稻香 (屯門時代廣場南翼)

营业中

休息中

叫左個五人餐，有半隻乳豬，個乳豬細到呢。。。仲要原隻上，吾知以為拜神用。啲手手腳腳仲係到。旁邊仲有把鉸剪，仲要自己剪，wt the….一路食一路望住個豬頭同佢啲牙齒。真係飯都食唔落。個套餐份量又少又吾好食。性價比0。難怪成場只得幾枱客，除咗套餐。單點野食少得可憐，咁貴。但比啲咁既質素，千祈唔好去

今天相約朋友在屯門見面，閒談間不經不覺又到了晚飯的時間，朋友說不若吃完晚飯才走，途經屯門時代廣場的稻香正在做一蚊雞特價，雖然已有很多食客在等位，但朋友都說要試一吓， 等了二十多分鐘終於可以入店坐下。先叫了今次的主角特價一蚊雞來嘗試一吓，在等待的期間已陸陸續續見到不停有很多燒雞推出來，可見受歡迎的程度應該很高 。終於輪到我們點的燒雞上枱了，首先見到雞的外表賣相都十分吸引，燒得皮薄且色澤金黃，散發著陣陣的燒雞香味，再加上熱氣騰騰。馬上剪下雞腿放入口中，果然和外表見的一樣，雞肉皮脆肉滑，雞肉不會太老和過乾的感覺，而且整隻雞的醃味恰到好處，不會有過鹹或過淡的感覺。另外再來一個是香蒜雞粒炒飯，炒飯的賣相亦炒得金黃色，米飯炒得很乾身粒粒分明;只是因為剛才已經吃了燒雞的關係，飯中的雞粒就相對顯得沒什麼味道了，但整碟飯的份量卻很足夠，兩個人都吃不完。綜觀今次的晚飯菜式和價錢，正價比都十分之高，是一次不錯的睌飯。

清明節前６天，提前掃墓，曾嘴，位置真的很偏遠，距離曾嘴最近的衛星城市，是屯門市中心，自駕車程也要約20分鐘。好幾年沒來屯門，市中心變化挺大的，找地方吃午餐茶，稻香門口堆滿人，有等位的，也有等外賣的。我們等了15分鐘，有位但限聚令下，４個人要分２枱坐，但２枱不相連，而是隔很遠。２個人點了以下的：#普洱茶：顏色很深，但茶味較淡。#迷你點心併盤：２個鹹點加２個甜點，適合貪心又吃不多的人，如我。#南乳燜豬手：很入味，豬手入口即化，讚！#香煎蝦米腸：配甜醬和芝麻醬，好味！#芋泥煎餅：芋頭味濃，喜歡！下午茶時段，約一半點心均價17元/碟，性價比超高，難怪工作日也要等位。

上次我同家人去飲茶，明明只等两个，但都等左两个小时，终于坐低咗，我明明已经叫咗食物一小时，但都没有上菜，我好聲好氣问个服务员点解仲未上菜，佢好唔耐烦咁同我讲你等一个小时就话久，隔离台嘅都仲未出声，你等一下都唔得，信唔信我系d食物度同你加料，吓到我都唔敢讲嘢驚佢真系会喺我嘅食物到加料，我只好食完野之后去投诉佢，啲嘢终于上菜分量永远都系叫嘅一半，地方仲鬼死咁窄行都行唔到，有咩事起走都走唔到，我见啲员工上菜都仲要兜路行，，我只系叫咗四样嘢佢收我三百几蚊！😡

稻香又推左 $1項目， 今次重頭劇係…「乳鴿」所以今晚辛苦亞媽去拎位😚「黑蒜鮑魚汽鍋湯」湯內十分足料，有粒大大的黑蒜，鮑魚連殼，雞件，瘦肉件，湯味香濃👍🏻「胡椒豬手大蜆煲」😅有小插曲 竟然沒有大蜆了解下原來稱師父忘記此材料😅最終另補上。豬手多件也有配上白羅白🙏🏻 湯味香濃「澳洲龍蝦上湯伊麵底」龍蝦一隻分2件，size大慨一隻手掌✋🏻 配上伊麵，最愛了🥰「$1 乳鴿」香乳乳鴿，新鮮炸起，而且size適中😍抵食👍🏻👍🏻備註：🔺地方比以前細了，環境好應聲，有點嘈吵😅🔺待應不充足🔺2人消費$367 （已計加一）

令我寫第二次食評並不是因為佢D野食好味，服務態度好。而是相反。野食 ：1.黑松露燒賣→不知所謂(唔係燒賣)2.錦鹵雲吞→$68 少得可憐 ，冇餸其他還可以服務態度 :1.等位今日已經放寬咗4人一枱。我地三人，但係佢淨係叫哂2個人個D，所有人都入哂，得番我地3個人係門口。。。2.收野叉燒酥係唯一一樣好味，有3嚿，我地食凈1嚿，陣間食。有個人過黎收野，佢係都要我地夾埋佢，但當時我地食緊其他。佢係都要我地夾咗佢。。。講真我已經自助落單，服務態度差，仲要收加一。。。

今日去稻香飲茶，因為年初四，全日正價。要自助點餐，用電話掃QR code ，個系統都唔錯，最差就係會唔覺意點咗D自己唔想叫嘅野，我都試過幾次hi 到，所以要留意張單D點心係咪真係啱。我今次就真係一時大意，點多咗個奶黃包😔，仲要奶黃包唔流心😕 。講咗野食先叫咗：1)叉燒酥 ：唔錯，幾酥化2)奶黃包 ：唔流心3)叉燒包 ：好味，多汁4)叉燒腸 ：唔得，唔滑5)咸水角 ：OK ，不過少 Ham6)臘腸包 ：臘腸多油，好味😋野食唔錯！！！不過D服務態度真係超差囉 1) 叫咗茶，好耐都唔攞嚟 2) D餐具差一套要自己攞 3) 洗野個兜要自己攞 4) 辣椒油要自己攞都唔明D人係度做咩☹️ 有待改善😐最後埋單：$234 三個人茶錢：$13/person 加一✅P.S 平時下午茶冇咁貴，下午茶抵食㗎！係年初四飲茶所以貴D😅 ，比大家做參考。

每次約Mcdull去稻香飲茶，佢都會不自覺咁哼左依首歌。哼哼下，其實又幾順口喎，你睇下廣告歌嘅威力幾大。連續兩個星期去稻香飲茶，Mcmug媽媽其實麻麻地中意飲茶，之但係由於上星期黎到飲茶竟然冇我地3個人都最中意食嘅叉燒酥，所以決定翻兜多次。一坐低，碗都未洗已經9.9秒點左碟叉燒酥😗3個人點左6樣野，連加一都係300蚊左右，算係幾平。香麻叉燒酥🤤芝麻多，咬落去好鬆，又唔係好甜，餡料份量唔多岩岩好，你咬左第一啖就想繼續食埋落去，好食，推介！蝦滑蟹籽腸(滑滑腸)😐Mcmug媽媽特登叫黎食，佢話依個腸粉同平時嘅唔同，啲皮特別厚，佢好中意食。我又覺得冇咩特別。乜皮厚都算係一個賣點？😂真係估你唔到。諗諗下又係，想當年，野都唔夠食，街頭賣嘅腸粉最重要就係令人有飽肚感，個種感覺未經歷過肚餓嘅年輕一代點會知，當然我都未經歷過。不過，我都係懷念緊係廣州食銀記/求其份一間腸粉舖食嘅布拉腸……涮涮羊肉腸粉 🙁腸粉個質地同平時其他茶樓嘅冇咩大分別，入面個餡就相當麻麻，我諗佢係想整到好似平時茶樓食嘅牛肉腸咁。食落去就好似食緊pat有羊騷味嘅不知名肉，加上唔夠熱，唔好食。艇家海蝦粥 😐好多薑，真係多到啲薑好似唔洗錢

週未輕鬆，已同朋友約了今天下午行亞博館舉行的美食購物節，因朋友住屯門有免費穿梭車到達，朋友約我屯門一起搭車入去，因太多人冇行到，原車搭回返入市中心，行了一會街，巳到晚上，吃晚餐時間，找了這間，看餐牌時，待應推介了味感鮮鮑魚 （4隻）4隻鮑魚重分量，鮑魚入味好有鮮味，入口即溶，好有口感人氣鮑魚氣鍋湯氣鍋好有蒸氣，陣陣鮑魚味噴上來，真得甜同滋潤貴氣10吋花膠扒 上枱碟上看真有10吋，花膠扒大塊同厚身，很有咬口感滋味澳洲蝦配烏冬龍蝦大隻，蝦肉實鮮甜，龍蝦汁透入烏冬，烏冬很有龍蝦味

今日係happy Saturday，我哋去完機場嘅亞博館之後坐車去屯門食好西，見到稻香有一個鮑魚優惠俾佢吸引咗入去試一試，我哋一行三人坐喺靠窗邊位，坐低個侍應都sales我哋個味感鮮鮑魚，即管試一試，然後再嗌佢個人氣鮑魚汽鍋湯，再叫埋但個上湯滋味澳洲龍蝦配烏冬（一斤嘅龍蝦），再喵多個貴氣10吋花膠扒，首先講一講佢個鮑魚$ 38有四粒好友鮮味好友鮑魚味好鮮甜，再講一講佢個上湯龍蝦烏冬咁我個龍蝦都食得出係好新鮮同埋一斤嘅龍蝦都好大隻好足料配埋佢個上湯烏冬都好抵食呢個，仲有佢個鮑魚湯都好足料好好味，再講埋佢個10吋長花膠扒個花膠好林好好味，金山每位除翻開大概每人八$ 150左右有龍蝦食有花膠食都好抵

裝修後第一次嚟稻香飲茶，地方比以前細，要用手機落order. 對老人家有啲唔方便，我諗應該流失好多冇智能手機嘅客。平日11:00am 後全部點心20元，今日同屋企人飲茶，環境尚可但好嘈，傾計好似鬧交咁。食物質素一般，全場侍應只得三人，態度超差，十問九唔應。有個侍應sell 唔倒我幫襯佢買月餅卷便黑面！而家我欠咗你咩！稻香真係要檢討一下，做多啲員工培訓。今時今日咁嘅服務態度，就算啲嘢幾好食都係假！一句： 唔會再幫襯！

今日同朋友黎左飲茶，環境係吾錯既，但吾知點解特別嘈，係用電話點餐的，我都係鐘意傳統畫紙仔多啲，野食真係吾得，啲腸粉係凍既，牛肉球硬到不得了，仲要不停上錯菜，下次真係吾會再黎飲茶

疫情以嚟都好少出街食飯，今晚諗住去屯門 時代廣場稻香打下邊爐， 疫情前一向幫襯開晚市火鍋放題， 坐低之後咪多口問一位短髮侍應阿姐，而家仲有冇火鍋放題，其實有冇我哋都會照食，點知佢個樣好似食咗火藥咁開我哋拖，話「畀得呢張有價錢嘅紙你即係冇啦！ 」講嗰陣時隻眼仲要瞪住我哋好似食人咁， 嚇得我。 落完一次單漏咗兩碟嘢，揚極手都冇人睬我哋，完全當我哋透明。 等到花兒也謝了先搵到啲阿姐問，一係耍我哋， 一係問都未問完就走咗去。 之後嗰位火爆短髮阿姐成張火鍋紙差啲飛落我塊面度，講咗句「咁你哋點多次啦！」即係乜嘢態度？ 漏單係食客嘅錯？ 仲要發客人脾氣？ 逐碟計每碟50至120蚊嘅火鍋料簡直物非所值， 脆骨腩係普通鯇魚扮脆骨腩，啲肉又淋又散，廣島蠔有兩隻係臭嘅，真係唔使錢都唔會再嚟食！

早市禁左飛企埋一邊等但見到其他遲過我既人禁完飛就直接入左座螢光幕等候號碼係冇跳過 我134 個mon依然係130但眼見其他人隊左飛俾佢就入得我行去問 原來係唔需要等位點解你唔叫我入座呢 點解個mon仲顯示130呢而家轉晒qr code落單我明白時代唔同 大勢所趨但公公婆婆點算呢叫人加水又一個推一個又話賣緊野你嗌第二個咁請問你地係咪返緊工呢面對客人訴訟係咁架咩或者態度客氣d好冇我黎食野唔係黎受你地氣不知所謂永冇下次仲有台同台之間好逼

同行8大1小 星期日中午11:45去到等位 大概等20-30分鐘左右啦 都已經有位可以入 限聚令下分3張檯坐 不過檯同檯之間都係好近既 叫野食要scan QR code 用手機下單野食選擇都多既 ～ 正常茶樓有既野佢都有齊奶皇包唔係好大個 亦唔係流沙既 黎到時包面已經係爆皮 味道正常金錢肚好難咬.. 豆卜無味😂老人家或無乜牙力既朋友慎揀！蝦餃好食 皮唔厚燒賣好食～但一夾就會散開鳳爪正常 味道較外面既濃炸饅頭唔脆😂 個面仲係淋 但點煉奶食 咩都好食啦🤣 不過3個$28 就唔係好抵咸水角食落最有驚喜！外表黎到好白食落外皮都係唔夠香脆 但佢食落去裡面係好多餡最難食係叉燒腸粉 ！ 裡面叉燒有怪味 少少酸酸地皮又厚牛肉腸就正常