窩心糖水站 (泰之味) (已搬遷) 新店位置

今日和女朋友慶祝生日去上環staycation夜晚吃完晚飯後女朋友想吃糖水就到這裏買了兩個中式糖水外賣1. 蓮子百合紅豆沙紅豆沙味道正常， 甜度ok紅豆也是起沙的但是有一個很大的問題，就是非常稀過稀的紅豆沙有點像紅豆冰一樣令人大失所望2. 薑汁蕃薯湯圓糖水值得稱讚的是它的薑味濃沃裏面有很多番薯，味道也不錯但是只有兩粒湯圓，太少了兩個糖水的份量都偏少距離盒蓋還有一段距離因為外賣盒所以要加$4一共要$64， 性價比好低

話說係上環食完飯，想食糖水，openrice附近先得幾間，唔想又食滿記於是揀左呢間完全唔popular既。係熟食中心入面。經驗之談，呢啲地方好多時都係會俾到驚喜你。所以就黎一試。一入到去搵間舖，有個姐姐已經好醒咁問我地係米食糖水，唔通好多人都黎搵佢？坐低每人嗌左一碗。腐竹銀杏薏米雞蛋糖水，好味，可惜隻蛋熟得制。呢款中式糖水我真係好少見。椰汁芋頭西米露，芋頭煲到好淋，甜度適中，可以完全唔使咬直接飲落肚😂薑汁芝麻湯圓，即叫即整，熱辣辣，超多薑。

🟡隱藏係熟食市場既高質糖水🟡-上環市政大廈除左有非常出名既瑞記外，其實內裡都暗藏住唔少高質食店，呢間糖水店隱藏係泰國菜入面，但主打既都係港式糖水，如果經過附近不妨支持下。-Memu上其實糖水嘅選擇唔算太多，大約有10款左右，不過貴精不貴多嘛！司令試左兩款，一係椰汁芋頭西米露加湯圓($28+6)，芋頭煲到好棉融曬係椰汁入面，另外仲有一粒粒芋頭粒咬下，熱辣辣食係冇得輸！另外試埋腐竹銀杏薏米糖水加桃膠($26+6)，非常足料之餘，最喜歡嘅係佢將個腐竹煲到爛曬🤤，好正而且好抵食！

諗唔到係呢度食到咁正甜品，只係叫左1碗蕃薯糖水，1碗腐竹蛋糖水，已經食得出佢哋係有心整嘅。番薯糖水加湯圓薑味十足，飲完成個人當堂暖哂，甜味啱啱好，唔會太苦；平時食開個d 一係糖加水加少少薑，飲完個口仲酸酸地，但呢個蕃薯糖水係真心正！腐竹糖水勁多腐竹，好香又夠滑，甜味又係啱啱好！同場加映南瓜布甸，老闆話至少整4個鐘，平時要訂先會有，今晚好彩食到 本身以為食唔晒，點知佢一D都唔漏，2個人1人食左2⃣️件，返屋企再食埋

隱世糖水，唔試過真係唔知四圍都有既椰汁西米露可以整得咁好味你估唔到食泰菜既地方，糖水可以咁好食。糖水足料，絕對唔係椰汁加芋頭！四個人食飽哂飯都可以食十一碗糖水，強烈推薦食芋頭西米露。

今晚食過一碗又棉又香既芋頭西米露 ,好耐未食過咁好食㗎! 最珍貴嘅係食出店主用心細心嘅製造 , 食得出用咗相當嘅時間去淆製，有些芋頭完全溶化與糖水融合，亦有些一粒粒嘅芋頭肉，而西米亦都採用非一般細細粒嘅西米，令到口感增加，香濃得嚟又唔會太甜，店主仲要堅持糖水日日煮日日清，不留過夜，如果賣唔曬仲會送畀週邊嘅朋友唔會造成食物浪費。 多謝食店用心經營，用心製造。食到好嘅希望同大家分享， 我都係第一次寫食評， 希望可以支持一下用心嘅食肆。

食完泰國菜， 老闆娘介紹佢女兒開咗間糖水舖喺隔離， 於是乎就順理成章咁試下啦叫咗三個糖水分別係腐竹白果薏米雞蛋，番薯糖水同埋香芋西米露腐竹薏米白果雞蛋糖水係超水準之作， 真係有媽咪喺屋企煲嘅感覺， 白果全部去咗芯， 完全冇苦味， 腐竹同薏米煲開晒，奶白色底，而且係用冰糖煲並唔係用糖精，食完條脷唔會酸，超正！香芋西米露也是一流之作，芋頭同西米露一齊煲， 香芋嘅味道融入曬喺西米露之中，淺紫色很可愛， 入口香滑番薯糖水，薑味十足， 番薯清甜又煲得很淋，另加兩粒湯圓，皮薄餡靚，煙煙靭靭，很有咬口除咗喺媽咪屋企可以食到咁優質嘅糖水之外， 我估就只有呢一間可以畀到我家嘅感覺， 良心食店買少見少，窩心糖水站依然用心製作， 每日嘅糖水日日清，絕不留隔夜，我每星期總有一两日要食吓佢地嘅糖水，肥D都冇所謂啦