27
4
0
| 餐厅: | 竹面譜 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港铁黄大仙站 D1 出口, 步行约9分钟
继续阅读
电话号码
93180640
营业时间
今日营业
10:00 - 23:00
星期一至日
10:00 - 23:00
以上资料只供参考，请与餐厅确认详情
-
网上订座即将推出
竹麵館今日森仔收工好累😔所以就係屋企附近搵左間麵館醫下肚後，就盡快上床瞓覺。竟然搵到一間隱世麵店:竹麵館😎佢位於新蒲崗一位橫街內，所以唔係街坊真係未必知😝餐廳🍴環境如一般茶餐廳或麵館🍴一樣行懷舊親民路線。連價錢都係親民價🤩🤩森仔當日叫左鮑汁冬菇花膠撈粗套餐加多個柱候牛筋😆🥇鮑汁冬菇花膠撈河套餐$56呢個餐真係世一👍🏻👍🏻佢個鮑汁冬菇花膠撈河，分開兩份上枱，仲要大大份！先講鮑汁冬菇花膠，真係炆到好稔身，滿滿的骨膠原😝鮑汁味濃烈，配上花膠和冬茹，個醬汁撈飯超正🤩而重點嘅花膠亦唔會細細件或者溶左，有口感！另外，個撈河份量仲好似多過湯河🤣老細仲好細心問，駛唔駛比埋蠔油撈！套餐仲包埋腐乳通菜🤓惹味腐乳配上通菜，無得頂！🥈柱候牛筋$75整碟份量幾多重點係個牛筋炆得夠稔身，又夠入味！絕對值得再叫！最後，都一定要提佢個自家製飲品：銀菊薏米😍清涼解渴，仲有下火清熱氣之用😝啱晒森仔用黎降火❤️整體來講，竹麵館真係有驚喜，抵食之選！
继续阅读
其實無耐前至介紹過呢間餐廳 嘅太子分店，早幾日我哋又去咗佢嘅新蒲崗分店🤭 因為佢啲嘢又真係又平又好食😌花膠二人套餐 $118鮑汁冬菇花膠可以揀配飯/粉麵，我哋就揀咗配幼麵，鮑汁味道濃郁，花膠夠多又夠膠，冬菇又炆到好入味，成個餸送飯一流🤪咖喱牛腩飯佢個咖喱汁又係世一，係細細個食茶餐廳嘅咖喱汁味，又係咖喱汁撈飯嘅時候，唔會好辣，但超級惹味，牛腩都炆到好腍，又係一個撈飯良品🤣脆炸香茅雞翼 拼墨魚餅其實墨魚餅都幾出色，但係個雞翼實在係大癲‼️生炸雞翼個外層係爆炸咁酥脆，咬落去肉汁爆曬出嚟，啖啖肉，香茅味夠哂出，應該係暫時食過最好食嘅香茅雞翼😍腐乳通菜通菜好新鮮，口感爽脆，腐乳係細個食嗰種味道🥹跟餐仲有兩杯飲品，冷熱同價😙脆炸鮮奶卷 $34呢個真係每次嚟食嘅必點！上次喺太子店食完之後已經返唔到轉頭，佢個外皮一樣酥鬆脆，而且鮮奶都係擠滿係入面，奶香奶香❤️ 又唔甜嗰吓癲🤪呢間小店嘅出品係有屬於佢自己嘅味道，要留得住客人一定要有嘅原素，佢就好成功咁留住咗我哋，去太子同新蒲崗一定會記起佢😚 你哋快啲去試吓🤪
继续阅读
以現時的物價指數，外出用餐平均都需要 $50 以上，位於新蒲崗的小店「竹面譜」定價親民，不到 $30 價錢便可享用一碗粉麵，碟頭飯也毋須 $40，家住附近的我今天帶同爸爸前來到訪-🔹新鮮黑柏葉 $58佐以生菜黑柏葉口感爽脆，配上薑蔥及蘸上辣椒豉油添滋味-🔹薑蔥豬雜 $63佐以生菜選用新鮮豬雜，上檯時聞到豬雜的鮮香；豬肚、豬心、豬粉腸及豬膶處理得宜，沒有豬腥及異味，灼的時間恰到好處令豬雜保持口感，配搭辣椒豉油令鮮味再提升-🔹柱候牛筋拼牛腩 $83牛腩厚切大件，肉質緊實細緻，充滿肉香；牛筋煮得軟滑呈啫喱狀，柱候香味濃郁，味道調和不過鹹-🔹鳳城水餃 $29水餃飽滿大隻，皮薄餡鮮，蝦肉爽彈，配搭爽脆木耳、新鮮豬肉及大地魚粉，口感味道皆出色-🔹郊外油菜 $14 (粉麵飯套餐 +$10)份量充足，通菜鮮嫩翠綠，腐乳味濃醇厚不死鹹-🔹銀菊薏米 $16 (粉麵飯套餐 +$10)小店自家製有清熱、潤肺、去水腫及助排毒之效，可選少甜或無糖-🔹清心火 $16 (粉麵飯套餐 +$10)小店自家製能清熱毒、除口氣、平肝火、解熱氣、去肺燥咳、消飛滋、去暗瘡及安眠之效，可選少甜或無糖
继续阅读
【黃大仙區】【竹面譜】同凌霄哥去咗睇展覽，睇完就去咗新蒲崗食嘢。我係特登帶佢去嘅，因為之前食過佢哋太子分店，覺得好正，想試埋佢哋新蒲崗分店。入到去都係傳統港式粉麵店格局，但係有皮櫈坐，過癮。我去到就試碗 $51 嘅「南乳豬手薑蔥豬雜麵」，好食又足料，掂。而佢就試 $51 嘅「鮮鵝腸黑柏葉河粉」，我有食啲料，覺得都好好食。甚至唔夠喉到要叫多碟 $45 嘅「白灼鵝腸」，肥而不膩，都係秒清。另外我哋仲叫咗碟 $38 嘅「薑蔥鯇魚皮」嚟試，我覺得係全日最好食嘅一碟，魚味夠，味香而爽口，我個人好推薦。喺太子嗰間佢哋啲炸嘢幾好，所以我哋試埋 $34 嘅「脆炸鮮蝦雲吞」拼「脆炸鮮奶卷」，果然有質素保證，好食。嘢飲方面都係飲佢哋嘅自家製涼茶，跟餐 $10 枝嘅「銀菊薏米」同「清心火」都保持水準，無糖嘅一樣正。果然都係性價比高嘅親民港式粉麵飯店。。。（地址：新蒲崗仁愛街40號地下）@cheukminpo呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店：1am1436#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #鑽石山 #啟德 #新蒲崗 #新蒲崗美食 #香港美食 #香港必吃 #香港好去處 #香港旅游攻略 #食在香港 #香港探店 #香港打卡 #香港生活 #竹面譜 #竹麵譜 #南乳豬手薑蔥豬雜麵 #鮮鵝腸黑柏葉河粉 #薑蔥鯇魚皮 #白灼鵝腸 #脆炸鮮蝦雲吞 #脆炸鮮奶卷 #銀菊薏米 #清心火 #鮮炸鯪魚球 #1am1443 #1ambackup
继续阅读
喺新蒲崗Mikiki隔離，一間裝修傳統嘅潮州食店，除咗有好食嘅粉麵、小菜，仲有吸引街坊熟客嘅人情味🥰。舖頭嘅年輕店員熱情親切，而且處理唔同菜式嘅手藝都好好🧑🏻🍳！.🍜油渣麵($29)配埋上海麵最夾！豬油渣脆卜卜，係湯裏面都仍然保持脆口🫦，配埋上海麵粗身有咬口嘅質地，仲有冬菇等配料，食落口感好好又夠香口😋。.🐷薑蔥豬雜河($36)味道好潮式！豬雜每一片夠厚切，食落滿足😆。本身嘅香味，配埋辣椒豉油吊味，真係好正🤤。.🪿淨白灼鵝腸($45)嚟呢度必試！淨鵝腸份量好多，share食都好滿足💕。而且處理得好好，鵝腸超級爽脆，口感爽口又唔會粉👍🏻。而且同辣椒豉油超級夾，配埋一齊超惹味。.🎏脆炸鮮鯪魚球($34)大大粒夠香口！份量真心夠厚，食落好感受到鯪魚滑嘅彈牙🌟。而且裏面嘅魚香味，配埋濃濃嘅蜆蚧醃製、酒香味😝，味道夠晒鹹香。.🐟鮑汁冬菇花膠呢度嘅長期受歡迎菜！好多街坊過嚟就係為咗食呢度嘅大大份、平價花膠😍。花膠同冬菇都大大嚿，鮑汁炆得超級入味，口感彈牙多汁💦。.🍵清心火涼茶舖頭自家熬製嘅清熱涼茶，飲落清甜👅，涼茶味唔會太澀。.🌼銀菊薏米涼茶菊花味好出，甜香嘅味道好易入口💐。好夾呢一餐嘅嘢食！
继续阅读