章記香港仔魚蛋王

营业中

休息中

呢間魚蛋店衛生一般,地下很滑,我行入去時差點仆:低,位同位之間又迫.仲有蚊.店員態度冷淡.不過呢間店第一個好處是便宜.25元已經有凍飲加麵一碗.凍檸茶:今次無叫少糖也偏淡,既不甜.茶味也欠決.幸好檸也足夠.至少有一點點的酸味.魚蛋米.湯如清水般淡口..幸好魚蛋不算難食.有魚味.相當滑身.不腥.只是有點偏鹹.價錢平..雖則差也可入口.不至於喊..但一定不回頭..

此鋪開佐幾年。。９唔９都有幫襯。。一大原因係。佢收工時間比較夜。。我收工仲可以。買回家。。首先。最特出既。係湯底好鬼咸。。以前食開魚蛋河。。好食唔聲。咬落口感唔霉。。好鮮味。。近排愛上牛雜。。食落無楂易咬開。。夠足料。加埋炸蒜蓉。。正。睇住佢逐蚊逐蚊加上去，，只要仲係比足料。。都會幫襯。。不過唔好咁咸會好Ｄ囉／

29-2-2012(Wed)得我同女同事MF o係公司,為o左表達我對佢幫過我o既謝意,所以請佢食晏,佢話去海景食,我話不如去香港仔魚蛋,好耐冇食魚蛋河喇.佢同意.由於時間早,我o地o黎到都未full,坐低後我叫個魚蛋河,重問有咩油菜?我o地揀芹菜.MF就要墨魚丸河.落完單我睇睇價錢,只係寫o左兩個,一個係$28.00,一個係$24.00.我再睇黐o係牆上o既餐牌,墨魚丸河係$24.00,我o既魚蛋河係$22.00,咁即係酥油菜只須$6.00,咁抵食?好快我o地o既o野都o黎齊,MF同我交換一粒魚蛋同墨魚丸,佢o個碗有四粒墨魚丸,我o個碗有三粒魚蛋,一件扭花魚片,兩件炸魚片,好開餐喇!我先食粒墨魚丸,有墨丸味喎,以往食都食唔到有味,口感都算爽.而我o既魚蛋呢?竟然過腍,扭花魚片同炸魚片就冇怫問題,河粉唔粗亦唔太滑,而湯底呢?冇晒以前細個o係大牌檔食o個種香味,o衣o家真係搵唔返.碟油菜灼得o岩o岩好,唔過腍,冇問題.價錢:我o地睇到對面客人叫o左o野後,後加一杯奶茶都只係$7.00,我o地諗叫o左一碗河粉後,油菜同飲品應該有特價.味道分係3.66分

叫咗個雙丸河加通菜，魚旦鮮美唔腥，牛丸實淨又有牛味，河粉係意想不到咁幼滑，又大碗，連碟通菜都好脆嫩，基本上所有食物都冇嘢投訴，奈何冷氣唔夠，越食越熱，d阿姐又頗為粗魯，要扣d分！

元旦日既午餐就去左呢間店食,平時超多人,但果日出奇地冇人,雖然係咁,係都係會覺得有d污糟,叫左個魚旦牛腩河,好快就上菜,d湯係完全冇味既,但d牛腩好腍,好有牛味,有咬口,唔錯,d魚旦可以,有魚味但唔夠彈牙,賣$24,可以接受.

一月上旬純粹因為門口放著大量魚角被吸引而來，雖然牆上手寫牌寫著一系列特色奇丸，但對新村街附近丸檔較來OEM式的貨式興趣麻麻，乾脆來碗魚蛋角拼牛丸伊。客人不多，但靚姐只顧打牙交，一心二用，結果自己的雙拼伊就少了牛丸，要後補，一貫街坊小店闊佬懶理的優質生活態度。伊麵煙韌久浸不腍，對於慢吃的客人來說，是恩物，而魚蛋角，似是自家製但味道卻是偏鹹，亦帶腥味，調味與材料本身都有問題，反而牛丸卻是彈牙又有肉味，不錯，這回真是妹仔大過主人婆，有驚喜。甩漏百出，凍OT變作鴛鴦，幾位靚姐覺得無問題，繼續打牙交，快要走入茶檔自己沖泡，是日運氣認真麻麻。

今天行沙田(女婆山)，早餐於香港仔魚蛋王，此店從06年開設至今,已有3年多了,今次是我第15次光顧此店，因這裡魚蛋粉好食又便宜，每逢我想食魚蛋粉時，多數來這裡。這裡吃早餐食四寶河比較抵食，早餐22元一碗四寶河連一杯飲品，平時正價一碗要29元，是不計飲品的。四寶河內，通常都超過4款魚丸類配菜。今天就有、魚蛋、魚片、扭花魚片、貢丸、墨魚丸、魚皮鮫、魚扎、共七種,很抵食。四寶河：魚蛋彈牙爽口有魚味，魚片與扭花魚片微爽口好食，貢丸、墨魚丸魚、皮鮫、魚扎，都合格，味道ok。豆槳：頗有豆味，甜度ok，好飲。

真係好唔掂，我尋日外賣碗淨魚旦，阿姐煮好一堆魚旦放落個碗，點知有粒跌左落地，佢將個碗的其中幾粒放落我的外賣碗，然後佢竟然再加埋跌左落地個粒比我，我咪鬧鬼佢，我睇住你都執比我，如果我睇唔到仲得掂，叫佢退錢比我囉。咁都有，睇唔到就話姐，離晒譜，叫佢自己食番。