稻葉亭 (已結業)

上次同FRD去食,樣樣野都要等好耐,追佢\\\地佢\\\地唔會理架,仲有D WAITER OR WAITRESS(ESPECIALLY有個MKO靚妹樣既WAITRESS),唔該炒哂佢\\\地啦,118一位可能平,但花錢係衣間野度,真係食得唔安樂唔開心,我係女仔,2個鐘時間都唔夠,因為叫左既野佢\\\只會來1/4-1/3...我真係真心講句你地唔好去,出面有大把平又好味SERVICE又好既日本既食,我會祝衣間野快D執!!

雜誌話118蚊可以食到咁多嘢, 哽係試吓啦, 齋食刺身都抵番啦, 刺身細件咗啲, 但很新鮮, 不過係任食, 叫多幾轉先, 天婦羅係即炸, 出嘢都幾快, 不過啲拉麵同烏冬可以細碗啲就好啦! 環境都好大, 唔會好迫, 坐得好舒服.

唔好食﹐唔新鮮﹐女友食完返到屋企作嘔。服務差﹐黑面服務員。叫左既野食又好多無黎。熟食叫一客黎三客魚生叫十五塊黎足﹐每塊size係其他餐廳既三分一。跟住叫三十塊﹐每塊size即變其他餐廳既六分一。嚴格黎講﹐唔可以叫做三十塊﹐應該叫三十粒。到最後﹐叫埋單都要叫兩次。因食物黎得慢﹐本來食一個鐘都ok, 食左足足兩個鐘。

第一次食係3月份, 覺得又抵食又好味, 最抵係佢平得黎款式多, 而且食物上得好快! 唔駛點等, 質素又好, 仲有龍蝦仔送添!點知月頭再去, oh my god! 1. 服務態度差左好多, 拎汽水叫幾次先有, 落單明明上左又話未又要再上黎俾我地, 好食都話無所謂, 最慘係唔好食, 仲要我地食?!2. 食物質素嚴重下降! 刺身細一向都知, 但已唔及以前咁新鮮好味! 熟食就仲差! 牛仔骨無牛肉味, 串燒雞肉超多醬汁, 好溜! 飯唔好味, 麵又得豉油汁做湯低! 壽司算係最ok啦! 3. 開到冷氣鬼咁行! 怕凍你唔死! 政府都話要開25度啦! 佢都唔知有無15度! 離譜!

昨天同一班朋友去完玩,好肚餓,就去搵野食.諗起一個朋友話這間餐廳好抵食,就諗住試下係樓下,我地同個阿姐講話6位,阿姐話上到去會有間房比我地,點知上到去,經理話要等一陣,我地眼見都無咩人者,都比唔到房?之後我地話走,佢地就扮晒野想留我地係度...即刻搵到間房比我地.坐定定,個姐姐仔問我地有咩...我地當然問有咩啦?!姐姐仔就話有可樂,忌廉,雪碧. 咁我就問:仲有咩?wa,個條女即刻好唔耐煩話:茶. 真係想十萬九千句噪口想飛埋去.嘜野野態度....算,都比左d說話佢聽,之後就落order, 開頭都幾快,可能我地點得少.野食來到,賣相一般,不太吸引,刺身:北寄貝,三文魚,赤貝等等細件到不得料,都唔知係平時食的一開幾......其他炸物都不過不失. 得個一round 當然唔夠la, 又知佢d刺身咁細件,數量就加加加倍...任飲任食喎...第二round,熟食來晒,刺身呢?未來..等左十五分鐘又未來,追la,追完唔理,當佢miss左張單.出面的人都愈來愈多,我地都愈食愈嬲,第三次order,只係order 刺身,又等十五分鐘,未有,問個姐姐仔(勁差態度個位),姐姐仔態度完全無改,只係講:等等啦,

我住附近既, 有晚懶煮飯就去附近試試佢既日本菜, 叫左個日本蠔什錦鍋套餐, 勁難食, d蠔都唔知有冇洗過, 成鍋野都灰色既, 蠔又細又唔新鮮, 什錦就係得d菜同菜同菜, 一陣蠔既腥臭味, 好難食! 機製可樂都要加3蚊,成個餐$58, 好唔抵, 以後都唔會再黎, 唔怪得冇人幫襯喇!

日文班深水十二食肆巡禮尾聲, 呢間原址係五十嵐舊店, 以前幾咁聲名狼藉, 比過喊樣食評, 如今重回舊地, 雖內裡裝修稍事改造. 但呢次經歷郤奐然一新. 為之而喜.當晚叫剌身同鯖魚定食. 仲以為叫剌身拼盤, 一大兜樣樣有剌身, 大大份, 鮮度溫度俱佳, 實在喜出望外, 鹽燒鯖魚配以炒椰菜餐都表現可人. 開心更係大多數顧客都屬斯文樣居多, 沒有嘈吵沒有煙燻, 仲有係都幾大, 同對面傾計隔得都幾遠, 不過呢樣證明有個人空間感.呢個巡禮結束, 下回會到屯門搵食.

今次係我第一次寫食評,請多多支持.尋晚(27/7/2006) 同bf兩個去左呢間食日式火鍋,之前食過兩次鐵板都覺得不過不失,今次本來都諗住食鐵梭嫁,不過見到火鍋好平咪試下囉.因為係平日,牛肉錮每位$58,海鮮鍋每位$88,另加一, 六日假期好似加$10.呢個餐仲送餐前小食,包括:1. sushi 拼盤(六件)----味道一般2. tampura (六件)---- 都係普通tampura 味道,唔特出3. 另外在指定menu 選兩款小食, 我地揀左a.燒墨魚丸(有兩串,每串三粒)----好熱,即整,唔可以話好好食,同mk 街頭食既差不多; b.餃子雞翼(兩隻)----都係ok,不過燶左少少之後就黎配料...我地要左牛肉(好似抵食d)食完小食就送火鍋配料上枱,係一份咩都有d 既拼盤: 丸,雞肉,菜,蝦,菇類,三文魚骨等等.另上兩小碟肥牛,豬肉片...食完唔夠可以寫紙叫想要既配料...配料選擇唔算多,不過都係大路野.我地兩個食完呢d 都叫左兩round,可能我地大食啦,我見附近一對男女食唔晒tim...味道雖然一般,不過服務同環境唔錯可能平日啦,人唔多,冷氣好勁,打邊爐都唔覺熱,坐得好舒

稻葉亭在區內似乎名氣不大，lunch hour去都只有很少人，而我是抱一試的心態去的。餐牌菜式頗為經濟，我選了一客午市特價餐($35)。等候的時間頗久，但菜式十分豐富：有壽司兩件，天婦羅大大碟，拉麵大大碗，及熱檸一杯，使我赫了一驚！這麼豐富對胃口很小的我就很難辦了，所以最留下大半沒有吃，而整體味道不差，但欠特色。服務可以，環境卻稍陰暗。最後連服務費$37

朋友要去杜拜公幹9個月，臨行前同佢食飯farewell。主角話想去長沙灣食，就成全佢！一行五人去到前五十嵐的舖位，知道已經易手，但大家都未試過，就上去試下。這裡有燒烤及普通日本套餐兩種，我們揀了食套餐。叫了兩個二人套餐加一個軟殼蟹手卷，分別有沙律、壽司、天婦羅、煎豬扒、煎牛扒、炒飯等等。份量足夠，食物唔係特別突出，但至少夠新鮮，味道亦可以，總比以前的五十嵐好。之後仲有餐飲，唔錯吧！埋單$520，唔算話特別抵食，卻都食得過呀！