竹源越南餐廳 (已結業)

睇見各大食家的食評, 便心旭旭去試一試,可惜失望而回。吃了雞絲撈檬, 茄汁牛肉飯, 再加碟油菜, 味道尚可, 但只屬茶餐廳的水準。扣除不友善的態度和殘舊的裝修, 評分不高…價錢就當然是街坊茶餐廳價。我始終都是喜歡太古城內的東峴多很多。

以前公司在鍘魚涌附近，難得有間越南餐廳，所以間中會幫襯。每次也很多人，定要等位，地方是窄了點，但勝在他們的越南菜很好味，值得一等。

上星期四，慶祝朋友生日，三個人叫了幾碟:1. 雞絲檬，幾好。2. 咖喱牛腩配蒜蓉法國麵包，好多牛腩，咖喱好香，麵包好有蒜蓉味。3. 蒸春卷粉皮，熱辣辣，粉皮很滑，配酸甜醋，好正。想食鴨仔蛋，但無貨。

去了很多次, 當中的咖喱也是一樣頗好味的食物, 只是食了會感到有點口乾(相對其它很多餐廳, 也不算太嚴重...)!雞翼、蝦餅也很好味~~上wed 試左羊腩煲, 麻麻地, 因為有「蘇」味&骨太多, 很少肉, 唔抵食~糖水選擇少, 但味道不錯~有幾朋友也說在那見過小強, so不願再去, 但我從未見過...

爺爺經過說要吃，就進去了~店內設有卡位及餐桌，位置頗擠迫，尤其當全店坐滿時！order了：1) 咖喱牛筋腩煲配蒜蓉法包--- 味道是非常不錯，牛筋牛腩軟硬適中，咖喱辣度亦OK，煲內還有薯仔、洋蔥等配料。2) 火箭蝦(8隻) --- 是小炸蝦卷，有千島醬作dipping!!3) 鴛鴦飯--- 別誤會是廣東菜那種，而是越式的鴛鴦：雞翼& 香茅豬扒飯，有豉油汁！整體味道十分OK~~，且服務亦不差，雖店員十分少(只有3人)，但亦沒有被冷落的感覺~~看見店內客人與店員有說有笑，大底也是街坊鄰里，且全店滿坐，看來此店也甚受歡迎！

食日都會黎食lunch.....最愛茄汁牛肉湯金邊粉.....D茄汁超好味...$25一碗飽到tea time 時都未落格....仲有法式牛油雞翼...(好唔明點解係法式??)...都係超級好味....$28有4件....大大件....D牛油勁香....又熱又脆.....不過好熱氣....lunch hour 成日都好多人等位....侍應姐姐們又寸...一D service 都冇....呢樣最乞我憎....鬼叫佢D 野好味咩....結果我咪又死死地氣咁去食!!!!

先來一個火箭蝦, 一客8件, $32 其實係炸蝦, 但表面長條形的炸粉可點沙律醬或醋汁, 味道不錯, 雖然係炸的, 但不膩之後一個生菜包香茅豬肉檬$38 大大碟豬肉檬, 食完了檬粉還剩下半碟豬肉, 味道亦不錯越式蝦醬炒通菜$32 蝦醬味濃, 但略鹹咖喱牛腩煲$60, 呢個煲並非一煲仔飯的煲, 頗大, 送法包咖喱味道不錯, 很香, 夠熱, 牛腩夠棯, 水準之作! 法式牛油雞翼(8件) $50 全部選用雞下脾及全翼, 大大件味道ok, 不足之處係用油炸, 這似乎係食肆的公式始終煎會花時間, 但相信用煎的方法味道可以更好越式炒金邊粉$40 味道不錯, 可惜用左蟹柳做材料, 不倫不類5個人埋單$260, 免加一飽飽之餘, 還要把3 件牛油雞翼, 半碟金邊粉, 一碗牛腩打包

炸春卷, 香芧牛肉河粉, 香芧豬肉飯, 扎肉撈檬o個卷香脆, 料夠惹味, 最好食係佢o牛肉粉個湯好飲, 粉o既質感幼滑, 兩者好配合o個飯硬o左o的, 油油o地, 一般o撈檬係唔熱o既, 一碗乾淨淨冇湯, 要加魚露先好食, 仲令o的粉爽口好多o其實, o的魚露真係居功不少o

雖然地點不在當旺處, 亦只不過是一間普通的越南餐廳, 但係以出品來說, 我覺得在水準之上。本人對佢地既出品有信心, 如果大家想試,我會介紹大家食, 越南生牛肉河, 牛肉湯甜美; 越南春卷, 是用正中越南米紙做, 很香口, 如果食時記得問侍應取香葉, 夾在生菜和春卷一起吃, 正!咖哩雞亦是不錯選擇, 雖然?地用雞翼, 但係咖哩汁很濃, 記得配蒜溶包, 味道和配飯吃不同的呵。牛油雞翼雖不上特別, 但勝在大碟, 你亦可以要求侍應為你切開, 可免卻用手撕開的煩惱。其實食品選擇不多, 但多是越南食品, 份量夠, 價錢亦合理,唯一不足是洗手間有點怪怪, 因要入女洗手間必先經男洗手間門口, 男洗手間內除左馬桶有格開外, 尿兜是開放式, 女士入洗手間時, 切記不要亂望。還有入洗手間途中因地面有油污, 很滑, 請特別小心。

看了專訪去一試. 此餐廳前身是金華餐廳, 專做西餐. 所謂惹味牛油雞翼不知惹味在何處. 只不過kfc 的辣炸雞,算來價錢不貴, 但也不算便宜. 另外金邊炒河不是河粉而是米粉, 40 大元雖然一大碟, 但料少得可憐,總括來講,不算貴, 但也不見得便宜,不怪專訪因實在沒什麼可寫.(地方寸窄,只適宜一人一碟飯)