稻成 (東薈城名店倉)

营业中

休息中

放工唸著去东涌outlet行街，想食辣嘢，路過睇到水煮牛肉有優惠就決定試下。一坐抵服務員就擺上花生同埋豆，以为是送的點知要收錢！！！24蚊幾粒花生同豆！！水煮牛肉超級鹹，簡單的菠蘿咕咾肉比三送飯的都難食！！兩個餸兩碗湯一碗飯，埋單五百五十

如題，從未食過咁難食嘅酸菜魚，質素比起普通茶餐廳嘅仲低，第一次要酸菜魚上枱一層紅油，酸茶魚既唔酸又唔辣😂水準好差，明明佢其他菜式都ok，點解主打菜卻偏偏做得咁差？

平時多數去稻成食晚飯，主餐牌的價錢都偏貴🤣今日偶然去食lunch , 竟然有意外驚喜，因為有午餐，而且價錢十分經濟，一個主食（有多種選擇如嫩雞煨麵，酸菜魚湯米線）加一個小食（有細份的小籠包或鎮江肴肉或雞絲粉皮等等）價錢$88 至$108試過嫩雞煨麵和酸菜魚湯麵發覺味道很好，尤其是雞絲粉皮，個花生醬教得好正魚片十分新鮮，冇骨又滑👍最後值得一讚是服務態度，上至穿黑色套裝的女經理和企門口位的哥哥服務都很熱誠，簡直係賓至如歸👏食得好享受，位置又闊落😃值得推介👍😍

今日同屋企人行完山，就去左東涌食晚飯，諗左好耐都唔知食乜鬼，最後大家決定去食酸菜魚，我哋order左例牌酸菜魚$268主角係用左鱸魚(魚肉好嫩滑完全冇腥味😍，因為之前食過幾間全部都有魚腥味，我地仲加症薯粉同油炸鬼😋好味)，另外仲order左金華火腿奶油津白$88(菜用奶油煮，所以食嘅時候特別滑)、稻城小籠包(4隻)$52(入面嘅肉都醃得5錯，不過食嘅時候要小心因為一咬落去真係好Juice，d汁爆晒出泥🤣)、瑤柱蛋白炒飯$148(材料比較少，飯有d硬，所以下次可以5洗order)、嫩雞煨麵$88，(呢碗食上海菜嘅時候係必點)、雞絲伴粉皮$62(5洗難道都好易煮，所以冇乜特別)、仲有order咗高力豆沙(4粒)$68，呢個甜品都係必點，整體泥講都算5錯，仲有茶位每人$10，座位都算坐得舒適

稻成（東薈城）是一家位於東涌的中式酒樓。他們提供多樣豐富的中國菜菜單，包括精緻的點心、燒味、燉湯、炒菜等。這裡的點心是他們的特色之一，他們的燒賣、鮮蝦餃和叉燒包都非常美味。點心皮薄餡多，口感鮮嫩，絕對能滿足您對點心的渴望。另外，他們的燒味也非常出色，包括燒鵝、燒鴨和燒乳豬等。這些燒味都經過精心烹調，肉質鮮嫩多汁，皮脆香口。如果您喜歡湯品，他們的燉湯絕對不容錯過。他們的例湯選擇多樣，包括雞湯、魚湯和蟹肉燉湯等，滋味濃郁，補湯效果佳。至於炒菜，他們的菜式選擇多樣，包括炒時蔬、炒麵和炒飯等。菜式的味道鮮美，做法簡單卻不失風味。餐廳的裝潢優雅，氣氛舒適，適合與家人、朋友一同享用美食。價格方面相對合理，提供了物超所值的用餐體驗。

放大假喇，同老公先嚟東涌某酒店staycation 3日2夜先再飛曼谷 😂🫶🏻，第一餐試咗間泰菜，真係麻麻哋（已經出咗食評）之後2餐，我哋都嚟呢間 稻城 ，唔差喎，小籠包真係要 encore 👍因為食咗2次，所以group 埋一齊評價。 小籠包皮薄多汁，鮮甜，2餐都有order, 好味！ 紅油抄手唔算好出色，醬汁偏辣帶點辣，唔食辣嘅人應該都接受到。擔擔麵～少少辣，都有好香花生醬味，加埋濕濕碎碎嘅配菜，連麵一齊𡁻，好豐富，飲咗一半湯底都冇話好口乾嘅感覺。嫩雞煨麵～～同樣，飲咗半碗湯底都冇話好口乾，好多菜粒菇粒，我鍾意呢款麵，又滑又軟。賽螃蟹～～我比較鍾意有粒蛋黃喺中間個隻做法， 味道會香濃D，滑D。呢間D蛋白炒得都係好滑，唔差，要落醋一齊食會好味啲，否則就好清淡。麻婆豆腐～普通，偏辣唔夠鹹香味，油咗啲，味道一般般，我覺得可以多啲肉碎。腐皮卷 （涼拌前菜）～ 值得再試 👍 中間包咗啲蔬菜紅蘿蔔，唔會好咸，腐皮夠軟，好香豆味。酸菜鱸魚～味道一般，勝在有誠意 😁 有埋個座熱盤，一路熱住，溫度可以keep 到味道， 減低魚腥味。奶油津白～津白好清甜，少少creamy, 加上少少金華火腿碎，好香！

點餐加一係香港食飯好正常，但同時收前菜和小食好少見，放低前菜又無講要收取費用。錢已俾，事已發生，2個四十幾茶錢和前茶（花生）都已俾。大家入座前，請留意條款細則。☺️

同朋友二人食 lunch，餐前小食鷹咀豆＋花生係好食嘅！睇餐牌時… 唔明做乜職員係咁叫我哋食餐…… anyway 最後散叫，“鍋貼“ 係腍嘅、茶係暖又無茶香味嘅…… “小籠包“都一般…… 係“嫩雞煨面“ 湯好飲雖則面好淡…… “咕嚕肉“好食……整體真係一般…………

平時都係同朋友同埋同事啦食午飯。今日去東涌行街買嘢之後，一家人再嚟呢度食飯覺得好正所有嘢都大大碟有熱辣辣家人食完之後非常滿意，從叫我下次幾時嚟。尤其是最好味嘅係酸菜魚同埋水煮牛肉真係頂呱呱。服務態度非常之好超哥，玲姐，Ada同埋光哥到服務周到。值得讚賞！下一次一定要再試佢哋嘅酸辣魚啱啱好，下次叫多幾個朋友嚟就最好，因為可以食埋其他唔同嘅嘢。其實想叫埋咕嚕肉同埋其他菜式，不過叫咗好多食唔晒留返下一次再食過。（決定今個星期二再去食晚飯）

今次同朋友去咗東涌稻成慶祝生日，叫咗好多款菜式，我最欣賞係佢地嘅招牌菜「酸菜魚」，仲有好好味嘅「孜然手抓排骨」😋😋😋最後食埋佢嘅五彩繽紛嘅甜品，今次真係大滿足😊😊😊最重要係佢地嘅服務態度好好，環境舒服又寬敞🥰🥰🥰

今晚路過東薈城，突然之間想吃川菜，之後在網上見到4樓有間酸菜魚的相都不錯於是想過來試一下，到了之後發現餐廳環境都不錯有沙發位，坐的都挺舒服的，之後因為想吃辣所以在店員的推薦下試了一下店舖的水煮魚，魚上了之後有一個穿著灰色衫的經理走過來主動詢問我們要不要圍裙，吃飯期間還問我們口味如何，感覺服務的都挺不錯的這家餐廳，環境也很舒服，最後他們家的冰粉也是一級棒，超級好吃，最後想吃甜品的時候可以試試！！！！

好日都唔嚟呢度，但係由於送朋友機揸車經過，所以都去附近嘅東薈城嗰度熄咗食飯，而且商場方便泊車，見到有午市二人套餐即刻入去試一試，因為之前食過圓方嘅分店好多次都係非常唔錯，所以應該心諗唔會有伏。服務一入去佢麻麻哋，好似人手唔係好足夠，而且枱同埋燈亦都非常之迫，但係最好笑嘅係佢啲碟全部都係好大碟 (只係碟嘅size而唔係份量。)所以根本就放唔晒嘢食 ，多次同店員講可唔可以轉四人枱？因為我哋多嘢食，但係都係唔得，我哋去嗰陣其實只係滿咗一半，其他我都好多吉位。食物嚟講，非常一般，冇話邊個好伏嘅位，但係就係同普通茶餐廳或者大排檔整嘅味道差唔多，冇乜特別。下次亦都唔會再試了

送完朋友上機，諗住黎東薈城食一直想試既酸菜魚，平日午市黎冇乜客，我哋一行2人，門口灰色西裝衫餐廳經理叫我哋坐勁細既2人枱，我哋友善地問可否移去大張少少既枱，佢就話個啲要4個人先坐得，午市一陣會多人，唔轉得過去，話一陣叫多啲野食幫我哋睇下點，聽完我哋已經一肚氣，明明勁冷清既12點零，入面得幾枱客都唔俾我哋坐得舒服啲，唔明原因何在？ 黎左啲菜後，我哋再request要張大啲既枱，因為根本放唔落我哋黎緊order左既酸菜魚，另一同事就話泊埋另一張枱埋黎，我哋都覺得無奈，落單已經知啲餸唔夠位放啦係都唔轉，泊完個位就咁樣本身餐廳係中價位，唔係叫好平，2個人叫酸菜魚套餐埋單都$400多啲，但一啲服務質素都冇，唔怪得冇乜人食啦！本身好期待既酸菜魚符合預期，2個人食唔算大份，前菜小食酒曹醉雞唔錯有酒香入味，麻辣炒菜花都ok味精較多食完有啲口渴，個底都略油。

去完迪士尼一定去東涌或者青衣食好西！今次帶大家去位於東涌城嘅稻成酸菜魚！-稻成酸菜魚 $238鱸魚完全冇骨，搭配上酸鹹得宜嘅酸菜，簡直係絕配，我哋另外加咗薯粉，吸收晒酸菜魚湯嘅味道，非常推介大家去食！推薦指數:✨✨✨✨✨-紅糖五彩芋圓冰粉 $52有芋圓、山楂、花生粒、芝麻、提子乾加上冰冰涼涼嘅冰粉，甜甜酸酸嘅配搭，有多重嘅口感，好適合做飯後甜品～佢仲要勁大碗！推薦指數:✨✨✨✨✨-稻成京川滬 (東薈城) (東涌)地址：東涌達東路20號東薈城4樓402號舖

每次到稻成都會食酸菜魚，然後會叫好多其他餸菜，每一樣都好好味😋。特別喜歡咕嚕肉、炒椰菜花、辣椒炒豬肉、小籠包、紅燒肉、高力豆沙，甜品冰粉……仲有好多好食嘅餸菜可以慢慢發掘😃每次服務都好好，有種賓至如歸嘅感覺，尤其係Ada，每次好好服務，推薦得嘅食物都好好食，有咩優惠抵食嘅都會話俾我地知🥹。而且睇得出大家工作都好有teamwork spirit，合作得好好，好少會出錯👍🏻係一定會食過返尋味😋