稻香超級漁港 (朗屏商場)

营业中

休息中

今日約埋屋企人飲下午茶,我自己先拎位,等約15分鐘就有位下午茶2點左右開始就可以入單落點心,特價點心選擇多幾抵食叉燒拉腸粉 午市廿幾蚊份 用新個種拉腸粉方法,唔係傳統包卷會露餡料,食落個皮都幾滑溜,而且叉燒餡也很多,加上豉油食,味道不會太濃味牛肉球 香菜,蔥花,馬蹄粒混打成再蒸,口感彈牙 一客3件 夠香口感豐富燒賣 鮮豬肉打餡,粒粒大細相約,飽滿肉餡鮮甜 豬腳薑蛋 前菜小碟 屋企人鐘意食 個汁煲到好入味好濃醋香,豬腳已經一咬就即開好重膠原口感 豬皮彈牙 隻滷蛋好入味,連個芯黃都係入曬味豉油鳳爪 改用濃郁老抽調味既浸滷鳳爪 好入味!鮮蝦餃 賣相飽滿大隻,中間仲有少許筍絲 咬開餃皮煙韌包住2隻大蝦肉蝦肉鮮甜爽彈,仍然好有蝦既肉汁,出色元朗朗屏商場3樓301號舖消費$200

就係而家，等左一個鐘都只係上左碟菜，問親都話黎緊黎緊直到我再追先話漏單，我要單只係點二人套餐+炒菜，而你隻眼只係見到炒菜？？？真係乜服務黎？但凡你一開始認真跟跟我都唔洗白等我都奇怪，隔離位係咁上，上到人地食晒我都未有，問親就黎緊整緊幫緊你幫緊你19:15落單直到20:32你先見到有漏，真係離譜，仲好意思問我要加1服服費請問你服務左乜野？服務左：黎緊黎緊，煮緊煮緊，整緊整緊，上緊上緊？真係唔怪得星期日8點半就冇乜人，作為屋村唯一酒樓，生意休唔休做我真係估唔到如果唔係要200字先可以比差評，我都唔會打小作文，不過冇所謂，橫店都係得個等字咪打下字比個差評你岩岩打到而家，終於上左除炒菜外第二樣野，就係個湯，時間20:37我就睇下，你上齊到底要幾耐

雖然今晚沒有一蚊隻或特價吊燒雞，所以人流不多，今日客人來的都唔係為咗食特價雞的。大時大節，在疫情下，家家戶戶都留在家中過節。我家只得媽咪和我，梗係出街食，又來呢間吃晚飯慶祝端午節啦！先來碟例牌燒鵝，碟架下用蠟燭助暖，好特別。燒皮未夠脆，扣了少少分，但鵝嘅肉質鮮嫩多汁，好juicy。仲有叫咗小炒皇，韮菜花好爽脆，有魷魚，大大粒蝦干、菜甫、腰果，仲有一粒帶子，色香味美。不過鹹咗少少，配啤酒就一流，不過唔飲酒，以茶代酒。加碗白飯。不過飯就少咗啲同埋好貴$15，茶位都只係$13。

雞會嚟啦！稻香嘅$1雞返嚟喇！之前無嚟過，於是就第一次嚟試下啦！坐低第一時間先點咗隻雞，怕多人叫會等好耐。除咗一蚊雞之外，重有多款小菜可以點！ 而我就另外點咗冬瑤蓮子鮑魚汽鍋湯同蒜蓉粉絲蒸北寄貝。一蚊雞出乎意料之外，隻雞好快就嚟啦，果然無欺場，成隻雞原隻咁放上枱，需要自己剪或者撕開嚟食，夠哂wild，皮脆肉滑，咬落啖啖肉，特別原汁原味！冬瑤蓮子鮑魚汽鍋湯湯中有鮑魚、花膠、螺肉、瑤柱、雞腳、蓮子、冬瓜，成盅汽鍋湯好足料，味道鮮，好好飲。蒜蓉粉絲蒸北寄貝新鮮嘅北寄貝，用蒜蓉粉絲嚟蒸，每一只北寄貝都覆蓋住唔少粉絲、蒜蓉與蔥花。蒜味香濃，散發出陣陣蒜香，真係對喱碟蒜蓉粉絲蒸北寄貝無法抗拒！夾起蒜蓉與粉絲，很輕鬆就將北寄貝肉身同殼分開。值得一讚嘅係師傅響控制火喉上到家。入口嘅北寄貝啖啖肉，肉質鬆軟彈牙，爽滑帶嚼勁，無因為蒸煮得過火而變得老韌。由於北寄貝吸收咗蒜蓉嘅味道，令整體味道更加滋味，滿足！因為推廣一蚊雞，所以真是座無虛席，要嚟食嘅朋友真是要定有心理準備！餐飯真係好抵食！

🙄相信或可能大家都知道澳洲龍蝦平價襲港的原因，無論如何，香港人有口福，貴有貴食，平有平食，視乎每間食肆的烹調手藝👨‍🍳👇🏼鮑魚海中寶$28(星期一至日供應)，真材實料，湯料多(鮑魚仔x1、雞肉1件、瑤柱少許、雞腳仔x1、冬菇一小塊、瘦肉一小舊...)，湯的味道清甜，好飲😋👍🏼👇🏼乳鴿，每隻$1(星期一至五的價格，每位只限一隻，兩位起)，味道ok，入味不鹹，但乳鴿胸有少許嚡，當然可接受，因為價錢$1，還要求甚麼🤣👇🏼澳洲龍蝦🦞上湯伊麵$168(星期一至五的價格)，真的抵食，啖啖肉，肉質ok，所以吃掉全隻龍蝦肉，而伊麵雖然是一大碟，但我只吃了少許(幾啖)，皆因伊麵質量普通，芡汁也是淡味的所謂一分錢💰一分貨📦，$168連加一都是$185，不要要求高呢溫馨提示😉，每人可同時叫一份龍蝦伊麵、一隻乳鴿、一個海中寶。另收茗茶及加一服務費，還有其他條款請大家看清楚🧐這麼大的酒樓，人手不夠，當中有一兩位女服務員跟她說話，全不理睬😡，安排座位又有些混亂😠，但也有些女服務員態度不錯，也會跟客人溝通

昨日約左十幾年無見的朋友一齊來我屋企打麻將，把瀛的錢💰拿出來叫嘢食，打完依是叫咗外賣，稻香酒樓飲茶順便食午餐🥣，叫咗好幾個香港特色點心有叉燒包，牛🐂肉山竹，燒買，🦐蝦餃，潮州粉果，牛仔骨等等，腐竹卷，糯米卷，品種繁多，基本上粵菜點心，佢這邊都會有。味道同出面酒樓的點心相差不多,，我最鍾意食系黑辣牛仔骨，味道好好味，肉質好淋，唔會堅硬，小朋友都食到。同埋打包返屋企吃可以自由D又可以多人一起食。

2020年12月19日我們仨姨甥聚聚慶祝姨甥仔生日+做冬+聖誕晚餐阿拉斯加頂級帝皇蟹約5斤$1290黃金BB豬2-2.5斤$388孖寶價$1480不過喺門市外賣自取半隻黃金BB豬特價$100 ，其實孖寶價1480根本就形同虛設，根本就冇優惠到，早知就分開買啦！阿拉斯加頂級帝皇蟹比想像中好，因為冇得自己去選擇邊隻蟹，都驚會比較細隻或者死蟹，同上次食過5.5斤的相比，目測一定足5斤，肉質實，膏多，非常美味。黃金BB豬皮唔脆、冇肉，唔底食，用焗爐焗返，都係唔脆，冇下次。

今日同爸爸去酒樓飲茶🫖，好少兩父子一齊咁早飲茶，茶樓同其他餐廳都唔同，地方好大同埋好熱鬧。啲茶樓姨姨好招呼。今日叫咗幾個點心，叉燒包，合桃包，同埋一碟炸兩。全部都好好食，咱倆唔會好淋，脆度岩岩好，合桃包好香甜，叉燒包都算多汁。

（晚市）平時成日去稻香食飯都覺得質素唔差不過宜家無左任食火鍋就好可惜轉左食普通晚飯去到侍應姐姐話蛋白燉燕窩得返最後2個即刻留左先$38乍好味～唔會太甜好多燕窩 唔會求其！

最近見到稻香有做外賣自取8折優惠，其中波士頓龍蝦伊面都只是７８元就可以買到，所以就去了買兩份回家吃。波士頓龍蝦伊面伊面份量挺多的，上湯的份量也夠，每一口伊面都浸滿了湯汁，十分過癮！而龍蝦可以吃得出不是新鮮的，是冷凍的，但經過廚師烹調後龍蝦的雪藏味幾乎吃不到太出來，肉質也是彈牙的，而且浸過上湯後也增添了味道。整體好評！如果只是以７８元就能買到的話，真的很值得嘗試！而且稻香還有做其他的外賣自取優惠，下次可以試一試其他吧！

聽朋友講話稻香最近做緊一問咁你夜晚是套餐星期一至星期五喺六點之後就可以落單咁我就去到睇吓原來真係有㗎同埋佢係新鮮即炸仲有幾塊薯片添Nice nice ! 我哋另外都叫咗個海皇湯$18 一個佢係燉湯入邊有非常之多例如係一隻細細的鮑魚花膠元貝同埋雞肉等等🤗🤗個燉盅細細鐘不過啲料好足！ 當然我哋冇理由淨係食雞同飲湯啦我哋都叫咗其他嘢食兩個人埋單$300隻雞真係食唔晒太大隻哈哈同埋原來佢哋嗰晚市都幾多人見到佢人手唔係幾足夠期間嚟錯咗幾次其他台嘅食物俾我哋 哈

本人今日早上於元朗朗屏稻香用膳，於8:02下單4個點心。其中有一個飯，等了超過半小時仍然未到，期間催促了2次，亦有其他客人也在催促，但職員卻只叫我們等，直至8:50，比我遲下單的都有飯了，我第三次追問職員才幫我去廚房拿。首先個廚房唔知搞乜蒸飯蒸咁耐已經好大問題，其次就係職員對客人的問題冷處理，淨係識得叫人等，根本無任何意思去廚房睇下跟進下！咁都算喇，最令人火滾的係等左大半個鐘，你見到有飯出，結果比你遲叫的都有等咁耐仲要漏單呢下真係罪無可恕，要追到第三次發火先肯幫你去廚房攞。對於今天的出餐速度及服務態度真的非常不滿，用餐體驗極差！

母親節當日做下孝順仔女，陪家母去酒樓飲茶。好彩佢有同app合作，可以用手機攞飛唔洗去到等餐懵！✌🏻 去到明顯見到枱同枱之間距離比以往疏遠👍🏻食物方面就不過不失 普普通通啦

首先，好似欠咗班呀姐咁...服務出名差。次次都係並。第二！蝦餃同燒賣啲蝦完全無味！！！只不過係咬得爛嘅擦膠。所以真係唔好叫。第三！啲嘢鹹到一個點，由其係燒味。枱面上咁多嘢，得炸豆腐比較好咖咋。佢哋仲整咗個甜品，面頭上嘅爆珠係格硬塞咗啲紅豆入嘢度，質感好奇怪，難食到打冷陣，完全唔明創作動機係乜。雖則話甜品，但真正好食嘅，唔會死甜，而係有層次，呢個就好明顯做唔到，賣相又唔好睇。佢哋仲要喺點菜紙頒咗金銀銅醬畀自己。千祈唔好畀人呃，唔好嗌。

一連三日長假期，陪母親專程來到吃中餐，晚飯時間剛開始，人客唔算多。二人點了每人一盅鮮鮑氣煱鷄，內有鮑魚仔一隻，夠煙靭，紅棗又甜又大粒，甘香嘅黨參，好滋味。因為是砂煱盛載，耐熱性高，好夠熱，如果味道濃啲就更好了。另外點了蒜蓉蒸龍蝦，好香蒜蓉味，帶出龍蝦嘅鮮味，龍蝦殼夠軟，腳趾啲肉都好容易啜出來，非常好味道，可以加$30有烏冬。但我們沒有加，因為唔想食咁飽。兩人埋單二百二蚊，又鮑又龍蝦，抵食又好食，又過優惠到六月底就完結啦！