竹料

营业中

休息中

前星期發現街市內有間小店，所賣的食物很有創意，所以就嚐一嚐！上次嚐過脆炸春卷芝士熱狗，味道實在太好了！今次再次嚐另一款招牌菜脆炸流心芝士火煺黑白三文治，果然同樣出色！火腿外層包著類似春卷皮，配上生菜及蕃茄，進食時還有拉絲既芝士，味道配搭得非常好，完全沒有油膩感覺，十分好味！今次再點我喜歡的脆炸春卷腸作小食，感到非常滿足！無論食物的味道、創意及品質，也值得一次再一次光顧，所以特意寫食評，給他一個讚！支持小店！支持有創意的年輕人！下次一定會再嚐其他的招牌菜！

聖誕節朋友叫到會，試完之後覺得好味，今次專程去試試堂食。小店喺竹園夜市入面food court。只有吧枱幾個位，相信都係主。要做街坊生意外賣。試咗春卷熱狗，小食拼盤。仲有一個係老闆介紹嘅麻辣手撕雞腸粉，唔係成日都有。熱狗用竹炭包，熱狗腸用春卷皮包住炸，食落多咗脆口嘅層次小食拼盤附上3種自家製沾醬，芥末，wasabi同芝麻。咬落脆口，唔油膩。單骨雞翼好香牛油蒜蓉味。手撕雞唔鞋少少辣，配熱嘅腸粉都幾得意。平時通常會凍食撈涼皮，熱食配腸粉呢個配搭幾新鮮。老闆都幾友善，雖然佢喺廚房，都伸個頭出黎傾計，問下對食物有咩意見。可見佢十分重視客人意見同佢嘅食物質素。值得一讚！

據聞呢間舖最特別係三文治同熱狗，仲要開到凌晨一點，啱晒係附近夜歸夜收ge人。今次去到，我竟然首先比佢份招牌可樂瑞士汁手撕雞撈腸粉吸引左，即刻點左一份。份量都幾大，雞都算滑，略嫌冇咩可樂味，個汁未到好特別。

只可以講呢個係非一般三文治！ 配料十分有驚喜， 亦都好大件。建議2個人點一份做下午茶就岩岩好。 有芝士既都係必食推介！ 芝士一啲丰都唔慳，滿瀉出黎。加熱咗有啲流心感覺。 推介比鐘意食三文治既朋友！

星期日晚冇煮飯，去竹園夜市打算買晚餐，經過見到呢間竹料新開張，走去睇吓有咩食，見到有好多款特色嘢食，特別是脆炸春卷芝士熱狗，條香膠有春卷皮包住炸到脆一脆，醬汁同配菜味道夾得唔錯，食落唔太油膩；經典雞塊比麥記更好食，醬汁亦有多款選擇，老闆好好人俾我揀多一兩個醬汁返屋企試吓；我哋仲叫咗撈麵配手撕雞醬汁好野味，加底份量2個人食就剛剛好，配料可以揀可樂雞翼或者沙爹牛肉；總結這晚餐覺得物超所值，正餐如果唔想食飯可以試吓呢間，叫兩三樣小食都足夠你飽了。

夜麻麻九點幾肚餓，同朋友去左竹園夜市掃街一入去就見到小食店竹料～開到凌晨一點，以睇波有宵夜食嚕！門口好多figure睇黎店主同我一樣都係動漫迷必食推介！蒜香牛油單骨雞翼香脆惹味，單骨啱哂我呢啲懶人沙嗲牛肉撈麵，沙嗲濃香，撈麵軟硬剛好（好怕太淋既撈麵）招牌熱狗(原味/竹炭)，中間條炸皮春捲腸，令成個熱狗口感平衡左，有驚喜～好好食自家辣油出色，炸燒賣唔會太硬竹料特色雞絲腸粉，腸粉夠滑，日式芝麻雞絲正正正最尾食個甜薯條當甜品～好少小食店有甜薯條，甜度適中，唔洗點醬都夠味總括，CP值高成枱小食好滿足！一定會再黎食～

年輕人創意十足的煮法傳統熱狗🌭️三文治🥪腸粉食得多這個煮法好創新👍我試了幾次這間小店的招牌特色係三文治同熱狗都可以揀竹炭麵包，本身囡囡見到黑色嘅食物都會抗拒唔敢試😀竹炭食落口有種特色嘅香味比起普通麵包更加軟熟，質感好棒👍👍仲有脆炸流心芝士火腿黑白三文治🥪春捲皮入面包住三種芝士同火腿一齊炸到金黃色，加上爽脆生菜同鮮嫩多汁蕃茄🥪再加上鬆軟嘅黑白雙色方包包住🥪加上秘製醬汁，切開咗仲有拉絲芝士打卡影相首選👍👍真的值得一試🌭️🥪

星期日經過竹園夜市想買個下午茶☕️見到招牌”全港首創”脆炸芝士春卷熱狗🌭️幾特別，就試吓啦熱狗揀咗蜜糖芥辣同埋Wasabi蛋黃醬，熱狗腸用春卷皮包住，幾得意特色芝士三文治個秘制醬汁幾有驚喜，單骨雞翼有八款味道可以揀，蒜蓉牛油味可樂瑞士汁麻辣燒賣就比較普通。整體而言食物價錢合理，款色多元化，值得一試