稻香超級漁港 (朗屏商場)

营业中

休息中

講真住屋邨咁多年，見證樓下商場開過各式各樣既酒樓，呢間算最好食，話晒(稻香)集團式經營，但講到服務真係超差!!啲侍應好似食左咁既樣，個個黑口黑面~今晚去食，竟然一改常態，平時10問10唔應果個阿姐唔知去左邊!!!見到啲新面孔，雖然唔係對我殷勤，但我見到隔離枱有對老人家，她好主動咁係我地度借左張櫈，又幫佢地拉出啲張枱等佢地坐得舒服啲，最重要全程感覺她係出自真心，自發性咁去做，態度同服務真係verygood~~~講番今晚啲野食先，我同媽咪二人行去左食飯，叫左個套餐，食物一般啦

一年一度的一蚊雞開始啦，報紙看到的個優惠急下不及待今晚和媽媽一起去吃，無飯主婦。原來呢個優惠推廣活動今年是第二十三個年頭了！二人同可叫一隻，開心share,呢喥環境寬敞，燈光充足，食什麼都覺得舒服，由於衹有兩人所以點了一個啫啫通菜煲，先吃菜打抵，再吃肉會對身體健康啲。通菜夠翠綠，啫啫聲，香嘖嘖嘅蝦醬和蝦米豬肉碎，好好味，如果汁再亁少少水的話，就very good了！吃清全煲菜再慢慢享用熱騰騰脆卜卜的燒鷄，有剪刀及手套提供給我們自己剪下來吃！雞肉好夠味道，雞脾好嫩滑，雞皮脆卜卜。淨吃鷄翼和脾都抵啦！不過實在太好味了，除了雞頸以上及雞尾，全隻雞給我吃光了。呢個優惠至今到下月十七號，和星期一至五晚供應的，我諗會再來光顧多兩次或三次吧！😋😋

近日看報紙稻香集團又推出咗新一輪的優惠精選菜式，一於帶嫲嫲去食吓。一坐下就看到不同大大小小的餐牌放在枱上，馬上拿看看有甚麽便宜又好吃餸菜。因為星期五的原固，所有優惠菜式每份都要另加十元😅🐔原鼎黑蒜嚮螺燉老雞 $128第一 眼被吸引的就是這個養生湯，可能天氣有點寒、飲番d補湯補補身。蒜味十分濃郁🎉，材料充足：有黑蒜、嚮螺、半隻鷄、多隻鷄腳及瘦肉。四人每位飲了兩 大碗，略嫌有點油，需把面上的油撇走。🐟黑椒魚唇爽肉窩 $78老公極有興趣的菜式，我是第一次接觸魚唇呢種食材，軟軟滑滑的口感，跟爽口的豬頸肉配在一起又幾夾👏🏻🐟超值龍躉兩味$138👍🏻👏🏻翠帶濃湯躉球~~用上湯配紫薯、雪耳浸龍躉，此配搭頗新鮮，每片魚肉都是厚厚彈牙的紫茄香蒜蒸頭腩~~用原條茄子🍆墊底，金蒜舖在頭腩面上蒸，每嚿頭腩都有肉不只是骨👍🏻此道菜總體真係如題〝超值〞💕海鮮孖寶$168🍍菠蘿咕嚕肉～～啖啖肉好juicy豉椒炒聖子～～叫的時候以為是普通一般大小，上枱時才知道是聖子皇，超大隻，有驚喜🤩埋單只是$669，嫲嫲大讚抵食😜😘

好食、抵食、員工服務一流，茶葉好（西湖龍井）熱情有禮，賓至如歸，環境衛生好，交通方便，鄰近西鐵朗屏站，步行十分鐘就到，免費泊車服務一小時，樓下商場及街市，購物方便。

昨晚和家人團年，叫了八个餸，每樣買相和味道都好差，未食過咁差嘅酒樓，可惜忘記影相！燒鹅一般，雞是瘀黑，炒上素，不知那碟是素，蜜糖豆是白烚，生炒骨一般。或者在屋村內，所以質素特別低，最好味的是白飯

8:30 就宵夜任食邊爐環節，每位138 加一。 但其實啲野食成九點中先到，湯底揀左鴛鴦鍋，沙嗲同清湯，沙嗲味道幾好。 最驚喜係野食選擇勁多，連廣島蠔都可以任食，仲有脆肉腩好脆，芝心丸個味係有埋芥辣味（反而冇正常果款），同埋有韓式粉絲餃，好特別丫呢啲都！ 又有花膠仔同鵝腸，但成晚我食得最多係粟米，超鮮甜又好味！肥牛可以加錢食貴價牛，但我地冇加但啲牛都可以！ 佢仲有幾款係熟食，我地食左芝士春卷，都幾好味嘅！不過有啲食物叫左冇黎到，例如生菜，唔知係咪太多客漏左單，惟一美中不足係冇蕃茄！

中秋節跟友人通霄玩樂，翌日跟女朋友到附近的稻香酒樓午膳。由於是紅日午市，幾乎沒有任何優惠。稻香酒樓有很多食物供選擇，當中最美味的當屬炸饅頭，而蝦米腸及其他食物也挺具水準。

一年一度中秋節 當然要搵間有水準的酒樓 來招呼老人家啦。之前平日食過佢既晚餐 大大碟 又有水準 今次食節日餐 實無衰啦。打去訂位 職員話 提前落訂 可減幾百和送月餅。嘩 梗係落訂啦 平幾百 又有月餅送喎。點知三日前去到 一圍可減三百加一盒月餅 但半圍就只減一百 無月餅送。我們共八位 職員話半圍實夠食。算啦 就半圍啦。當日9月23日星期日 去到又不是想像中咁爆喎。人齊 上菜半圍1888 再減100 算收貨。但老實說 節日去食 始終無平日咁大碟 雖然今次8人中 有2位老人家同行 但其餘6位是壯年人仕 吃完有兩位壯丁話唔飽。下次都係叫一圍穩陣啲。寧願多出黎打包好 好過唔夠食。

昨日跟家人去朗屏稻香吃飯，叫了長腳蟹跟魚，咕嚕肉還是其他小菜，味道不錯，長腳蟹跟又大又鮮，魚蒸到剛剛好，不會太咸，價錢也合理，不會太貴。服務態度也不錯，剛下的單，沒過一會也很快送到，送餐時也有禮貌笑容，我不常來這邊吃飯，跟家人也是第二次剛好來這邊吃，本來聽說這邊食物普普通通，但家人說想試就陪他們去，沒想到味道沒想像中差，下次有機會還會再來這家吃，希望看看之後有什麼新東西，到時候跟朋友或家人過來嘗嘗。

到底香港服務業 提供什麼服務 服務態度差 要攞碟辣椒油 都叫你自己去攞 咁點解要俾服務費 到底樓面知唔知自己工作內容係乜嘢 唔通要食客服侍返佢哋轉頭 今時今日仲有咁嘅服務態度 難怪冇將來

今晚和家人來到朗屏邨稻香，專食長腳蟹。$888一隻， 足三兩重。 但今日的蟹不夠三兩，所以部長給我們優惠，千二蚊兩隻， 每隻兩兩多 提前訂一天訂 每隻減$100驚喜， 每隻都爆多膏 ， d膏都好好味雖然唔足 三両重， 但每隻腳同身都爆多肉跟餐叫 金銀蛋莧菜 本身係清蒸班，但唔知點解轉咗龍躉，仲好， 條魚 蒸得剛剛好，夠滑蕃茄濃湯泡菜苗跟左小白菜 菜好甜脆皮咕嚕肉京都焗肉排 。夠野味， 香口餐湯 椰子雞 夠火喉湯也甜上湯水晶蝦球伊麵總括嚟講其實佢嘅套餐同平時酒樓差不多, 但長腳蟹真係有驚喜 ,這個要讚， 不枉我們專誠嚟食長腳蟹。

今次算是自入秋立冬以來第二次在這𥚃吃的晚餐。呢間地方好大好闊落，燈光又充足，老人家同我都好滿意。上次試咗大閘蟹，今次試新推介，就是金蒜烤雞，上菜給我們的驚喜，由於她認得我們次來的時候喜歡影相，相機食先的原因，來了一個好大的雀籠，而𥚃面是我們點的烤雞，扺讚，除了賣相觸目之外，好香蒜味，鷄皮好脆，肉質好滑，唔太鹹，半隻都是衹不過$48，仲好抵食𠻹！第二道菜就是魚香茄子煲，熱辣辣的煲身，裡面的醬汁熱到好似水滾咁，茄子軟冧冧，魚香味濃餸白飯一流。再加一碟鮮竹鯪魚浸翡翠，上菜時都熱的，但等了一陣，再食時就開始覺得魚肉有啲腥湯都是一樣，賣相又麻麻，溫室菜苗太瘦，有渣，呢碟菜認真差咗少少。總括酒樓每一個員工服務態度欣勤有禮，笑容滿面，酒樓甚至洗手間都好乾淨，令我們食得開心又安心。

位於朗屏邨呢間稻香超大間，坐極都唔滿甘！是晚中秋節正日，大部分客人都點套餐。餐牌小菜價格不貴，5x~6x左右，還是單點吧！脆皮咕嚕肉 $65份量一般，色澤不討好。做唔到脆皮效果，ok 汁調味過稀。菇菌燒豆腐 $68荷蘭豆夠脆口，燒豆腐份量都挺多，掛到汁不錯！干煸四季豆 $58炒四季豆的味道是不錯，但是干煸四季豆就是要食到豆豉的咸香味，完全不是這回事。楊州炒飯 $88一碟夠全家四口食嘅炒飯炒飯夠乾身，都足料，只係蝦仁亳無味道而且肉質唔爽口。屬於隱藏菜單，餐牌沒有提及！但我見隔離枱食緊，一問之下就話有炒飯。燒味併盤 $108做節不成文規定總是要食燒味。已包括兩個冷盤，可惜雞絲粉皮沒有雞絲！10月份特價之選 朝日啤酒大支裝 $13.8！

某天我和家人中午去飲茶 叫左陳醋雲耳青瓜(超咸) 老干媽伊麵(好乾) 蒸魚雲 (超咸) 同服務員講 佢地無理會不只 還說 係咁架 。。。嘩 咸到係食吾到囉 用水沖左都仲好咸 最後個伊麵乾到食吾到 要打包返去自己加水炒過 食物差 服務態度差 黑名單 吾會再去 行遠啲食都吾去呢間 垃圾。。。。👎👎👎👎👎👎👎👎👎👎👎👎

近期稻香緊貼潮流，推出任食火鍋放題 ，大食既我緊係黎捧下場，其實款式真係好多，係稻香食開火鍋散叫既朋友應該知道，稻香食物質素一向有保證，放題食材既質素仲keep到，如果大家捱到肚餓可以揀8點半入座，價錢仲會平d