟八爪魚小丸子🐙日式燒餅，吉列帆立貝，兒時口味，旅行回憶返晒嚟！特級牛頸脊肉🥩特級美國穀飼牛🐂200日澳洲穀飼牛肉是重點，幾碟肉色紅潤的特級牛頸脊肉，A.U.

之前已經嚟過稻八食嘢🙂當時已經有好好嘅印象👍🏻所以通常朋友問我去大埔食邊間放題/火鍋我都會提議稻八😋對於我來講稻八最大嘅特色就係可以自己玩炸天婦羅🥰同普通嘅放題自助餐唔一樣😼呢度真係有得食之餘又有得玩😋可以親手炸天婦羅比自己嘅朋友食😇個感覺真係幾得意😚今次想特別讚下佢哋嘅炸物同埋刺身好出色 😙尤其是係炸物😋超鍾意佢哋嗰炸南瓜薯餅同埋芝士😛炸粉夠晒薄脆 😋入口完全不油膩😛南瓜蓉好香軟又甜 😋芝士食落唔膩 😚完全做到軟心拉絲效果😋刺身都好新鮮 👍🏻細細件入口好易一件接一件🥰飯後甜品方面 雪糕係基本啦😊特別想讚下呢度嘅雪糕糯米糍 入邊係有軟心架🥰最終食左成5粒先夠皮😋 另外仲有Häagen-Dazs Movienpick 杯裝雪糕可以食❤️

話貴唔係非常貴 但唔係平咯而且野食又單調 叫個第二平既menu大概270 啲肉類都係勁少 天婦羅啲種類又奇奇怪怪 居然有燒賣 個爐又細啲油又容易彈到手。跟住要等好耐姐係打算俾差唔多300蚊然後食出邊啲丸同菜😑 而且一坐夠120分鐘就趕你走 但我只係想講冇新客人而且仲有空台可以坐人 (個陣疫情收10點)我地大概兩個鐘係9點半不到咁 唔理你食完未都要趕你走 我只係唔想浪費我台面啲食物 仲有少少底打算食埋都唔得 有冇咁趕收工 埋單350左右這個人 呢個價位呢種野食同服務真係呢世都冇下次

最近同友人嚟到大埔依邊踩單車，踩完開始肚仔餓就搵吓附近有咩食，見倒太和有間想食既日式打邊爐，望落幾吸引就來試吓，餐廳環境位置寬敞，入座後計120分鐘，任飲任食外面自取區有飲品，醬料，多款丸類，蔬菜等等，配料非常充足，餐廳設有炸物區，食物方面，我地揀左美國特級牛頭脊肉芫荽湯底放題，芫荽非常香濃岩哂一班芫荽控打邊爐仲可以食刺身，其中三文魚同油甘魚刺身相當高質，肉類亦相當新鮮牛味濃郁，整體嚟講依餐非常豐富食到好飽肚日後會再試下其他套餐

大埔區有不少連鎖日式火鍋放題店，相比之下稻八規模雖小但仍深受街坊歡迎。晚市120分鐘放題由$158起，當晚選擇了極上鹿兒島和牛盛合($438/位)，而每款套餐均可享用自助區內的沙律、甜品及飲品等。八款湯底包括鮮番茄湯、鰹魚昆布清湯、味噌芝麻豆乳湯、北海道3.7牛乳牛骨湯、九州豬骨濃湯、壽喜燒甜醬油湯、沙嗲湯及地獄火岩湯，而我們則選擇了味道香甜的壽喜燒甜醬油湯，灼熟牛肉後再蘸上蛋漿充滿日式風味黑毛和牛分別有牛肩肉、肉眼上蓋及三角腩三個部位，從圖中可見油花分布細緻均勻，口感軟嫩而且油香十足，牛肩肉肉味相對突出，但個人偏愛更加肥美豐豐腴的三角腩。牛肉方面另有澳洲M7和牛、美國特級牛頸脊肉、特級美國穀飼牛等選擇，但當然又以黑毛和牛更為出色。其他肉類包括白豚肉、羊肉、北海道雞片等。海鮮盛合有大蝦、青口及廣島蠔，屬一般急凍貨色正正常常。刺身如三文魚、帆立貝、北寄貝、魷魚、甜蝦、希靈魚等都可以任點任食但質素一般。值得一提的是自助區可以自製日式炸串，秋葵、茄子、廚師腸、番薯仔、虎蝦、燒賣、魚蛋等都一應俱全，蘸上粉漿再裹上麵包糠油炸，最後更可以灑上各種調味粉，趣味十足。

就算唔係嗌佢好貴嘅餐，但係佢啲牛肉油脂分布都好平均，而且都好香牛味，任食火鍋配菜好多選擇，就連我最愛嘅午餐肉都有，菜類都好多，湯底好多選擇但留意有少少要另外收費，火鍋湯底都好入味，而且加添時都會加翻相應類型嘅湯俾你，所以越食越入味，飯後甜品更加有好多選擇，雪條雪糕任揀都係坊間大牌子嘅甜品

好多蔬菜同飲品選擇，和牛通常一盤咁叫，有齊各款部位，火煱肉嚟講算幾嫩。仲有得自己整串炸，不過人多就要等吓。甜品有雪糕欏米糍，麻麻地，兼每人可選一杯Häagen-Dazs or Dreyers 作結尾。用某張信用咭有折

稻八既牛肉真係好好食,我已經唔係第一次黎食,價錢可能比坊間貴DD,但你絕對會覺得值,因為係貴得有道理.佢地都係採用高質牛肉,叫左個本國產黑毛和牛放題,但點咗好幾款牛肉,牛味都係非常重,我自己非常滿意.另外不得不提佢地有剌身提供,而且仲幾新鮮,可以滿足我打邊爐又可以食剌身,貴少少真係有道理嫁!同埋要要推介大家呢到係有婦羅炸物,而且款式都幾多嫁,暫時都未見到其他可以自己整天婦羅既日式火鍋店,所以覺得一個價錢幾種享受都幾好啊.大家不妨試試.

身為芫茜控得知稻八推出全新濃厚芫茜火鍋 🍲一定要去試試❗❗❗跟其它日式火鍋放題差不多可以選不同價錢的放題套餐因為這次對肉沒有太特別的期待所以直接選了最便宜的「特級美國穀飼牛120分鐘放題」(晚市$208另加一服務費)可以任食美國進口牛肉 美國豬肉片 羊肉 北海道雞片 炸物但其實common area的蔬菜 麵類 少許甜點 (包括較平價的雪條&雪糕) 飲料 醬料都可以隨便拿選擇很多 ❤️❤️❤️主角芫茜鍋的視覺效果真的很棒!!!聞起來也很香 😋😋😋另外值得一讚的是補湯也是用芫茜湯底 (當然沒有那麼足料)少不免吃著吃著芫茜開始愈來愈淡但可以去common area拿一大堆真芫茜加進去喔 😉肉方面我覺得average 不難吃但沒有太驚艷一般配料選擇很多 像響鈴 萵筍 皇帝菜 丸類 腸 餐肉等等都有也很適合一家大小去 👦👧最後還送一杯Häagen-Dazs/Movenpick/Dreyer's 🍨需要先結帳再憑收據去換好處是可以在120分鐘後才慢慢享用這杯雪糕但很搞笑的是這雪櫃還上鎖 😶要店員解鎖才能拿🤣

凍冰冰又係打邊爐嘅季節啦😙已經係第3次食呢間，收咗工喺附近搵食非常方便入面好大坐得好舒服，佢係一個放題火鍋揀咗一個美國牛仲有雞肉羊肉豬肉可以任添，$280幾左右叫咗一個蕃茄湯底，超開胃好濃郁！飲品有罐裝紙包裝多選擇出邊嘅配料多好多，有啲好特別嘅肉丸超好食最鍾意係芝士丸😍除咗咁樣之外仲有一個係專整天婦羅區！！有蔬菜嘅秋葵，燒賣茄子南瓜芝士丸日本一口番薯🍠真係encore左幾次，仲有六種嘅調味粉炸完之後可以落去十分之正😋😋#本地遊 #foodie #火鍋放題 #香港好去處

住大埔點會唔知大埔舊墟直街係出名嘅食街！由酒吧、燒肉、放鍋、放題居酒屋到甜品舖都有齊，基本上想揾食行到直街就包你有idea！今次放工較夜，肚仔餓但又懶自煮，落樓快食就嚟到新開呢間稻八日式火鍋炸物放題，一人前一個人嘅打邊爐都可以好happy！120分鐘放題套餐價由$158到$368由君選擇，好老實價錢平貴當然就視乎和牛級數及食物種類而定啦！自己一個諗住經濟啲，就揀咗中等價格特級美國穀飼牛放題，盛惠HK $208。要求唔算高，個人認為美國穀飼牛味道同口感都唔錯，油花均勻偏肥美。不過鍾情肉味較濃郁嘅手切牛肉。其次仲有嘅豚肉、羊肉及雞片都好新鮮，豚肉就比預期瘦，啱我口味！2個鐘嘅任食當然唔止得呢啲zmot包括了炸物、美國牛肉、豚肉、羊肉及雞片，另外仲有多款蔬菜同丸類餃類等火鍋配料、雪糕及飲品，仲有小食同甜品等，性價比好高。值得一提係佢個自助炸物區，可以自行DIY，將肉串沾上天婦羅炸漿再即炸即食，保證金黃香脆！

呢日黎到大埔既稻八打邊爐, 我地揀左食呢個特級美國穀飼牛, 性價比真係超高! 揀好左要咩湯底之後,店員就會上肉俾我地! 肉包括有豬、牛、雞! 真係應有盡有! 調味既醬汁都放哂係出面自由調配! 鍾意落幾多就幾多! 當然以唔好浪費為大前提啦~ 菜同埋一D 丸、麵類都係自助, 可以自己出去夾, 夾一粒又得, 十粒又得,最緊要食得哂! 任飲方面, 有氣水, 又有無糖茶, 真係岩哂唔同口味既朋友! 餐廳仲要有個位係自己整炸串, 真係好正, 又可以食, 又可以玩, 我見到好多一家大細同埋自己既小朋友一齊整炸串! 我仲整左炸燒賣添! 真係好好玩! 至於似肉類真係好好食, 我地連雞肉都encore左兩次! 我地湯底就揀左要壽喜燒, 壽喜燒配牛肉真係一流! 勁正! 牛肉又勁新鮮, 仲有超香濃似味, 可以一揪一揪咁淥再放入口! 真係人生一大享受! 最後仲可以揀要haagen dazs又或者係movenpick 雪糕, 滿足哂你中意食唔同牌子雪糕既享受!

我自己覺得，大埔呢度，三百幾蚊，可以食一個日式嘅放題火鍋，其實都算幾唔錯。我自己特登慕名而來，係為咗佢個芫荽湯底，我自己根本就係一個徹頭徹尾嘅芫荽黨黨員，所以比佢哋呢度嘅湯底吸引咗。由火車站行過嚟呢度，我就建議喺太和站，穿過商場，一條直路入去翠樂街再轉個彎入舊墟直街就會搵到呢間餐廳。依家好多火鍋店都會有刺身作為火鍋前嘅食物，佢呢度都唔例外，但係就要食一個貴價嘅餐先至可以免費食佢嘅刺身。環顧餐廳，我覺得配料非常充足，有各式各類唔同嘅丸、亦都有好多款菜，絕對食得飽。芫荽湯底嚟到，芫荽非常香濃，我自己個人猜測，佢一定係又將芫荽放入攪拌機，以製成呢一個湯底，食落去嘅時候，芫荽味唔算特別重，我估計佢應該都係想遷就返一大班人裏邊，有啲人可能唔太好芫荽，但係我呢個芫荽黨員，就期望有更加重嘅芫荽味。我叫咗佢一個澳洲和牛嘅套餐，有齊好多款唔同嘅牛肉，又有下腹腩，又有好多款唔同嘅部位，非常好食。呢餐總括而言來講，我係幾滿意嘅。